Luk 11
11
Jesu ɓla gɨ ər bi tɨ wa̰y edɨ Ndɨla soon
Mat 6.9-13, 7.7-11
1Ɗa̰y paa Jesu wo Ndɨla soon tɨ un paa, Gorne ər tong gɨna, ər wo tɨ tomni paa ɓiri ər jaa: «Baali, ɓla gɨ i Ndɨla soon kuna Ja̰ Batis ɓla gɨ ər bi tɨ wa̰y edɨ la.» 2Jesu duga gɨ a: «Gorne yḭ wo Ndɨla soon a, yḭ ja ɓə:
“Ī Ba,
ka bi kay əm ndil jak.
Hina əm li waan tɨ bi tɨ nəgri sul.
3Naa gɨ i tudi ne ka
lɛm i mu na ɗa̰y sul.
4Ka əm hul ɗina əm tɨ i ɓijim sul,
ɓə yini kaw i hul ɗina i tɨ bi gun ne ka gɨ i ɓijim sul la.
la ka i nɨm tɨ mum tɨ sangni hul lo lɛ əm jul i tɨ ɓijim daa.”»
5Jesu ja gɨ a cam: «Jo kuna wo paa tɨ i daan le na pakɔr paa, ər si tɨ ər maan na siyɛl daan ɗəng tɨ gɨ ər ja ɓə: “Ən pakɔr, naa gɨ ən mapa tɨ tedi, 6Kəysul ən pakɔr paa ne si tɨ ɓoy hina tɨ ən maan la yin na wa̰y tɨ gɨ ər naa lo.” 7Lɛ jo kuna ər pakɔr ne ti tɨ li hul la ja gɨ ər: “Ka ən ji ɓɔr lo. Ən hul limu na kuga teni, yini na ən ɓimi i ley na i taal teni. Ən lɛm o̰ tɨ gɨ əm mapa naa lo teni.” 8Yin, ən ja gɨ i tɨ bayri, jo ər pakɔr o̰ tɨ ndal tɨ gɨ ər mapa naa, pakɔr jaa lo kaw, ər ɓə o̰ tɨ gɨ ər mum gun ne ər taam naa, kəysul ər pakɔr lor ɓiri ər bla kaar. 9La yin, ən ja gɨ i: “I ɓiri wa̰y gɨna, a ɓə gɨ i naa, i jab gɨna, i ɓə tina la, i ɗɨb limu gɨna, a ɓə gɨ i təng la.” 10Kəysul wo ne ɓiri wa̰y gɨna a naa gɨ ər la, wo ne jab kaw ten la, a təng limu gɨ wo ne ɗɨb limu la. 11Ɓee ɓa̰ ba tɨ lay tɨ i daan gorne ər ɓa̰ ɓiri ər kaa gɨna ɓə gɨ ər kɔ na a? 12Ɓee ər ɓə gɨ ər surga naa gorne ər ɓiri ər twar ho̰ni a? 13Jo yḭ bi tɨ hul ɗoyri kaw i una wa̰y ndinimani naa gɨ i ɓimi gɨna, ka waa barita i Ba tɨ Ndɨla ne wo tɨ ndɨlasul pi ɓə ər Lal ɓari naa gɨ bi ne ɓiri ər lo a!»
Jesu kun jinsə tɨ ɓər paa sul
Mat 12.22-45; Mrk 3.22-30
14Ɗa̰y paa Jesu kun jinsə ne ka ɓər paa ne lɛm jaa ja lo. Gorne jinsə wag gɨna, wo ɗugri ɗolɔ tɨ ja jaa la ɓɔr bi dɨbla ji nari la. 15Lɛ bi tapeer ja ɓə: «Tɨ Beljebul, jinsə na wa̰ay jo naa gɨ ər dwari tɨ jinsə-a kun!» 16Tapeer taam ər sangni. A ɓiri ər ka ər ka wa̰y paa tɨ gɨ a ɓla ɓə ər o̰ tɨ Ndɨla ndɔ kuri.
17Lɛ Jesu una a ilgɨ, la ər ja gɨ a: «Jo bi tɨ waan ɓudu moon peer gɨna, a waan ɓə tɨm lo, la jo bi tɨ jaal ɓudu moon peer gɨna, a lɔr ɓə tɨm lo. 18Jo Sidan may moon ər ndula ya̰m gɨna, ər waan ɓə lɛm tɨm waa a? Ən ja gɨ i in kəysul yḭ ja ɓə ən kun jinsə na Sidan na wa̰ay tɨ Beljebul na dwari. 19Jo ən kun jinsə na Beljebul na dwari gɨna, i bi kun a na kəy dwari a? Tɨ ya̰ jo a ɓə tɨm bi tɨ jaa tṵgni tɨ i sul. 20Kuri, jo ən kun jinsə-a na Ndɨla na dwari gɨna, i una ɓə Ndɨla na waan hina marway tɨ i ndɔ teni.
21«Jo wo tɨ dwari ti na ər mum tɨ sal muna la ər ɓaw ər li ɓari gɨna, ər mum tɨ tina kaw ti na ɓari la. 22Lɛ jo wo tɨ dwari paa hina bunga gɨna, ər ɓə ər mum tɨ sal muna ne ər kay ər ho̰ni tɨ sul kula tɨ ər daa la, ər ɓə ər mum to gun gɨ bi ɓaan.
23«Wo ne ti na ən lo, tɨ ən paa tɨ peni, la wo ne yar ən na bi sul dula tɨ paa lo, ər tɨ wo tɨ bi bra.»
Jinsə na duga hina
Mat 12.43
24«Gorne jinsə wag tɨ wo ndɔ gɨna, ər yang tɨ tap hul, ər taam un tɨ saaw bɛ lɛ ər ten lo. Ər ja tɨ ər hul ɓə “golgo ne ən ɓə duga tɨ ən gor tɨ toni.” 25Gorne ər an tɨ un ne gɨna, ər ten un ne ti tɨ kerɨm ndinimani la a kaaw mum na ɗa̰ygor la. 26La ər duga ər si ər taam ər peer jinsə-a lwɔngɔ ne ɓijim ura ər. A duga a hina tɨ li hul, a ti tɨ nin. Duga ɓər ne na jindemni ura ne tɨ toni mani.» 27Gorne Jesu wo ja jaa kuna ne gɨna, ii paa o̰ tɨ bi daan ja gɨ ər: «Ndula laar gɨ ii ne toy əm la, naa gɨ əm huma la!» 28Lɛ Jesu duga gɨ ər: «Ndula laar gɨ bi ne laa Ndɨla jaa la ka na cida la!»
Bi ɓiri wa̰y ne ɓɔrji
Mat 12.38
29Gorne bi taygɨ dɨbla gɨna, Jesu ɗolɔ tɨ gɨ a ja jaa: «Bi kalɔ ne ndogle tɨ bi ɓijim, a ɓiri ən ka ən ka gɨ a wa̰y ne ɓɔrji lɛ, ən ɓə gɨ a wa̰y ne ɓɔrji ɓudu in kar lo, lɛ wa̰y ne wag tɨ Jonas sul ngoy lɛm. 30Kəysul wa̰y ne wag tɨ Jonas sul tɨ wa̰y tɨ ji ɓɔr gɨ bi tɨ lɔr ɗəng tɨ Ninibe, kuna paa ne yin Wo Ɓa̰ kaw ən ɓə tɨm wa̰y ji ɓɔr gɨ bi tɨ ndogle la. 31Na ɗa̰y tɨ sarya kar, Wa̰ay ne ii ɓə o̰ tɨ kɔ na bi kalɔ tɨ ndogle ər ɓə jaa kay tɨ a sul. Kəysul ər o̰ tɨ nəgri mu tɨ tong ər hina wa̰ay Salomo̰ na jicina ləg. Lɛ kakamle gɨna, wo ɗəng ne ura wa̰ay Salomo̰ wo le. 32Na ɗa̰y tɨ sarya kar, bi tɨ lɔr ɗəng tɨ Ninibe ne tɨ bi tɨ ɓijim kar dɨbla ɓə o̰ la a ɓə jaa kay tɨ bi tɨ ndogle sul, kəysul ya̰ a nɨm a ɓijim tɨ kar gorne Jonas ɗo gɨ a beel. Lɛ kakamle, Wo ɗəng ne ura Jonas wo le.»
Jaa lar tuna lampa sul
Mat 5.15, 6.22
33«Jo wo kay lampa laa gɨna, ər ɓə wal lo la, ər ɓə wa̰y hul tɨ sul lo la, lɛ a kay ər tɨ swagɨ sul ka bi ne wur tɨ li hul ləg na un. 34Ji tɨ lampa tɨ ndula ya̰m. Jo gorne əm ji tɨ nga̰ gɨna, əm ndula ya̰m gun ndeeri. Lɛ jo gorne əm ji tɨ nga̰ lo gɨna, əm ndula ya̰m gun ɓə tɨm tɨ un ɗoyri la. 35Gɨna i kay jicina tɨ əm ndɔ sul, un ndeeri ne wo tɨ əm ndɔ ka duga tɨm un ɗoyri lo. 36Jo gorne əm ndula ya̰m gun ti tɨ un ndeeri la əm taal ɓudu gə̰y tɨ un ɗoyri lo gɨna, ər ɓə ndeeri gun kuna lampa ne ndeeri gɨ əm un la.»
Jesu ɗo jaa tɨ Parisyḛ-a na bi tɨ gṵ hul ɓla sul
Mat 23.1; Mrk 12.38
37Gorne Jesu ja jaa tong gɨna, Parisyḛ paa hom ər tɨ ər gə̰y tɨ wa̰y tudi. Jesu wur tɨ li hul la ər ti tɨ tudi mu la. 38Ɓɔr Parisyḛ ne ji, gorne ər ləg Jesu na wa̰y tudi bla daa ugu kuna a kaa hu gṵ no̰ gɨna, 39Baali ja gɨ ər: «Yḭ Parisyḛ-a yḭ ugu lway la supra bəgri pat-pat, lɛ i nirimu sir na ɓijim la hulɗori la. 40Yḭ tɨ ɓəji! Pay wo ne ka wa̰y bəgri, tɨ yḭr jo ər ka wa̰y hul la lo a? 41Ndini ne hiina, yḭ ɓə gɨ bi jindemni wa̰y ne wo tɨ i kob hul la, tɨ i mum tɨ wa̰y tudi hul la, naa. Jo i ka in gɨna, mum gun ɓə gɨ i ndeeri#11.41 Mum gun ne ɓə gɨ ndeeri tɨ mu tɨ ndula ugu toni barita a soon Ndɨla ɓə a twi wa̰y..
42«Ndemni gɨ i Parisyḛ-a, kəysul yḭ naa gɨ Ndɨla jaka tuna goyn la ɗɛr la, lɛ yḭ ɓini wa̰y tugla la, Ndɨla kumkar la! Nejo tɨ wa̰y ne yḭ ɓə kar, yḭ ɓə ne gə̰y nɨm lo. 43Ndemni gɨ yḭ Parisyḛ-a, kəysul yḭ kakum tɨ tɨm tɨ goblə ndinimani sul tɨ bi kwi tɨ i li tɨ paa tina hul. La a taam ɓə ka bi ka gɨ a lapya tɨ un tɨ paa tina na hormo̰. 44Ndemni gɨ yḭ, kəysul yḭ ti kuna ngəlɨm ne wo ləg lo le ər si tɨ sul bla una.»
45Wo tɨ gṵ hul ɓla paa o̰ ja gɨ ər: «Wo tɨ wa̰y ɓla, gorne əm ja in a əm ɓurum i lo a!» 46La Jesu duga gɨ ər: «Jindemni gɨ yḭ bi tɨ gṵ hul ɓla la, kəysul yḭ kay mum ne lur tɨ bi sul, lɛ yḭ wur i daakangɨ ɓudu in tɨ a yaar tɨ yəg lo! 47Ndemni gɨ yḭ la kəysul yḭ kaaw gɨ nebi-a ngalɨm lɛ tɨ i ɓəgɨ jo tɨ bi tɨ a huna. 48Kuna ne, yḭ ko i mu tɨ i ɓəgɨ mum ne a ka sul. kəysul ya̰, hun nebi-a le, yḭ tɨ bi tɨ ngalɨm kaaw! 49Tɨ ne jajo, tɨ Ndɨla na jicina hul ər ja toni ɓə: “Ən ɓə gɨ a ən nebi-a tomni la, ən ɓə ən bi tɨ wa̰y edɨ tomni la, a ɓə tapeer humna la, a ɓə tapeer jindemni wur la.” 50Kuna ne, bi tɨ ndogle, jaa ɓə a sul par tuna Ndɨla na nebi-a gun ne a hun ɓagcagri tɨ dunya̰ na lɔ ɗula. 51Ɗolɔ tɨ Abel na humna marway tɨ Jakarya ne a hun, tɨ un tɨ hima ɓina a na Ndɨla na li daan. M, ən ja gɨ i tɨ bayri, a ɓə jaa kay tɨ bi tɨ ndogle sul tuna bi ne a hun a jaa!
52«Ndemni gɨ yḭ bi tɨ gṵ hul ɓla, kəysul yḭ jul lakelele tɨ wa̰y una na limu yḭ si na. Yḭ may wur hul lo la, i kway gɨ bi ton taam wur ul mu la.» 53Gorne Jesu wag tɨ li hul gɨna, bi tɨ gṵ hul ɓla la Parisyḛ-a la a hargɨ tɨ ər sul. A ɓiri ər jaa dɨbla tuna mum dɨbla sul. 54A sang ər tɨ ər par na jaa ɓijim ne ɓə wag tɨ ər mu.
Цяпер абрана:
Luk 11: nie
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB
Luk 11
11
Jesu ɓla gɨ ər bi tɨ wa̰y edɨ Ndɨla soon
Mat 6.9-13, 7.7-11
1Ɗa̰y paa Jesu wo Ndɨla soon tɨ un paa, Gorne ər tong gɨna, ər wo tɨ tomni paa ɓiri ər jaa: «Baali, ɓla gɨ i Ndɨla soon kuna Ja̰ Batis ɓla gɨ ər bi tɨ wa̰y edɨ la.» 2Jesu duga gɨ a: «Gorne yḭ wo Ndɨla soon a, yḭ ja ɓə:
“Ī Ba,
ka bi kay əm ndil jak.
Hina əm li waan tɨ bi tɨ nəgri sul.
3Naa gɨ i tudi ne ka
lɛm i mu na ɗa̰y sul.
4Ka əm hul ɗina əm tɨ i ɓijim sul,
ɓə yini kaw i hul ɗina i tɨ bi gun ne ka gɨ i ɓijim sul la.
la ka i nɨm tɨ mum tɨ sangni hul lo lɛ əm jul i tɨ ɓijim daa.”»
5Jesu ja gɨ a cam: «Jo kuna wo paa tɨ i daan le na pakɔr paa, ər si tɨ ər maan na siyɛl daan ɗəng tɨ gɨ ər ja ɓə: “Ən pakɔr, naa gɨ ən mapa tɨ tedi, 6Kəysul ən pakɔr paa ne si tɨ ɓoy hina tɨ ən maan la yin na wa̰y tɨ gɨ ər naa lo.” 7Lɛ jo kuna ər pakɔr ne ti tɨ li hul la ja gɨ ər: “Ka ən ji ɓɔr lo. Ən hul limu na kuga teni, yini na ən ɓimi i ley na i taal teni. Ən lɛm o̰ tɨ gɨ əm mapa naa lo teni.” 8Yin, ən ja gɨ i tɨ bayri, jo ər pakɔr o̰ tɨ ndal tɨ gɨ ər mapa naa, pakɔr jaa lo kaw, ər ɓə o̰ tɨ gɨ ər mum gun ne ər taam naa, kəysul ər pakɔr lor ɓiri ər bla kaar. 9La yin, ən ja gɨ i: “I ɓiri wa̰y gɨna, a ɓə gɨ i naa, i jab gɨna, i ɓə tina la, i ɗɨb limu gɨna, a ɓə gɨ i təng la.” 10Kəysul wo ne ɓiri wa̰y gɨna a naa gɨ ər la, wo ne jab kaw ten la, a təng limu gɨ wo ne ɗɨb limu la. 11Ɓee ɓa̰ ba tɨ lay tɨ i daan gorne ər ɓa̰ ɓiri ər kaa gɨna ɓə gɨ ər kɔ na a? 12Ɓee ər ɓə gɨ ər surga naa gorne ər ɓiri ər twar ho̰ni a? 13Jo yḭ bi tɨ hul ɗoyri kaw i una wa̰y ndinimani naa gɨ i ɓimi gɨna, ka waa barita i Ba tɨ Ndɨla ne wo tɨ ndɨlasul pi ɓə ər Lal ɓari naa gɨ bi ne ɓiri ər lo a!»
Jesu kun jinsə tɨ ɓər paa sul
Mat 12.22-45; Mrk 3.22-30
14Ɗa̰y paa Jesu kun jinsə ne ka ɓər paa ne lɛm jaa ja lo. Gorne jinsə wag gɨna, wo ɗugri ɗolɔ tɨ ja jaa la ɓɔr bi dɨbla ji nari la. 15Lɛ bi tapeer ja ɓə: «Tɨ Beljebul, jinsə na wa̰ay jo naa gɨ ər dwari tɨ jinsə-a kun!» 16Tapeer taam ər sangni. A ɓiri ər ka ər ka wa̰y paa tɨ gɨ a ɓla ɓə ər o̰ tɨ Ndɨla ndɔ kuri.
17Lɛ Jesu una a ilgɨ, la ər ja gɨ a: «Jo bi tɨ waan ɓudu moon peer gɨna, a waan ɓə tɨm lo, la jo bi tɨ jaal ɓudu moon peer gɨna, a lɔr ɓə tɨm lo. 18Jo Sidan may moon ər ndula ya̰m gɨna, ər waan ɓə lɛm tɨm waa a? Ən ja gɨ i in kəysul yḭ ja ɓə ən kun jinsə na Sidan na wa̰ay tɨ Beljebul na dwari. 19Jo ən kun jinsə na Beljebul na dwari gɨna, i bi kun a na kəy dwari a? Tɨ ya̰ jo a ɓə tɨm bi tɨ jaa tṵgni tɨ i sul. 20Kuri, jo ən kun jinsə-a na Ndɨla na dwari gɨna, i una ɓə Ndɨla na waan hina marway tɨ i ndɔ teni.
21«Jo wo tɨ dwari ti na ər mum tɨ sal muna la ər ɓaw ər li ɓari gɨna, ər mum tɨ tina kaw ti na ɓari la. 22Lɛ jo wo tɨ dwari paa hina bunga gɨna, ər ɓə ər mum tɨ sal muna ne ər kay ər ho̰ni tɨ sul kula tɨ ər daa la, ər ɓə ər mum to gun gɨ bi ɓaan.
23«Wo ne ti na ən lo, tɨ ən paa tɨ peni, la wo ne yar ən na bi sul dula tɨ paa lo, ər tɨ wo tɨ bi bra.»
Jinsə na duga hina
Mat 12.43
24«Gorne jinsə wag tɨ wo ndɔ gɨna, ər yang tɨ tap hul, ər taam un tɨ saaw bɛ lɛ ər ten lo. Ər ja tɨ ər hul ɓə “golgo ne ən ɓə duga tɨ ən gor tɨ toni.” 25Gorne ər an tɨ un ne gɨna, ər ten un ne ti tɨ kerɨm ndinimani la a kaaw mum na ɗa̰ygor la. 26La ər duga ər si ər taam ər peer jinsə-a lwɔngɔ ne ɓijim ura ər. A duga a hina tɨ li hul, a ti tɨ nin. Duga ɓər ne na jindemni ura ne tɨ toni mani.» 27Gorne Jesu wo ja jaa kuna ne gɨna, ii paa o̰ tɨ bi daan ja gɨ ər: «Ndula laar gɨ ii ne toy əm la, naa gɨ əm huma la!» 28Lɛ Jesu duga gɨ ər: «Ndula laar gɨ bi ne laa Ndɨla jaa la ka na cida la!»
Bi ɓiri wa̰y ne ɓɔrji
Mat 12.38
29Gorne bi taygɨ dɨbla gɨna, Jesu ɗolɔ tɨ gɨ a ja jaa: «Bi kalɔ ne ndogle tɨ bi ɓijim, a ɓiri ən ka ən ka gɨ a wa̰y ne ɓɔrji lɛ, ən ɓə gɨ a wa̰y ne ɓɔrji ɓudu in kar lo, lɛ wa̰y ne wag tɨ Jonas sul ngoy lɛm. 30Kəysul wa̰y ne wag tɨ Jonas sul tɨ wa̰y tɨ ji ɓɔr gɨ bi tɨ lɔr ɗəng tɨ Ninibe, kuna paa ne yin Wo Ɓa̰ kaw ən ɓə tɨm wa̰y ji ɓɔr gɨ bi tɨ ndogle la. 31Na ɗa̰y tɨ sarya kar, Wa̰ay ne ii ɓə o̰ tɨ kɔ na bi kalɔ tɨ ndogle ər ɓə jaa kay tɨ a sul. Kəysul ər o̰ tɨ nəgri mu tɨ tong ər hina wa̰ay Salomo̰ na jicina ləg. Lɛ kakamle gɨna, wo ɗəng ne ura wa̰ay Salomo̰ wo le. 32Na ɗa̰y tɨ sarya kar, bi tɨ lɔr ɗəng tɨ Ninibe ne tɨ bi tɨ ɓijim kar dɨbla ɓə o̰ la a ɓə jaa kay tɨ bi tɨ ndogle sul, kəysul ya̰ a nɨm a ɓijim tɨ kar gorne Jonas ɗo gɨ a beel. Lɛ kakamle, Wo ɗəng ne ura Jonas wo le.»
Jaa lar tuna lampa sul
Mat 5.15, 6.22
33«Jo wo kay lampa laa gɨna, ər ɓə wal lo la, ər ɓə wa̰y hul tɨ sul lo la, lɛ a kay ər tɨ swagɨ sul ka bi ne wur tɨ li hul ləg na un. 34Ji tɨ lampa tɨ ndula ya̰m. Jo gorne əm ji tɨ nga̰ gɨna, əm ndula ya̰m gun ndeeri. Lɛ jo gorne əm ji tɨ nga̰ lo gɨna, əm ndula ya̰m gun ɓə tɨm tɨ un ɗoyri la. 35Gɨna i kay jicina tɨ əm ndɔ sul, un ndeeri ne wo tɨ əm ndɔ ka duga tɨm un ɗoyri lo. 36Jo gorne əm ndula ya̰m gun ti tɨ un ndeeri la əm taal ɓudu gə̰y tɨ un ɗoyri lo gɨna, ər ɓə ndeeri gun kuna lampa ne ndeeri gɨ əm un la.»
Jesu ɗo jaa tɨ Parisyḛ-a na bi tɨ gṵ hul ɓla sul
Mat 23.1; Mrk 12.38
37Gorne Jesu ja jaa tong gɨna, Parisyḛ paa hom ər tɨ ər gə̰y tɨ wa̰y tudi. Jesu wur tɨ li hul la ər ti tɨ tudi mu la. 38Ɓɔr Parisyḛ ne ji, gorne ər ləg Jesu na wa̰y tudi bla daa ugu kuna a kaa hu gṵ no̰ gɨna, 39Baali ja gɨ ər: «Yḭ Parisyḛ-a yḭ ugu lway la supra bəgri pat-pat, lɛ i nirimu sir na ɓijim la hulɗori la. 40Yḭ tɨ ɓəji! Pay wo ne ka wa̰y bəgri, tɨ yḭr jo ər ka wa̰y hul la lo a? 41Ndini ne hiina, yḭ ɓə gɨ bi jindemni wa̰y ne wo tɨ i kob hul la, tɨ i mum tɨ wa̰y tudi hul la, naa. Jo i ka in gɨna, mum gun ɓə gɨ i ndeeri#11.41 Mum gun ne ɓə gɨ ndeeri tɨ mu tɨ ndula ugu toni barita a soon Ndɨla ɓə a twi wa̰y..
42«Ndemni gɨ i Parisyḛ-a, kəysul yḭ naa gɨ Ndɨla jaka tuna goyn la ɗɛr la, lɛ yḭ ɓini wa̰y tugla la, Ndɨla kumkar la! Nejo tɨ wa̰y ne yḭ ɓə kar, yḭ ɓə ne gə̰y nɨm lo. 43Ndemni gɨ yḭ Parisyḛ-a, kəysul yḭ kakum tɨ tɨm tɨ goblə ndinimani sul tɨ bi kwi tɨ i li tɨ paa tina hul. La a taam ɓə ka bi ka gɨ a lapya tɨ un tɨ paa tina na hormo̰. 44Ndemni gɨ yḭ, kəysul yḭ ti kuna ngəlɨm ne wo ləg lo le ər si tɨ sul bla una.»
45Wo tɨ gṵ hul ɓla paa o̰ ja gɨ ər: «Wo tɨ wa̰y ɓla, gorne əm ja in a əm ɓurum i lo a!» 46La Jesu duga gɨ ər: «Jindemni gɨ yḭ bi tɨ gṵ hul ɓla la, kəysul yḭ kay mum ne lur tɨ bi sul, lɛ yḭ wur i daakangɨ ɓudu in tɨ a yaar tɨ yəg lo! 47Ndemni gɨ yḭ la kəysul yḭ kaaw gɨ nebi-a ngalɨm lɛ tɨ i ɓəgɨ jo tɨ bi tɨ a huna. 48Kuna ne, yḭ ko i mu tɨ i ɓəgɨ mum ne a ka sul. kəysul ya̰, hun nebi-a le, yḭ tɨ bi tɨ ngalɨm kaaw! 49Tɨ ne jajo, tɨ Ndɨla na jicina hul ər ja toni ɓə: “Ən ɓə gɨ a ən nebi-a tomni la, ən ɓə ən bi tɨ wa̰y edɨ tomni la, a ɓə tapeer humna la, a ɓə tapeer jindemni wur la.” 50Kuna ne, bi tɨ ndogle, jaa ɓə a sul par tuna Ndɨla na nebi-a gun ne a hun ɓagcagri tɨ dunya̰ na lɔ ɗula. 51Ɗolɔ tɨ Abel na humna marway tɨ Jakarya ne a hun, tɨ un tɨ hima ɓina a na Ndɨla na li daan. M, ən ja gɨ i tɨ bayri, a ɓə jaa kay tɨ bi tɨ ndogle sul tuna bi ne a hun a jaa!
52«Ndemni gɨ yḭ bi tɨ gṵ hul ɓla, kəysul yḭ jul lakelele tɨ wa̰y una na limu yḭ si na. Yḭ may wur hul lo la, i kway gɨ bi ton taam wur ul mu la.» 53Gorne Jesu wag tɨ li hul gɨna, bi tɨ gṵ hul ɓla la Parisyḛ-a la a hargɨ tɨ ər sul. A ɓiri ər jaa dɨbla tuna mum dɨbla sul. 54A sang ər tɨ ər par na jaa ɓijim ne ɓə wag tɨ ər mu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB