Luk 12
12
Jesu peer ər bi tɨ wa̰y edɨ
Mat 10.26
1Na lula sul ne Jesu wo wa̰y ɓla, bi dɨbla taypeer la a si tɨ paa sul dig-dig. Jesu ɗolɔ tɨ ər bi tɨ wa̰y edɨ peer. Ər ja gɨ a ɓə: «Toni bari, yḭ ɓaw i ndula tɨ Parisyḛ-a na ham hooni. Ya̰ tɨ bi gṵ ndidi. 2Kəysul mum gun ne waal ndɔ ɓə ndɔ ɓla tɨ bayri, la jaa kuru gun ɓə wag tɨ un ndeeri la. 3Kuna ne, jaa ne yḭ ja na siyɛl bi ɓə laa na tili, la jaa ne yḭ urga tɨ paa tulɔ tɨ li hul, a ɓə ja tɨ li sul tɨ ndal la.»
Wo ne yḭ ɓə gɨ ər oy
Mat 10.28
4Jesu ja gɨ ər bi tɨ wa̰y edɨ cam: «Ən peer korgɨ, ən ja gɨ i, yḭ ka gɨ bi ton lɛm i ndula ya̰m kəw humna oy lo la, ya̰ ton lɛm gɨ i wa̰y jak kar lo la. 5Ən ɓə gɨ i wo ne yḭ ɓə gɨ ər oy ɓla: Yḭ oy gɨ Ndɨla ne lɛm i wur tɨ laa ne uy daan. M, ən ja gɨ i bayri, tɨ yḭr jo yḭ ɓə gɨ ər oy! 6Pay yḭ una ɓə wo lɛm ɗḭ ɓḭ tɨ luni huna na sele tɨ ndidi lo a? Lɛ ɓudu in tɨ a daan Ndɨla tori ər sul lo. 7Jo tuna yḭ sul gɨna, i sul ɓwḭ kaw Ndɨla ɓra gun. Yḭ ka ayri kar lo ɓə i towol tɨ dɨbla ura ɗḭ ɓḭ ne gun! 8Ən ja gɨ i, wo ne ja ən jaa tɨ bayri tɨ bi kwi gɨna, yin, Wo Ɓa̰ kaw, ən ɓə ər ja jaa tɨ Ndɨla na malayka-a kwi la. 9Lɛ jo wo ne sulɔ ən sul tɨ bi kwi gɨna, Yin, Wo Ɓa̰ kaw ən ɓə ər sul sulɔ tɨ Ndɨla na malayka-a kwi la. 10Wo ne ɓə ja jaa ɓijim tuna yin, Wo Ɓa̰ sul a, Ndɨla hul ɓə ər ɗina tɨ ər sul, lɛ wo ne ɓurum Lal ɓari a, Ndɨla hul ɓə ər ɗina tɨ ər sul lo. 11Gorne a ɓə na i saal tɨ Juyb-a na li tɨ paa tina hul, ɓee tɨ bi nii ɓee tɨ bi tɨ lɔr sul sula kwi gɨna, i hul ka i dugun tɨ jaa ne yḭ ɓə ja tɨ i sul kula lo la tɨ jaa ne yḭ ɓə ja lo la, 12kəysul, Lal ɓari ɓə gɨ i jaa tɨ ja naa.»
Wo tɨ wani ne ɓəji
13Wo paa tɨ bi daan ja gɨ Jesu: «Wo tɨ wa̰y ɓla, əm ja gɨ ən ɓun ka ər tung ən mum tɨ ndoogɨ maan taal ər naa gɨ ən.» 14Jesu duga gɨ ər: «Ay ən paa kɔr, jaa jo kay ən ka ən tung i jaa ɓee ɓaan gɨ i mum tɨ tina a?» 15La ər ja gɨ a: «I kay jicina tɨ i ndɔ sul! Yḭ ka mum tɨ tina kum kar lo, kəysul jo wo tɨ wo tɨ wa̰y tina kaw, ər wa̰y tina lɛm ər sul kula lo.» 16Ər ja gɨ a jaa lar ne: «Wo tɨ wani paa naa wərgɨ dɨbla ne naa gɨ ər mum tɨ waal dɨbla. 17Ər ilgɨ la ər ɓiri ər ndɔ: “Kəyjo ən ɓə kar a, Ən na un tɨ ən mum tɨ waal to tɨ nin gun lo.” 18La ər ja cam: “Ən una wa̰y ne ən ɓə kar, ən ɓə ən dəwlu bra la, ən ɓə ton nii hiin la, ən ɓə na ən ya la ən mum tɨ tina gun bɛ tɨ hul. 19La ən ɓə gɨ ən ndɔ ja ɓə: Ən ndula. əm bɛ saaw la, əm twi la, əm ka ndula laar la.” 20Lɛ Ndɨla ja gɨ ər: “Əm tɨ Ɓəji! Na syɛl le əm ɓə ulu. Əm mum tɨ tina gun ne əm tay ɓə gɨ jaa jo gə̰y a”.» 21Jesu ja cam: «Wo ne na mum tɨ tina dɨbla tɨ ər kəw sul lɛ ər na mum tɨ tina gɨ Ndɨla lo ɓə tɨm kuna ɓər ne.»
Hul kay tɨ Ndɨla sul
Mat 6.25
22Jesu ja gɨ ər bi tɨ wa̰y edɨ cam: «Yḭ ka i ndɔ cḛy tuna i tudi la yḭḭ la sul lo, ɓee tuna sər ne yḭ taam tɨ i ndula jaa lo. Kəysul tɨm jili ura mum tudi, la ndula ya̰m ura sər la, 23Kuri, i tɨm jili towol tɨ ɗəng ura wa̰y tudi, ta i ndula kaw ura sergɨ ɓag la. 24Yḭ ləg gɨbəng: A ndu lo la a ɓya̰ lo la, a na baylɔr lo la, a na dəwlu lo la, jo tɨ in kaw Ndɨla naa gɨ a tudi! Lɛ Yḭ na i towol tɨ dɨbla ura ɗḭ ne ɓag! 25Ja jo tɨ i daan lɛm kil ɓudu ɗula tɨ ər tɨm jili mu tɨ nəgri sul le na ər nya̰ a? 26Jo yḭ lɛm wa̰y ɓḭ kar lo gɨna, kəyja jo i hul dugun i tɨ mum jak jaa a? 27Yḭ kay i ji i ləg mum huyri ton tɨ wərgɨ hul na tooni. A ka cida lo la, a yew sər lo la. Lɛ wa̰ay Salomo̰ ne ti tɨ mum tɨ tina daan kaw wur sər ndinimani kuna wa̰y huyri ɓudu lo. 28Jo Ndɨla wur sər gɨ mum huyri tɨ waal hul ne o̰ kakam la gaana laa wo a kula gɨna, pay ər ɓə yḭ maan kar nɨ ɓə ne ura lo a! Ay, i hul kula ɗang gaw! 29Yḭ ka i ndɔ cḛy na ɗa̰ysul tudi la, yiḭ la ja lo. 30Tɨ bi tɨ Ndɨla una lo tɨ dunya̰ ne hul jo a taam mum ton na lula sul gun. Lɛ ī Ba una wa̰y ne yḭ taam tɨ tɨm jili. 31Yḭ taam Ndɨla waan toni barita ər ɓə gɨ i mum ton gə̰y naa tɨ sul. 32Ayri ka i kar lo, yem kur#12.32 Tɨ un ne Jesu o ja jaa tuna bi ne yeri ər sul wala tuna yem sul lo.! Kəysul ī Ba tɨ Ndɨla hul laar tɨ gɨ i ər waan naa. 33Yḭ huna i mum tɨ tina le i naa gursu gɨ bi tɨ ndemni. Yḭ yəw bɔg ɓani i tay na mum tɨ tina ne ɓə yṵga lo, ne wo tɨ ndɨla sul, tɨ un ne suga teni tɨ nin la, hṵy lɛm wa̰y yṵga tɨ nin lo la. 34Kəysul gorne i wa̰y tɨ tina wo tɨ nin jo i ho̰ni wo tɨ nin la».
Ji cina kay tɨ ndɔ sul
35«Yḭ kaaw i ndula tɨ cida kar la, yḭ ɓəw i tuu na krab la, i lampa ka a ti na laa la. 36Yḭ ti kuna bi tɨ cida ne wo a Baali a̰y tɨ duga tɨ ɓaar. Gorne ər ɓə limu ɗɨb, a ɓə gɨ ər təng tɨ damu. 37Ndula laar gɨ bi tɨ cida ne a Baali duga ten a jili! Tɨ kuri, ən ja gɨ i, ər ɓə ər ngɔmi yɛr la ər ɓə ər tuu ɓəwlu na krab la. Ta ər ɓə a kay tɨ tudi mu la, ər ɓə hina tɨ gɨ a tudi ɓaan la. 38Ndula laar gɨ bi ne ti jili kuna ne, gorne a Baali ɓə duga na syɛl daan ɓee na unlɔ kaw ɓə a tina jili. 39Yḭ una ɓari ɓə, jo Baali tɨ gə̰y una lula sul tɨ syɛl ne suga ɓə hina ər sila gɨna, ər ɓə ley lom lo, ər ɓə ər nɨm nɨ ər ɓə wur tɨ ər li hul lo la. 40Yḭ kaw, i ti ndog, kəysul yḭ una lula sul ne Yin, Wo Ɓa̰ ɓə na hina lo.»
41Piyɛr ɓiri ər ɓə: «Baali, jaa lar ne əm jaa tuna əm bi tɨ wa̰y edɨ sul ngoy ɓee tuna bi gun sul la a?» 42Baali duga gɨ ər: «Kəy wo tɨ cida tugla la ji cina la, ne ər Baali ɓə ər kay tɨ ər bi tɨ gḛy sul nɨ ər ɓaan gɨ a gembe na lula sul ne hul taam a? 43Ndula laar gɨ wo tɨ cida ne ər Baali duga ten ər tɨ cida mu. 44Kuri ən ja gɨ i tɨ bayri, Baali ɓə ər kay tɨ ər mum tɨ tina gun sul. 45Lɛ jo wo tɨ cida ne ilgɨ tɨ ər hul ɓə: “Ən Baali ti ndog tɨ duga hina lo”, gɨna ər ɗolɔ tɨ ər peer tɨ cida tɨ ɓərgɨ la tɨ aa la ɗɨb, la tɨ wa̰y tudi la, tɨ wa̰y yiḭ la ne ka ər ji la, 46gɨna ər Baali ɓə hina na ɗay ne ər ɓə una lo la, na lula sul ne ər ɓə una lo la. Ər Baali ɓə ər kun la, ər ɓə ər dangay kar na bi ne ka wa̰y na ɗa̰ygor lo.
47«A ɓə wo tɨ cida ne una wa̰y ne Baali taam tɨ ər ndɔ lɛ, ər ti ndog tɨ kar lo ɗɨb ka ɗɨb. 48Lɛ wo ne una wa̰y lo ka wa̰y ne lɛm ɗuri kula dɨbla gɨna, a ɓə ər ɗɨb na gor kwi. Wo ne a naa gɨ ər mum dɨbla, a ɓə ər mum dɨbla ɓiri la, ta wo ne a waal gɨ ər wa̰y kaw, a ɓə wa̰y ne a waal gɨ ər lɔ ɓiri la.»
Jesu hina bi ɓaan
Mat 10.34
49«Tɨ laa jo ən hina gɨ i na tɨ lɔr nəgri sul, la ən taam ɓə ka ər ko ara! 50Tɨ batɛm tɨ pɛw#12.50 Ja̰ Batis ka Jesu Batem tɨ ndu teni. Batem ne le tuna pɛw ne ər ɓə tina sul. jo ən hina kar. Ər tɨ dur ɗəng ne ən yəg tɨ ən sul marway ɗa̰y ne ən ka barita ən hul ɓə tɨm tɨ lɔr. 51Yḭ ilgɨ ɓə yin hina gɨ i na lapya tɨ lɔr nəgri sul a? M-m, ən ja gɨ i tɨ bayri, ən hina gɨ i na paa tungni jo. 52Ɗolɔ ndogle, jo bi tɨ luni wo tɨ nimni hul gɨ, a ɓə peer tungni. Bi tɨ tedi ɓə bi tɨ ndidi koor la bi tɨ ndidi ɓə bi tɨ tedi koor la. 53Ba ɓə tɨm ər ɓa̰ na paa tɨ pɛni la, ɓa̰ ɓə tɨm ər ba na paa tɨ pɛni la. Ɓa̰ na̰ ɓə tɨm ər ɓa̰ tɨ ii na paa tɨ pɛni la, ɓa̰ ii ɓə tɨm ər na̰ na paa tɨ pɛni la. Ta ɓa̰ na̰ ɓə tɨm ər mo̰ na paa tɨ pɛni la, ɓa̰ ii ɓə tɨm ər mo̰ paa tɨ pɛni la.»
Lula sul una
Mat 16.2
54La Jesu ja gɨ bi cam: «Gorne yḭ ləg goblə to peer tɨ lula lɔ tɨ tɨba#12.54 Tɨ Israhel, ndɨla goblə o̰ tɨ lula lɔ tɨ tɨba. gɨna, tɨ daamu yḭ ja ɓə: “Ndɨla wo yo̰y” la ndɨla yo̰y la. 55Gorne yḭ ləg saaw hoor kay ji tɨ kɔ#12.55 Tɨ Israhel saaw o̰ tɨ kɔ., gɨna, yḭ ja ɓə: “Un ɓə sila” la un sila la. 56Yḭ bi gṵ tɨ ndidi! Jo yḭ lɛm mum tɨ nəgri sul la, tɨ ndɨlasul la una gɨna, Kəyjaa mum ton ka paa tɨ daamu le, yḭ lɛm una lo a?
Kaaw əm jaa na əm wur
Mat 5.25
57«Kəyjaa jo yḭ may lɛm wa̰y tugla una lo wa? 58Jo əm tɨba tɨ ul sul ɓudu na əm wo tɨ madulum tɨ saal tɨ wo tɨ jaa tungni kwi gɨna, əm kaaw əm jaa toni na ər. Bla lo gɨna ər ɓə əm wur tɨ bi tɨ jaa tungni daa nɨ ər ɓə əm nɨm gɨ eli nɨ ɓə əm wur tɨ dangay. 59Ən ja gɨ əm, əm ɓə əm hula ne səng ɗad-ɗad barita əm ɓə wag tɨ dangay ne hul.»
Цяпер абрана:
Luk 12: nie
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB
Luk 12
12
Jesu peer ər bi tɨ wa̰y edɨ
Mat 10.26
1Na lula sul ne Jesu wo wa̰y ɓla, bi dɨbla taypeer la a si tɨ paa sul dig-dig. Jesu ɗolɔ tɨ ər bi tɨ wa̰y edɨ peer. Ər ja gɨ a ɓə: «Toni bari, yḭ ɓaw i ndula tɨ Parisyḛ-a na ham hooni. Ya̰ tɨ bi gṵ ndidi. 2Kəysul mum gun ne waal ndɔ ɓə ndɔ ɓla tɨ bayri, la jaa kuru gun ɓə wag tɨ un ndeeri la. 3Kuna ne, jaa ne yḭ ja na siyɛl bi ɓə laa na tili, la jaa ne yḭ urga tɨ paa tulɔ tɨ li hul, a ɓə ja tɨ li sul tɨ ndal la.»
Wo ne yḭ ɓə gɨ ər oy
Mat 10.28
4Jesu ja gɨ ər bi tɨ wa̰y edɨ cam: «Ən peer korgɨ, ən ja gɨ i, yḭ ka gɨ bi ton lɛm i ndula ya̰m kəw humna oy lo la, ya̰ ton lɛm gɨ i wa̰y jak kar lo la. 5Ən ɓə gɨ i wo ne yḭ ɓə gɨ ər oy ɓla: Yḭ oy gɨ Ndɨla ne lɛm i wur tɨ laa ne uy daan. M, ən ja gɨ i bayri, tɨ yḭr jo yḭ ɓə gɨ ər oy! 6Pay yḭ una ɓə wo lɛm ɗḭ ɓḭ tɨ luni huna na sele tɨ ndidi lo a? Lɛ ɓudu in tɨ a daan Ndɨla tori ər sul lo. 7Jo tuna yḭ sul gɨna, i sul ɓwḭ kaw Ndɨla ɓra gun. Yḭ ka ayri kar lo ɓə i towol tɨ dɨbla ura ɗḭ ɓḭ ne gun! 8Ən ja gɨ i, wo ne ja ən jaa tɨ bayri tɨ bi kwi gɨna, yin, Wo Ɓa̰ kaw, ən ɓə ər ja jaa tɨ Ndɨla na malayka-a kwi la. 9Lɛ jo wo ne sulɔ ən sul tɨ bi kwi gɨna, Yin, Wo Ɓa̰ kaw ən ɓə ər sul sulɔ tɨ Ndɨla na malayka-a kwi la. 10Wo ne ɓə ja jaa ɓijim tuna yin, Wo Ɓa̰ sul a, Ndɨla hul ɓə ər ɗina tɨ ər sul, lɛ wo ne ɓurum Lal ɓari a, Ndɨla hul ɓə ər ɗina tɨ ər sul lo. 11Gorne a ɓə na i saal tɨ Juyb-a na li tɨ paa tina hul, ɓee tɨ bi nii ɓee tɨ bi tɨ lɔr sul sula kwi gɨna, i hul ka i dugun tɨ jaa ne yḭ ɓə ja tɨ i sul kula lo la tɨ jaa ne yḭ ɓə ja lo la, 12kəysul, Lal ɓari ɓə gɨ i jaa tɨ ja naa.»
Wo tɨ wani ne ɓəji
13Wo paa tɨ bi daan ja gɨ Jesu: «Wo tɨ wa̰y ɓla, əm ja gɨ ən ɓun ka ər tung ən mum tɨ ndoogɨ maan taal ər naa gɨ ən.» 14Jesu duga gɨ ər: «Ay ən paa kɔr, jaa jo kay ən ka ən tung i jaa ɓee ɓaan gɨ i mum tɨ tina a?» 15La ər ja gɨ a: «I kay jicina tɨ i ndɔ sul! Yḭ ka mum tɨ tina kum kar lo, kəysul jo wo tɨ wo tɨ wa̰y tina kaw, ər wa̰y tina lɛm ər sul kula lo.» 16Ər ja gɨ a jaa lar ne: «Wo tɨ wani paa naa wərgɨ dɨbla ne naa gɨ ər mum tɨ waal dɨbla. 17Ər ilgɨ la ər ɓiri ər ndɔ: “Kəyjo ən ɓə kar a, Ən na un tɨ ən mum tɨ waal to tɨ nin gun lo.” 18La ər ja cam: “Ən una wa̰y ne ən ɓə kar, ən ɓə ən dəwlu bra la, ən ɓə ton nii hiin la, ən ɓə na ən ya la ən mum tɨ tina gun bɛ tɨ hul. 19La ən ɓə gɨ ən ndɔ ja ɓə: Ən ndula. əm bɛ saaw la, əm twi la, əm ka ndula laar la.” 20Lɛ Ndɨla ja gɨ ər: “Əm tɨ Ɓəji! Na syɛl le əm ɓə ulu. Əm mum tɨ tina gun ne əm tay ɓə gɨ jaa jo gə̰y a”.» 21Jesu ja cam: «Wo ne na mum tɨ tina dɨbla tɨ ər kəw sul lɛ ər na mum tɨ tina gɨ Ndɨla lo ɓə tɨm kuna ɓər ne.»
Hul kay tɨ Ndɨla sul
Mat 6.25
22Jesu ja gɨ ər bi tɨ wa̰y edɨ cam: «Yḭ ka i ndɔ cḛy tuna i tudi la yḭḭ la sul lo, ɓee tuna sər ne yḭ taam tɨ i ndula jaa lo. Kəysul tɨm jili ura mum tudi, la ndula ya̰m ura sər la, 23Kuri, i tɨm jili towol tɨ ɗəng ura wa̰y tudi, ta i ndula kaw ura sergɨ ɓag la. 24Yḭ ləg gɨbəng: A ndu lo la a ɓya̰ lo la, a na baylɔr lo la, a na dəwlu lo la, jo tɨ in kaw Ndɨla naa gɨ a tudi! Lɛ Yḭ na i towol tɨ dɨbla ura ɗḭ ne ɓag! 25Ja jo tɨ i daan lɛm kil ɓudu ɗula tɨ ər tɨm jili mu tɨ nəgri sul le na ər nya̰ a? 26Jo yḭ lɛm wa̰y ɓḭ kar lo gɨna, kəyja jo i hul dugun i tɨ mum jak jaa a? 27Yḭ kay i ji i ləg mum huyri ton tɨ wərgɨ hul na tooni. A ka cida lo la, a yew sər lo la. Lɛ wa̰ay Salomo̰ ne ti tɨ mum tɨ tina daan kaw wur sər ndinimani kuna wa̰y huyri ɓudu lo. 28Jo Ndɨla wur sər gɨ mum huyri tɨ waal hul ne o̰ kakam la gaana laa wo a kula gɨna, pay ər ɓə yḭ maan kar nɨ ɓə ne ura lo a! Ay, i hul kula ɗang gaw! 29Yḭ ka i ndɔ cḛy na ɗa̰ysul tudi la, yiḭ la ja lo. 30Tɨ bi tɨ Ndɨla una lo tɨ dunya̰ ne hul jo a taam mum ton na lula sul gun. Lɛ ī Ba una wa̰y ne yḭ taam tɨ tɨm jili. 31Yḭ taam Ndɨla waan toni barita ər ɓə gɨ i mum ton gə̰y naa tɨ sul. 32Ayri ka i kar lo, yem kur#12.32 Tɨ un ne Jesu o ja jaa tuna bi ne yeri ər sul wala tuna yem sul lo.! Kəysul ī Ba tɨ Ndɨla hul laar tɨ gɨ i ər waan naa. 33Yḭ huna i mum tɨ tina le i naa gursu gɨ bi tɨ ndemni. Yḭ yəw bɔg ɓani i tay na mum tɨ tina ne ɓə yṵga lo, ne wo tɨ ndɨla sul, tɨ un ne suga teni tɨ nin la, hṵy lɛm wa̰y yṵga tɨ nin lo la. 34Kəysul gorne i wa̰y tɨ tina wo tɨ nin jo i ho̰ni wo tɨ nin la».
Ji cina kay tɨ ndɔ sul
35«Yḭ kaaw i ndula tɨ cida kar la, yḭ ɓəw i tuu na krab la, i lampa ka a ti na laa la. 36Yḭ ti kuna bi tɨ cida ne wo a Baali a̰y tɨ duga tɨ ɓaar. Gorne ər ɓə limu ɗɨb, a ɓə gɨ ər təng tɨ damu. 37Ndula laar gɨ bi tɨ cida ne a Baali duga ten a jili! Tɨ kuri, ən ja gɨ i, ər ɓə ər ngɔmi yɛr la ər ɓə ər tuu ɓəwlu na krab la. Ta ər ɓə a kay tɨ tudi mu la, ər ɓə hina tɨ gɨ a tudi ɓaan la. 38Ndula laar gɨ bi ne ti jili kuna ne, gorne a Baali ɓə duga na syɛl daan ɓee na unlɔ kaw ɓə a tina jili. 39Yḭ una ɓari ɓə, jo Baali tɨ gə̰y una lula sul tɨ syɛl ne suga ɓə hina ər sila gɨna, ər ɓə ley lom lo, ər ɓə ər nɨm nɨ ər ɓə wur tɨ ər li hul lo la. 40Yḭ kaw, i ti ndog, kəysul yḭ una lula sul ne Yin, Wo Ɓa̰ ɓə na hina lo.»
41Piyɛr ɓiri ər ɓə: «Baali, jaa lar ne əm jaa tuna əm bi tɨ wa̰y edɨ sul ngoy ɓee tuna bi gun sul la a?» 42Baali duga gɨ ər: «Kəy wo tɨ cida tugla la ji cina la, ne ər Baali ɓə ər kay tɨ ər bi tɨ gḛy sul nɨ ər ɓaan gɨ a gembe na lula sul ne hul taam a? 43Ndula laar gɨ wo tɨ cida ne ər Baali duga ten ər tɨ cida mu. 44Kuri ən ja gɨ i tɨ bayri, Baali ɓə ər kay tɨ ər mum tɨ tina gun sul. 45Lɛ jo wo tɨ cida ne ilgɨ tɨ ər hul ɓə: “Ən Baali ti ndog tɨ duga hina lo”, gɨna ər ɗolɔ tɨ ər peer tɨ cida tɨ ɓərgɨ la tɨ aa la ɗɨb, la tɨ wa̰y tudi la, tɨ wa̰y yiḭ la ne ka ər ji la, 46gɨna ər Baali ɓə hina na ɗay ne ər ɓə una lo la, na lula sul ne ər ɓə una lo la. Ər Baali ɓə ər kun la, ər ɓə ər dangay kar na bi ne ka wa̰y na ɗa̰ygor lo.
47«A ɓə wo tɨ cida ne una wa̰y ne Baali taam tɨ ər ndɔ lɛ, ər ti ndog tɨ kar lo ɗɨb ka ɗɨb. 48Lɛ wo ne una wa̰y lo ka wa̰y ne lɛm ɗuri kula dɨbla gɨna, a ɓə ər ɗɨb na gor kwi. Wo ne a naa gɨ ər mum dɨbla, a ɓə ər mum dɨbla ɓiri la, ta wo ne a waal gɨ ər wa̰y kaw, a ɓə wa̰y ne a waal gɨ ər lɔ ɓiri la.»
Jesu hina bi ɓaan
Mat 10.34
49«Tɨ laa jo ən hina gɨ i na tɨ lɔr nəgri sul, la ən taam ɓə ka ər ko ara! 50Tɨ batɛm tɨ pɛw#12.50 Ja̰ Batis ka Jesu Batem tɨ ndu teni. Batem ne le tuna pɛw ne ər ɓə tina sul. jo ən hina kar. Ər tɨ dur ɗəng ne ən yəg tɨ ən sul marway ɗa̰y ne ən ka barita ən hul ɓə tɨm tɨ lɔr. 51Yḭ ilgɨ ɓə yin hina gɨ i na lapya tɨ lɔr nəgri sul a? M-m, ən ja gɨ i tɨ bayri, ən hina gɨ i na paa tungni jo. 52Ɗolɔ ndogle, jo bi tɨ luni wo tɨ nimni hul gɨ, a ɓə peer tungni. Bi tɨ tedi ɓə bi tɨ ndidi koor la bi tɨ ndidi ɓə bi tɨ tedi koor la. 53Ba ɓə tɨm ər ɓa̰ na paa tɨ pɛni la, ɓa̰ ɓə tɨm ər ba na paa tɨ pɛni la. Ɓa̰ na̰ ɓə tɨm ər ɓa̰ tɨ ii na paa tɨ pɛni la, ɓa̰ ii ɓə tɨm ər na̰ na paa tɨ pɛni la. Ta ɓa̰ na̰ ɓə tɨm ər mo̰ na paa tɨ pɛni la, ɓa̰ ii ɓə tɨm ər mo̰ paa tɨ pɛni la.»
Lula sul una
Mat 16.2
54La Jesu ja gɨ bi cam: «Gorne yḭ ləg goblə to peer tɨ lula lɔ tɨ tɨba#12.54 Tɨ Israhel, ndɨla goblə o̰ tɨ lula lɔ tɨ tɨba. gɨna, tɨ daamu yḭ ja ɓə: “Ndɨla wo yo̰y” la ndɨla yo̰y la. 55Gorne yḭ ləg saaw hoor kay ji tɨ kɔ#12.55 Tɨ Israhel saaw o̰ tɨ kɔ., gɨna, yḭ ja ɓə: “Un ɓə sila” la un sila la. 56Yḭ bi gṵ tɨ ndidi! Jo yḭ lɛm mum tɨ nəgri sul la, tɨ ndɨlasul la una gɨna, Kəyjaa mum ton ka paa tɨ daamu le, yḭ lɛm una lo a?
Kaaw əm jaa na əm wur
Mat 5.25
57«Kəyjaa jo yḭ may lɛm wa̰y tugla una lo wa? 58Jo əm tɨba tɨ ul sul ɓudu na əm wo tɨ madulum tɨ saal tɨ wo tɨ jaa tungni kwi gɨna, əm kaaw əm jaa toni na ər. Bla lo gɨna ər ɓə əm wur tɨ bi tɨ jaa tungni daa nɨ ər ɓə əm nɨm gɨ eli nɨ ɓə əm wur tɨ dangay. 59Ən ja gɨ əm, əm ɓə əm hula ne səng ɗad-ɗad barita əm ɓə wag tɨ dangay ne hul.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, ATALTRAB