युहन्ना कितबवाक परिचय
कितबवाक परिचय
इअ सुसमाचारक कितबवा येसुजिक चेलवा युहन्ना लिखले हखिय। उअ जब्दियाक बेटा रहलिय (मरकुस १:१९)। इअ सुसमाचारक कितबवा इस्वि सम्वत ७०-९० मा लिखल हखइ। बाकि कुन सालमा लिखाइल हखइ कहके हइने थाह बडइ। युहन्नाके “येसुजि प्रेम” करिय (युहन्ना १३:२३; २१:२०)। येसुजिक बारह जन चेलवाहमधे युहन्ना सबसे लजिकेक चेला रहलिय। युहन्ना येसुजिके डउलसे चिनले रहलिय। उहेसे युहन्ना इअ कितबवामा हुनेक बारेमा सबसे गहिर विचार हसे बातसभ लिखले बडिय।
युहन्ना बुढलइ बचलिय। उअ बहुत बरसलइ एफिसस सहरवामा रहलिय। इहे युहन्ना लउठा नियमक “युहन्नाक” तिन गो चिठिया लिखले हखिय। वकर जिवनक याखिरवरि देसवासे निकडा देलइ हसे भुमध्य समुनदरवामा भेलि पत्मोस ठिसवामा पठादेलइ (प्रकास १:९), जहवाँ उअ ख्रिस्टसे प्रकास पउलिय। वकर बारेमा लउठा नियमक “प्रकास” कहल अन्तिम कितबवामा लिखाइल बडइ।
बिसय सुचिक रुपरेखा
सुरुक भुमिका १:१-१८
बप्तिस्मा देलाहर युहन्ना हसे येसुजिक चेलवाह१:१९-५१
येसुजिक सारवजनिक सेवा २:१–१२:५०
यरुसलेमक लजिके बितोलि अन्तिम दिनसभ १३:१–१९:४२
येसुजि मरलिसे जिउतलसि हसे देखा परलसि २०:१-३१
उपसंहार: येसुजि फेरि गालिलमा देखा परलसि२१:१-२५
Цяпер абрана:
युहन्ना कितबवाक परिचय: CTHR
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, Wycliffe Bible Translators, Inc. and Nepal Bible Society