మత్తయ్ 7
7
మరొకురుంఙ్ న్యాయ్ కలెకద్
లూక్ 6:37,38,41,42
1మారొక్కొరెత్ న్యాయ్ కలెంఙ్ తోద్. మల్ల దెయ్యంనయ్‍ ఇనుంఙ్ నయ్ న్యాయ్ కలెద్. 2తానుంఙ్ ఇంతె ఎనంఙ్ నీర్ మారొక్కొనె న్యాయ్ కల్సతిర్ అనాయ్ దెయ్యం నాయ్ ఇమున్ న్యాయ్ కల్సాద్ 3ఇన్నె కన్నుత్ అనెకా దులె ఓల్‍సెటా ఇన్నె పక్కత దాదక్నె కన్త కిస్కటమున్ తనుంఙ్‍ ఓల్‍సతివ్? 4ఇనె కన్నుత్ దులె ఇడుత్న ఇన్నె దాదక్నె కన్త కిస్కటమూన్ పుస్‍గలీసతివా?
5కప్టినివా పేలె ఇన్నె కన్నత దులెన్ పుస్‍, అప్పుడ్ ఇన్నె దాదక్నె కిస్కటమున్ పుసెంఙ్ అద్ ఇనుంఙ్ సోయ్‍ కండ్కెరాద్. 6పవిత్ర తదిసా ఆతెలుంఙ్ ఇడ్నెర్. ఇమ్మె ముత్యాలు తుర్రెలె ముండట్ జొపిడ్‍నెర్. అనంఙ్ కత్తే అదా అదవున్ గెట్టాలడ్ విద్గుత్. మల్ల ఇమ్మున్ పొయ్ రాలుత్న ఇమ్మున్ సిరిప్సవొ యెనఙొ.
వేలెకాద్, కిరవెకద్, కుడ్కెకద్,
లూక్ 11:9-13
7వేలుర్ ఇముంఙ్ సియెకాద్ ఎరాద్. కిరవుర్, ఇముంఙ్ రొంబాడద్. కుడుకుర్ ఇముంఙ్ గుయున్ పుసెకద్ ఎరాద్. 8వేలెక ప్రతి ఒక్కొనుంఙ్ రొంబాడద్. కిరవేకనుంఙ్ రొంబాడద్. కుడుకెకానుంఙ్ గుయున్ పుసాద్. 9ఇమత్తి ఎరేనా, ఇమ్మె పోరక్ నిపట్టెన్ వేల్తే గుండ్లున్ సియతిరా? 10తోద్తె అముదు కయ్యెన్ వేలెఙ పామున్‍ సియతిరా?
11నీర్ కరాబు ఎద్దెనా ఇమ్మె పోరకెరుంఙ్ సొయాతవున్ సియెంఙ ఇనెకాద ఒర్కియ్ తా! అనంఙ్ ఎదే పరలోకముత్ అనెక ఇమ్మె బాన్ తన్ వేలెకానుంఙ్ అమ్నుంఙ్ ఎన సొయ్తా తప్పతోసెటా సియ్సాంద్. 12అదుంఙ్ ఎత్తి మన్కకెర్ ఇమున్ తాగలెంఙ్ ఇసా నీర్ కోర్సారొ అనాయ్ నీర్ ఔరున్ అనాయ్ ఇదరూర్. నియమ్ సాస్త్రమ్త, ప్రవక్తక్నె సందేస్ ఇద్ది.
సంకొడి పావ్
లూక్ 13:24
13సంకొడి పావడ్ ఆడుగుర్‍. నాస్‍వై సెరేకా దార్వొజా వెల్పు, పావ్ దవాడత్తి. అత్తి పెరెత్ మంది సెరెంఙ్ సాల్సర్. 14ఎపుడి అనెక పానం సంకొడి అన్సాద్ ఆ పావడ్ సెరెకర్‍ మంది కొన్సెమి
మాక్ అని అద్నే పండ్లు
లూక్ 6:43,44
15పైలి కబుర్లకెర్ బదోల్ ఉసారడ్‍ అండ్రు. ఔరు వాక గొర్రెనె తోల్ పొర్కుత్ లోపా లండిగక్లంఙ్ ఇమున్‍వై వద్దర్. గని మన్‍లోపా కపట్ లాండిగకె. 16ఔరె పనికున్‍ వాలడ్ ఔరున్ ఒర్కిలెంఙ్ వంద్. సాల్ల తుట్టి అంగుల్ కయ్యె గని పల్లెరు సెట్ మెడి పండ్లున్ పుద్సారా? 17అనాయ్ ప్రతి ఒక్కొ సోయ్త మాక్ సోయ్తది పండ్లు కైద. పనింఙ్ పడ్సెట మాక్ పనింఙ్ పడ్సెట పండ్లు కైసాద్. 18సోయ్త మాక్ సోయ్త పండ్లు కైసాద్. మాక్ పనింఙ్ వర్సెట సోయ్త పడ్ కయ్యెద్. 19సోయ్త పండ్లు కైసెటా ప్రతి ఒక్కొ మాక్ పనింఙ్ వర్సెట కత్కుత్ కిసుత్ తప్పుర్, 20అదుఙి ఇనంఙ్ నీర్ ఔరె పలమున్ వాలడ్ ఔరున్ ఒర్కిల్‍ సాతిర్, విస్వాస్ తోసెటా మూతిత గొట్టిక్ వాలడ్ లాబం తోతెద్
నీ అనుంఙ్ ఒర్కి తోద్
లూక్ 13:25,27
21ప్రబు, ప్రబూ, ఇసా అన్ కుగెకర్‍ సిమనమంది పరలోకముంఙ్ చేరెర్‍. గని పరలోకముత్ అనెక అన్నె బానే మన్నాడ్ కలెకాంది సెద్దాంద్. 22ఆ దినముంఙ్ జీర్ గుల్‍మంది, ప్రబూ, ప్రబు, అమ్ ఇన్నె గొట్టికున్ ఇడ్డెతాన్? ఇన్నె పేరడ్‍ బూతులున్ ఎదగెతన? ఇన్నె గుల్ సమత్కాల్ కలెతన్? ఇసార్. 23అపుడ్ అన్, కరాబ్ పనిక్లకేర్, నీర్ ఎరొ అనుంఙ్ ఒర్కితొద్. అంతనట్ కురియుత్ సెర్ ఇసాత్.
ఎల్లక్ కట్టెక ఇద్దర్ మన్కకెరే ఉదాహరన
లూక్ 6:47,49
24అదుంఙ్ ఎత్తి ఇద అన్నె గొట్టికున్ విత్న అనాయ్ బత్కెకర్ గుండ్ జాగత్ ఎల్ల కట్‍తా ఉసార్‍లంఙ్ అన్సాద్. 25వాన వత్తెన బూరం వాత్తెన, సురగాలి ఆ ఎల్ల పొయ్ వత్ తాక్తిన్ ఎన ఆ బునజి గుండ్ పొయ్ కట్తెర్ అదుంఙ్ ఎత్తి అద్ రాలెతిన్.
26అన్నె ఈ గొట్టికున్ విత్న అనాయ్ అడుగ్సెటాంద్ ప్రతి ఒక్కొంద్ ఉసుకా పొయ్ తన్నె ఎల్ల కట్‍తా తెలివి తోచెటాంద్‍ లాఙ్ అన్సాద్. 27వాన వత్ బూరం వాత్తె. గాలి దుదడ్ ఆ ఎల్లన్ తాక్తె. అద్ ఓద్రిల్తిన్. అద్ గుల్ అరివనెత్తి అన్సాద్.
యేసునే ఆదికారం
28అపుడ్ యేసుంద్ ఈ గొట్టిక్ ఇడుత్ మోడిల్తత్తి మంది అమ్నె బొదన్ కమాల్ కత్తెర్. 29తానుంఙ్ ఇంతె అముదు ఔరె నియమ్ సాస్త్ర గురున్లాఙ్ ఎరెకాడి అదికార్ లాంఙ్ ఔరుంఙ్ బొదా ఇడ్తెంద్.
Цяпер абрана:
మత్తయ్ 7: NTKP24
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The New Testament in Kolami Language © The Word for the World International and Kolami Kolami Nawa Jivan Kristi Madadi Chaprala Madal Bela, Adilabada, Telangana, India. 2024