الإنجيل زي ما كتبه مَتَّى 22
22
مَثَل عزيمة الملك
1ورجع يسوع يجاوبهم ويتكلم وياهم بالأمثال، و قال ليهم: 2"ملكوت السماوات زي الملك إلا سوى عشى إلى عرس ولده 3و رسل عبيده عشان يعزموا المدعوين للعرس، و لكن المدعوين ما جو العرس.
4و رسل الملك مرة ثانية عبيد غير و قال ليهم: قولوا للمدعوين: هدانا جهزت الأكل؛ ثيراني وعجولي السمينة أندبحت و كل شي صار جاهز، يلا تعالوا أحضروا العرس! 5لكن المدعوين ما جابوا خبر العزيمة، واحد راح مزرعته، والثاني راح محله؛ 6لباقي المعزومين مسكوا عبيد الملك وأتمسخروا عليهم وهانونهم وقتلوهم. 7و قام عصّب الملك ورسل جيوشه، وهلك القتله إلا قتلوا عبيده وحرق مدينتهم. 8و بعدين قال لعبيده: وعشى العرس كان جاهز، لكن المدعوين ما كانوا يستاهلوا أنهم ينعزموا. 9روحوا الشوارع ومروا الزرانيق، و كل من تشوفوه فوجهكم أعزموه يجي عشى العرس! 10و طلعوا العبيد للشوارع، وعزموا كل من شافوه، الطالحين والصالحين، إلين ما أمتلت قاعة العرس بالضيوف. 11و لكن يوم دخل الملك عشان يشوف في الضيوف، شاف واحد مو لابس اللبس الخاص بالعرس. 12و قال له: يا صاحبي، كيف دخلت هني وأنت مو لابس اللبس الخاص بالعرس؟ والشخص كان ساكت، ما نطق. 13و قام أمر الملك خدمه و قال ليهم: أربطوا رجايله و أياديه وارموه بره في الظلمة، هناك بيكون الصياح والحسرة و الآلم! 14لأن المدعوين واجد، و لكن المختارين قليلين!"
دفع الجزية للقيصر
15و الفريسيين قاموا راحوا يتآمروا كيف يمسكوا على يسوع أي كلمة. 16و قاموا رسلوا له بعض تلاميدهم من جماعة حزب هيرودُس، عشان يقولوا له: "يا معلم، ندري إنك صادق وتعلم الناس طريق الله الصحيح، ولا يهمك كلام الناس، ولاتهمك مقامات الناس، 17فقول لينا وش رايك؟ يجوز ندفع الجزية للقيصر أو لا؟" 18ودرى يسوع بمكرهم و قال: "يا منافقين، ليش قاعدين تحاولوا تختبروني؟ 19راووني عملة الجزية!" وعطوه دينار. 20و قام سألهم: "صورة من هدي المحفورة هني؟" 21وجاوبوه: " صورة القيصر!" و قال ليهم: "عجل أعطوا إلا للقيصر للقيصر، و إلا إلى الله إلى الله" 22و تركوه ومشوا، مستغربين من إلا سمعوه.
الزواج في القيامة
23و في داك اليوم جو له ناس من جماعة الصدوقيين إلا ما يؤمنوا بالقيامة، 24وسألوه وقالواله: "يا معلم، قال لينا موسى في كتب الشريعة: إدا مات واحد وترك زوجته من بعده و ما كان عنده أولاد، فواجب على أخوه إن يتزوج بأرملته ويقيم نسل على أسم أخوه. 25كان في سبعة إخوه، تزوج أولهم و بعدين مات و ما كان عنده نسل، فترك مرته لأخوه؛ 26ونفس الشي صار في الأخو الثاني و بعدين الأخو الثالث، حتى السابع. 27و بعدين ماتت المره بعدهم كلهم. 28ففي يوم القيامة، المره تصير زوجة منهو، لأنها كانت زوجة كل واحد منهم؟" 29و رد عليهم يسوع و قال: "أنتون في ضلال لأنكم ما فهمتوا الكتاب ولا قدرة الله. 30الناس في القيامة ما يتزوجوا و يزوجوا، لكن يكونوا زي ملائكة الله في السما. 31وبخصوص موضوع قيامة الأموات، چى ما قريتوا إلا أنقال ليكم على لسان الله: 32أنا إله إبراهيم وإله إسحاق وإله يعقوب؟." والله ماهو إله الميتين، لكن هو إلهه الحيين. 33و لما سمعت جماعة الناس إلا قاله، أستغربوا من تعليمه.
الوصية العظمى
34لكن لما سمعوا الفريسيين أن يسوع سكَّت الصدوقيين، تجمعوا وياهم، 35و قام واحد منهم يسأل يسوع، و هو واحد من علماء الشريعة، و كان يحاول يستدرج يسوع: 36"يا معلم، وش هي الوصية العظمى في الشريعة؟" 37و رد عليه يسوع: "حب الرب إلهك من كل قلبك و من كل نفسك و من كل فكرك! 38هدي هي الوصية العظمى الأولى. 39والثانية زيها: حب جارك زي ما تحب نفسك! 40هدولا هم الوصيتين الثنتين إلا يعتمد عليها كل الشريعة وكتب الأنبياء!"
المسيح وداوُد
41و لما كانوا الفريسيين مجتمعين، سألهم يسوع: 42"وش رايكم في المسيح: إبن من هو؟" وردوا عليه : "إبن داوُد!" 43وبعدين سألهم: "عجل چيفه تكلم داوُد بالروح ونإداه بأنه ربه لما قال: 44قال الرب لربي: أقعد على يميني عشان أخلي أعدائك مداس لرجايلك! 45فإدا كان داوُد يناديه ربه، فكيف يكون ولده؟" 46و ما قدر أحد منهم يجاوبه ولو بكلمة. و من داك اليوم، ما تجرأ أحد أن يستدرجه بأي سؤال.
Цяпер абрана:
الإنجيل زي ما كتبه مَتَّى 22: QNAV
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Qatifi New Arabic Version © 2024 Strategic Resource Group