संत.जोहन 13
13
ईसु अपन चेलाकु आला जांगा आबुनेआय
1पासका परब रअः पहिल हिला, ईसु ईङ आला बेरा हीःग ना सेके पाड़ी केनाय, आउर ईङ के नोःआँ दुनिया के बाई केते बाबा दुबाःड़े सेनोः एदनाआ, हुनी अपन कु के, जे नोःआँ दुनिया रे ताही नेनाकु, दुलार आगु थिलकुआय, आउर हुनी आखरी जगुत दुलार लिकुआय। 2ईसु आउर हुनी आलकु चेला बियाड़ी जोमे केनाकु हिमीन बेरा जगुत सैतान सिमोन इसकारयोती आली होपोन जहुदा आला मन रे, ईसु के स-स:ब चिई रअः विचार लगाव चुकाव थिलाआय। 3ईसु पाड़ी केनाय ची बाबा जामा कुछ ईङ आला तीः रे एमा चुकाव तनाय, ईङ परमेसर एड़े तरअः हीःग तानिङ, आउर परमेसर दुबाःड़े तोराइङा। 4हुनी घोटो जोम ठाँव तरअः बिरिःड केते, अपन सोलोंग ओना तेंग रेनअः गेन्दरअ उसार लःअय, आउर अपन मयांग रे गमछा#13:4 मयांग रे गमछा जाहुदीकु रे धाँगड़ अपन गुतिया के आला जांगा आबुन केते मयांग रे तोल लआ गमछा तरअः जो-जोःड रअः दसतुर ताही नेना। के तोल लःअय। 5तब हुनी तसला रे दाअः पेरे:ग केते अपन चेलाकु आला जांगा के आबुन दिकुआय, आउर मयांग रे तोल लअः गमछा रे हुंकू आला पाँव के जोःड दिकुआय।
6जब हुनी सिमोन पतरस दुबाःड़े सोदोर नेनाय, दो पतरस हुनी के बेता लियाय “हे परभु एतान आम ईङ आला जांगा अबुन-केआम?”
7ईसु हुनी के कंहड़ी रूवाड़ोः लियाय “आम नहाअः ईङ एतान दिंग सेके काम समझाअ ताना, बकिर तयोम समझाव कोआम।”
8पतरस बेता लियाय “ईङ आला जांगा के हिरगीस आ-आबुन एरोम दड़ीआ” नोःआँ आयुम केते ईसु बेता लियाय “जदि ईङ आम आला जांगा एरिङ आबुनेआ, दो आम आला ईङ लोः एतान नात-गोत एरे ताहिनोआँ।”
9नोःआँ रे सिमोन पतरस हुनी के बेता लियाय “परभु दो ईङ आला जांगा भाईर के कोवान, ईङ आला तीः आउर बोहोअ तिंग के होः धोवाय मे।”
10ईसु हुनी के बेता लियाय “जे उम चुकाव तनाय हुनी पुरा-पुरा निमन एदानिङा हुनी के जांगा बाई केते, एतान होः धोधोवाव रेनअः दरकार कनोआँ। आपे निमन एदान पेआ बकिर जामा कोवान।” 11हुनी दो ससःब चिई के पाड़ी केनाय, हिना लःअय “आपे जामा से जामा निमन कनेपेआ बेता लिकुआय।”
12 #
सं.लुका 22:27
हुंकू आला जांगा आबुन तयोम, हुनी अपन गेन्दरअ के सोलोंग केते फिन दुड़ूः नाय, आउर हुंकू के बेता लिकुआय, “आपे लोः ईङ एतान लाईङ सेके समझाआपे एतान?” 13“आपे ईङ के गुरू आउर परभु कंहड़ीयापे, आउर ठीके गी कंहड़ीयापे, एता लःअय ची ईङ हिनी हेके। 14हिना लःअय जदि ईङ आपे आली परभु आउर गुरू हुयाव कोअते, आपे आला जांगा आबुन लाईङ दो आपे केहोः हुनी-नुई आला जांगा आअबुन चाही। 15एता लःअय ची ईङ आपे के नमुना उदूः तदिङ, जेकर से ची जे लकान ईङ आपे लोः इया तदिङ, हिना लकान आपे होः इयायपे। 16#सं.मत्ती 10:24; सं.लुका 6:40; सं.जोह 15:20ईङ आपे के सचे कंहड़ीओ दिपीईंग, बंधाउवा अपन गोमके तरअः बड़े काकु हुयाआ, आउर ना कुलगोःड उनी अपन कु-कुलगोःडि तरअः। 17आपे नोःआँ बात के पाड़ी आपे, आउर जदि आपे नोःआँ रे चलाआपे दो धनया एदान पेआ।
18 #
सिरिंग 41:9
“ईङ आपे जामेकु रअः बारे काईंग कंहड़ी ताना, ईङ ओके-ओके के निबाड़ ताडकुईंग सेके पाड़ीईंग, बकिर नोःआँ हिना लःअय हुयाव नेना ची धरम पुथी रेनअः नोःआँ वचन पुरा जुनोः, जे ईङ आला लाःड जोम लःअय, हिनी ईङ आला विरोध रे एदानिङा। 19नहाअः दो ईङ आपे के, पहिल रेगी नोःआँ बात उदूः दिपीईङ, जे नोकान हुयाव जुनोः रे ईङ हिनी हेके के बिसवासेपे। 20#सं.मत्ती 10:40; सं.मर 9:37; सं.लुका 9:48; 10:16ईङ आपे के सचे कंहड़ीओ दिपीईंग, जे ईङ के भेभेजावी के सोवागतियाय, हुनी ईङ के सोवागतीङाय, आउर जे ईङ के गरहानिंङाय हुनी, हुनी के गरहानियाय जे ईङ के कुलगोःड तदिङाय।”
ईसु के धोखाते ससःब चिई
(संत.मत्ती 26:20–25; संत.मरकुस 14:17–21; संत.लुकास 22:21–23)
21नोःआँ बात कंहड़ी केते ईसु आतमा रे माकुल नाय, आउर नोःआँ गोवाही एमा लिकुआय, “ईङ आपे के सचे-सचे कंहड़ीः-दिंग ची आपे मेसे मियांड ईङ के सःब चि किङाय।”
22चेला ताय आकु-आकु नेल-उपड़ीङोअ तनाकु। हुंकू ओके बारे कंहड़ी तनाय के काकु समझाव दाड़ी केना। 23ईसु आलकु चेला मेसे मिहोंड़ जेके हुनी दुलारी केनाय, हुनी आला मड़ांग रे ओठंगाव केते दुड़ूः थिनाय। 24सिमोन पतरस हुनी पखा मिटकाव केते बेता लियाय, “कुली मे तो, हुनी ओके रअः बारे कंहड़ी तनाय?” 25हिना लःअय हुनी ईसु आला छाती पखा लम्बाःड केते कुली लियाय, “हे परभु हुनी ओके हेके?” 26ईसु कंहड़ी रूवाड़ोः लियाय “ईङ जेके लाःड रेनअः खांड़ा डुभनी रे जोबराव केते एमायीङ हिनी हेके” आउर हुनी लाःड जोबराव केते सिमोन इसकारयोती आली होपोन जहुदा के एमा लियाय। 27लाःड खांड़ा इदी तोरन सैतान हुनी एड़े सवार नाय, तब ईसु हुनी के बेता लियाय “आम के जे ककामी एदनाआ सेके उसराय में।” 28घोटो जोम कु रे ओके होः काकु समझाव दाड़ी नेना। ची ईसु हुंकू के नोःआँ एतान लःअय कंहड़ी लःअय। 29जहुदा दुबाःड़े बाटुवा ताहिन केना, हिना लःअय थोड़ेक, ईसु हुनी के आबु के परब लःअय जे दरकार एदनाआ किरिङेमें, चाहे रांगेःगकु के थोड़ेक दान एमा कुमे कंहड़ी लःअय हुई समझाअ केनाकु 30लाःड खांड़ा इदी केते जुदस तुरते बाहरी सेनोः नाय। हिमीन बेरा निदा हुयाव चुकाव थिना।
परभु आला नावाँ हुकूम
31जब हुनी बाहरीते उडुंग नाय दो ईसु कंहड़ी लःअय, “नहाअः दो मनवा होपोन आला महिमा हुयाव नेना, आउर परमेसर आला महिमा हुनी रे हुयाव नेना। 32जदि होना तरअः परमेसर आला महिमा हुयाव ताना, दो परमेसर होः हुनी के अपन रे महिमा कियाय, आउर तुरते गी हुनी के महिमा कियाय।
33 #
सं.जोह 7:34
“ए चेंगाकु ईङ आउर कटिःग दिरी जगुत आपे लोः एदानिङा। आपे ईङ के नाम किङापे आउर ईङ जाहुदीकु के जे लकान कंहड़ी थिलकुईंग, नहाअः दो आपे के होः बेताअः दिपीईङ ‘ईङ, जे एड़े तोराइङा होनाःड़े आपे एरपे हीःग दड़ीआ।’
34 #
सं.जोह 15:12,17; 1 जोह 3:23; 2 जोह 1:5 “ईङ आपे के नावाँ हुकूम एमाअ दिपीईङ ची आपे दुलार उपड़ीङोपे। जे लकान ईङ आपे के दुलार लेपेईंग हिना लकान आपे-आपे दुलार उपड़िङोअपे। 35जदि आपे दुलार उपड़ीङोआपे दो हिना तरअः जामे होड़ आपे ईङ आलकु चेला हेके सेके पाड़ी केआकु।”
पतरस आला ईसु के काईंग पाड़ीआ रअः ईसु आला आगमजानी
(संत.मत्ती 26:31–35; संत.मरकुस 14:27–31; संत.लुकास 22:31–34)
36सिमोन पतरस ईसु के बेता लियाय “ए परभु आम ओकाते तोरामेंआ?” ईसु हुनी के कंहड़ी रूवाड़ोः लियाय “ईङ जे एड़े तोराइङा होनाःड़े आम नहाअः एरोम हीःग दड़ीआ, आम होनाःड़े तयोम हीःग दाड़ी कोआम।” 37पतरस ईसु के बेता लियाय “हे परभु नहाअः ईङ आम तयोम एता लःअय एरिङ हीःग दड़ीआ? ईङ दो आम चलते अपन जीव एमोअ लःअय होः तेयार एदानिङा।” 38ईसु कंहड़ी रूवाड़ोः लियाय “आम ईङ चलते गोएःग कोआम? ईङ आम के सचे-सचे कंहड़ीओ दिमीईंग सीम रा-राअः तरअः पहिल आम ईङ के पे खेप हुनी के काईङ पड़ीआ कंहड़ी केआम।
Цяпер абрана:
संत.जोहन 13: ASR
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 NLCI CC BY-NC-ND 4.0