मती 1
1
ईसु रेनकु जयपुइ
(लुका 3:23–38)
1अबराहम रेनि जयपुइ दाऊद, दाऊद रेनि जयपुइ ईसु मसी रेनकु पुरखाकु रआ ञुमुन रआ बाही रे नोंका इदानआँ,
2अबराहम रेनि होपोन इसहाक जोटोः इसहाक रेनि होपोन जाकुब, जाकुब रेनि होपोन जहुदा जोटोः हुँनि रेनकु बोयहा बोकोड्तिकु दोहोलेना, 3जहुदा रेनकिन होपोन, फिरीस हेनते जोरह, (हुकिन रेनि एंगाते रआ ञुमुन तमार दोहोलेना), फिरीस रेनि होपोन हिसरोन, हिसरोन रेनि होपोन एराम, 4एराम रेनि होपोन अमीनादाब, अमीनादाब रेनि होपोन नहसोन, जोटोः नहसोन रेनि होपोन सलमोन, 5सलमोन रेनि होपोन बोवज (हुँनि रेनि एंगाते रआ ञुमुन राहब दोहोलेना), बोवज जोटोः रुत रेनि होपोन, ओबेद दोहोलेना, जोटोः ओबेद रेनि होपोन जिसाय,
6 #
2 राजा 24:14,15; 2 इति 36:10; जिर 27:20 जोटोः जिसाय रेनि होपोन राजा दाऊद दोहोलेना। राजा दाऊद रेनि होपोन, सुलेमान दोहोना (जेकर एंगाते पहिल उरिय्याह रेनि लंञीते दोहोना), 7सुलेमान रेनि होपोन रहबाम, रहबाम रेनि होपोन, अबियाह जोटोः अबियाह रेनि होपोन, आसा दोहोना, 8जोटोः आसा रेनि होपोन जहोसाफात, यहोसाफात रेनि होपोन जोराम, जोटोः जोराम रेनि होपोन, उज्जियाह, 9उज्जियाह रेनि होपोन, जोताम, जोटोः जोताम रेनि होपोन, आहाज, जोटोः आहाज रेनि होपोन, हिजकिय्याह, 10जोटोः हिजकिय्याह रेनि होपोन मनसे, मनसे रेनि होपोन आमोन, जोटोः आमोन रेनि होपोन जोसियाह, 11जोटोः जहुदी होड़कु बंदी बनाव केते बेबीलोन सेनोः बेरा जोसियाह रेनि होपोन, जकुन्याह जोटोः हुँनि रेनकु कोड़ा बोकोड्तेकु जनम लेना।
12बंधुवाइ रे बेबीलोन इदीलिड्कु तयोम, जकुन्याह रेनि होपोन सलतिएल, जोटोः सलतिएल रेनि होपोन जरुबाबेल, 13जरुबाबेल रेनि होपोन, अबीहुद, अबीहुद रेनि होपोन, इल्याकीम जोटोः इल्याकीम रेनि होपोन, अजोर जनम लेना, 14अजोर रेनि होपोन, सदोक जोटोः सदोक रेनि होपोन, अखीम जोटोः अखीम रेनि होपोन इलीहूद जनम लेना, 15इलीहूद रेनि होपोन इलियाजर, इलियाजर रेनि होपोन मतान जोटोः मतान रेनि होपोन जाकुब जनम लेनाकु, 16जाकुब रेनि होपोन जोसेफ जे मरियम रेनि हड़ामते दोहोलेना, जोटोः मरियम रेनि होपोन, ईसु जनम लेना जेके होड़कु मसी मेनवाइयाकु।
17नोआँ लेका, अबराहम एतेन दाऊद हमाः चौदह पीढ़ी होयव लेनाकु, जोटोः दाऊद एतेन बंधुवाइ रे बेबीलोन इदीलिड्कु हमाः चौदह पीढ़ी होयव लेनाकु, जोटोः बंधुवाइ रे बेबीलोन सोदोरोः बेरा एतेन मसी हमाः चौदह पीढ़ी होयावनाकु।
ईसु मसी रआ जनम
(लुका 2:1–7)
18 #
लुका 1:27
ईसु मसी रआ जनम नोंका होयावना चि हुँनि एंगाते मरियम रआ सुत बंधन जोसेफ सुधा होयाव दोहोना, बकिन हुकिन रआ बियाहोः एतेन पहिल पबितर आतमा रआ सकती ते भारी गतार लेनय। 19जोसेफ धरमी होड़ दोहोलेनय जोटोः हुँनि लंञीते मरियम बदनामी तआ काय चहावओन दोहोना, हिना चलते हुँनि सच मच बय एंडाय तअय सोचाव दोहोलआ। 20बकिन जब हुँनि नोआँ बारे सोचाव ही यते दोहोनय, चि परभु रेनि सिरमा दुत कुमू रे दिसतार कनते कथालअय, “ओय जोसेफ, राजा दाऊद रेनि जयपुइ मरियम अपन लंञी बनावी तआ अलोम बोरोयोः, चितानतआचि जे भारी गतार तनय होना पबितर आतमा पड़ा एतेन होयवतना। 21#लुका 1:31हुँनि एतेन कोड़ा होपोन जनामोओय, अमः हुँनि रआ ञुमुन ईसु दोहोयमी, चितानतआचि हुँनि अपन होड़कु हुँकू रआ पाप एतेन बंचाव कुअय।”
22नोआँ गोटा बचन जे परभु परमेसर पड़ा एतेन दुखमाय अवला होड़ पड़ा एतेन कथा दोहोलआ होना पुरायोः, 23#जसा 7:14“ञेलेपे मियड् डींडा कुड़ी भारी गतारोओय, जोटोः मियड् कोड़ा होपोन जनामियय, हुँनि रआ ञुमुन इम्मानुएल दोहोया” (नोआँ रआ माने, “परमेसर अबुन तुलीया”)।
24तब जोसेफ ञीदोः एतेन फटिक कनते परभु रेनि सिरमा दुत रआ हुकुम मोताबिक अपन लंञी अगु लिदियय। 25#लुका 2:21बकिन मरियम एतेन सेंगोज् काय जनम लिदिया तब रे जोसेफ हुँनि सुधा काय गितिज्ना। जोसेफ हुँनि रआ ञुमुन ईसु दोहोलअय।
Цяпер абрана:
मती 1: BIX
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 NLCI CC BY-NC-ND 4.0