मती 28
28
ईसु जीवेड्-बिरीड् लेनय
(मरकुस 16:1–8; लुका 24:1–12; जोहन 20:1–10)
1रुड़ुयोः हिला रआ तयोम हपता रआ पहिल हिला ञीन्दवा, मरियम मगदाला जोटोः एटाः लंञी मरियम मरघाट ञेल तआ सेन लेनाकिन। 2होना बेरा ओत हिलहो दोहोना चितानतआचि सिरमा एतेन परभु रेनि सिरमा दुत होंडे अड़गु दोहोनय, जोटोः सिरमादूत मरघाट हमाः सेनलेनय जोटोः सेरेङ रआ सेंड़ा दीरी गुटी ओचोः लअय जोटोः होना तेङ रे दुड़ूः यानय। 3जोटोः हुँनि ठेड़रेञ रआ लवकावोः लेका रुप ताय दोहोलेना, जोटोः पला लेका पुंडी गेन्दराः ताय दोहोलेना। 4जोटोः जे मरघाट रआ पहरा यते दोहोलेनकु, हुँकू बोर ते एकला यनाकु जोटोः गोज् तन लेका यनाकु।
5सिरमा दुत हुँकू लंञीकु कथावा लआ, “अलोपे बोर,” “इञः ठुवा यतेअइञ जे कुरुस रे राकब् दोहो लीदिया हुँनि ईसु आपे ञम यतियापे। 6हुँनि नोंडे कुनीयाँ, जे लेका हुँनि कथा दोहोलअय, जीवेड्-बिरीड् यानय। एला, होना ठाँव ञेलेपे, जे ठँव रे ईसु दोहो लीदिया। 7जोटोः झटहेले जू सेनोःपे जोटोः हुँनि रेनकु चेलाकु कथावाकुपे, ‘हुँनि गोज् लेनी मे से जीवेड्-बिरीड् यानय जोटोः आपे एतेन मड़ाङ रे गलील रे सेनय आपे हुँनि होंडे ञेलेयापे’ इञः जे आपे कथावा लाअइञ होना पहम मेपे।”
8जोटोः हुँकू अगम बोरो यनाकु बकिन खुस ते तुरात ही मरघाट ठाँव एतेन नोआँ बतलाव तआ चेलाकु ताय पड़ा दोन सेनोः यनाकु।
9तब ईसु हुँकू तुली होरा रे जुमाव लेनय जोटोः कथालअय, “आपे तआ सांति ञमकोः।” हुँकू हुँनि ठँवरे वेज् कनते हुँनि रआ जँगा सब् केते हुँनि जोहारवा लिदियाकु। 10तब ईसु हुँकू कथावा लिड्कुअय, “अलोपे बोर, इञः रेनकु बोयहाञ तेकु एडे सेनपे, जोटोः हुँकू कथावाकुपे चि हुँकू गलील रे से-नाकु होंडे हुँकू ञेले ञाकु।”
पहराय अवलाकु रआ खभाइर
11हुकिन लंञी होरा रे ही दोहोलेनाकिन चि थोड़ेः एकेन जे पहरदार सिपाहीकु दोहोलेनाकु, सहार रे सेन लेनाकु जोटोः जे घटना होयाव दोहोना रआ बारे मुध पुरोहित गोटा बतलाववा लीड्कुआकु। 12तब हुँकू बबा-तता जहुदी पुरखाकु सुधा जुमाव कनते मियड् जोजना बनाव लआकु। हुँकू सिपाहीकु तआ अगम चंदी टका ओवा केते कथा लआकु 13नोंका कथायपे, “ञीन्द जब आले ञीदो गोन दोहोनले दो ईसु रेनकु चेला वेज् कनते हुँनि रआ लास चोरा केते इदी केदाकु। 14अगर आपे रआ नोआँ दुखमा राजपाल हमाः सोदोरोः दो आले हुँनि समझाव वियाले जोटोः आपे तआ चितान मुसीबत हों एरो होयावलेना।” 15तब पहरदारकु टका अँगाव लआकु जोटोः हेनेन लेका लआकु, जे लेका हुँकू कथा दोहोलआकु। जोटोः नोआँ दुखमा जहुदीकु एडे तीहिञ हमाः फयलाव तना।
ईसु अनेज् चेलाकु तुली दुखमा लेनय
(मरकुस 16:14–18; लुका 24:36–49; जोहन 20:19–23; बिदा लिड्कु.काम 1:6–8)
16 #
मती 26:32; मर 14:28 तब गरहो चेलाकु गलील रआ होना पहार रे सोदोर लेनाकु जे ठँव रे ईसु सेन तआ कथा दोहोलअय। 17जब हुँकू ईसु ञेल लिदियाकु दो हुँनि अगम इजात ते जोहार लिदीआकु, सेकरो रे हों थोड़ेः एकेन होड़ दो सक लआकु। 18तब ईसु हुँकू ठँवरे वेज् कनते कथालअय, “सिरमा जोटोः धरती रे इञः तआ पुरा हाक ञमतना। 19#बि.काम 1:8हिना तआ, जू सेनपे जोटोः गोटा जाइत रे सेन कोते इञः रेनकु चेला बनाव कुपे; जोटोः हुँकू परम बबा, होपोन जोटोः पबितर आतमा रआ ञुमुन ते बतिसमा ओवाकुपे, 20जे हुकुम इञः ओवा तड्पेआ, होना गोटा हुकुम रे से-सेन तआ हुँकू सिखावकुपे। जोटोः पहामेपे नोआँ दुनियाँ रआ अखरी हमाः हमेसा इञः आपे तुली दोहोनइञ।”
Цяпер абрана:
मती 28: BIX
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 NLCI CC BY-NC-ND 4.0