Matayo 5
5
Ageyi kop ame Yecu otito i wi kidi
1Ka oneno lwak, en te yito oko i wi kidi. A doŋ en obedo piny, jo mere a lube te bino baŋe. 2En te ero kop, opwonyogi kun kobo ni.
Jo a tye kede winyo
(Nen daŋ Luka 6.20-23)
3“Tye kede winyo, jo ame ocan i lonyo me cuny, pien loc me polo megi.
4 #
Ica. 61.2
“Tye kede winyo, jo ame kumo, pien obino kweyo cunygi.
5 #
Jab. 37.11
“Tye kede winyo, jo ame mwol, pien lobo bino doko megi.
6 #
Ica. 55.1-2
“Tye kede winyo, jo ame kec kede oryo makogi me bedo jo a kitegi atir, pien gin bino yeŋ.
7“Tye kede winyo, jo ame okica, pien obino timogi kica.
8 #
Jab. 24.3-4
“Tye kede winyo, jo ame yigi cil, pien gin bino neno Obaŋa.
9“Tye kede winyo, jo ame kelo kuc, pien obino lwoŋogi otino Obaŋa.
10 #
1 Pet. 3.14
“Tye kede winyo, jo ame owunogi pi bedo jo a kitegi atira, pien loc me polo megi.
11 #
1 Pet. 4.14
“Itye wunu kede winyo ka jo ŋalowu, dok owunowu, ame gin kobo kop ducu areco i komwu gobagoba pira. 12#2 Tek. 36.16; Tic 7.52Lel wunu kede yomcuny adwoŋ, pien mot me pwoyowu bup i wi polo, pien odwarpiny ame ogeo nyimwu daŋ owunogi kittono.
Kado kede ceŋ
(Nen daŋ Marako 9.50; Luka 14.34-35)
13“Wun kado me lobo; ento kado ka odoko abot oko, obino loko doko amit iŋo? Konnyere doŋ mom; myero oony oko me jo nyoni.
14 #
Lak. 8.12; 9.5 “Wun ceŋ me lobo. Boma ame ogero i wi tur mom twero pono. 15#Mar. 4.21; Luk. 8.16; 11.33Dok mom ocwinyo tara ote dok wumo oko kede gulu; ento oketo i wi akara, a mio te menyo jo ducu a tye i ot. 16#1 Pet. 2.12Ceŋ mewu oryeny i nyim jo amannono, me gin nen ticwu abeco, ote miyo kwogo baŋ Papawu ame tye i polo.
Kop a Yecu opwonyo i kom cik
17“Kur itam wunu ni abino me weyo cik kede kop odwarpiny; mom abino me weyogi, ento me cobogi acoba. 18#Luk. 16.17Ateni akobbiwu ni, ituno ka polo kede lobo bino tum oko, tunnoro acel, onyo wen nukuta moro acel me cik mom bino rwenyo, ituno ka kop luŋ ocobere kakare. 19Doŋ ba, dano ame bino miyo cikkoro acel atidi doko legelege, kun pwonyo kede jo amannono, obino lwoŋe dano atidi i loc me polo; ento dano ame gwoko, kun pwonyo kede jo, obino lwoŋe dano adwoŋ i loc me polo. 20Pien akobbiwu ni, ka wun mom kitewu atira akato opwony-cik kede Oparicayo, mom ibino donyo wunu i loc me polo.
Kop ame Yecu opwonyo i kom akemo
(Nen daŋ Luka 12.57-59)
21 #
Yaa 20.13; Lodo 5.17 “Doŋ iwinyo wunu kop a rik okobbi jo acon ni, ‘Kur inek; ŋat ame neko nek myero ŋolle kop.’ 22Ento an okobbiwu ni, ŋat acel acel ame akemo omako i kom ominnere myero ŋolle kop: dano ame yeto ominnere ni, ‘Yin ababaŋ’ myero atera i nyim okiko, aco dano ame yeto ominnere ni, ‘Imiŋ’ myero abola i mac me Geena. 23Pi mannono, ka ikelo motti meri i nyim keno me lam, eka ite po i kuno ni ominni tye kede kopporo i komi, 24wek motti-nono koŋ doŋ kuno i nyim keno lam, yin idok cen, ige notte wun ominni, eka ite dok wot miyo motti me lam. 25Mer oyotoyot wun kede dano a mito pidi, ame pwod itye wunu kede i yo, me dano a pidi-ni kur teri i nyim aŋolkop, aŋolkop te miyi baŋ cirikale teri i buc. 26Ateni akobbi ni, mom ibino ya i kuno, ituno ka iculo ducu, ame cente moro mom orem.
Kop ame Yecu opwonyo i kom cot
27 #
Yaa 20.14; Lodo 5.18 “Dok iwinyo wunu kop a rik okobo ni, ‘Kur icod cot.’ 28Ento an akobbiwu ni, dano acel ame neno dannoro te gomo pire, doŋ otyeko code kede oko i cunye. 29#Mat. 18.9; Mar. 9.47Ka waŋi tuŋ cem en amii ipoto i bal, kole oko, ibole kan abor: pien twara ka irwenyo dul me komi moro acel, kato ame kono obolo komi ducu alutu i Geena. 30#Mat. 18.8; Mar. 9.43Ce ka ciŋi tuŋ cem en ame mii ipoto i bal, ŋole oko, ibole kan abor, twara ber ka irwenyo dul me komi moro acel, kato ame kono iwoto kede komi ducu alutu i Geena.
Kop ame Yecu opwonyo i kom keto nyom
(Nen daŋ Matayo 19.9; Marako 10.11-12; Luka 16.18)
31 #
Lodo 24.1-4; Mat. 19.7; Mar. 10.4 “Dok yam daŋ okobo ni, ‘Dano moro ame ryemo dako mere, ber mie waraga me keto nyom.’ 32#Mat. 19.9; Mar. 10.11-12; Luk. 16.18; 1 Kor. 7.10-11Ento an akobbiwu ni, dano acel acel ame ryemo cege, kono pi kop me coco keken, nwoŋo omie eeodo cot; dok dano ame nyomo dako ame cware oryemo, en daŋ ocodo cot.
Kop ame Yecu opwonyo i kom kwogo kwoŋ
33 #
Olev. 19.12; Wel 30.2; Lodo 23.21 “Dok daŋ yam iwinyo wunu kop a rik okobbi jo acon ni, ‘Kur ikwoŋ kwoŋ me goba, ento cob kwoŋŋi ducu baŋ Rwot.’ 34#Yak. 5.12; Ica. 66.1; Mat. 23.22Ento an akobbiwu ni, kur ikwoŋ kwoŋoro, kede polo, pien en kom me loc Obaŋa, 35#Ica. 66.1; Jab. 48.2onyo kadi kede lobo, pien en ka teno tyene, onyo kede Jerucalem, pien en boma Abaka adwoŋ. 36Daŋ kur ikwoŋ kede wii, pien yin mom itwero loko yerroro te doko atar aŋar acol. 37Ento kop mewu myero obed ‘Ee ta’ onyo ‘Pe’; pien ame kato mano oko ya i baŋ Arac.
Kop ame Yecu opwonyo i kom culo kwor
(Nen daŋ Luka 6.29-30)
38 #
Yaa 21.24; Olev. 24.20; Lodo 19.21 “Doŋ iwinyo wunu kop a rik oko bo ni, ‘Waŋ oculo i wan, lak oculo i lak.’ 39Ento an akobbiwu ni, kur igeŋ dano dano arac; dano ame obapo lemi tuŋ cem, lokke tuŋ ocele daŋ obapi; 40dano ame mito pidi me eter kanyi meri, jalle anaka kotini daŋ. 41Dano ame odii ni iwot wunu kede wot me mairo acel, luny wot kede mairo aryo. 42Dano ame kwai, mie; dano ame mito koporo ginnoro me banya baŋi, kur itwonne.
Maro okworwa
(Nen daŋ Luka 6.27-28, 32-36)
43 #
Olev. 19.18
“Dok iwinyo wunu kop a rik okobo ni, ‘Mar dano wadwu, idag akworri.’ 44Ento an akobbiwu ni, mar wunu okworwu, kwa wunu Obaŋa pi jo ame wunuwu, 45me ite doko wunu itino a Papawu ame tye i polo. Pien en mio cennere donnyo baŋ areco kede o abeco daŋ, dok mio kottere cwe baŋ jo a kitegi atir, anaka baŋ jo a mom kitegi atir daŋ. 46Pien ka imaro wunu jo a marowu, kara ibino nwoŋo wunu iye pwoccene? Ora-ocoro mom daŋ timo amannono? 47Kara ka imoto wunu ka omegowu keken, ŋo aber ame doŋ itimo wunu akato jo ocele? Orok a pe ŋeo Obaŋa mom daŋ timo amannono? 48#Olev. 19.2; Lodo 18.13Wun bed wunu jo ocwiny acalo Papawu a tye i polo daŋ ocwiny.
Цяпер абрана:
Matayo 5: La79
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lango New Testament © Bible Society of Uganda, 1979.