Génesis 10
10
Jero ivajiro ishanincapeeni NoÉ
(1 Crón. 1.5-23)
1Avisantanacari ooncantacaniri quipatsi, yora itomipee NoÉ: Sem, Cam jeri Jafet, itimajeitanaque itomisanoripee iriori.
2Jero oca ivajiropee itomipeeni iriori Jafet:
Gómer, Magog, Madai, Javán, Tubal, MÉsec jeri Tirás.
3Jero oca ivajiropee itomipeeni iriori Gómer:
Askenaz, Rifat jeri Togarmá.
4Jero oca ivajiropee itomipeeni iriori Javán:
Elisá, Tarsis, Quitim jeri Rodanim. 5Iriojeitaque yoca ishanincapeeni Jafet, isavicajeitaque otsapijayetapaaque incajare. Inashiyetanaca ishanincasanoripeeni aisati quipatsi isavicajeitantacari, aisati onashiyetanaca irineanepee.
6Jero oca ivajiropee itomipeeni iriori Cam:
Cus, Misraim, Fut jeri Canaán.
7Jero oca ivajiropee itomipeeni iriori Cus:
Sebá, Havilá, Sabtá, Raamá jeri Sabtecá.
Jero oca ivajiropee itomipeeni iriori Raamá:
Sebá jeri Dedán.
8Yora Cus irio iririntanacari Nimrod. Iriotaque intacantanacarori ipincatsaritaque, ijivatacaajeitiri ishanincapeeni. 9Yora Nimrod icoacaaqueri Tasorentsi icovintsatasanotanaca catsini. Irotaque icantanteetari: “Iquempeta Nimrod, itasoncaventiri Tasorentsi icovintsatasanotantari.” 10Ora nampitsipee ipincatsariventajeitiri opajita Babel, Érec, Acad jero CalnÉ. Oca nampitsipee otimaque quipatsi Sinar. 11-12Anta quipatsiqui Sinar aitaque iponeanacari Asur vetsicaquerori nampitsipee: Nínive, Rehobot-ir, jero QuÉlah. Ora Resen otimi nianqui, omontetaro Nínive aisati Cala; irotaque oca antearoiteyetatsiri nampitsipee.
13-14Jeri ishanincapeeni iriori Misraim:
ludeopee, anameopee, lehabitapee, naftuhitapee, patruseopee, casluhitapee jeri caftoritapee. Yora caftoritapee iriotaque ishanincapeeni iriori filisteopee.
15Jero oca ivajiropee itomipeeni iriori Canaán:
Sidón jeri Het, yora Sidón irio jivatatsiri itimi.
16-18Jeri ishanincajeitaniri Canaán:
jebuseopee, amorreopee, gergeseopee, heveopee, araceopee, sineopee, arvadeopee, zemareopee jeri hamateopee aisati maaroni ishanincasanoripeeni iriori.
Impoiji ijayetanaque jaocapeerica isavicayetaqueri. 19Ora iipatsite cananeopee ojatanaque irosati ovecarantapaaca quipatsi Guerar, oponeanaca nampitsiqui Sidón irosati, nampitsijaniqui Gaza, irosati ojatanaque nampitsipeequi: Sodoma, Gomorra, Admá jero Seboim, irosati pashiniqui nampitsijaniqui pajitachari Lesa. 20Iriojeitaque yoca ishanincapeeni Cam. Inashiyetanaca ishanincasanoripeeni aisati quipatsi isavicajeitantacari, aisati onashiyetanaca irineanepee.
21Yora Sem iriotaque jivatatsiniri itimi irirenti Jafet, aisati itimayetaque itomipeeni. Maaroni itomipeeni Éber, iriojeitaque ishanincapeeni Sem. 22Jero oca ivajiropee itomipeeni iriori Sem:
Elam, Asur, Arfaxad, Lud jeri Aram.
23Jero oca ivajiropee itomipeeni iriori Aram:
Us, Hul, Gúeter jeri Mas.
24Yora Arfaxad irio iririni SÉlah.
Yora SÉlah irio iririni Éber.
25Impoiji Éber itimaque apite itomi,
aparo pajitachaniri PÉleg; tempa itimantanacari, inashijeitanacari atiripee quipatsiqui.
Yora irirenti PÉleg ipajitani Joctán.
26-29Jero oca ivajiropee itomipeeni iriori Joctán:
Almodad, SÉlef, Hasar-mávet, JÉrah, Hadoram, Uzal, Diclá, Obal, Abimael, Sebá, Ofir, Havilá jeri Jobab.
30Ari itsoteajeitanaquero quipatsipee itimantajeitanacaro. Oponeanaca quipatsipeequi pajitachari Mesá irosati Sefar, iquenapainta catsirincaiteri aisati otimayetapai toncaaripee.
31Iriojeitaque yoca ishanincapeeni Sem. Inashiyetanaca ishanincasanoripeeni aisati quipatsi isavicajeitantacari, aisati onashiyetanaca irineanepee.
32Iriojeitaque ishanincajeitaniri itomipeeni NoÉ. Inashiyetanaca ishanincasanoripeeni iriori aisati onashiyetanaca iipatsitepee isavicajeitantari. Ari opeeranitanaji incajaretantacaniri quipatsiqui, yoshequiasanojeitanaji catsini atiripee, itsoteanajiro quipatsipee itimantayetanajaro jaocapeerica.
Цяпер абрана:
Génesis 10: cni
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2008, 2015, Wycliffe Bible Translators, Inc. All rights reserved.