Lucas 16
16
Astütu ashmayman Jesús tinkusishqan
1Mastapis discïpulunkunata yachasir Jesús nirqan: <<Juk rïcu runapashi mas yärakushqan ashmaynin kanaq. Say ashmaypaqshi rïcu runata wilapäyänaq imaykantapis lutala ushaykashqanta. 2Sayta musyaykurnashi ashmayninta qayaykasir ninaq: <Runakuna parlayan imäkunatapis lutala ushaykashqaykitami. Kananpitaqa mananami imapaqpis yärakushaykinasu. Lapanta cuentata qomänaykipaq kamarikuy>.
3<<Sayno niptinshi say ashmay yarpachakur ninaq: <Patronnï qarqamaptinqa ¡imataraq kanan rurashaq! Chakracho aruytaqa qelanämi. Caridäta manakuytapis penqakümi. 4¡Kanan sï, imata ruranäpaqpis musyäna! ¡Patronnï qarqamaptinpis runakuna wayinkunacho chaskiyämänanpaq kaynömi rurashaq!>
5<<Sayno yarpachakuskirshi patronninpa jaqan kaq runakunata juk jukla qayaykasir punta kaqta tapunaq: <¿Aykataq patronnïpa jaqan kaykanki?> nir.
6<<Sayno tapuptinshi ninaq: <Paypa jaqan kaykä ishkay pachak (200) läta aceitimi>. Sayshi capataz ninaq: <Pachak (100) läta aceitilatana päganaykipaq kay papilman firmay>.
7<<Saypitashi juknintana tapunaq: <Qamqa ¿aykataq jaqan kaykanki?> Say runa ninaq: <Chusku pachak (400) säcu trïgumi>. Sayno niptinshi ninaq: <Kanan kimsa pachak (300) säculatana päganaykipaq kay papilman firmay>.
8<<Sayno astütu kashqanta musyaykurshi patronnin admirakunaq. Say ashmay yarpachakushqannömi Tayta Diosman mana yärakuqkunapis amistäta rurayänanpaq Diosman yärakuqkunapitapis mas yarpachakuyan. 9Noqa kaynömi nï: Qamkunapis kay pasacho qellaynikikunawan y imaykaykikunawanpis yanapar amïgukunata ashiyay. Saynöpami wanuyaptiki gloriacho mana ushakaq wayiman chaskikuyäshunki.
10<<Walkalata sararashqanwan alita rurarqa askata sarararpis alitami ruranqa. Walkalata sararashqanwan alita mana rurarqa askata sarararpis manami alita ruranqasu. 11Kay pasacho riquëzaykikunawan runa mayikita mana yanapäyaptikiqa ¡imanöparaq Tayta Dios gloriacho riquëzakunata kamaripäyäshunkiman! 12Jukpa kaqkunawan mana alita rurayaptikiqa Tayta Dios ¿yärakushunkimansuraq qampa kaqkunata qoykuyäshunaykipaq?#16.12 Jukpa kaqkunaqa kay pasacho kaqkunami kaykan. Noqansipaq kaqqa gloriacho riquëzata chaskinansipaq kashqanmi kaykan.
13<<Manami pipis ishkay patronta sirvinmansu. Ishkay patronyuq karqa jukninta chikir juknintami kuyanqa. Jukninta cäsukur juknintaqa manami cäsukunqasu. Saynölami rïcu kaylapaq yarpachakurqa Tayta Diosta sirviyta kamäpakuyankisu>>.
14Sayno yachasishqanta wiyarmi fariseukuna rïcu kaylapaq wachakash kayashpan Jesústa asipäyarqan. 15Saymi Jesús nirqan: <<Qamkuna runakunapa nawpancho ali tukuyaptikipis Tayta Dios musyanmi shonquykikuna imano kashqantapis. Saymi runakuna respitayäshuptikipis Tayta Dios melanäyäshunki.
Tayta Diospa palabranta cumplinanpaq Jesús nishqan
16<<Tayta Diospa leyninkuna y profëtakuna qelqayashqankunaqa Bautizaq Juan wilakushqanyaqmi karqan. Kananqa Tayta Dios mandaykashqan chämushqantanami wilakuykä. Saymi aska runakuna imanöpapis say mandashqanman yaykuyta munaykäyan. 17Isanqa jana pasawan kay pasa ushakaptinpis leyninkunacho nishqankunataqa Tayta Dios lapantami cumplinqa.
Majayuqkuna mana rakikäyänanpaq Jesús yachasishqan
Mateo 5.31-32; 19.9; Marcos 10.11-12
18<<Mayqan runapis warminpita rakikaskir juk warmiwan tarqa adulteriuchömi kaykan. Saynölami runanpita rakikash warmiwan tarqa adulteriucho kaykan>>.
Lázarupita y rïcu runapita Jesús wilapashqan
19<<Juk rïcu runashi kanaq ali mödanakunalata jatikuq. Waran waranshi fiestata rurar ali alilata mikuq. 20Say rïcu runapa punkunchöshi juk pobri runa Lázaro jutiyuq jamaränaq. Paypa intëru cuerpuntashi qeri ushaykänaq. 21Aläpa mikanarshi rïcu runapa mësanpita shikwaqkunalatapis mikuyta munapänaq. Saychöshi alqukunapis qerinta laqwapäyänaq. 22Lázaro wanuykuptinnashi Abrahampa nawpanman angilkuna apayänaq. Rïcu runa wanuykuptinnashi pampayänaq.
23<<Hadescho fiyupa nakarnashi rïcu runa karupita Lázaruta rikanaq Abrahampa nawpancho kaykaqta. 24Sayshi qayakunaq: <Tayta Abraham, kuyapaykalämay. Lázaruta kachaykalämuy dëdunta ushmarkasir shimïta ushmasipämänanpaq. Kay ninacho rupar seqaypami nakaykä>.
25<<Sayno niptinshi Abraham ninaq: <Hïju, yarpay imaykayuqpis kashpayki ali kawashqaykita. Lázarumi isanqa pobri kashpan seqaypa nakarqan. Saymi kananqa kaycho kushish kaykan y qamna saycho nakaykanki. 26Saynöpis wanwanyaykaq raqrami rakiykämansi. Saymi qam kashqaykiman pipis simpamuyta kamäpakunsu ni noqa kaykashqämanpis simpamuyta kamäpakunkisu>.
27<<Sayno niptinshi rïcu runa ninaq: <Tayta Abraham, sayno kaptinqa papänïpa wayinman Lázaruta kachaykulay. 28Saycho pisqaraqmi wawqïkuna kaykäyan. Paykuna kay nakayman mana shayämunanpaq wilakuq aywaykuläsun>.
29<<Sayshi Abraham ninaq: <Paykuna sararäyanmi Moisés y profëtakuna qelqayashqankunata. Saykunata cäsukuyäsun>.
30<<Sayshi rïcu runa ninaq: <Tayta Abraham, saytaqa manami cäsukuyanqasu. Juk runa wanushqanpita kawarirkur wilakuptinmi isanqa jusalikuykunata wanakuyanqa>.
31<<Sayno niptinshi Abraham ninaq: <Moisés y profëtakuna qelqayashqankunata mana cäsukuykarqa wanushqanpita kawarirkur wilakuptinpis manami cäsukuyanqasu> >>.
Цяпер абрана:
Lucas 16: qvhB
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2003, Wycliffe Bible Translators, Inc. All rights reserved.
Lucas 16
16
Astütu ashmayman Jesús tinkusishqan
1Mastapis discïpulunkunata yachasir Jesús nirqan: <<Juk rïcu runapashi mas yärakushqan ashmaynin kanaq. Say ashmaypaqshi rïcu runata wilapäyänaq imaykantapis lutala ushaykashqanta. 2Sayta musyaykurnashi ashmayninta qayaykasir ninaq: <Runakuna parlayan imäkunatapis lutala ushaykashqaykitami. Kananpitaqa mananami imapaqpis yärakushaykinasu. Lapanta cuentata qomänaykipaq kamarikuy>.
3<<Sayno niptinshi say ashmay yarpachakur ninaq: <Patronnï qarqamaptinqa ¡imataraq kanan rurashaq! Chakracho aruytaqa qelanämi. Caridäta manakuytapis penqakümi. 4¡Kanan sï, imata ruranäpaqpis musyäna! ¡Patronnï qarqamaptinpis runakuna wayinkunacho chaskiyämänanpaq kaynömi rurashaq!>
5<<Sayno yarpachakuskirshi patronninpa jaqan kaq runakunata juk jukla qayaykasir punta kaqta tapunaq: <¿Aykataq patronnïpa jaqan kaykanki?> nir.
6<<Sayno tapuptinshi ninaq: <Paypa jaqan kaykä ishkay pachak (200) läta aceitimi>. Sayshi capataz ninaq: <Pachak (100) läta aceitilatana päganaykipaq kay papilman firmay>.
7<<Saypitashi juknintana tapunaq: <Qamqa ¿aykataq jaqan kaykanki?> Say runa ninaq: <Chusku pachak (400) säcu trïgumi>. Sayno niptinshi ninaq: <Kanan kimsa pachak (300) säculatana päganaykipaq kay papilman firmay>.
8<<Sayno astütu kashqanta musyaykurshi patronnin admirakunaq. Say ashmay yarpachakushqannömi Tayta Diosman mana yärakuqkunapis amistäta rurayänanpaq Diosman yärakuqkunapitapis mas yarpachakuyan. 9Noqa kaynömi nï: Qamkunapis kay pasacho qellaynikikunawan y imaykaykikunawanpis yanapar amïgukunata ashiyay. Saynöpami wanuyaptiki gloriacho mana ushakaq wayiman chaskikuyäshunki.
10<<Walkalata sararashqanwan alita rurarqa askata sarararpis alitami ruranqa. Walkalata sararashqanwan alita mana rurarqa askata sarararpis manami alita ruranqasu. 11Kay pasacho riquëzaykikunawan runa mayikita mana yanapäyaptikiqa ¡imanöparaq Tayta Dios gloriacho riquëzakunata kamaripäyäshunkiman! 12Jukpa kaqkunawan mana alita rurayaptikiqa Tayta Dios ¿yärakushunkimansuraq qampa kaqkunata qoykuyäshunaykipaq?#16.12 Jukpa kaqkunaqa kay pasacho kaqkunami kaykan. Noqansipaq kaqqa gloriacho riquëzata chaskinansipaq kashqanmi kaykan.
13<<Manami pipis ishkay patronta sirvinmansu. Ishkay patronyuq karqa jukninta chikir juknintami kuyanqa. Jukninta cäsukur juknintaqa manami cäsukunqasu. Saynölami rïcu kaylapaq yarpachakurqa Tayta Diosta sirviyta kamäpakuyankisu>>.
14Sayno yachasishqanta wiyarmi fariseukuna rïcu kaylapaq wachakash kayashpan Jesústa asipäyarqan. 15Saymi Jesús nirqan: <<Qamkuna runakunapa nawpancho ali tukuyaptikipis Tayta Dios musyanmi shonquykikuna imano kashqantapis. Saymi runakuna respitayäshuptikipis Tayta Dios melanäyäshunki.
Tayta Diospa palabranta cumplinanpaq Jesús nishqan
16<<Tayta Diospa leyninkuna y profëtakuna qelqayashqankunaqa Bautizaq Juan wilakushqanyaqmi karqan. Kananqa Tayta Dios mandaykashqan chämushqantanami wilakuykä. Saymi aska runakuna imanöpapis say mandashqanman yaykuyta munaykäyan. 17Isanqa jana pasawan kay pasa ushakaptinpis leyninkunacho nishqankunataqa Tayta Dios lapantami cumplinqa.
Majayuqkuna mana rakikäyänanpaq Jesús yachasishqan
Mateo 5.31-32; 19.9; Marcos 10.11-12
18<<Mayqan runapis warminpita rakikaskir juk warmiwan tarqa adulteriuchömi kaykan. Saynölami runanpita rakikash warmiwan tarqa adulteriucho kaykan>>.
Lázarupita y rïcu runapita Jesús wilapashqan
19<<Juk rïcu runashi kanaq ali mödanakunalata jatikuq. Waran waranshi fiestata rurar ali alilata mikuq. 20Say rïcu runapa punkunchöshi juk pobri runa Lázaro jutiyuq jamaränaq. Paypa intëru cuerpuntashi qeri ushaykänaq. 21Aläpa mikanarshi rïcu runapa mësanpita shikwaqkunalatapis mikuyta munapänaq. Saychöshi alqukunapis qerinta laqwapäyänaq. 22Lázaro wanuykuptinnashi Abrahampa nawpanman angilkuna apayänaq. Rïcu runa wanuykuptinnashi pampayänaq.
23<<Hadescho fiyupa nakarnashi rïcu runa karupita Lázaruta rikanaq Abrahampa nawpancho kaykaqta. 24Sayshi qayakunaq: <Tayta Abraham, kuyapaykalämay. Lázaruta kachaykalämuy dëdunta ushmarkasir shimïta ushmasipämänanpaq. Kay ninacho rupar seqaypami nakaykä>.
25<<Sayno niptinshi Abraham ninaq: <Hïju, yarpay imaykayuqpis kashpayki ali kawashqaykita. Lázarumi isanqa pobri kashpan seqaypa nakarqan. Saymi kananqa kaycho kushish kaykan y qamna saycho nakaykanki. 26Saynöpis wanwanyaykaq raqrami rakiykämansi. Saymi qam kashqaykiman pipis simpamuyta kamäpakunsu ni noqa kaykashqämanpis simpamuyta kamäpakunkisu>.
27<<Sayno niptinshi rïcu runa ninaq: <Tayta Abraham, sayno kaptinqa papänïpa wayinman Lázaruta kachaykulay. 28Saycho pisqaraqmi wawqïkuna kaykäyan. Paykuna kay nakayman mana shayämunanpaq wilakuq aywaykuläsun>.
29<<Sayshi Abraham ninaq: <Paykuna sararäyanmi Moisés y profëtakuna qelqayashqankunata. Saykunata cäsukuyäsun>.
30<<Sayshi rïcu runa ninaq: <Tayta Abraham, saytaqa manami cäsukuyanqasu. Juk runa wanushqanpita kawarirkur wilakuptinmi isanqa jusalikuykunata wanakuyanqa>.
31<<Sayno niptinshi Abraham ninaq: <Moisés y profëtakuna qelqayashqankunata mana cäsukuykarqa wanushqanpita kawarirkur wilakuptinpis manami cäsukuyanqasu> >>.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2003, Wycliffe Bible Translators, Inc. All rights reserved.