Levíi ví Xónusɔ́ɖóte
Xónusɔ́ɖóte
Đo Levíi ví lɛ́ɛ wéma mɛ ɔ́, è ɖɔ lě e Mawu lɛ́ kpo ɖo sɛ́n lɛ́ɛ ná Mɔyízi gbɔn wɛ bónú é ná ɖɔ nú togun ɔ́. Mɛ e ɖo akɔta Levíi ví lɛ́ɛ tɔn mɛ lɛ́ɛ ɔ́, è sɔ́ yě bɔ yě nyí vɔ̌sánú-xwlémawutɔ́; nǔ e wú wěma ɔ́ nɔ́ nyí Levíi ví lɛ́ɛ sín wěma ɔ́ nɛ́. Mɛ e nɔ wa azɔ̌ nú Mawu lɛ́ɛ ɖó ná tunwun vogbingbɔn e ɖo nǔ e nyí mǐmɛ́ é kpó nǔ e nyí nǔblíblí é kpó mɛ é (10.10-11).
Sɛ́n e kan Mawu sinsɛn lɛ́ɛ sukpɔ́ bó gɛ́dɛ́ hwe ɖé lɛ́ɛ nu. Levíi ví lɛ́ɛ sín wěma ɔ́ ɖɔ xó dó vɔ̌ lɛ́ɛ wú, bó ɖɔ dó nǔ e è nǎ Mawu lɛ́ɛ wú, lobo ɖɔ dó sinsɛn sín xwe lɛ́ɛ wú, bó ɖɔ dó kanlin e è hɛn ɔ́, è nǎ ɖu lɛ́ɛ kpódó ée è ma ɖó ná ɖu ǎ lɛ́ɛ kpó wú. É ɖɔ mɛ e sixú yi Mawu xwé gbe lɛ́ɛ kpó mɛ e ma sixú yi ǎ lɛ́ɛ kpó.
Xógó e ɖo wěma ɔ́ mɛ ɔ́ wɛ nyí mǐmɛ́ Mawu tɔn; é ɖɔ xó dó lě e togun ɔ́ ɖó ná zán gbɛ gbɔn, bó ná hɛn kɔnɖókpɔ́ e é ɖó xá Mawu Mímɛ́ Izlayɛ́li tɔn ɔ́ ɖó te é wú.
Nǔ tají tají e ɖo wěma ɔ́ mɛ lɛ́ɛ
Sɛ́n e kan nǔníná lɛ́ɛ kpó vɔ̌ lɛ́ɛ kpó lɛ́ɛ (1—7)
È sɔ́ vɔ̌sánú-xwlémawutɔ́ nukɔntɔn lɛ́ɛ (8—10)
Sɛ́n e kan nǔ e nyí nǔ mímɛ́ é kpó ée nyí nǔblíblí é kpó lɛ́ɛ (11—15)
Hwɛ súnsún sín kɔ nú mɛ zán ɖaxó ɔ́ (16)
Izlayɛ́li togun ɔ́ ɖó ná nɔ mǐmɛ́ jí (17—22)
Gbɔjɛzán ɔ́ kpó xwe lɛ́ɛ kpó (23—25)
Đɛ xo dó mɛ jí Mawu tɔn lɛ́ɛ kpó nudómɛ tɔn lɛ́ɛ kpó (26)
Mawu ná sɛ́n ɖěvo ɖěvo lɛ́ɛ (27)
Цяпер абрана:
Levíi ví Xónusɔ́ɖóte: FONDC
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La Bible en langue fon © Alliance Biblique du Bénin, 2012.