Bulu - 1992 Edition (NT) Non Drama

<div class="version vid856 iso6393bum" data-vid="856" data-iso6393="bum">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">E mveane nkuse minga</div><div class="r">(Mk 12:41-44)</div><div class="p"> 1Y&#233;sus a nga bete mis a yene minkukum mi mbe mi futi&#700;i mimvean &#233;wolo &#233;t&#233;. 2A nga yene fe &#233;ng&#244;ngole nkuse minga, nye a mbe a futi&#700;i bone minsa&#241; beba&#233;, &#233;wolo te. 3A a nga j&#244; na: ma j&#244; mia de bebela na: &#233;ng&#244;ngole nkuse minga &#233; veya a da&#241;e b&#244;te bevo&#700;o bese; 4amu mimveane bana bese ba te ve &#233;wolo &#233;t&#233; ba te nyo&#241;e mie e bi&#244;me biap bia fuuku &#233;t&#233;, ve nye a te futi j&#244;m &#233;se a be a bili na a nyi&#241;.</div><div class="s">Y&#233;rusal&#233;m a ye tyamban a e nsoone Mona M&#244;t</div><div class="r">(Mt 24:1-14; Mk 13:1-13)</div><div class="p"> 5E mb&#244;l&#244; b&#244;te bevo&#700;o be mbe be j&#244;&#700;&#244; aj&#244; nda Zambe na &#233; mbe &#233; bili abe&#241;e mekok a bi&#244;me be nga soo bie ane mimvean Y&#233;sus a nga j&#244; na: 6Melu ma zu e mme mete e bi&#244;me bise mi l&#244;&#244; bi, teke akok da ye li&#700;i e bete di avo&#700;o y&#244;p teke na ba s&#244;&#700;&#244;l&#244; de si.</div><div class="p"> 7Be nga sili nye na: A nye&#700;ele, &#233;yo&#241; &#233;v&#233; &#241;he jame te da ye boban, a ndeme f&#233; ja ye kate fo&#233; ya mam mete?</div><div class="p"> 8Y&#233;sus a nga yalane na: Taba&#700;ane ntyele ya woneban. Amu abui b&#244;t da ye zu a j&#244;&#233; dam a j&#244; na: ma le, a &#233;yo&#241; &#233; ntoo beb&#233;. Te t&#244;&#241;ane be. 9Eyo&#241;e mia ye w&#244;&#700;&#244; be kob&#244;&#700;&#244; aj&#244; bita a nzameta&#700;an, te koone wo&#241;, amu nal&#233; a yiane tat&#233; boban &#244;susua. Ve nal&#233; aa ye ke j&#244; na asu&#700;ulan &#233; soya &#233;yo&#241;e te &#233;bien. 10A nga j&#244; be na: Ayo&#241; da ye wosan ayo&#241;, &#233;j&#244;&#233; ja ye wosan &#233;j&#244;&#233;. 11Beta mimf&#244;&#700;&#244;san mi si mia ye boban, a e mev&#244;m mev&#244;m, bim a bemfumbale za&#233;; ang&#244;nd&#244; bibubua a ye bo a beta mendem e y&#244;p. 12Ve da, te na mam mete mese me boban, ba ye bi mia a ba ye tibili mia; ba ye kee mia e meba me Zambe, ba ye futi mia e menda mimb&#244;k, ba ye kee mia asu betyi&#700;i mej&#244; a asu bengovina amu j&#244;&#233; dam. 13Nal&#233; a ye ve mia af&#244;la ya bo bengaa. 14Futa&#700;ane &#241;he de e nsisime w&#244;nan &#233;t&#233; na mi bo te fas ane mia ye kamane miabebien. 15Amu ma ye ve mia anyu a fek e mbie besi&#241;e benane bese be se nguleya jibi nge t&#233; si. 16Ja&#700;ane bebia&#233; benan ba ye kuane mia, nal&#233; fe bobenyo&#241;, bivuvumane bienan a bemv&#244;&#233; benan, a ba ye bo na be w&#244;&#233; abui ya be mia. 17Bese ba ye vini mia amu j&#244;&#233; dam. 18Ve teke kongo &#233;sile jia ya nl&#244; w&#244;nan ja ye ja&#241;; 19mia ye nyii minsisime mienan amu mbane w&#244;nan.</div><div class="s">Y&#233;rusal&#233;m a tyi&#700;iban aj&#244;</div><div class="r">(Mt 24:15-51; Mk 13:14-17)</div><div class="p"> 20Eyo&#241;e mia ye yene Y&#233;rusal&#233;m mb&#244;ma&#700;ane minsamba mewosan, yemane na &#233;yo&#241; a yiane tyamban e kpwaneya. 21Eyo&#241;e te, e ba ba ye tabe Yud&#233; be tubuk e mink&#244;, e ba ba ye tabe Y&#233;rusal&#233;m be k&#244;l&#244;&#700;&#244; a e ba ba ye tabe mefup be bo&#700;o te bulane tison. 22Amu melu mete ma ye bo ma me akuna&#700;a, asu nt&#244;&#233;bane ya mam mese me ne ntilan. 23Ngo&#700;&#233; binga ba ye bo mebum a e ba ba ye nyaa bone meb&#233; melu mete! Amu beta &#244;lun a ye bobane si, a ayaa da wosan ayo&#241;. 24Ba ye ku a meyo me kpwat&#233; mek&#244;n. Ba ye kee be mink&#244;m e be meyo&#241; bikule mese, a meyo&#241;e bikuu ma ye tibi Y&#233;rusal&#233;m a mebo, akekui biyo&#241; meyo&#241;e bikuu bi kpwaneya.</div><div class="s">Nsoone Mona m&#244;t</div><div class="r">(Mt 24:29-31; Mk 13:24-27)</div><div class="p"> 25Mendem ma ye boban e j&#244;p, e ngon, atet&#233;. Meyo&#241;e bikuu ma ma ye kumetane minleme si ny&#244;, teke yeme jam be bo amu &#233;du&#241;e ma&#241; a mendim; 26b&#244;t ba ye wu a wo&#241;, be yange&#700;e jam da ye kui si, amu mengule ya y&#244;p ma ye su&#700;uban. 27Eyo&#241;e te ba ye yene Mona m&#244;t a za&#700;ak e minkut &#233;t&#233; a abui ngul a &#233;t&#244;tok. 28Eyo&#241;e nal&#233; a ye tat&#233; na a boban, teba&#700;ane tetele, a tel&#233; minl&#244;, amu nk&#244;tane w&#244;nan &#244; ntoo beb&#233;. 29A a nga kane be nkana na: fomba&#700;an figi&#233; a bil&#233; bise. 30Eyo&#241;e bia kui bis&#244;so&#241;e meka&#233;, miabebien mia yem, &#233;yo&#241; mia fomb&#244;, na &#233;sep &#233; ntoo beb&#233;. 31Avale te fe, &#233;yo&#241;e mia ye yene mam mete me boba&#700;an, yemane na &#233;j&#244;&#233; Zambe &#233; ntoo beb&#233;. 32Ma j&#244; mia de bebela na: Mia&#233; b&#244;te wuna wo ye bo teke l&#244;t te na mam mete mese me boban. 33Y&#244;p a si bia ye l&#244;t ve mej&#244; mam ma ye bo te l&#244;t.</div><div class="p"> 34Taba&#700;ane miabebien ntyel, amu wo&#241;e na minleme mienan mi za bo adit amu e nnembane mboone mam a nso&#700;one bilam, a e mam ma tyel&#233; nleme y&#244;p &#233;nyi&#241;, a na m&#244;s &#244;te &#244; zaa kuu mia y&#244;p &#233;yo&#241; mi ne te buni, 35aval ane avot, amu wo ye zu e be b&#244;t be too si ny&#244; &#233;se. 36Momba&#700;ane &#241;he a ye&#700;elan &#233;yo&#241; &#233;se nal&#233; mia ye bi ngule ya fame mam mese ma yiane kui, a litibane tetele asu be Mona m&#244;t.</div><div class="p"> 37A am&#244;s, Y&#233;sus a mbe a ye&#700;elane e nda Zambe, a a mbe a kele b&#244;mb&#244; e nk&#244;le be&#244;livi&#233;. 38A b&#244;te bese, atat&#233; mamety&#233;, be mbe be kele be nye, e nda Zambe, asu ya v&#244;&#700;&#244;l&#244; nye.</div>
 </div>
 </div>
</div>

Yésus a nga bete mis a yene minkukum mi mbe mi futiʼi mimvean éwolo été. A nga yene fe éngôngole nkuse minga, nye a mbe a futiʼi bone minsañ bebaé, éwolo te. A a nga jô na: ma jô mia de bebela na: éngôngole nkuse minga é veya a dañe bôte bevoʼo bese; amu mimveane bana bese ba te ve éwolo été ba te nyoñe mie e biôme biap bia fuuku été, ve nye a te futi jôm ése a be a bili na a nyiñ.


E mbôlô bôte bevoʼo be mbe be jôʼô ajô nda Zambe na é mbe é bili abeñe mekok a biôme be nga soo bie ane mimvean Yésus a nga jô na: Melu ma zu e mme mete e biôme bise mi lôô bi, teke akok da ye liʼi e bete di avoʼo yôp teke na ba sôʼôlô de si.
Be nga sili nye na: A nyeʼele, éyoñ évé ñhe jame te da ye boban, a ndeme fé ja ye kate foé ya mam mete?
Yésus a nga yalane na: Tabaʼane ntyele ya woneban. Amu abui bôt da ye zu a jôé dam a jô na: ma le, a éyoñ é ntoo bebé. Te tôñane be. Eyoñe mia ye wôʼô be kobôʼô ajô bita a nzametaʼan, te koone woñ, amu nalé a yiane taté boban ôsusua. Ve nalé aa ye ke jô na asuʼulan é soya éyoñe te ébien. A nga jô be na: Ayoñ da ye wosan ayoñ, éjôé ja ye wosan éjôé. Beta mimfôʼôsan mi si mia ye boban, a e mevôm mevôm, bim a bemfumbale zaé; angôndô bibubua a ye bo a beta mendem e yôp. Ve da, te na mam mete mese me boban, ba ye bi mia a ba ye tibili mia; ba ye kee mia e meba me Zambe, ba ye futi mia e menda mimbôk, ba ye kee mia asu betyiʼi mejô a asu bengovina amu jôé dam. Nalé a ye ve mia afôla ya bo bengaa. Futaʼane ñhe de e nsisime wônan été na mi bo te fas ane mia ye kamane miabebien. Amu ma ye ve mia anyu a fek e mbie besiñe benane bese be se nguleya jibi nge té si. Jaʼane bebiaé benan ba ye kuane mia, nalé fe bobenyoñ, bivuvumane bienan a bemvôé benan, a ba ye bo na be wôé abui ya be mia. Bese ba ye vini mia amu jôé dam. Ve teke kongo ésile jia ya nlô wônan ja ye jañ; mia ye nyii minsisime mienan amu mbane wônan.


Eyoñe mia ye yene Yérusalém mbômaʼane minsamba mewosan, yemane na éyoñ a yiane tyamban e kpwaneya. Eyoñe te, e ba ba ye tabe Yudé be tubuk e minkô, e ba ba ye tabe Yérusalém be kôlôʼô a e ba ba ye tabe mefup be boʼo te bulane tison. Amu melu mete ma ye bo ma me akunaʼa, asu ntôébane ya mam mese me ne ntilan. Ngoʼé binga ba ye bo mebum a e ba ba ye nyaa bone mebé melu mete! Amu beta ôlun a ye bobane si, a ayaa da wosan ayoñ. Ba ye ku a meyo me kpwaté mekôn. Ba ye kee be minkôm e be meyoñ bikule mese, a meyoñe bikuu ma ye tibi Yérusalém a mebo, akekui biyoñ meyoñe bikuu bi kpwaneya.


Mendem ma ye boban e jôp, e ngon, ateté. Meyoñe bikuu ma ma ye kumetane minleme si nyô, teke yeme jam be bo amu éduñe mañ a mendim; bôt ba ye wu a woñ, be yangeʼe jam da ye kui si, amu mengule ya yôp ma ye suʼuban. Eyoñe te ba ye yene Mona môt a zaʼak e minkut été a abui ngul a étôtok. Eyoñe nalé a ye taté na a boban, tebaʼane tetele, a telé minlô, amu nkôtane wônan ô ntoo bebé. A a nga kane be nkana na: fombaʼan figié a bilé bise. Eyoñe bia kui bisôsoñe mekaé, miabebien mia yem, éyoñ mia fombô, na ésep é ntoo bebé. Avale te fe, éyoñe mia ye yene mam mete me bobaʼan, yemane na éjôé Zambe é ntoo bebé. Ma jô mia de bebela na: Miaé bôte wuna wo ye bo teke lôt te na mam mete mese me boban. Yôp a si bia ye lôt ve mejô mam ma ye bo te lôt.
Tabaʼane miabebien ntyel, amu woñe na minleme mienan mi za bo adit amu e nnembane mboone mam a nsoʼone bilam, a e mam ma tyelé nleme yôp ényiñ, a na môs ôte ô zaa kuu mia yôp éyoñ mi ne te buni, aval ane avot, amu wo ye zu e be bôt be too si nyô ése. Mombaʼane ñhe a yeʼelan éyoñ ése nalé mia ye bi ngule ya fame mam mese ma yiane kui, a litibane tetele asu be Mona môt.
A amôs, Yésus a mbe a yeʼelane e nda Zambe, a a mbe a kele bômbô e nkôle beôlivié. A bôte bese, ataté mametyé, be mbe be kele be nye, e nda Zambe, asu ya vôʼôlô nye.

Слушайте LUKAS 21