Популярни библейски стихове от Eòin 15

Споделяне

“Is mise am fìonan; is sibhse na geugan. An neach a dh'fhanas annamsa agus mise annsan, is esan a ghiùlaineas mòran toraidh; oir às m' aonais‑sa chan urrainn dhuibh aon rud a dhèanamh.

Fanaibh annamsa, agus mise annaibhse. Mar nach urrainn dhan ghèig toradh a ghiùlain uaipe fhèin mura fan i anns an fhìonan, cha mhotha as urrainn dhuibhse mura fan sibh annamsa.

Ma dh'fhanas sibhse annamsa, agus ma dh'fhanas m' fhaclan‑sa annaibhse, iarraibh ge b' e dè a thogras sibh, agus bidh e air a dhèanamh dhuibh.

Chan e sibhse a thagh mise, ach is mise a thagh sibhse agus dh'òrdaich mi sibh airson 's gun deigheadh sibh agus gun toireadh sibh a‑mach toradh, agus gum maireadh ur toradh, airson 's ge b' e rud a dh'iarras sibh on Athair nam ainm‑sa, gun toir e dhuibh e.

Gràdh nas motha na seo chan eil aig neach sam bith, gun leig duine a bheatha sìos airson a charaidean.

Bheir e air falbh a h‑uile geug annamsa nach eil a' giùlain toraidh, agus gach uile gheug a tha a' giùlain toraidh, gearraidh e air ais i, airson 's gun giùlain i barrachd toraidh.

Is i seo m' àithne‑sa, gun gràdhaich sibhse a chèile, mar a ghràdhaich mise sibhse.

Le seo a tha m' Athair air a ghlòrachadh, gun giùlain sibhse mòr‑thoradh, agus mar sin gun dearbh sibh gur sibh mo dheisciobail‑sa.

“Is mise am fìonan fìor, agus is e m' Athair an gàirnealair.

Mura fan neach annamsa, tha e air a thilgeil a‑mach mar ghèig agus a' crìonadh; agus tha iad gan cruinneachadh, gan tilgeil dhan teine agus gan losgadh.

Na rudan seo tha mi air a ràdh ribh airson 's gum faodadh m' aoibhneas a bhith annaibhse, agus airson 's gum faodadh ur n‑aoibhneas‑se a bhith làn.

Ma chumas sibh m' àithntean, fanaidh sibh nam ghràdh; dìreach mar a chùm mise àithntean m' Athar, agus a tha mi a' fantainn na ghràdh‑san.

Na rudan seo tha mi ag àithne dhuibh, airson 's gun gràdhaich sibh a chèile.”

Nam b' ann dhen t‑saoghal a bha sibh, ghràdhaicheadh an saoghal sibh mar a chuid fhèin. Ach a chionn 's nach eil sibh dhen t‑saoghal, ach gun do thagh mise sibh a‑mach às an t‑saoghal, air sgàth sin tha fuath aig an t‑saoghal dhuibh.