Популярни библейски стихове от Маркица бицараб Рохалил хабар 9

Споделяне

Гӏисаца гьесда абуна: – Дагьабниги божизе дудаги кӏолеб батани, божа мунги. Божулев чиясда хӏалкӏолареб жо букӏунаребин!

Гьебсагӏат васасул инсуца ахӏана: – Дун божула, кумек гьабе дие – божуларесе!

Рокъоре щун, жалго хутӏидал, муридаз Гӏисада гьикъана: – Нижеда щай кӏвечӏеб доб хъубаб жен бачахъизе? Гӏисаца гьезие жаваб кьуна: – Доб тайпаялъул жундул рачахъизе кӏола гӏицӏго дугӏаялдалъун.

Цӏам лъикӏаб жо буго. Амма гьелъул цӏамгӏаллъи холеб бугони, кин нужеца гьеб нахъеги цӏамгӏаллъизабилеб? Цӏам цӏуне нужелъго, ва цоцазда гьоркьор ракълида рукӏа.

– Цо гьадинаб лъимер, дие гӏоло, лъицаниги къабул гьабуни, гьеб бащалъизе буго дун къабул гьавиялда. Дун къабул гьавурав чияс, цохӏо дун гуревги, дун нужехъе витӏарав Аллагьги къабул гьавулев вуго.

Хӏакълъун абулеб буго дица нужеда: нуж Масихӏил муридал рукӏинги лъан, дие гӏололъун нужее гьекъезе гел цӏун лъим кьурав чи кириялдаса махӏрумлъиларо.

Амма диде иман лъуразда гьоркьоса цониги лъимер гӏадинав пулан мунагьалде цӏалев чи ккани, гьобоги горбода бухьун, ралъдалъе рехиго лъикӏаб букӏинаан гьесие.

Дур бералъ мун мунагьалде цӏалев вугони, бахъун рехе гьеб. Цо бергун Аллагьасул Парччахӏлъиялде ин лъикӏ дуе, кӏиябго бергун жужахӏалъуве рехизегӏан.