Популярни библейски стихове от Luku 4

Споделяне

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩; kʼu ño̩ fʼakoya o̩do̩ e̩nyo̩ kʼOndu agba ta.

Taku Jisus dohi ka ñw u kakini, I che̩ko̩ tane̩ kakini, Ondu, O̩jo̩-we̩, oñ uwe̩ adojikane̩ ñw u, owñ kate oñ uwe̩ ache.

Taku Jisus dohi ñw u kakini, I che̩ko̩ tane̩ kakini, I chʼugbo uje̩wñ kate oñ one̩ adeju n.

Oñ Jisus, kʼi che̩ko̩ ñw Afu Kiafo̩, mudabi kwo Jordan wa, oñ Afu le̩ nʼowñ ale ef aje̩tachi

Oñ Jisus dohi ka ñw u kakini, Ma kakini, E̩ ki jʼOndu O̩jo̩-we̩ ma n.

Tak abu kʼAbulumone̩ le̩ fʼajama-wñ du chekpa, i kwo bʼo̩ te̩ gbogbo tʼadiko omune̩.

Tak i nʼo̩ te̩gu oñ i mʼojane̩ ojane̩ du ugbo kʼabile̩ te̩ kade du ñʼo̩ rarara. Tak Abulumone̩ le̩ ka ñw u kakini, Uwe̩ nadu o̩da kide̩ du kpai ojima-wñ ñw u; todu ma mʼu ko ñwu mi me̩, oñ e̩ne̩ du ki la dʼumi e̩do̩ nadu ñw u. Todule̩ iche̩wñ kʼuwe̩ jʼadojikane̩ o̩gba-mi, o̩chaka-wñ achʼe-we̩. Taku Jisus dohi ka ñw u kakini, I che̩ko̩ tane̩ kakini, Ondu, O̩jo̩-we̩, oñ uwe̩ adojikane̩ ñw u, owñ kate oñ uwe̩ ache.

Tak i nʼo̩ lo tu Je̩rusale̩m, oñ i mʼu du gugu o̩chigene unyi O̩jo̩, oñ i ka ñw u kakini, Iche̩wñ kʼuwe̩ chʼO̩ma O̩jo̩, dʼo̩la-we̩ ro̩ kwʼemi wʼane̩; todu i che̩ko̩ tane̩ kakini, I atuko̩ o̩la-we̩ ñw amonuche̩-wñ ku ma dide we̩; i laño̩ che̩ko̩ kakini, Ma anʼe̩ e̩do̩wo̩-ma tode̩gba kʼe̩ dʼe̩re̩-we̩ kʼokuta. Oñ Jisus dohi ka ñw u kakini, Ma kakini, E̩ ki jʼOndu O̩jo̩-we̩ ma n.