Популярни библейски стихове от Mat 2

Mat 2:11

Ŋwaale Feyin; Kelek Kefɛɛ

Ghene ndu è chin bene fɛ fenjes fi nè ləysen, è me lii ɛ ndaa, è yɛn wán vi ghene no ə wene Mɛɛle. Ka ghene yɛnen wán vi ɛ leghɛ, è me təm ɛləy ɛ wen ɛyshiɛ, è fo ɛykokse se wen. Ghene fô ɛykokse dì, è me dise əbbuam ə ghen, è fəyse gwiy nɛ̀ tefo tɛ ghene nè gwiyen so se wen. Tefo tine nè lu: Ɛytian, nɛ̀ kelɛye gese nɛ̀ keyióséne.

Сравни

Разгледайте Mat 2:11

Mat 2:1-2

Ŋwaale Feyin; Kelek Kefɛɛ

Ɛ́ nè bii Jesus ɛ ntɛke Betlehem ɛ ɛylak ə Judea. Nè lu əbliy fô nɛ əbfon wɛ Helod sake ɛylake ten. Ghel ɛtofene ɛlee loo jii ɛybee yɛ chuye sɛɛ tóò ɛ ten, è gwiy ɛ Jolesalem. Ghene nè gwiy dî, è se bifte ge: Wan wɛ ɛ́ biin wɛ əb náà yɛ lu əbfon ə ghele Juus waay? Ghɛs kè yɛn fenjes ə wen ka fe yɛnsen ɛ ɛyyio, è me lòò è se kɛŋe gwiye se kokse wen.

Сравни

Разгледайте Mat 2:1-2

Mat 2:9-10

Ŋwaale Feyin; Kelek Kefɛɛ

Ghene me lòò è se nduu, è loo ndu di, è gese yɛn fenjes fɛ ghene nè kɛɛten yɛn ɛ ghene ɛylak. Ghene yɛn dî, è se saŋle naa se ŋaŋ, nɛ əbghune ghene jofe. Fe me se bane nduu ɛ ghene mbiy, dine jii se ghene, è ndu ləysen bene fɛ wan vi nè luun.

Сравни

Разгледайте Mat 2:9-10

Mat 2:12-13

Ŋwaale Feyin; Kelek Kefɛɛ

Ghene chii, Feyine suuy se ghene ɛ jɛm ge ghàà ghene kase ndu ghaa Helod luun. Ghene nɛ̂y loole è me liɛ jii ɛychin è kase fiile se ghene ɛylak. Nɛy se lu ka ghel ɛtofene ghii lòòn, Josɛf loo buune, nchiy-ndaa nə Báàba Feyin gwiy se wen ɛ jɛm è suuy ge: Loole, è liɛ wán ghene no ə ten è nyiŋ è ndu nɛ̀ ghene se Ejibt è yɛ lu fo se chin ɛ əbliy wɛ mɛ nɛ̂y suuy é ghɛn fiile, bek ge Helode kɛŋe wán se yuy.

Сравни

Разгледайте Mat 2:12-13

Популярни библейски стихове от Mat 2Споделяне

Безплатни планове за прочит и посвещения, свързани с Mat 2

Популярни библейски стихове от Mat 2