Популярни библейски стихове от Májiye 7

Споделяне

—Arilaw, n'aŋ'ariwunee; ariŋes, n'aŋ'aribaj; arikoŋkoŋan, n'aŋ'árifeŋginee.

Ábuki an fe eelawe, aŋ'awunee; an eeŋese, aŋ'abaj; abe an eekoŋkoŋane, aŋ'áfeŋginee.

—Náami an fe eejame báhamin bonde b'isoke bee, abe n'áhin naane isoke i bo, aliikeeliik naane an éewasie, eenute enuuf yeene t'elaaliñj.

«Árihin bakaaku buroon b'árimaŋie bu káhin bija t'aruun. Bondu *b'Eluwa yite Moyis ékandijene fu, bija wuwiit wute *eyiŋana yite Atambatun fe.

Bare karuŋ kite buroŋ béehabanaariit bu kiyiitayiit, éhuhu yeeje i bo yooŋ érimarim, abe kiŋki kajuk yo kahoojut.

—Ariŋaas ti karuŋ keeyiite ku! Ábuki karuŋ kite bútowuto bu hiraanu kiŋabaŋab, éhuhu yeeje i bo yooŋ ejaaŋajaaŋ, abe kiŋki kaŋaas toko kahoojahooj.

Naane árijakaatie i fe, árimoomi kawunu bakañuuun buroon beejake. Náami buŋ bi Faafuun eeemo u t'etiir atuf'áhin ahaŋ diyu ariike, eewun buroon beejake kiŋki kalawo bo?

—Atum'arijoonan an, kaanuku man Atambatun yooŋ atum'abin ajoonanuun. Ábuki fu ti naane aa arijoonan bakaaku t'Atambatun aja fu kaliiku eejoonanuun.

Abe an fe eejame bonde b'isoke bee, abe áhinut naane isoke i bo, aliikeeliik n'an eesoŋotee, eenute enuuf yeene ti baaliisiw.

Buŋ b'a̱yino fu kajuku kaahos keeemo ku ti díkin dite atii, abe a̱finut a̱juk egol yeeemo i tu dúuwe du? Buŋ b'a̱yino fu kaanio: «A̱bin iinuutani kaahos kondu keeemo ku ti díkini», abe bare egol eemo fu tu dúuwe du?

—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu. Aruun kakeetaniin ti máhinar mooniin. An átujaariit bihemb ti ñisisa, man yooŋ kimaŋgara ti ñisejend.

Nunukanuk neejake aŋ'abuk miriyaay meejake, bare nunukanuk neejakut aŋ'abuk miriyaay meejakut.

Nunukanuk neejake ayinaat kabuku miriyaay meejakut, abe nunukanuk neejakut ayinaat kabuku miriyaay meejake.

Nunukanuk fe neebukut miriyaay meejake, no kafiitiee, abe ni nífiitenee ti sineemak su.