Популярни библейски стихове от Svun Lucas 24

Споделяне

Li vo'one chajtacbeic tal ti c'usi yaloj onox ti Jtote. Pero li vo'oxuque li'anic to me li' ta jteclum Jerusalene, ja' to mi avich'ic li ayu'elic ta xtal ta vinajele ―x'utatic yu'un ti Jesuse.

Mu xa bu li'i, icha'cuxi xa. Yuleso ta ajolic ti c'usi layalbeic ti c'alal tey to'ox achi'uquic ta Galileae

C'alal laj spas chac taje, ja'o ijambat satic, iyojtiquinic ti Jesuse; Pero ja'o xa isacch'ay ech'el. Ja' yech iyalbe sbaic chac li'i: —¿Mi mu yechuc xcal ti ica'itic ta co'ontic ti toj lec ispat co'ontic ti c'alal li lo'ilajotic tal jchi'uctic ta bee xchi'uc ti c'alal li yalbotic tal smelol li sc'op Rioxe? ―Xut sbaic.

Ja' yech i'albatic chac li'i: —Ts'ibabil ta sc'op Riox ti persa ta xcham ti much'u chtaque tal yu'un ti Rioxe, pero ta xcha'cuxi ta yoxibal c'ac'al, ti ta xch'ul bi chvinaj sc'oplal ta sjunlej balamile, yo' sutic o tal ta stojol ti Rioxe, yo' x'ac'batic o pertonal yu'un li smulique. Ba'yi chvinaj li' ta Jerusalene

Ti c'alal ic'otique, loq'uesbil xa c'ot staic li ton ti macbil to'ox o li muquenale. I'ochic ta yut ch'en, pero mu xa bu tey istabeic sbectal stacupal ti Cajvaltic Jesuse.