ओउःमयः च्युङःआक्तीको येसुइ ओउः पोङाकेरः लाङ्मा नीस्ज्योः ङाःमा त्याक्ती लाङ्काताङ् त्याव्ती योती परमेस्वर्कायः “च्युता” त तोआकान्। एत तोआक्तीको येसुइ लाङ् फन्ह्ती वेःती ओउःकुस् वाह्ओमयःकायः ल्हाती दोल्कावःसाकायः बयःआकान्। ओउः नीस्ज्योः ङाःमा ओउःतलेः फन्ह्ती वेःती ल्हाआथास। ओहाङःसैको ओउः लाङ्मा ङाःमा सबै हुम्ओ मान्तालम्कायः दोल्कावःआक्तीको ओउः मान्तालम्इ ओउः जेःगा त्याक्ती कोस्तोलेः जेःआकानी। जेःच्युक् जेःआक्बतीको लाङ्कोःमा ङाःकोःमा वेओ य्हुन्ह्लम् सेक्ती हुम्ह्ती बारगोता धाकर्हाङः काती ब्लीङ्ताक्आकानी।