Популярни библейски стихове от Matiu 7

Споделяне

<<Gbíla n pịghị anị pa ị pịrịbẹm; dọghụ ị pịghị dọghụḅobẹm; gbolo ḅụ́pọ́ ma sọ findi ị pịrịbẹm.

Gbíla ḅo gonyẹ́ gonyẹ́ nyánáḅobẹm dọghụ ḅo dọghụḅobẹm, gbolo ḅo ḅụ́pọ́ ma findi n ḅọ pịrịbẹm.

<<Iyẹ ẹ́gẹ́rẹ́ ma naaḅọ gonyẹ́ gonyẹ́ sị anị mịẹ, a n ḅọ pa nyẹ́nimi wárịnámáḅọ na tọ́mabẹm amịna wárị namaḅọ okpo dapịrị ọgọnọ.

Anịgosi, nyẹ gonyẹ́ gonyẹ́ ḅụ, mịẹ jẹ́apụ pịrị i dọghụ ḅara sị nnị mịẹ ị pịrị, mịma anịị ólóghó ma na ikiakoroapụ ma dughoarị nyẹ.

Kụ́ma túminị́ daa muu duma ḅụ súúarị opu ḅụ́pọ́ ma ịrụm asọ ma sọ kpápụ́m, boghaapụ anịị anị dọghụ pághámaḅoapụ.

<<Kpápụ́ opu ḅụ́pọ́ ma ḅụ ḅọ́rọ́ sọọ, tegó túminị́ daa gúlúgúlúmaarị opu ḅụ́pọ́ ma finjim asọ ma sọ pịghị sárásárám, tọghaapụ anị pịghị anị bie ḅọ́rọ́arịapụ.

Ḅọ́rọ́ ọmịnị anịsáa siiapụ n ḅẹ́sọ, nimim ọmịnị ibi dienyẹ pa die ọmịna awọ pịrị pịrị ḅara, ọmịna sobie Daḅọ anịị ibi dienyẹ pa ọ ḅara biiapụ pịrịbịghaḅọ!

<<Jẹ́apụ sịbị ḅẹ́rẹ́kọ ma, Tamuno sọ ị sịbị ḅẹ́rẹ́kọbịgha ḅara. Ḅẹẹ Tamuno ị sịbị ḅẹ́rẹ́kọbẹm i jẹ́apụ sịbị ḅẹ́rẹ́kọ ḅara, i pa tọ́ọ jẹ́apụ pịrị ḅara anị ḅara ma anịị nnị pa tọ́ọ ị pịrị bẹnyẹ.

Kụ́ma mịị ị́yẹ́ ẹ́gẹ́rẹ́ ma náa ḅo gonyẹ́ gonyẹ́ sị anị pa fịrị ḅụ suagha, a n ḅọ pa oḅori wárị namaḅọ na kịkamabẹm, amịna warị namaḅọ onwo ọ́gọ́nọ.

<<I tegó i numboru owitụ́wọ tọ́rụ́ ḅụ fịnị ẹ́pẹ ma dighi kụ́ma ị tọ́rụ fịnị sị ikiḅa ma ị sáá nyáná anị pịrịgha? Ị tọ́rọ́pa dugho ị numboru pịrịbẹ ḅẹẹ, <Ḅoo sị a ẹ́pẹ ma si ị tọ́rụ,> anịsáa ịrị sị ikiḅa nyánam i tọ́rụ.

<<Ọmịnị ọ ḅụ ẹbị epele ikiakoroapụ ma gosi, nnị ọ dámáḅobẹm ánáná oju apara sua kụ́ma sughubie nnị piri obiri. Nnị suarị sịmgbọ́lụ ḅụ ḅọ́rọ́ ị́ nnị lighilighiḅobẹm. Ị ine grepụ kịẹ ḅobịgha nangi nangi nangi sị ḅụ anịgha fịgị kịẹ ḅoo nangi ngóngó ḅụ.

Anị gbẹ́rẹ́ ḅara ma, ibi sị gonyẹ́ gonyẹ́ ibi sịmgbọlụ suam, kụ́ma sii sị sii sịmgbọ́lụ suam.

Ibi sị ine sii sịmgbọ́lụ suabịgha, sii sị ine ibi sịmgbọlụ suabịgha.

Ibi sịmgbọ́lụ suagha sị gonyẹ́ gonyẹ́ n pẹ́lẹ́gbibẹm sị pa fịnịbie gbi sua.