Популярни библейски стихове от Matius 19

Споделяне

Yesus nolangon iroh paluh mantun, “Mula aroko bodai kolunon nguan onon. Tapi, Mohotara lian nguan kokon aranaang.”

Jadi, iroh aroh bat duo beti, tapi Mohotara mongangap iroh ico. Awi tului iroh ocop tongonyarin ico pian Mohotara, maka iroh aroh kuhan tomisahdarai pian kolunon.”

Useh Yesus, “Mositi ikan ocop mombaca nyan Surat Borasih. Ingkan kosulak, Mohotara nampa kolunon, iyohonon bakah hintang bawe. Paluh Are mantun kole Antun Mohotara, ‘Iyoh tuluieh Akuh nampa iroh socara boposangan, Maka bakah angar naat tinan-tamaieh paluh hico ma oruh eh. Tului iyoh iroh ruo jarin ico.’

Tapi Yesus mantun, “Oluehboh kawan daja dombut hia-Akuh! Aroh ngosiit iroh. Awi kawan dulun co isan anak daja tatuh boh iyohco anggota koluarga Korojaan Sorga.”

Tapi orong dulun co tomangap ‘pokosulak’ makitu, tapi daai Mohotara angar umpi iroh ‘tontiput’. Orong dulun co tomangap ‘tontiput’ makitu, tapi daai Mohotara angar umpi iroh ‘pokosulak.’ ”

Hintang sika dulun co ocop naat lopoeh, konduang eh bakah bawe, tinan tamaieh, kawan anak eh, atawa umoieh. Uras dulun co ocop naat kokon onon tului porocaya ma-Akuh, iroh angar ngohaba hopuli ingkan Mohotara solatuh kali lipet. Iroh mahi angar ngohaba kobolum sokotahi-tahieh nyan sorga.

Hien Yesus maeh, “Amun iko jere tuhit ma Mohotara ma kosomporaka, bulibat, borakang kokon aang co iko empui. Paluh mombagi-bagi duit eh hia kawan dulun mala. Ma isanioh, iko angar ngohaba koponatou nyan sorga. Opah iko nguan kokon onon, dombutbat hia intoi, paluh umba Akuh bat.”

Hien Yesus, “kura iko ngisok ma-Akuh tintun ome co pio? Awi, baya Mohotara co pio. Amun iko jere haba kobolum sokotahi-tahieh nyan sorga maka iko sobulih tuhit ma kawan porentah Mohotara.”

Sindo oni Akuh mantun ma ikan, meleh sutir kontuluh unta muntam buah luwang doih hangki dulun tatou muntam hia ponah Korojaan Mohotara.”

Jadi porhati ehlah otuh: Bakah baya kuhan misahdarai oruh eh amun oruh eh hokoruh ma bakah co bokon ma banaieh co sah. Amun bakah misahdarai oruh eh ma alasan bokon ma onon, paluh ngoruh bawe bokon, borati bakah cioh hokoruh ma bawe co bokon oruh eh co sah.”

Yesus mantun ma kawan murid-Eh, “Ngoneh ehlah otuh: Moho lau indan dulun tatou jarin anggota koluarga Korojaan Sorga.