Популярни библейски стихове от Yoˇhanˬ li‸ 2

Споделяне

Yeˍsuˆ lehˬ, awˉ lawˉ peuˇ ve awˬ heˆ chi teˇ maˬ hta‸ Gaˍliˍlehˇ mvuhˇmiˬ Kaˍnaˆ hkʼaˆ hkʼaw te maˍ piˇ leh, yawˇ ve awˬ me‸ awˬ hponˇ tawˆ la piˇ lawˬ ve yoˬ. Yawˇ ve awˬ la‸ gʼawˇ teˇ hpaˍ yawˇ hta‸ yonˍ ve yoˬ.

Yeˍsuˆ kʼaw‸ kʼoˆ ve, Yaˇ miˇ-oˬ, nawˬ ngaˬ hta‸ hkʼaˬ hkʼe caˉ da‸ le. Ngaˬ ve awˬ yanˇ maˇ gaˬ sheˍ teh‸ yawˇ hta‸ kʼoˆ piˇ ve yoˬ.

Yeˍsuˆ lehˬ, Iˉ mvuhˇ kʼoˍ chi teˇ hpaˍ hta‸ iˉ kaˆ hkʼa biˇ hkʼo keu-o teh‸, awˬ ceˬ teˇ hpaˍ hta‸ kʼoˆ piˇ ve yoˬ. Hkʼe te leh, yawˇ hui iˉ kaˆ hkʼa biˇ keu ve yoˬ. Oˇ htaˇ Yeˍsuˆ yawˇ hui hta‸ kʼoˆ piˇ ve, Chi beu‸ nyiˉ veu leh, hkehˉ caˇ ve awˬ hoˉ hta‸ ca yuˬ piˇ-oˆ teh‸ kʼoˆ ve teˇ yanˇ, yawˇ hui ca yuˬ piˇ ve yoˬ.

Yeˍsuˆ kʼaw‸ kʼoˆ ve, Bon yehˬ lonˉ chi hta‸ te luˬ-o‸. Shehˆ nyi awˬ hkʼaw lo ngaˬ kʼaw‸ te peuˬ tuˬ yoˬ teh‸, yawˇ hui hta‸ kʼoˆ piˇ ve yoˬ.

Yawˇ lehˬ, aˉ caˆ hkeh hta‸ yuˬ leh jaw‸ tuˬ te peuˬ hkʼaw‸ nawˉ, yawˇ hui hkʼa peu-eˬ hta‸ maˇ kʼoˆ, yawˬ leh nuˇ teˇ hpaˍ hta‸ maˇ kʼoˆ, bon yehˬ lonˉ awˬ hkʼaw lo gʼa‸ tawˆ ve yoˬ. Hpu pa shehˍ hpaˇ teˇ hpaˍ ve hpu hta‸ ngeuˍ baˬ leh, yawˇ hui ve hpui lawˇ teˇ hpaˍ hta‸ hpfuhˆ baˬ ve yoˬ. Aˉ pui kʼaˍ hawˇ ve chaw teˇ hpaˍ hta‸ htawˇ, Mawˇ chi teˇ hpaˍ hta‸ yuˬ kʼai-o. Ngaˬ Awˬ pa ve yehˬ hta‸ mawˇ hawˇ mawˇ vuiˬ kuiˬ yehˬ taˇ te teh‸, yawˇ hui hta‸ kʼoˆ piˇ ve yoˬ.