Luke 17
17
Tui mo Ngāue
(Mātiu 18:6,7,21,22; Ma‘ake 9:42)
1Pea pehēange ‘e Si̇̄sū ki he‘ene kau akó: ‟‘E ʻi ai ma‘u pē ha ngaahi meʻa fakatupu angahala ki he kakai̇́, ka ʻoku malaʻia ʻa e toko taha ‘e tupu mei ai ʻa e angahalá. 2Na‘e mei sai ange kiate ia, ʻokapau naʻe nono‘o ha fu‘u makakafu ʻi hono kiá, pea li̇̄ ia ki he moana lolotó, heʻene hoko ko e fakatupu angahala ki ha taha ʻo e faʻahinga iiki̇́ ni ʻoku lotú.
3Ko ia, mou tokanga kiate kimoutolu. Kapau ʻe fai ʻe ha taha ʻi he kāingalotú, ha angahala, pea mou fakatonutonu ia. Peá ka naʻe ka fakatomala ai, pea fakamolemole‘i ia. 4Pea kapau ʻe faikovi kiate koe ha taha ‘o tu‘o fitu he ʻaho pea tuʻo fitu ai pē ʻene toutou pehē atu kiate koe, ‘Oku ou fakatomala, ke ke fakamolemole‘i pē ia.”
5Pea pehēange ʻa e kau ʻApositoló ki he ʻEiki̇́: ‟Ke ke fakalahi ange muʻa ʻemau tui̇́!”
6Pea folofola ange ʻa e ʻEiki̇́: ‟Kapau na‘e lahi tatau ho‘omou tui̇́ mo ha tenga‘i mūsita, pea ‘e lava pē ke mou pehē ki he fu‘u molipeli ko eni̇́, Mataʻaki koe pea hiki ʻo tō ʻi tahi, pea ‘e talangofua ia kiate kimoutolu.
7Pea ko hai ‘iate kimoutolu, ‘e foki mai ha‘ane tamaio‘eiki ki ʻapi, ‘oka hili ha‘ane palau pē tauhisipi ʻi ‘uta, peá ke pehēange ki ai, Ha‘u ā ki fale ‘o ma‘u ha‘o me‘atokoni? 8ʻIkai te ke tomuʻa talaange, Haʻu ‘o teuteu mai ʻeku me‘atokoni̇ efiafi̇́ peá ke fetongi ho valá ‘o teuteu ʻa e tēpilé, ka u kai au mo inu peá ka hili iá, peá ke toki kai koe mo inu? 9He ‘e toe fakamālōʻia makehe koā ha tamaio‘eiki koe‘uhi̇̄ ko ʻene fai pē ʻa e ngaahi meʻa naʻe totonu ke ne fai̇́?
10Pehē foki mo kimoutolu. ʻOka lava kotoa ʻa e ngaahi ngāue na‘e totonu ke mou fai̇́, peá ke mou toki pehē: Ko e kau tamaioʻeiki taʻetaau pē ʻa kimautolu, kuo mau fai pē ʻa e fatongia naʻe totonu ke mau fai̇́.”
Ko e Kau Kilia ‘e Toko Hongofulu
11Pea lolotonga ʻa e kei fononga atu ʻa Si̇̄sū ki Selusalemá, naʻá ne fou atu ʻi he kauʻā fonua ‘o Samēlia mo Kāleli̇́.
12Pea ʻi heʻene fakaofiofi atu ki ha ki‘i kolo ai, naʻe fakafetaulaki mai kiate ia ha kau kilia ‘e toko hongofulu, ʻoku nau tutuʻu mai pē mei he mama‘ó, 13Pea nau kaila leʻolahi mai kiate ia ʻo pehē: ‟ʻEiki Si̇̄sū, ke ke meesi mai muʻa kiate kimautolu.”
14Pea ʻi he mamata atu ʻa Si̇̄sū kiate kinautolú, naʻá ne folofol: ‟Mou ō atu, ʻo fakahā kimoutolu ki he kau taulaʻeiki̇́.” Pea ʻoku pehē: lolotonga ʻenau kei fononga atú, kuo fakamaʻa honau kiliá.
15Pea ʻi he fakatokanga‘i hifo ‘e ha toko taha ‘iate kinautolu, tā kuo maʻa hono kiliá, naʻá ne foki mai mo ne fakafeta‘i le‘olahi ki he ‘Otuá. 16Pea naʻe tō foʻohifo atu ki he va‘e ‘o Si̇̄suú ‘o fakamālō ange kiate ia. Pea ko e tangata Samēlia ia.
17Pea tali ‘e Si̇̄sū: ‟‘Ikai koā ko e toko hongofulu na‘e fakamaʻá? Pea ko e fē ʻa e toko hivá ia ko eé? 18Kuo ʻikai koā ha taha ke ne fie foki mai ʻo fakamālōʻia ʻa e ʻOtuá, ka ko e muli pē ko ʻeni̇́?”
19Pea naʻe folofola kiate ia: ‟Tu‘u hake ʻo ʻalu. Kuo fakamo‘ui koe koe‘uhi̇́ ko ho‘o tui̇́.”
Ko e Pule‘anga ‘o e ‘Otuá
(Mātiu 24:23-28,37-41)
20Pea na‘e fehu‘i ange ‘e ha kau Fālesi kia Si̇̄sū, pē ‘e hoko fakakū mai ʻa e Pule‘anga ‘o e ‘Otuá. Pea tali ‘e Si̇̄sū: ‟ʻE ʻikai hokomai ʻa e Pule‘anga ‘o e ‘Otuá ʻi ha founga ʻe ala ke te mamata ki ai. 21Pea ʻe ‘ikai lava ke pehē ‘e ha taha, ‛Ko ʻeni ia! Sio mai ki heni!’ pē ‛Ko ʻena ia! Sio atu ki hē!’ He ko e Pule‘anga ‘o e ‘Otuá ‘oku ʻi homou lotolotongá.”
22Pea toe pehēange ‘e Si̇̄sū ki he kau akó: ‟‘E hokomai ha taimi, ʻa ia te mou faka‘amu ai ke mou mamata ki ha fo‘i ʻaho pē ‘e taha ʻo e Foha ‘o e Tangatá, ka he‘ikai te mou lava. 23Pea ʻe pehēatu ‘e he kakai̇́, ‛Ko ʻena ia! Sio atu ki hena!’ pē ‛Ko ʻeni ia! Sio mai ki heni!’ kae ʻoua ʻaupito naʻa mou muimui ki ai pē kumi ki ai. 24He ko e hokomai ʻa e ʻaho ʻo e Foha ‘o e Tangatá ʻe hangē tofu pē ko e ʻuhilá ʻene tapa ʻo maamangia ai ʻa e langi̇́, mei hono tuliki ʻe taha ki hono tuliki ʻe taha.
25Ka kuo pau ke tomuʻa fakamamahi‘i lahi ia pea fakasi̇̄tuʻaʻi ia ‘e he kakai ‘o e kuonga ko eni̇́.
26Pea hangē tofu pē ko e meʻa naʻe hoko he kuonga ‘o Noá, ʻe pehē tofu pē ʻene hoko, ʻi he ngaahi ʻaho ʻo e Foha ʻo e Tangatá. 27He na‘e kai, mo inu, mo alea mali ʻa e kakai̇́ ʻo aʻu pē ki he ʻaho ʻo e fakahekeheka ʻa Noa ki he ʻAʻaké. Pea tō leva ʻa e lōmaki ki he fonuá ‘o nau melemo kotoa ai.
28Naʻe pehē pē foki mo e meʻa na‘e hoko he kuonga ‘o Loté. Na‘e kai pē mo inu ʻa e kakai̇́ pea nau fakatau koloa mai mo fakatau koloa atu pea nau tō ngoue, mo langa fale. 29Ka ʻi he ʻaho pē na‘e mavahe ai ʻa Lote mei Sōtomá, naʻe tō hifo ha ʻuha afi mo ha maka vela mei he langi̇́, ‘o nau mate kātoa ai. 30‘E pehē tofu pē ʻi he ʻaho ‘e hāʻele mai ai ʻa e Foha ʻo e Tangatá.
31ʻOka hokomai ʻa e ʻaho ko iā, ʻoku ʻi ai ha taha ‘oku nofo he funga ʻato hono falé, peá ke ‘oua te ne toe hifo ke to‘o ha meʻa mei lotofale. Pehē foki, ka ai ha taha ‘oku ʻi ‘uta, ke ʻoua naʻá ne toe foki ki kolo ke ʻomai ha meʻa mei ai. 32Manatu‘i ʻa e meʻa na‘e hoko ki he hoa ‘o Loté.
33Ko ia ‘e feinga ke fakahaofi ʻene mo‘ui̇́, ko ʻene tuku ia ke mole ʻene mo‘ui̇́. Pea ko ia ‘e loto ke mole ʻene mo‘ui̇́, ko ʻene fakahaofi̇́ ia.
34‘Oku ou tala moʻoni atu, ʻi he pō ko iā, ʻe ai ha toko ua te na tākoto ʻi ha mohenga pē ʻe taha pea ‘e ‘ave ʻa e taha kae tuku pē ʻa e taha. 35ʻE ai ha ongo fafine, te na feimeʻatokoni fakataha, pea ‘e ‘ave ʻa e taha kae tuku pē ʻa e taha. 36#17:36 ʻoku ʻikai ha veesi 36 pea ʻou hanga ʻe he kau iiliu tokolahi ngāue ʻaki Mat 24:17
37Pea ʻeke ange ‘e he kau ako ‘o pehē: ‛Ko e fē feituʻu ‘e hoko ai ʻa e ngaahi meʻa ko iā, ʻEiki?’ Pea tali ‘e Si̇̄sū, Ko e feitu‘u ‘oku li̇̄ ki ai ha ʻangaʻanga, ‘e fakapotanga ki ai ʻa e fanga ‘i̇̄kalé,”
Избрани в момента:
Luke 17: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.