Luke 4
4
Ko e Kapusi ‘e Si̇̄sū ha Tēvolo
(Mātiu 4:1-11; Ma‘ake 1:12-13)
1Pea foki mai ʻa Si̇̄sū mei he Vaitafe Soatani̇́ kuo fakaivia ia ‘e he Laumālie Mā‘oni‘oni̇́, pea na‘e taki atu ia ‘e he Laumālié ki he toafá; 2Ke ʻahiʻahi‘i ai ia ‘e he tēvoló, ʻo fe‘unga mo ha ʻaho ‘e fāngofulu. Pea na‘e ʻikai ke ne ma‘u ha me‘atokoni, ʻi he ngaahi ʻaho ko iā, pea ʻosi ange iá, naʻá ne fu‘u fiekaia ‘aupito.
3Pea pehēange ‘e he tēvoló kia Si̇̄sū: ‟Kapau ko e ʻAlo koe ʻo e ‘Otuá, peá ke lea ki he ngaahi fo‘i maká ni ke liliu ʻo hoko ko e ngaahi foʻi mā.”
4Ka naʻe tali ‘e Si̇̄sū kiate ia: ‟Kuo tohi ʻi he Tohitapú, ‘Oku ʻikai ko e mo‘ui‘anga pē ʻo e kakai̇́ ʻa e maá.”
5Pea taki hake ‘e he tēvoló ʻa Si̇̄sū ki ha feitu‘u māʻolunga, ʻo ne faka‘ali‘ali ange ki ai, ʻa e ngaahi pule‘anga kotoa pē ʻo māmani. 6Pea naʻe toki pehēange kia Si̇̄sū: ‟Te u ‘oatu mo‘ou ʻa e mafai ke pule ki honau kotoa pea mo e lāngilangi ʻonautolú, he ʻoku ʻoʻoku ia ke u fa‘iteliha ki ai, ke u ‘oange maʻa haʻa taha te u loto ki ai. 7Ko ia, kapau te ke punou ʻo lotu mai kiate au, te u ‘atu kotoa ia ma‘au.”
8Pea tali ‘e Si̇̄sū, ʻo ne pehē kiate ia: ‟Kuo tohi ʻi he Tohitapú, Te ke lotu ki he ʻEiki ko ho ‘Otuá pea ko ia toko taha pē te ke tauhi ki ai̇́.”
9Pea toki taki hake ia ‘e he tēvoló, ʻo fokotu‘u ki he tumutumu ʻo e Temipalé. Pea naʻe pehēange: ‟Kapau ko e ʻAlo koe ʻo e ‘Otuá, peá ke hopo ki lalo mei hena. 10He kuo tohi ʻi he Tohitapú,
‘E fekau ‘e he ‘Otuá ʻene kau ʻāngeló
ke nau tokangaʻi koe mo malu‘i koe.
11Peá te nau hapo koe,
koeʻuhi̇̄ ke ʻoua te ke lavea,
pē malave ho va‘é ki he maká.”
12Pea tali ‘e Si̇̄sū, ʻo ne pehē kiate ia: ‟Kuo folofolaʻaki ʻe he ʻOtuá, ‘Oua naʻá ke holi ke ke ʻahiʻahiʻi ʻa e ʻEiki ko ho ‘Otuá!”
13Pea ʻi he kakato hono ʻahiʻahiʻi ‘e he tēvoló ʻa Sīsuú, he meʻa kotoa naʻá ne ala lavá, pea ne mavahe atu mei ai ʻo lama ke toe maʻu hano faingamālie.
Ko e Kamata Ngāue ʻa Si̇̄sū
(Mātiu 4:12-17; Ma‘ake 1:14,15)
14Pea foki mai ʻa Si̇̄sū ki Kāleli mo ha mālohi mei̇́ he Laumālie Mā‘oni‘oni̇́, pea na‘e mafola atu hono ongoongó ki he feitu‘u kotoa pē.
15Pea naʻá ne faiako he ngaahi falelotu ʻos e kakai Siú, pea na‘e fakahi̇̄kihiki‘i ia ‘e he kakai kotoa pē.
Ko e Fakasi̇̄tuʻaʻi ‘e he Kakai Nāsaleti̇́ ʻa Si̇̄sū
(Mātiu 13:53-58; Ma‘ake 6:1-6)
16Pea foki ʻa Si̇̄sū ki Nāsaleti, ʻa e kolo naʻá ne tupu ai̇́. Pea ʻi heʻene aʻu ki he Sāpaté, naʻá ne ʻalu ai pē ki falelotu ʻo hangē ko ʻene anga maheni̇́, pea naʻe tu‘u hake ke lau ʻa e Folofolá; 17Pea naʻe ‘oange kiate ia ʻa e tohi ʻa e palōfita ko ʻAiseá. Pea ʻi heʻene fakaava hake ʻa e tohi̇́, naʻá ne maʻu ʻa e potu tohi ko ʻeni̇́:
18‟Ko e Laumālie ʻo Sihová kuo fakafonu ʻaki au,
he kuó ne fakanofo au,
ke u malanga‘i ʻa e Ongoongo Lelei̇́,
ki he kakai masivá.
Kuó ne fekau mai au,
ke u ʻalu ʻo tala ʻa e fakatauʻatāiná,
ki he kakai ʻoku nofo pōpulá,
Ke u fakaʻā ai foki,
ʻa e mata ʻo e kakai ‘oku kui̇́,
mo ʻatu ʻa e fakamolemolé,
kiate kinautolu ʻoku lotolaveá;
19Ke u fanongonongo atu,
‛Ko e ta‘u ʻeni ʻo e finangalo lelei mai ʻa e ʻEiki̇́.’”
20Pea tāpuni leva ‘e Si̇̄sū ʻa e tohi̇́ ʻo fakafoki ki he sētuatá, kae nofo hifo ki lalo. Pea sio fakamama‘u ʻa e kakai kotoa pē he falelotú kiate ia.
21Pea kamata folofola ʻa Si̇̄sū kiate kinautolu: ‟Ko e ʻaho ni̇́, kuo fakakakato ai ʻa e ngaahi meʻa kuo mou fanongo ki ai mei he Tohitapú.”
22Pea naʻe talanoa taha ʻa e kakai kotoa pē ‘ia Si̇̄sū, mo ofoofo he ngaahi meʻa mālie naʻá ne lea‘aki̇́, ʻo nau pehē: ‟ʻIkai ko e foha ʻeni ʻo Siosifá?”
23Pea talaange ‘e Si̇̄sū kiate kinautolu: ‟Kuo pau ke mou ‘ai mai kiate au ʻa e lau ‘oku pehē: ‛Toketā, tomuʻa faitoʻo koe!’ Peá te mou pehē mai foki, ‛Fei mo fai heni ʻi ho kolo tupu‘angá, ʻa e ngaahi meʻa kuo mau fanongo ai naʻá ke fai ʻi Kāpaneumé.’” 24Ka ‘oku ou tala fakamātoato atu kiate kimoutolu, ‘oku te‘eki ai ha palōfita ‘e tali ‘e he kakai ʻo hono kolo tupu‘angá.
25‟Ko ʻeku moʻoni eni, ʻi he kuonga ʻo ʻIlaisiaá, na‘e tokolahi pē ʻa e kau fefine uitou ʻi ‘Isileli, ʻi he taimi ko iā, lolotonga naʻe ʻikai ke toe tō ha ʻuha, ʻi ha taʻu ʻe tolu mo e konga, pea honge lahi ʻa e fonua; 26Ka na‘e ʻikai fekau atu ʻa ʻIlaisiā ke ʻalu ki ha taha ʻo kinautolu, ka ki ha uitou na‘e tupu he kolo ko Salepita, he feitu‘u Saitoni̇́. 27Pea na‘e tokolahi pē ʻa e kau kiliá he kuonga ʻo e palōfita ko ʻIlaisá, ka na‘e ʻikai fakamaʻa hanau taha, tukukehe pē ʻa Neamani, ko e tangata Si̇̄lia.”
28Pea na‘e fakapo‘uli ‘aupito ai ʻa e kakai kotoa naʻe ʻi he falelotú, he lau ko ia ʻa Si̇̄suú; 29Pea naʻa nau tutu‘u hake ʻo toho atu ia ki tuʻa kolo, ki he ngutu lilifá, ʻi he moʻunga naʻe tuʻu ai honau koló, ke li̇̄ hifo ia ai ki lalo. 30Ka naʻe moulu atu pē ʻa Si̇̄sū ʻi honau lotolotongá, ʻo ʻalu.
Ko e Tangata Na‘e Ma‘u ‘e he Tēvolo
(Ma‘ake 1:21-28)
31Pea toki ʻalu atu ʻa Si̇̄sū ki he kolo ko Kāpaneumé, ʻi Kāleli, ʻo faiako ai ʻi he falelotú, ʻi he ʻaho Sāpaté. 32Pea naʻa nau ‘ohovale ‘aupito ʻi heʻene faiakó, koe‘uhi̇̄ naʻe ai ha mālohi ʻi heʻene malangá.
33Pea naʻe ʻi he falelotú ha tangata kuo maʻu ʻe ha ivi fakatēvolo. Pea kaila le‘olahi mai ʻa e tangatá, 34‟ʻEi, ʻe Si̇̄sū! ʻA koe mei Nāsaleti̇́! Ko hoʻo haʻú koā ke faka‘auha kimautolu? ‘Oku ou ʻilo ‘e au koe! Ko e Toko taha Mā‘oni‘oni koe ʻa e ‘Otuá!”
35Pea taʻofi atu ‘e Si̇̄sū ʻa e tēvoló ʻo ne pehē: ‟Fakalongolongo! Peá ke mavahe mai leva mei he tangatá.” Pea toki hanga ‘e he tēvoló ʻo hiki ha‘aki ʻa e tangatá he lotolotonga ʻo e kakai̇́, ʻo ne mavahe meiate ia, ka naʻe ʻikai ha lavea ‘e taha ʻi he tangatá. 36Pea ofo ai ʻa e kakai kotoa pē, ʻo nau pehē: ‟Ko e hā ʻa e faʻahinga malanga ko ʻeni̇́? He tā ‘oku ma‘u mafai ʻa e tangatá ni ke ne kapusi ʻa e ivi fakatēvoló mei he kakai̇́!”
37Pea toki mafola atu ai ʻa e ongoongo ʻo kau kia Si̇̄suú ki he tapa kotoa pē ʻo e vahefonua ko iā.
Ko e Fakamo‘ui ‘e Si̇̄sū ha Tokolahi
(Mātiu 8:14-17; Ma‘ake 1:29-34)
38Pea tuʻu hake ʻa Si̇̄sū ʻo ʻalu mei he falelotú ki he ʻapi ʻo Saimoné. Pea ko eni, ʻi heʻene aʻu atu ki he ‘api̇́, tā ‘oku tokoto ʻa e fa‘ē ʻa e mali ʻo Saimoné, ko e mofi lahi, pea nau kole kia Si̇̄sū ke ne tokoni kiate ia. 39Pea tu‘u atu ʻa Si̇̄sū ki ai ʻo ne fekau ʻa e mofi̇́ ke mahu‘i meiate ia, pea mo‘ui leva ʻa e fefiné, pea ne tu‘u hake ai pē ʻo talitali kinautolu.
40Pea ʻi heʻene efiafi poʻuli̇́, naʻe fetuku mai ‘e he kakai̇́ kia Si̇̄sū ha faʻahinga na‘e puke he ngaahi mahaki kehekehe, pea ne hilifaki nima ʻa Si̇̄sū kiate kinautolu taki taha, ʻo fakamo‘ui kinautolu.
41Pea naʻe ʻi ai foki mo e fanga tēvolo naʻá ne kapusi mei he tokolahi, ʻo nau hū mai mo e kaikaila, ʻo pehē: ‟Ko e ʻAlo koe ʻo e ‘Otuá!” Ka na‘e fekau ‘e Si̇̄sū ke nau longo, he naʻa nau ʻilo ko e Mi̇̄saiá ia.
Ko e Malanga ʻa Si̇̄sū he Ngaahi Falelotú
(Ma‘ake 1:35-39)
42Pea ʻi he kei hengihengi he ʻaho ‘e tahá, naʻe uhu atu ʻa Si̇̄sū ki ha feitu‘u lōngonoa ʻo nofo toko taha pē ai. Ka na‘e kumi mai kiate ia ‘e ha kakai tokolahi. Pea ʻi heʻenau aʻu mai ki ai̇́, naʻa nau feinga‘i ke ‘oua te ne toe mavahe mei honau fonuá. 43Pea pehēange ‘e Si̇̄sū kiate kinautolu: ‟Kuo pau ke u malanga‘i ʻa e Ongoongo Lelei ʻo e Pule‘anga ʻo e ‘Otuá ki he kakai ʻo e ngaahi kolo ko eé foki. He ko e fatongia ia na‘e fekau mai au ke fai̇́.”
44Ko ia, naʻe hokohoko atu ai pē ʻa e malanga ʻa Si̇̄sū ʻi he ngaahi falelotu ʻo Siuteá.
Избрани в момента:
Luke 4: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Luke 4
4
Ko e Kapusi ‘e Si̇̄sū ha Tēvolo
(Mātiu 4:1-11; Ma‘ake 1:12-13)
1Pea foki mai ʻa Si̇̄sū mei he Vaitafe Soatani̇́ kuo fakaivia ia ‘e he Laumālie Mā‘oni‘oni̇́, pea na‘e taki atu ia ‘e he Laumālié ki he toafá; 2Ke ʻahiʻahi‘i ai ia ‘e he tēvoló, ʻo fe‘unga mo ha ʻaho ‘e fāngofulu. Pea na‘e ʻikai ke ne ma‘u ha me‘atokoni, ʻi he ngaahi ʻaho ko iā, pea ʻosi ange iá, naʻá ne fu‘u fiekaia ‘aupito.
3Pea pehēange ‘e he tēvoló kia Si̇̄sū: ‟Kapau ko e ʻAlo koe ʻo e ‘Otuá, peá ke lea ki he ngaahi fo‘i maká ni ke liliu ʻo hoko ko e ngaahi foʻi mā.”
4Ka naʻe tali ‘e Si̇̄sū kiate ia: ‟Kuo tohi ʻi he Tohitapú, ‘Oku ʻikai ko e mo‘ui‘anga pē ʻo e kakai̇́ ʻa e maá.”
5Pea taki hake ‘e he tēvoló ʻa Si̇̄sū ki ha feitu‘u māʻolunga, ʻo ne faka‘ali‘ali ange ki ai, ʻa e ngaahi pule‘anga kotoa pē ʻo māmani. 6Pea naʻe toki pehēange kia Si̇̄sū: ‟Te u ‘oatu mo‘ou ʻa e mafai ke pule ki honau kotoa pea mo e lāngilangi ʻonautolú, he ʻoku ʻoʻoku ia ke u fa‘iteliha ki ai, ke u ‘oange maʻa haʻa taha te u loto ki ai. 7Ko ia, kapau te ke punou ʻo lotu mai kiate au, te u ‘atu kotoa ia ma‘au.”
8Pea tali ‘e Si̇̄sū, ʻo ne pehē kiate ia: ‟Kuo tohi ʻi he Tohitapú, Te ke lotu ki he ʻEiki ko ho ‘Otuá pea ko ia toko taha pē te ke tauhi ki ai̇́.”
9Pea toki taki hake ia ‘e he tēvoló, ʻo fokotu‘u ki he tumutumu ʻo e Temipalé. Pea naʻe pehēange: ‟Kapau ko e ʻAlo koe ʻo e ‘Otuá, peá ke hopo ki lalo mei hena. 10He kuo tohi ʻi he Tohitapú,
‘E fekau ‘e he ‘Otuá ʻene kau ʻāngeló
ke nau tokangaʻi koe mo malu‘i koe.
11Peá te nau hapo koe,
koeʻuhi̇̄ ke ʻoua te ke lavea,
pē malave ho va‘é ki he maká.”
12Pea tali ‘e Si̇̄sū, ʻo ne pehē kiate ia: ‟Kuo folofolaʻaki ʻe he ʻOtuá, ‘Oua naʻá ke holi ke ke ʻahiʻahiʻi ʻa e ʻEiki ko ho ‘Otuá!”
13Pea ʻi he kakato hono ʻahiʻahiʻi ‘e he tēvoló ʻa Sīsuú, he meʻa kotoa naʻá ne ala lavá, pea ne mavahe atu mei ai ʻo lama ke toe maʻu hano faingamālie.
Ko e Kamata Ngāue ʻa Si̇̄sū
(Mātiu 4:12-17; Ma‘ake 1:14,15)
14Pea foki mai ʻa Si̇̄sū ki Kāleli mo ha mālohi mei̇́ he Laumālie Mā‘oni‘oni̇́, pea na‘e mafola atu hono ongoongó ki he feitu‘u kotoa pē.
15Pea naʻá ne faiako he ngaahi falelotu ʻos e kakai Siú, pea na‘e fakahi̇̄kihiki‘i ia ‘e he kakai kotoa pē.
Ko e Fakasi̇̄tuʻaʻi ‘e he Kakai Nāsaleti̇́ ʻa Si̇̄sū
(Mātiu 13:53-58; Ma‘ake 6:1-6)
16Pea foki ʻa Si̇̄sū ki Nāsaleti, ʻa e kolo naʻá ne tupu ai̇́. Pea ʻi heʻene aʻu ki he Sāpaté, naʻá ne ʻalu ai pē ki falelotu ʻo hangē ko ʻene anga maheni̇́, pea naʻe tu‘u hake ke lau ʻa e Folofolá; 17Pea naʻe ‘oange kiate ia ʻa e tohi ʻa e palōfita ko ʻAiseá. Pea ʻi heʻene fakaava hake ʻa e tohi̇́, naʻá ne maʻu ʻa e potu tohi ko ʻeni̇́:
18‟Ko e Laumālie ʻo Sihová kuo fakafonu ʻaki au,
he kuó ne fakanofo au,
ke u malanga‘i ʻa e Ongoongo Lelei̇́,
ki he kakai masivá.
Kuó ne fekau mai au,
ke u ʻalu ʻo tala ʻa e fakatauʻatāiná,
ki he kakai ʻoku nofo pōpulá,
Ke u fakaʻā ai foki,
ʻa e mata ʻo e kakai ‘oku kui̇́,
mo ʻatu ʻa e fakamolemolé,
kiate kinautolu ʻoku lotolaveá;
19Ke u fanongonongo atu,
‛Ko e ta‘u ʻeni ʻo e finangalo lelei mai ʻa e ʻEiki̇́.’”
20Pea tāpuni leva ‘e Si̇̄sū ʻa e tohi̇́ ʻo fakafoki ki he sētuatá, kae nofo hifo ki lalo. Pea sio fakamama‘u ʻa e kakai kotoa pē he falelotú kiate ia.
21Pea kamata folofola ʻa Si̇̄sū kiate kinautolu: ‟Ko e ʻaho ni̇́, kuo fakakakato ai ʻa e ngaahi meʻa kuo mou fanongo ki ai mei he Tohitapú.”
22Pea naʻe talanoa taha ʻa e kakai kotoa pē ‘ia Si̇̄sū, mo ofoofo he ngaahi meʻa mālie naʻá ne lea‘aki̇́, ʻo nau pehē: ‟ʻIkai ko e foha ʻeni ʻo Siosifá?”
23Pea talaange ‘e Si̇̄sū kiate kinautolu: ‟Kuo pau ke mou ‘ai mai kiate au ʻa e lau ‘oku pehē: ‛Toketā, tomuʻa faitoʻo koe!’ Peá te mou pehē mai foki, ‛Fei mo fai heni ʻi ho kolo tupu‘angá, ʻa e ngaahi meʻa kuo mau fanongo ai naʻá ke fai ʻi Kāpaneumé.’” 24Ka ‘oku ou tala fakamātoato atu kiate kimoutolu, ‘oku te‘eki ai ha palōfita ‘e tali ‘e he kakai ʻo hono kolo tupu‘angá.
25‟Ko ʻeku moʻoni eni, ʻi he kuonga ʻo ʻIlaisiaá, na‘e tokolahi pē ʻa e kau fefine uitou ʻi ‘Isileli, ʻi he taimi ko iā, lolotonga naʻe ʻikai ke toe tō ha ʻuha, ʻi ha taʻu ʻe tolu mo e konga, pea honge lahi ʻa e fonua; 26Ka na‘e ʻikai fekau atu ʻa ʻIlaisiā ke ʻalu ki ha taha ʻo kinautolu, ka ki ha uitou na‘e tupu he kolo ko Salepita, he feitu‘u Saitoni̇́. 27Pea na‘e tokolahi pē ʻa e kau kiliá he kuonga ʻo e palōfita ko ʻIlaisá, ka na‘e ʻikai fakamaʻa hanau taha, tukukehe pē ʻa Neamani, ko e tangata Si̇̄lia.”
28Pea na‘e fakapo‘uli ‘aupito ai ʻa e kakai kotoa naʻe ʻi he falelotú, he lau ko ia ʻa Si̇̄suú; 29Pea naʻa nau tutu‘u hake ʻo toho atu ia ki tuʻa kolo, ki he ngutu lilifá, ʻi he moʻunga naʻe tuʻu ai honau koló, ke li̇̄ hifo ia ai ki lalo. 30Ka naʻe moulu atu pē ʻa Si̇̄sū ʻi honau lotolotongá, ʻo ʻalu.
Ko e Tangata Na‘e Ma‘u ‘e he Tēvolo
(Ma‘ake 1:21-28)
31Pea toki ʻalu atu ʻa Si̇̄sū ki he kolo ko Kāpaneumé, ʻi Kāleli, ʻo faiako ai ʻi he falelotú, ʻi he ʻaho Sāpaté. 32Pea naʻa nau ‘ohovale ‘aupito ʻi heʻene faiakó, koe‘uhi̇̄ naʻe ai ha mālohi ʻi heʻene malangá.
33Pea naʻe ʻi he falelotú ha tangata kuo maʻu ʻe ha ivi fakatēvolo. Pea kaila le‘olahi mai ʻa e tangatá, 34‟ʻEi, ʻe Si̇̄sū! ʻA koe mei Nāsaleti̇́! Ko hoʻo haʻú koā ke faka‘auha kimautolu? ‘Oku ou ʻilo ‘e au koe! Ko e Toko taha Mā‘oni‘oni koe ʻa e ‘Otuá!”
35Pea taʻofi atu ‘e Si̇̄sū ʻa e tēvoló ʻo ne pehē: ‟Fakalongolongo! Peá ke mavahe mai leva mei he tangatá.” Pea toki hanga ‘e he tēvoló ʻo hiki ha‘aki ʻa e tangatá he lotolotonga ʻo e kakai̇́, ʻo ne mavahe meiate ia, ka naʻe ʻikai ha lavea ‘e taha ʻi he tangatá. 36Pea ofo ai ʻa e kakai kotoa pē, ʻo nau pehē: ‟Ko e hā ʻa e faʻahinga malanga ko ʻeni̇́? He tā ‘oku ma‘u mafai ʻa e tangatá ni ke ne kapusi ʻa e ivi fakatēvoló mei he kakai̇́!”
37Pea toki mafola atu ai ʻa e ongoongo ʻo kau kia Si̇̄suú ki he tapa kotoa pē ʻo e vahefonua ko iā.
Ko e Fakamo‘ui ‘e Si̇̄sū ha Tokolahi
(Mātiu 8:14-17; Ma‘ake 1:29-34)
38Pea tuʻu hake ʻa Si̇̄sū ʻo ʻalu mei he falelotú ki he ʻapi ʻo Saimoné. Pea ko eni, ʻi heʻene aʻu atu ki he ‘api̇́, tā ‘oku tokoto ʻa e fa‘ē ʻa e mali ʻo Saimoné, ko e mofi lahi, pea nau kole kia Si̇̄sū ke ne tokoni kiate ia. 39Pea tu‘u atu ʻa Si̇̄sū ki ai ʻo ne fekau ʻa e mofi̇́ ke mahu‘i meiate ia, pea mo‘ui leva ʻa e fefiné, pea ne tu‘u hake ai pē ʻo talitali kinautolu.
40Pea ʻi heʻene efiafi poʻuli̇́, naʻe fetuku mai ‘e he kakai̇́ kia Si̇̄sū ha faʻahinga na‘e puke he ngaahi mahaki kehekehe, pea ne hilifaki nima ʻa Si̇̄sū kiate kinautolu taki taha, ʻo fakamo‘ui kinautolu.
41Pea naʻe ʻi ai foki mo e fanga tēvolo naʻá ne kapusi mei he tokolahi, ʻo nau hū mai mo e kaikaila, ʻo pehē: ‟Ko e ʻAlo koe ʻo e ‘Otuá!” Ka na‘e fekau ‘e Si̇̄sū ke nau longo, he naʻa nau ʻilo ko e Mi̇̄saiá ia.
Ko e Malanga ʻa Si̇̄sū he Ngaahi Falelotú
(Ma‘ake 1:35-39)
42Pea ʻi he kei hengihengi he ʻaho ‘e tahá, naʻe uhu atu ʻa Si̇̄sū ki ha feitu‘u lōngonoa ʻo nofo toko taha pē ai. Ka na‘e kumi mai kiate ia ‘e ha kakai tokolahi. Pea ʻi heʻenau aʻu mai ki ai̇́, naʻa nau feinga‘i ke ‘oua te ne toe mavahe mei honau fonuá. 43Pea pehēange ‘e Si̇̄sū kiate kinautolu: ‟Kuo pau ke u malanga‘i ʻa e Ongoongo Lelei ʻo e Pule‘anga ʻo e ‘Otuá ki he kakai ʻo e ngaahi kolo ko eé foki. He ko e fatongia ia na‘e fekau mai au ke fai̇́.”
44Ko ia, naʻe hokohoko atu ai pē ʻa e malanga ʻa Si̇̄sū ʻi he ngaahi falelotu ʻo Siuteá.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.