Luke 7
7
Ko e Fakamo‘ui ‘e Si̇̄sū e Tamaio‘eiki ʻa ha ʻEikitau
(Mātiu 8:5-13; Sione 4:43-45)
1Pea kuo kakato ʻa e ngaahi meʻa kotoa pē naʻe akonakiʻaki ‘e Si̇̄sū ki he kakai̇́, pea naʻe ʻalu atu ki Kāpaneume.
2Pea na‘e nofo he kolo ko iá ha ʻeikitau ʻa ia na‘e puke lahi ʻene tamaio‘eiki̇́ ʻo mei mate. Ka naʻe ʻofa ʻaupito ʻa e ʻeikitaú heʻene tamaio‘eiki̇́. 3Pea naʻá ne fanongo he ngaahi ongoongo ʻo kau kia Sīsuú, pea naʻe fekau atu ha mātuʻa Siu ke nau ō muʻa ʻo kole kia Si̇̄sū ke ʻalu ange ʻo fakamo‘ui ʻene tamaio‘eiki̇́.
4Pea ʻi he aʻu mai ʻa e mātuʻá kia Sīsuú, naʻa nau kole fakamātoato kiate ia ke ne fai muʻa ha muʻa, ʻo nau pehēange: ‟Ko e tangata ʻeni ‘oku taau ke ke tokoni‘i! 5He ‘okú naʻe ‘ofa ʻi hotau fonuá, pea naʻá ne langa homau falelotú.” 6Pea ʻalu atu ʻa Si̇̄sū mo kinautolu. Pea ʻi heʻene fakaofiofi atu ki he ‘api̇́, kuo toe fekau ‘e he ʻeikitaú hano ngaahi kaungāmeʻa ke nau ō ʻo fakahoko ki ai: ‟ʻEiki, ‘oua te ke ongosia mai koe‘uhi̇̄ ko au, he ‘oku ʻikai te u taau au ke ke afe mai ki hoku ‘api̇́. 7Ko hono ʻuhinga ia naʻe ʻikai ai te u ongoʻi taau ke lele atu kiate koe. Ka ke fai mai pē ha‘o folofola, pea ‘e mo‘ui ai pē ʻeku tamaio‘eiki̇́. 8He ko au foki, ‘oku ou fakaongo ki ha pule, pea ‘oku ʻi ai mo ha kau tau ‘oku nau fakaongo mai kiate au. Kapau te u pehēange ki ha taha, ‛ʻAlu!’ Pea ʻe ʻalu. Pea kapau te u pehē ki ha taha, ‛Ha‘u!’ Pea ʻe ha‘u. Pea kapau te u pehē ki he‘eku tamaio‘eiki̇́, ‛Fai ē!’ pea ʻokú ne fai leva ia.”
9Pea ‘ohovale ‘aupito ʻa Si̇̄sū, heʻene fanongo ki he lau ʻa e ʻeikitaú, pea naʻe tafoki ʻo hanga ki he kakai̇ naʻa nau muimui mai̇́, ʻo ne pehēange kiate kinautolu: ‟ ʻOkú ou talaatu, kuo te‘eki ke u fetaulaki mo ha tui mālohi pehē ʻi ‘Isileli̇́!”
10Pea ʻi he foki atu ʻa e ngaahi kaungāmeʻa ʻo e ʻeikitaú, ki hono ʻapi̇́, tā kuo mo‘ui ʻa e tamaio‘eiki̇́.
Ko e Tamasi‘i ʻa e Fefine Uitoú
11Pea ʻi he ʻaho hono hokó, naʻe fononga atu ʻa Si̇̄sū mo ʻene kau akó, mo ha toe kakai tokolahi, ki ha kolo, naʻe ui ko Nēini. 12Pea ʻi heʻene fakaofiofi atu ki he hū‘anga ki he koló, naʻe fata mai ‘e ha ni‘ihi ha meʻa faka‘eiki, ko e tamasi‘i pē taha ʻa ha fefine uitou. Pea kuo holo mai ai mo ha tokolahi mei he koló.
13Pea ʻi he fetaulaki ʻa Si̇̄sū mo e fefiné, naʻá ne ongo‘i ‘aupito ʻi loto ʻa e meʻa kuo hoko ki ai̇́, ʻo ne pehēange kiate ia: ‟Tuku ho‘o tangi̇́.”
14Pea ʻalu atu ʻa Si̇̄sū ʻo ala atu ki he meʻafakaʻeiki̇́. Pea tu‘u hifo ʻakinautolu naʻa nau fata mai iá. Pea folofola atu ʻa Si̇̄sū: ‟Tamasi‘i, ʻoku ou tala kiate koe, ke ke tu‘u ki ‘olunga!”
15Pea ta‘utu hake leva ʻa e tamasi‘i̇́, ʻo ne kamata lea. Pea fakafoki atu ia ‘e Si̇̄sū ki he‘ene fa‘eé.
16Pea manavahē kotoa ai ʻa e kakai̇́, pea nau fakahi̇̄kihikiʻi ʻa e ‘Otuá, ʻo nau pehē: ‟Tā ko ha palōfita lahi ʻeni kuo haʻu kiate kitautolu, pea kuo afe mai ai foki ʻa e ‘Otuá ke tokoni ki hono kakai̇́.”
17Pea na‘e mafola atu leva ʻa e ongoongo ʻo kau kia Si̇̄suú ki he feituʻu kotoa pē ʻo Siutea pea mo e ngaahi feituʻu takatakai̇́.
Ko Sione Papitaiso
(Mātiu 11:1-19)
18Pea fakahoko ange ‘e he kau ako ʻa Sioné kia Sione ʻa e ngaahi talanoa kuo fai holo ʻo kau kia Sīsuú, pea ui mai ʻe Sione ha toko ua ʻo ʻene kau akó; 19ʻO ne fekau atu ke na ō ʻo fehu‘i ki he ʻEiki̇́, ʻo pehē: ‟Ko koe nai ia naʻa mau nofo ʻamanaki ki ai̇́? Pē te mau toe tatali ki ha taha kehe?”
20Pea ʻi he aʻu atu ʻa e ongo talafekaú kia Sīsuú, naʻá na talaange: ‟Na‘e fekau ‘e Sione Papitaiso ke ma ō mai ʻo ʻeke atu, pē ko koe ʻapē ia naʻa mau ʻamanaki ki ai̇́? Pē te mau toe tatali ki ha taha kehe?”
21ʻI he taimi ko iā, ‘oku lolotonga fakamo‘ui ai ‘e Si̇̄sū ha tokolahi na‘e mahakiʻia, mo faingataʻaʻia, pea mo puke ‘e ha fanga tēvoló, mo ne toe fakaʻā mo ha tokolahi na‘e kui. 22Pea pehēange ‘e Si̇̄sū ki he ongo talafekau ʻa Sioné: ‟Mo ō ʻo tala kia Sione ʻa e ngaahi meʻa kuo mo mamata ki ai̇́ pea mo fanongo ki ai̇́: Ko e faʻahinga naʻe kui̇́, kuo ʻā, ko kinautolu naʻe heké, kuo ʻalu lelei, kuo fakamaʻa ʻa e kau kiliaá, ko e faʻahinga naʻe tuli̇́, kuo fanongo lelei, kuo fakamoʻui ʻa e kau pekiá, pea kuo malanga‘aki foki ʻa e Ongoongo Lelei̇́ ki he kau masivá. 23Pea ‘oku monūʻia ha taha ‘e ʻikai te ne taʻetui kiate au.”
24Pea ʻi he foki atu ʻa e ongo talafekau ʻa Sioné, naʻe toki fai ‘e Si̇̄sū ki he kakai̇́ ʻene fakamatala ʻo kau kia Sione: ‟Ko e tangata fēfē naʻa mou ō atu ki he toafá ʻo mamata ai̇́? Ko ha tangata ‘oku hangē ha va‘ʻakau popo kuo feʻaveaki ʻe he matangi̇́? 25Ka ko e faʻahinga tangata fēfē naʻa mou ʻamanakite mou ō atu ʻo sio ki ai̇́? Ko ha tangata teunga faka‘ofo‘ofa? ʻOku mou ʻilo pē, ko e kakai teunga naunauʻiá ʻoku nau nofo kinautolu he palasi ʻo e haʻa tuʻi̇́. 26Ka ko e hā leva ʻa e meʻa naʻa mou ō atu ke mamata ki ai̇́? Ko ha palōfita koā? ‘ʻio, ko e palōfita! Ka ‘oku ou tala fakamātoato atu kiate kimoutolu, ‘oku ʻikai ko ha palōfita pē. 27He ko Sione ia ʻoku lau ki ai ʻa e Tohitapú, ʻo pehē: ‛Ko eni, te u fekau atu ʻeku talafekau ke muʻomuʻa ‘iate koe, ʻo teuteu ho halá.’ 28ʻOkú ou talaatu foki, kuo te‘eki ke fanau‘i ‘e ha fefine he maama ko eni̇́, ha taha ‘e māʻolunga ange ‘ia Sione. Ka ko eni, ko ia ‘oku mā‘ulalo taha he Pule‘anga ʻo e ‘Otuá, ‘oku mā‘olunga ange ia ‘ia Sione.” 29Pea ko kinautolu kotoa ʻa e kakai̇́, ʻo kau ai foki ʻa e kau tānaki tukuhaú, ʻi heʻenau fanongo leva ki he folofola pehē ʻa Si̇̄suú, naʻa nau fakahā naʻe tonu pē ʻa e finangalo ʻo e ʻOtuá, he naʻe papitaiso kinautolu ‘e Sione. 30Ka ko e kau Fālesi̇́ mo e kau faiako Lao ʻa Mōsesé, naʻe ʻikai te nau tali ʻa e finangalo ʻo e ʻOtuá, he na‘e ʻikai te nau tali ke papitaiso kinautolu ‘e Sione.
31‟Ka ko e hā te u fakatatau ki ai ʻa e kakai ʻo e toʻutangata ko ʻeni̇́? ʻOku nau hangē nai ko e hā? 32ʻOku nau hangē ko ha longa‘i fānau ‘oku fakamuna ʻi ha māketi mo feui ʻaki, ʻo pehē:
‛Naʻa mau ifi fangufangu atu,
kae ʻikai ke mou fie tau‘olunga!
Pea mau hiva putu atu,
kae ʻikai ke mou fie tangi!’
33He na‘e ʻikai ke faʻa kai fakaafe ʻa Sione, pē inu kava mālohi, pea mou lau ʻekimautolu, ‛Kuo puke ia ‘e ha tēvolo!’ 34Pea haʻu ʻa e Foha ʻo e Tangata ʻo kai fakaafe mo inu kava mālohi, pea mou lau ʻekimautolu, ‛Ko e tangata faʻa kai mo faʻa konā, pea ko e kaungāmeʻa ʻo e kau tānaki tukuhaú mo e kau angahalá!’ 35Kaekehe, ‘oku hā tonuhia ʻa Potó ʻi he ngaahi meʻa kotoa pē ‘oku fai ‘e he faʻahinga ‘oku kau mo iá.”
Ko e Fālesi ko Saimone
36Pea na‘e fakaafe‘i ʻa Si̇̄sū ‘e ha Fālesi ke na ma‘u me‘atokoni ʻi hono ‘api̇́, ko ia naʻe ʻalu ʻa Si̇̄sū ki he ʻapi ʻo e Fālesi̇́ ʻo nofo hifo ai ke ma‘u me‘atokoni.
37Pea tā naʻe ʻi ai ha fefine, ko e taha ʻo e kau angahala ʻo e koló, pea kuó ne ʻilo ʻa e afe ʻa Si̇̄sū ki he ʻapi ʻo e Fālesi̇́. Ko ia, na‘e haʻu ʻa e fefiné mo ha fo‘i hina naʻe fonu ʻi he lolo ʻalapasita mahu‘inga; 38Pea naʻe ha‘u ʻo tu‘u he veʻe vaʻe ʻo Sīsuú, ʻo tangi ai, pea ʻi heʻene tangi̇́ naʻe ngangana hono loʻimatá he va‘e ʻo Si̇̄suú pea naʻe holoholoʻi ʻaki ia hono lou‘ulú, ʻo ne toutou ‘uma ki he va‘e ʻo Si̇̄suú mo tākai ʻaki ia ʻa e loló.
39Pea ʻi he mamata ki ai ʻa e Fālesi naʻá ne fakaafe‘i ʻa Sīsuú, naʻá ne pehē ʻi hono lotó: ‟Kapau ko ha palōfita mo‘oni ʻa e tangatá ni, naʻá ne ʻilo ʻa e toko taha ʻoku ala kiate iá; naʻá ne ʻilo hono ʻulungaanga ʻo e fefine ʻoku ala kiate iá, he ko e fefine angahala ia.”
40Pea pehēange ‘e Si̇̄sū ki he Fālesi̇́: ‟Saimone! ‘Oku ʻi ai ʻa e meʻa ‘oku ou fie lea atu ai kiate koe.” Pea pehē ange ‘e Saimone: ‟Ko e hā ʻa e meʻa ‘okú ke tokanga mai ki ai̇́, Tangata‘eiki?”
41Pea pehēange ‘e Si̇̄sū: ‟Na‘e ʻi ai ha ongo tangata naʻá na moʻua pa‘anga ki ha motuʻa naʻá na nō mei ai. Ko e mo‘ua ʻo e toko taha, ko e paʻanga siliva ʻe nimangeau, pea nima ngofulu ʻa e mo‘ua ʻo e tangata ʻe tahá. 42Ka na‘e ʻikai te na lava ʻo totongi hona mo‘uá, ko ia naʻe tāmate‘i ai pē ‘e he motuʻá, hona mo‘uá fakatouʻosi. ʻOkú ke pehē ko hai ʻi he ongo meʻá ‘e lahi ange ʻene ‘ofa ki he motuʻá?”
43Pea pehēange ‘e Saimone: ‟Mahalo ko e toko taha na‘e lahi ange hono moʻua naʻe tāmateʻi̇́.” Pea pehēange ʻe Si̇̄sū: ‟Tonu hoʻo tali.”
44Pea naʻe tafoki ʻo hanga ki he fefiné, mo ne pehēange kia Saimone: ‟ʻOkú ke tokanga‘i ʻa siʻi fefiné ni? Naʻá ku hū mai ki ho falé, ka na‘e ʻikai te ke ‘omi ha me‘i vai ke fufulu ʻaki hoku va‘é, ka kuo fufulu ‘e he fefiné ni hoku va‘é, ʻaki hono lo‘imatá, mo holoholo ʻaki hono lou‘ulú. 45Na‘e ʻikai te ke ‘uma fakafe‘iloaki mai kiate au, ka ko siʻi fefiné ni, talu ʻeku hū mai, kuo teʻeki ke tuku ʻene ʻuma ki hoku va‘é. 46Na‘e ʻikai foki te ke pani lolo hoku ‘ulú, ka ko siʻi fefiné ni, kuó ne tākai hoku va‘é ʻaki ʻa e lolo mahu‘inga. 47Ko ia, ‘oku ou talaatu kiate koe, ko e ngaahi angahala kotoa pē ʻa e fefiné ni, kuo fakamolemole‘i. Pea ko e ‘uhinga ia ‘oku lahi pehē ai ʻene ‘ofá. Ka ko ia kuo fakamolemole‘i he meʻa si‘isi‘i, ‘e si‘isi‘i pē ʻene ‘ofá.”
48Pea toki pehēange ‘e Si̇̄sū ki he fefiné: ‟Ko ho‘o ngaahi angahalá, kuo ‘osi fakamolemole‘i.”
49Pea kamata felāuaki ai ʻa e kau fakaafe kehé: ‟ʻOku pehē nai ʻe he tangatá ni ko hai ia, ke ne fakamolemole angahalá!” 50Pea toe pehēange ‘e Si̇̄sū ki he fefiné: ‟Kuo fakamo‘ui koe koe‘uhi̇́ ko ho‘o tui̇́. ʻAlu ʻo fiemālie ā!”
Избрани в момента:
Luke 7: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.
Luke 7
7
Ko e Fakamo‘ui ‘e Si̇̄sū e Tamaio‘eiki ʻa ha ʻEikitau
(Mātiu 8:5-13; Sione 4:43-45)
1Pea kuo kakato ʻa e ngaahi meʻa kotoa pē naʻe akonakiʻaki ‘e Si̇̄sū ki he kakai̇́, pea naʻe ʻalu atu ki Kāpaneume.
2Pea na‘e nofo he kolo ko iá ha ʻeikitau ʻa ia na‘e puke lahi ʻene tamaio‘eiki̇́ ʻo mei mate. Ka naʻe ʻofa ʻaupito ʻa e ʻeikitaú heʻene tamaio‘eiki̇́. 3Pea naʻá ne fanongo he ngaahi ongoongo ʻo kau kia Sīsuú, pea naʻe fekau atu ha mātuʻa Siu ke nau ō muʻa ʻo kole kia Si̇̄sū ke ʻalu ange ʻo fakamo‘ui ʻene tamaio‘eiki̇́.
4Pea ʻi he aʻu mai ʻa e mātuʻá kia Sīsuú, naʻa nau kole fakamātoato kiate ia ke ne fai muʻa ha muʻa, ʻo nau pehēange: ‟Ko e tangata ʻeni ‘oku taau ke ke tokoni‘i! 5He ‘okú naʻe ‘ofa ʻi hotau fonuá, pea naʻá ne langa homau falelotú.” 6Pea ʻalu atu ʻa Si̇̄sū mo kinautolu. Pea ʻi heʻene fakaofiofi atu ki he ‘api̇́, kuo toe fekau ‘e he ʻeikitaú hano ngaahi kaungāmeʻa ke nau ō ʻo fakahoko ki ai: ‟ʻEiki, ‘oua te ke ongosia mai koe‘uhi̇̄ ko au, he ‘oku ʻikai te u taau au ke ke afe mai ki hoku ‘api̇́. 7Ko hono ʻuhinga ia naʻe ʻikai ai te u ongoʻi taau ke lele atu kiate koe. Ka ke fai mai pē ha‘o folofola, pea ‘e mo‘ui ai pē ʻeku tamaio‘eiki̇́. 8He ko au foki, ‘oku ou fakaongo ki ha pule, pea ‘oku ʻi ai mo ha kau tau ‘oku nau fakaongo mai kiate au. Kapau te u pehēange ki ha taha, ‛ʻAlu!’ Pea ʻe ʻalu. Pea kapau te u pehē ki ha taha, ‛Ha‘u!’ Pea ʻe ha‘u. Pea kapau te u pehē ki he‘eku tamaio‘eiki̇́, ‛Fai ē!’ pea ʻokú ne fai leva ia.”
9Pea ‘ohovale ‘aupito ʻa Si̇̄sū, heʻene fanongo ki he lau ʻa e ʻeikitaú, pea naʻe tafoki ʻo hanga ki he kakai̇ naʻa nau muimui mai̇́, ʻo ne pehēange kiate kinautolu: ‟ ʻOkú ou talaatu, kuo te‘eki ke u fetaulaki mo ha tui mālohi pehē ʻi ‘Isileli̇́!”
10Pea ʻi he foki atu ʻa e ngaahi kaungāmeʻa ʻo e ʻeikitaú, ki hono ʻapi̇́, tā kuo mo‘ui ʻa e tamaio‘eiki̇́.
Ko e Tamasi‘i ʻa e Fefine Uitoú
11Pea ʻi he ʻaho hono hokó, naʻe fononga atu ʻa Si̇̄sū mo ʻene kau akó, mo ha toe kakai tokolahi, ki ha kolo, naʻe ui ko Nēini. 12Pea ʻi heʻene fakaofiofi atu ki he hū‘anga ki he koló, naʻe fata mai ‘e ha ni‘ihi ha meʻa faka‘eiki, ko e tamasi‘i pē taha ʻa ha fefine uitou. Pea kuo holo mai ai mo ha tokolahi mei he koló.
13Pea ʻi he fetaulaki ʻa Si̇̄sū mo e fefiné, naʻá ne ongo‘i ‘aupito ʻi loto ʻa e meʻa kuo hoko ki ai̇́, ʻo ne pehēange kiate ia: ‟Tuku ho‘o tangi̇́.”
14Pea ʻalu atu ʻa Si̇̄sū ʻo ala atu ki he meʻafakaʻeiki̇́. Pea tu‘u hifo ʻakinautolu naʻa nau fata mai iá. Pea folofola atu ʻa Si̇̄sū: ‟Tamasi‘i, ʻoku ou tala kiate koe, ke ke tu‘u ki ‘olunga!”
15Pea ta‘utu hake leva ʻa e tamasi‘i̇́, ʻo ne kamata lea. Pea fakafoki atu ia ‘e Si̇̄sū ki he‘ene fa‘eé.
16Pea manavahē kotoa ai ʻa e kakai̇́, pea nau fakahi̇̄kihikiʻi ʻa e ‘Otuá, ʻo nau pehē: ‟Tā ko ha palōfita lahi ʻeni kuo haʻu kiate kitautolu, pea kuo afe mai ai foki ʻa e ‘Otuá ke tokoni ki hono kakai̇́.”
17Pea na‘e mafola atu leva ʻa e ongoongo ʻo kau kia Si̇̄suú ki he feituʻu kotoa pē ʻo Siutea pea mo e ngaahi feituʻu takatakai̇́.
Ko Sione Papitaiso
(Mātiu 11:1-19)
18Pea fakahoko ange ‘e he kau ako ʻa Sioné kia Sione ʻa e ngaahi talanoa kuo fai holo ʻo kau kia Sīsuú, pea ui mai ʻe Sione ha toko ua ʻo ʻene kau akó; 19ʻO ne fekau atu ke na ō ʻo fehu‘i ki he ʻEiki̇́, ʻo pehē: ‟Ko koe nai ia naʻa mau nofo ʻamanaki ki ai̇́? Pē te mau toe tatali ki ha taha kehe?”
20Pea ʻi he aʻu atu ʻa e ongo talafekaú kia Sīsuú, naʻá na talaange: ‟Na‘e fekau ‘e Sione Papitaiso ke ma ō mai ʻo ʻeke atu, pē ko koe ʻapē ia naʻa mau ʻamanaki ki ai̇́? Pē te mau toe tatali ki ha taha kehe?”
21ʻI he taimi ko iā, ‘oku lolotonga fakamo‘ui ai ‘e Si̇̄sū ha tokolahi na‘e mahakiʻia, mo faingataʻaʻia, pea mo puke ‘e ha fanga tēvoló, mo ne toe fakaʻā mo ha tokolahi na‘e kui. 22Pea pehēange ‘e Si̇̄sū ki he ongo talafekau ʻa Sioné: ‟Mo ō ʻo tala kia Sione ʻa e ngaahi meʻa kuo mo mamata ki ai̇́ pea mo fanongo ki ai̇́: Ko e faʻahinga naʻe kui̇́, kuo ʻā, ko kinautolu naʻe heké, kuo ʻalu lelei, kuo fakamaʻa ʻa e kau kiliaá, ko e faʻahinga naʻe tuli̇́, kuo fanongo lelei, kuo fakamoʻui ʻa e kau pekiá, pea kuo malanga‘aki foki ʻa e Ongoongo Lelei̇́ ki he kau masivá. 23Pea ‘oku monūʻia ha taha ‘e ʻikai te ne taʻetui kiate au.”
24Pea ʻi he foki atu ʻa e ongo talafekau ʻa Sioné, naʻe toki fai ‘e Si̇̄sū ki he kakai̇́ ʻene fakamatala ʻo kau kia Sione: ‟Ko e tangata fēfē naʻa mou ō atu ki he toafá ʻo mamata ai̇́? Ko ha tangata ‘oku hangē ha va‘ʻakau popo kuo feʻaveaki ʻe he matangi̇́? 25Ka ko e faʻahinga tangata fēfē naʻa mou ʻamanakite mou ō atu ʻo sio ki ai̇́? Ko ha tangata teunga faka‘ofo‘ofa? ʻOku mou ʻilo pē, ko e kakai teunga naunauʻiá ʻoku nau nofo kinautolu he palasi ʻo e haʻa tuʻi̇́. 26Ka ko e hā leva ʻa e meʻa naʻa mou ō atu ke mamata ki ai̇́? Ko ha palōfita koā? ‘ʻio, ko e palōfita! Ka ‘oku ou tala fakamātoato atu kiate kimoutolu, ‘oku ʻikai ko ha palōfita pē. 27He ko Sione ia ʻoku lau ki ai ʻa e Tohitapú, ʻo pehē: ‛Ko eni, te u fekau atu ʻeku talafekau ke muʻomuʻa ‘iate koe, ʻo teuteu ho halá.’ 28ʻOkú ou talaatu foki, kuo te‘eki ke fanau‘i ‘e ha fefine he maama ko eni̇́, ha taha ‘e māʻolunga ange ‘ia Sione. Ka ko eni, ko ia ‘oku mā‘ulalo taha he Pule‘anga ʻo e ‘Otuá, ‘oku mā‘olunga ange ia ‘ia Sione.” 29Pea ko kinautolu kotoa ʻa e kakai̇́, ʻo kau ai foki ʻa e kau tānaki tukuhaú, ʻi heʻenau fanongo leva ki he folofola pehē ʻa Si̇̄suú, naʻa nau fakahā naʻe tonu pē ʻa e finangalo ʻo e ʻOtuá, he naʻe papitaiso kinautolu ‘e Sione. 30Ka ko e kau Fālesi̇́ mo e kau faiako Lao ʻa Mōsesé, naʻe ʻikai te nau tali ʻa e finangalo ʻo e ʻOtuá, he na‘e ʻikai te nau tali ke papitaiso kinautolu ‘e Sione.
31‟Ka ko e hā te u fakatatau ki ai ʻa e kakai ʻo e toʻutangata ko ʻeni̇́? ʻOku nau hangē nai ko e hā? 32ʻOku nau hangē ko ha longa‘i fānau ‘oku fakamuna ʻi ha māketi mo feui ʻaki, ʻo pehē:
‛Naʻa mau ifi fangufangu atu,
kae ʻikai ke mou fie tau‘olunga!
Pea mau hiva putu atu,
kae ʻikai ke mou fie tangi!’
33He na‘e ʻikai ke faʻa kai fakaafe ʻa Sione, pē inu kava mālohi, pea mou lau ʻekimautolu, ‛Kuo puke ia ‘e ha tēvolo!’ 34Pea haʻu ʻa e Foha ʻo e Tangata ʻo kai fakaafe mo inu kava mālohi, pea mou lau ʻekimautolu, ‛Ko e tangata faʻa kai mo faʻa konā, pea ko e kaungāmeʻa ʻo e kau tānaki tukuhaú mo e kau angahalá!’ 35Kaekehe, ‘oku hā tonuhia ʻa Potó ʻi he ngaahi meʻa kotoa pē ‘oku fai ‘e he faʻahinga ‘oku kau mo iá.”
Ko e Fālesi ko Saimone
36Pea na‘e fakaafe‘i ʻa Si̇̄sū ‘e ha Fālesi ke na ma‘u me‘atokoni ʻi hono ‘api̇́, ko ia naʻe ʻalu ʻa Si̇̄sū ki he ʻapi ʻo e Fālesi̇́ ʻo nofo hifo ai ke ma‘u me‘atokoni.
37Pea tā naʻe ʻi ai ha fefine, ko e taha ʻo e kau angahala ʻo e koló, pea kuó ne ʻilo ʻa e afe ʻa Si̇̄sū ki he ʻapi ʻo e Fālesi̇́. Ko ia, na‘e haʻu ʻa e fefiné mo ha fo‘i hina naʻe fonu ʻi he lolo ʻalapasita mahu‘inga; 38Pea naʻe ha‘u ʻo tu‘u he veʻe vaʻe ʻo Sīsuú, ʻo tangi ai, pea ʻi heʻene tangi̇́ naʻe ngangana hono loʻimatá he va‘e ʻo Si̇̄suú pea naʻe holoholoʻi ʻaki ia hono lou‘ulú, ʻo ne toutou ‘uma ki he va‘e ʻo Si̇̄suú mo tākai ʻaki ia ʻa e loló.
39Pea ʻi he mamata ki ai ʻa e Fālesi naʻá ne fakaafe‘i ʻa Sīsuú, naʻá ne pehē ʻi hono lotó: ‟Kapau ko ha palōfita mo‘oni ʻa e tangatá ni, naʻá ne ʻilo ʻa e toko taha ʻoku ala kiate iá; naʻá ne ʻilo hono ʻulungaanga ʻo e fefine ʻoku ala kiate iá, he ko e fefine angahala ia.”
40Pea pehēange ‘e Si̇̄sū ki he Fālesi̇́: ‟Saimone! ‘Oku ʻi ai ʻa e meʻa ‘oku ou fie lea atu ai kiate koe.” Pea pehē ange ‘e Saimone: ‟Ko e hā ʻa e meʻa ‘okú ke tokanga mai ki ai̇́, Tangata‘eiki?”
41Pea pehēange ‘e Si̇̄sū: ‟Na‘e ʻi ai ha ongo tangata naʻá na moʻua pa‘anga ki ha motuʻa naʻá na nō mei ai. Ko e mo‘ua ʻo e toko taha, ko e paʻanga siliva ʻe nimangeau, pea nima ngofulu ʻa e mo‘ua ʻo e tangata ʻe tahá. 42Ka na‘e ʻikai te na lava ʻo totongi hona mo‘uá, ko ia naʻe tāmate‘i ai pē ‘e he motuʻá, hona mo‘uá fakatouʻosi. ʻOkú ke pehē ko hai ʻi he ongo meʻá ‘e lahi ange ʻene ‘ofa ki he motuʻá?”
43Pea pehēange ‘e Saimone: ‟Mahalo ko e toko taha na‘e lahi ange hono moʻua naʻe tāmateʻi̇́.” Pea pehēange ʻe Si̇̄sū: ‟Tonu hoʻo tali.”
44Pea naʻe tafoki ʻo hanga ki he fefiné, mo ne pehēange kia Saimone: ‟ʻOkú ke tokanga‘i ʻa siʻi fefiné ni? Naʻá ku hū mai ki ho falé, ka na‘e ʻikai te ke ‘omi ha me‘i vai ke fufulu ʻaki hoku va‘é, ka kuo fufulu ‘e he fefiné ni hoku va‘é, ʻaki hono lo‘imatá, mo holoholo ʻaki hono lou‘ulú. 45Na‘e ʻikai te ke ‘uma fakafe‘iloaki mai kiate au, ka ko siʻi fefiné ni, talu ʻeku hū mai, kuo teʻeki ke tuku ʻene ʻuma ki hoku va‘é. 46Na‘e ʻikai foki te ke pani lolo hoku ‘ulú, ka ko siʻi fefiné ni, kuó ne tākai hoku va‘é ʻaki ʻa e lolo mahu‘inga. 47Ko ia, ‘oku ou talaatu kiate koe, ko e ngaahi angahala kotoa pē ʻa e fefiné ni, kuo fakamolemole‘i. Pea ko e ‘uhinga ia ‘oku lahi pehē ai ʻene ‘ofá. Ka ko ia kuo fakamolemole‘i he meʻa si‘isi‘i, ‘e si‘isi‘i pē ʻene ‘ofá.”
48Pea toki pehēange ‘e Si̇̄sū ki he fefiné: ‟Ko ho‘o ngaahi angahalá, kuo ‘osi fakamolemole‘i.”
49Pea kamata felāuaki ai ʻa e kau fakaafe kehé: ‟ʻOku pehē nai ʻe he tangatá ni ko hai ia, ke ne fakamolemole angahalá!” 50Pea toe pehēange ‘e Si̇̄sū ki he fefiné: ‟Kuo fakamo‘ui koe koe‘uhi̇́ ko ho‘o tui̇́. ʻAlu ʻo fiemālie ā!”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.