Mātiu 22
22
Ko e Talanoa Fakatātā ki he Kātoanga Malí
(Luke 14:15-24)
1Pea toe fai ‘e Si̇̄sū ʻene faiako kiate kinautolu ʻaki e talanoa fakatātā ko ʻeni: 2‟‘Oku hangē ʻa e Pule‘anga ‘o Hēvani̇́ ko ha tu‘i na‘á ne teu ha kātoanga mali ma‘a hono foha. 3Pea fekau ‘e he tu‘i̇́ ʻene kau tamaioʻeiki̇́ ke nau ō ‘o tala ki he kau fakaafé ke nau me‘a mai ā ki he kātoangá. Ka na‘e ‘ikai te nau fie omi. 4Pea toe fekau atu ‘e he tu‘i̇́ ha kau tamaioʻeiki kehe, ʻo pehē: ‛Mou tala ki he kau fakaafé, kuo maau ‘eku kātoangá: Kuo ‘osi tāmate‘i ‘eku fanga pulú, pea mo e fanga pulu sisinó pea kuo maau mālie ʻa e me‘a kotoa pē. Mou me‘a mai ā ki he kātoangá.’
5Ka na‘e ‘ikai ke tokanga ki ai ʻa e kau fakaafé, ka nau taki taha tokanga ki heʻene ngaahi me‘a kehekehe, ko e taha ki heʻene ngoué, ko e taha ki heʻene fefakatauʻaki̇́. 6Pea hanga ‘e ha ni‘ihi foki ‘o puke ʻa e kau tamaioʻeiki ʻa e tu‘i̇́ ‘o tā mo tāmate‘i hanau ni‘ihi.
7Pea houhau lahi ai e tu‘i̇́. Pea naʻe fekau ʻene kau taú ke faka‘auha ʻa e kau tāmate ko iá, pea mo tutu honau koló. 8Pea naʻe toki pehē ki heʻene kau tamaioʻeiki̇́, ‛Kuo maau ‘eku teu kātoangá, ka ko e kakai na‘á ku fakaafe‘i̇́, naʻe ‘ikai te nau taau kinautolu ke omi ki ai. 9Ko ia, mou ō ā ki he ngaahi hala pule‘angá ‘o fakaafe‘i mai ha fa‘ahinga kakai pē te mou fetaulaki.’
10Pea ō atu ʻa e kau tamaioʻeiki ʻa e tu‘i̇́ ki he ngaahi hala pule‘angá ‘o tānaki mai ʻa e kakai kotoa pē na‘á nau fetaulaki ai, ʻa e kau faikovi mo e kau failelei, pea naʻe fonu ʻa e fale kātoangá, he kakai̇́.
11Pea ʻi he hā‘ele atu ʻa e tu‘i̇́ ke ʻafio ki he kau fakaafé, naʻá ne fakatokanga‘i ha tangata na‘e ‘ikai ke ne teunga kātoanga mali̇́. 12Pea naʻe ‘eke ange leva, ‛Siana, naʻe ange fēfē ho‘o hūmai ki heni ‘oku ‘ikai te ke ʻai hao teunga kātoangá?’ Ka naʻe fakalongolongo pē ʻa e tangatá, ‘o ‘ikai ha‘ane tali.
13Pea fekau ‘e he tu‘i̇́ ki heʻene kau tamaioʻeiki, ‛Ha‘i he nimá mo e vaʻé ‘o li̇̄ kitu‘a ki he fakapoʻuli̇́, ki he feitu‘u ia ‘e fai ai ʻa e fetāngihi mo e mamahi lahi.’”
14‟He ʻoku ui ʻa e tokolahi, ka ‘e fili pē ʻa e tokosiʻi.”
Ko e Totongi Tukuhau
(Ma‘ake 12:13-17; Luke 20:20-26)
15Pea toki ō atu ai ʻa e kau Fālesí ‘o faʻufaʻu ke tauhele‘i ‘a Si̇̄sū ʻi haʻane lea ʻe fai. 16Pea nau fekau atu kiate ia ‘enau kau akó, mo ha ni‘ihi he fa‘ahi ‘a Hēlotá, ‘o nau pehē ange ki ai, ‟Tangata‘eiki, ‘oku mau malave‘i ‘okú ke leaʻaki ʻa e mo‘oni̇́ pea ʻokú ke ako‘i mo‘oni ʻa e finangalo ‘o e ‘Otuá ki he kakai̇́, pea ‘oku ‘ikai te ke tokanga ki he lau ʻa e kakai̇́, he ‘oku ‘ikai te ke sio tuʻunga koe. 17Ko ia, ‘ai ange mu‘a ha‘o lau: Te tau li̇̄ tukuhau kia Sisa, pē ‘ikai?” 18Ka naʻe mahino kia Sisū ‘enau fakakaukau kovi̇́, pea naʻe talaange, ‟ʻA e hako‘i lotuloi! Ko e hā ‘oku mou feinga ai ke tauhele‘i aú? 19Mou fakahā mai ʻa e pa‘anga ‘oku totongi ʻaki e tukuhaú.” Pea nau ‘oatu kiate ia ha foʻi paʻanga siliva. 20Pea naʻe fehu‘i ange, ‟Ko e fofonga ‘o hai mo e hingoa ‘o hai ‘oku tu‘u ai̇́?”
21Pea nau tali, ‟‘O Sisá.”
Pea pehē ange leva ‘e Sīsū, ‟Sai. Pē‘i ‘ange kia Sisa ʻa e ngaahi me‘a ‘a Sisá, pea ‘ange ki he ‘Otuá ʻa e ngaahi me‘a ʻa e ‘Otuá.”
22Pea ʻi heʻenau fanongo ki ai̇́, naʻa nau ‘ohovale kotoa heʻene tali̇́, pea nau mātuku atu ‘o ‘alu.
Ko e Ngaahi Fehu‘i ‘o Kau ki he Toetu‘ú mo e Pekiá
(Ma‘ake 12:18-27; Luke 20:27-40)
23ʻI he ‘aho pē ko iá, naʻe omi ha kau Sātusi kia Si̇̄sū, ʻa e fa‘ahinga ‘oku nau taukaveʻi, ‘oku ‘ikai ha toetu‘u mei maté. 24Pea nau pehē ange kia Sisū, ‟Tangata‘eiki, na‘e pehē ‘e Mōsesé, ‛Kapau ‘e mate ha tangata ‘oku teʻeki ha‘ane fānau, pea ‘e mali hano tokoua mo e uitoú ke ‘i ai ha hako ‘o si‘ono tokouá.’ 25Pea ko ʻeni: na‘e ‘i ai ha tautehina ‘e toko fitu na‘e nofo heni. Na‘e mali ʻa e ʻuluaki̇́ pea mate ia ‘oku ‘ikai ha‘ane fānau, pea kuo tuku hono uitoú ki hono tokouá. 26Ko e me‘a tatau pē na‘e hoko ki he tehina ko iá, mo e fika tolú, pea pehē ai pē ‘o a‘u ki he fika fitú. 27Pea toki mate ki mui ʻa e fefiné. 28Ka hoko ʻa e ‘aho ‘o e toetu‘u ʻa e maté, ko hai he tokofitu ko iá te na malí? He na‘á nau mali kotoa pē mo e fefiné.”
29Pea ko e tali ‘e Sīsuú, ‟‘Oku fehālaaki ho‘omou ma‘ú ko e ‘ikai te mou maheni mo e Tohitapú, pē ko e ivi māfimafi ʻo e ‘Otuá. 30He ka toetu‘u ʻa e kakai kuo maté, he‘ikai ke nau toe nofo mali kinautolu, ka te nau hangē tofu pē ko e kau ‘āngelo ‘i Langi̇́. 31Pea ko e me‘a ki he toetu‘u mei he maté, kuo teʻeki koā te mou lau he Tohitapú ʻa e meʻa naʻe folofolaʻaki atu ʻe he ʻOtuá kiate kimoutolú: 32‛Ko aú ko e ‘Otua ‘o ‘Ēpalahame, mo e ‘Otua ‘o ‘Aisake, mo e ‘Otua ‘o Sēkope.’ Ko ia ai, ko e ‘Otua ia ‘o e kakai moʻui̇́, ‘o ‘ikai ko e ‘Otua ‘o e kakai maté.”
33Pea ʻi he fanongo ki ai e kakai̇́, naʻa nau fakatumutumu he anga ‘o e faiako ‘a Sīsuú.
Ko e Fekau Lahi Tahá
(Ma‘ake 12:28-34; Luke 10:25-28)
34Pea ʻi he fanongo ʻa e kau Fālesí kuo fakasi̇̄longo‘i ‘e Si̇̄sū ʻa e kau Sātusí, naʻa nau fakatahataha mai leva mo kinautolu. 35Pea hanga ‘e he toko taha ‘iate kinautolu, ko e mataotao ʻi he laó, ‘o sivi‘i ‘a Si̇̄sū ʻaki ʻene fehu‘i ko ʻeni̇́: 36‟Tangata‘eiki, ko e fekau fē he Laó ‘oku mahuʻinga tahá?”
37Pea folofola ʻa Sīsū, ‛Te ke ‘ofa ki he ‘Eiki ko ho ‘Otuá ʻaki ho lotó kotoa, mo ho laumālié kotoa, pea mo ho ‘atamaí kotoa.’ 38Ko e fekau mahuʻinga tahá ʻeni mo tuʻukimuʻá. 39Pea ko e hoko hake pē ki ai̇́, ‘oku tatau pē mo ia: ‛Te ke ‘ofa ki ho kaungā‘api̇́ ‘o hangē ko ho‘o ‘ofa kiate koé.’ 40‘Oku fakatefito ki he ongo fekau ‘e ua ko iá ʻa e Lao ‘a Mōsesé, pea mo e ngaahi akonaki ʻa e kau palōfitá.”
Ko e Fehu‘i ‘o Kau ki he Mīsaiá
(Ma‘ake 12:35-37; Luke 20:41-44)
41Pea lolotonga ʻa e kei fakataha mai ʻa e kau Fālesi̇́, naʻe fai atu ‘e Si̇̄sū ʻa e fehu‘i ko ʻeni̇́ kiate kinautolu: 42‟Ko e hā haʻamou lau ki he Mīsaiá? Ko e hako ia ‘o hai?”
Pea nau talaange kiate ia, ‟Ko e hako ‘o Tēvita.” 43Pea pehē ange leva ‘e Sīsū, ‟Kae fēfē ʻa e nofo‘ia ‘a Tēvita ‘e he Laumālié, pea naʻe pehē ai ‘e ia,
44‘Na‘e folofola ʻa e ‘Eiki̇́ ki hoku ‘Eiki̇́,
Nofo hifo koe ‘i hoku toʻomataʻú,
kae‘oua ke u ‘ai ho ngaahi fili̇́ ko ho tuʻuʻangavaʻe.
45Kapau leva na‘e ui ia ‘e Tēvita ko hono ‘Eiki, ‘e anga fēfē ai ke lau ia ko hono foha?” 46Pea na‘e ‘ikai ha taha te ne lava ke fai ha tali, pea talu mei he taimi ko iá mo e ‘ikai ha taha ‘e toe fakato‘oto‘a ke fai ha fehu‘i kiate ia.
Избрани в момента:
Mātiu 22: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.