Ma‘ake 1
1
Ko e Malanga ʻa Sione Papitaiso
(Mātiu 3:1-12; Luke 3:1-18; Sione 1:19-28)
1Ko e kamataʻanga ʻo e Ongoongo Lelei ʻo Si̇̄sū Kalaisi, ko e ʻAlo ʻo e ‘Otuá. 2ʻO hangē ko ia kuo tohi ‘e he palōfita ko ‘Aiseá, ‟Vakai, ʻoku ou fekau atu ʻeku talafekaú, ke ne muʻomuʻa kiate koe, ʻo teuteu ho halá. 3Ko e leʻo ē ʻo ha toko taha ʻoku kalanga he toafá, ‛Mou teuteu ʻa e hāʻeleʻanga ʻo e ʻEiki̇́,
mo fakatonutonu hono ʻalungá.’ ”
4Naʻe toki hokomai ʻa Sione faipapitaiso ʻi he feituʻu toafá, ʻo ne malangaʻaki ki he kakai kotoa pē, ‟ʻa e papitaiso ki he fakatomalá koeʻuhi̇̄ ke fakamolemole ʻenau ngaahi angahalá.” 5Pea ō atu ʻa e kakai tokolahi mei he feituʻu Siuteá mo Selusalema, kiate ia. Pea nau vete ʻenau ngaahi angahalá kae fai honau papitaisó, ʻi he Vaitafe Soatani̇́. 6Naʻe kofu fulufuluʻi kāmeli ʻa Sione pea leta kiliʻi manu. Ko ʻene meʻakai̇́, ko e he‘e mo e huhuʻaʻi hone vao. 7Pea malanga ʻa Sione, ʻo pehē: ‟ʻOku muimui mai ha toko taha, ʻoku lahi ange hono mafai̇́ ʻiate au, ʻa ia ʻoku ʻikai te u taau ke vete ʻa e haʻi hono senitoló. 8ʻOku ou papitaiso kimoutolu ʻe au ʻaki ʻa e vai, ka te ne papitaiso ‘e ia kimoutolu ʻaki ʻa e Laumālie Maʻoniʻoni̇́!”
Ko hono Papitaiso ʻo Si̇̄suú
(Mātiu 3:13-17; Luke 3:21-22)
9Pea ha‘u ai foki ʻa Si̇̄sū mei Nāsaleti ʻi Kāleli ke papitaiso ia ‘e Sione, ʻi he Vaitafe ko Soatani̇́. 10Pea ʻi heʻene kei hake mai mei he vai̇́, naʻá ne mamata kuo mavaeua ʻa e langi̇́, pea hāʻele hifo ʻa e Laumālié kiate ia, ʻo tatau mo ha fōtunga ʻo ha lupe. 11Pea ongo mai ha leʻo mei he langi̇́, ‟Ko hoku foha ‘ofaʻangá koe. ʻOku leleiʻia hoku lotó kiate koe.”
Ko e ʻAhiʻahiʻi ʻo Si̇̄sū
(Mātiu 4:1-11; Luke 4:1-13)
12Pea taki atu leva ‘e he Laumālié ʻa Si̇̄sū ki he toafá. 13Pea naʻe nofo ai ʻi ha ʻaho ‘e fāngofulu, ʻo ʻahiʻahiʻi ai ia ‘e Sētane. Pea neongo naʻe nofo fakataha ʻa Si̇̄sū mo e fanga manu kaivaó, ka naʻe tauhi ia ‘e he kau ʻāngeló.
Ko e Kamata ʻa e Ngāue ʻa Si̇̄suú
(Mātiu 4:12-17; Luke 4:14,15)
14Pea hili hono fakahū pili̇̄sone ʻo Sioné, pea ʻalu ʻa Si̇̄sū ki Kāleli ʻo malangaʻaki ʻa e Ongoongo Lelei ʻo e ʻOtuá. 15ʻO ne pehē: ‟Kuo hokosia ʻa e taimi̇́ pea kuo ofi ʻa e Puleʻanga ʻo e ‘Otuá: Mou tafoki ʻo tui ki he Ongoongo Lelei̇́.”
Ko e Ui ‘e Si̇̄sū ʻa e Kau Toutai ‘e Toko Fā
(Mātiu 4:18-22; Luke 5:1-11)
16Pea ʻi he hāʻele atu ʻa Si̇̄sū he matātahi ʻo e Tahi Kāleli̇́, naʻá ne mamata kia Saimone mo hono tokouá, ko ʻAnitelū, ʻoku fai ʻena li̇̄ kupenga ʻi tahi, he ko e ongo toutai kinaua. 17Pea folofola ʻa Si̇̄sū kiate kinaua, ‟Mo omi ʻo muimui kiate au, ka u akoʻi kimoua ke mo hoko ko e ongo toutai kakai.” 18Peá na liʻaki ai pē hona kupengá, ka na muimui kiate ia.
19Pea fononga siʻi atu mei ai ʻa Si̇̄sū, ʻo ne mamata kia Sēmisi mo Sione, ko e ongo foha ʻo Sēpeti̇́, ʻoku fai ʻena monomono kupenga ʻi vaka. 20Pea naʻe ui leva mo kinaua, peá na fakamāvae ai pē mo ʻena tamai̇́ ko Sēpeti̇́ he vaká, mo e kau ngāue totongi̇́, ka na muimui kia Si̇̄sū.
Ko e Tangata Naʻe Ma‘u ‘e he Laumālie ʻUli
(Luke 4:31-37)
21Pea fononga atu ʻa Si̇̄sū mo ʻene kau akó ki Kāpaneume. Pea aʻu ki he Sāpaté, naʻe ʻalu ʻa Si̇̄sū ki he falelotú ke fai ʻene faiako. 22Pea fakatumutumu ʻa e kakai̇́ heʻene faiakó. He naʻá ne faiako hangē ha taha ma‘u mafai̇́, kae ʻikai ke hangē ko e faiako ʻa e kau faiako Lao ʻa Mōsesé.
23Pea tā kuo nofo ʻi honau falelotú ha tangata kuo ma‘u ‘e ha laumālie ʻuli. 24Pea kalanga ʻa e tangatá, ‟Ko e hā hoʻo meʻa ‘e fai mai̇́, ‘e Si̇̄sū mei Nāsaleti̇́? Ko hoʻo ha‘u koā ke fakaʻauha kimautolu? ʻOku ou ‘ilo koe! Ko e Toko Taha Māʻoniʻoni koe ʻa e ‘Otuá.”
25Pea valokiʻi ‘e Si̇̄sū ʻa e laumālie ‘uli̇́, ʻo ne folofola, ‟Fakalongolongo! Peá ke hū kituʻa mei he tangatá!” 26Pea hanga ‘e he laumālie ‘uli̇́ ʻo ʻai ke tetetete ʻa e tangatá, pea naʻe kaikaila leʻolahi, ʻo ne toki maluʻi meiate ia. 27Pea ʻohovale kotoa ai ʻa e kakai̇́ mo nau fehufehuʻi, ‟Ko e hā ʻeni? Ko ha akonaki foʻou nai ʻeni? Vakai ange! Naʻa mo e ngaahi laumālie ‘uli̇́, ʻoku nau talangofua kiate ia!” 28Pea toki mafola ʻi Kāleli kātoa, ʻa e ngaahi ongoongo ʻo kau kia Sīsuú.
Ko e Fakamoʻui ‘e Si̇̄sū e Tokolahi
(Mātiu 8:14-17; Luke 4:38-41)
29Pea ʻi he foki leva ʻa Si̇̄sū mei falelotu, naʻa nau ō mo Sēmisi mo Sione ki he ʻapi ʻo Saimone mo ʻAniteluú.
30Pea naʻe fakahā ange kia Si̇̄sū ʻoku tokoto ʻa e faʻē ʻa e mali ʻo Saimoné ko e puke he mofi̇́. 31Pea laka atu ʻa Si̇̄sū ki he fefiné ʻo puke hono nimá ʻo fokotuʻu hake. Pea sai ai pē ʻa e mofi̇́. Pea tuʻu leva ʻa e fefiné ʻo feimeʻatokoni ma‘anautolu.
32Pea hili ʻa e tō ʻa e laʻaá, naʻa nau fetuku mai kia Si̇̄sū ʻa e kakai kotoa pē naʻe mahakiʻia, pē puke fakatēvolo. 33Pea ʻosi kotoa mai ʻa e koló ki he matapā ʻo e falé. 34Pea naʻe fakamoʻui ‘e Si̇̄sū ʻakinautolu kotoa naʻe puke he ngaahi mahaki kehekehe. Naʻá ne toe kapusi mo e fanga tēvolo tokolahi, pea naʻe ʻikai te ne tukuange ke lea ʻa e fanga tēvoló, he naʻa nau ʻilo ia.
Ko e Malanga ʻa Si̇̄sū ʻi Kāleli
(Luke 4:42-44)
35Pea kei hengihengi ʻaupito, ofi ki he mafoa ʻa e atā, naʻe tuʻu hake ʻa Si̇̄sū ʻo ʻalu ki ha feituʻu lōngonoa ʻo fai ai ʻene lotu. 36Pea ō atu ʻa Saimone mo kinautolu naʻa nau nofó, ʻo kumi kiate ia. 37Pea nau ma‘u ia, ʻo nau pehēange, ‟ʻOku kumi koe ‘e he kakai kotoa pē!”
38Pea folofola ʻa Si̇̄sū kiate kinautolu, ‟Tau ō atu ki he tukui kolo ko eé ke u malanga foki ai. He ko e meʻa ia naʻá ku ha‘u ai̇́.”
39Pea fononga holo ai ʻa Si̇̄sū ʻi Kāleli kātoa, ʻo malanga he ngaahi falelotú mo kapusi tēvolo.
Ko e Fakamoʻui ‘e Si̇̄sū ha Tangata Kilia
(Mātiu 8:1-4; Luke 5:12-16)
40Pea naʻe ha‘u ha tangata kilia kia Si̇̄sū ʻo ne tūʻulutui atu ʻo kole kiate ia, ‟Kapau te ke loto ki ai, te ke lava pē ke fakamaʻa au.” 41Pea ake ʻa e ʻofá he loto ʻo Sīsuú, ʻo ne ‘ai atu hono nimá ki ai, pea naʻe folofola, ‟ ʻOkú ou loto pē ki ai, ke ke maʻa koe!” 42Pea maʻa ai pē hono kiliá. 43Pea fekau ‘e Si̇̄sū ʻa e tangatá ke ʻalu, pea naʻe fakatokanga mamafa ki ai, 44‟Vakai naʻá ke tala ʻa e meʻá ni ki ha taha. Ka ke ʻalu pē ʻo fakahā koe ki he taulaʻeiki̇́ ke ne siviʻi koe. Peá ke ‘oange ki ai ʻa e feilaulau naʻe tuʻutuʻuni ‘e Mōsesé, ko e fakamoʻoni kiate kinautolu, kuo fakamaʻa koe.”
45Ka naʻe ʻalu atu ʻa e tangatá ia ʻo fakamafola holo mo talanoa he feituʻu kotoa pē, ki he meʻa naʻe hokó. Pea ʻi he fuʻu ongoongoa ai ʻa Sīsuú, naʻe ʻikai te ne kei lava ʻo ʻalu tauʻatāina ki ha kolo. Ka naʻá ne takai pē he ngaahi feituʻu ngaongaó, kaneongo iá, naʻe ō atu pē ki ai ʻa e kakai̇́, mei he feituʻu kotoa pē.
Избрани в момента:
Ma‘ake 1: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.