Ma‘ake 12
12
Ko e Kau Ngāue ʻo e Ngoue Kēlepi̇́
(Mātiu 21:33-46; Luke 20:9-19)
1Pea na‘e kamata fai ‘e Si̇̄sū ʻa e talanoa fakatātā ko eni̇́, ‟Na‘e ‘i ai tokua ha tangata na‘e tō ʻene ngoue kālepi, pea na‘á ne ʻāaʻi takai ia, ʻo ne toki fokotuʻu ai mo hano tatau‘anga uaine, mo langa ai hano fale le‘o. Pea naʻe lisi atu leva ia ki ha kau mātuʻa tauhingoue, kae ‘alu ia ki muli.
2Pea a‘u ki he toʻukai kālepi̇́, pea naʻe fekau atu ha‘ane tamaio‘eiki ke ‘alu ‘o ‘omai hono ‘inasi̇́, he fua ‘o e kālepi̇́, mei he kau mātuʻa tauhingoue naʻe lisi ki ai̇́. 3Ka na‘e puke ‘e he kau mātuʻa tauhingoué ʻene tamaio‘eiki̇́ ‘o taa‘i, pea nau fakafoki halaʻatā ia.
4Peá ne toe fekau haʻane tamaio‘eiki ‘e taha ki he kau mātuʻa tauhingoué, kae toe hanga ‘ekinautolu ‘o tuki pohu hono ʻulú mo ngaohikovia ia. 5Pea ne toe hanga ʻo fekau atu mo ʻene tamaio‘eiki ‘e taha kehe, ka naʻa nau tāmate‘i mo ia foki. Pea ai mo ha niʻihi kehe tokolahi naʻá ne toe fekau atu, pea ko honau niʻihi naʻa nau tāaʻi pea ko e niʻihi, naʻa nau tāmateʻi.
6Pea na‘e kei toe hono foha ‘ofa‘angá. Peá ne fekau ke ‘alu fakamuimui ia ki he kau mātuʻa tauhingoué, heʻene pehē, ‛Te nau toka‘i ia he ko hoku foha.’ 7Ka ko e kau mātuʻa tauhingoue ko iā, naʻa nau fepehēʻaki, ‛Ko e foha ʻea ʻeni. Mou haʻu, tau tāmate‘i ia, ka tau ma‘u ʻekitautolu hono tofiʻá.’ 8Pea nau puke leva ia ‘o nau tāmate‘i, pea nau toki li̇̄ kituʻa ia mei he ngoueʻanga kālepi̇́.
9ʻOku mou pehē nai, ko e hā ʻa e me‘a ‘e fai ‘e he tangataʻeiki na‘e ‘a‘ana e ngoue kālepi̇́? ʻIo, te ne toki hokomai ‘o faka‘auha ʻa e kau mātuʻa tauhingoue ko iā, ka ne foaki ʻa e ngoue‘anga kālepi̇́ ki ha ni‘ihi kehe. 10‘Oku te‘eki ai koā te mou lau e potu folofola ko eni̇́:
‘Ko e maka na‘e liʻaki atu ‘e he kau tufungá,
Kuo hoko ia ko e maka mahuʻinga taha ‘o e falé.
11Ko e ngāue ia ʻa e ʻEiki̇́,
Pea ko e toki meʻa fakaofo moʻoni ki heʻetau sió!”
12Pea naʻá nau feinga ke puke ia, ka naʻa nau manavahē ki he kakai̇́. He na‘á nau ʻilo ko e ʻuhnga ange ʻa e talanoa fakatātā, kiate kinautolu. Ko ia, naʻá nau tuku ia ka nau ʻalu.
Ko e Tukuhaú
(Mātiu 22:15-22; Luke 20:20-26)
13Pea na‘á nau fekau atu ha niʻihi mei̇́ he kau Fālesi pea mo e fa‘ahi ‘a Hēlotá ke nau feinga ke tauhele‘i ‘a Si̇̄sū ‘aki ha ‘ū fehu‘i. 14Ko ia, naʻá nau omi ʻo pehē ange kiate ia, ‟Tangata‘eiki, ‘oku mau lave‘i ko e tangata faitotonu koe pea ʻoku ‘ikai te ke tokanga ki he lau ʻa e kakai̇́, he ʻoku ʻikai te ke filifilimānako, ka ʻokú ke akonaki totonu ʻaki ʻa e finangalo ʻo e ‘Otuá. Ko e hā ha‘o lau, te mau totongi tukuhau kia Sisa, pē ‘ikai?”
15Ka na‘e meaʻi ‘e Si̇̄sū ‘enau fakamatamatalotú. Ko ia naʻá ne pehē ange kiate kinautolu, ‟Ko e hā ʻoku mou feinga ai ke tauheleʻi aú? ‘Omi angē ha fo‘i pa‘anga ke u sio ki ai.”
16Pea nau ʻomi ia. Pea ne pehē ange leva kiate kinautolu, ‟Ko e ʻimisi mo e hingoa ‘o hai ʻoku ʻasi ai̇́?” Pea nau talaange, ‟‘O Sisá.”
17Pea tali ʻe Sīsū, ‟Pe‘i ‘oange kia Sisa ʻa e me‘a ‘a Sisá, kae ‘oange ki he ‘Otuá ʻa e me‘a ʻa e ‘Otuá.” Pea naʻa nau ʻohovale ‘aupito ʻiate ia.
Ko e Moʻui ʻi he Toetuʻú
(Mātiu 22:23-33; Luke 20:27-40)
18Pea toki omi kia Si̇̄sū ha kau Sātusi, ʻa e fa‘ahinga naʻe tui ‘oku ʻikai ha toetu‘u mei he maté. 19Pea nau fehuʻi ange kia Sīsū, ʻo pehē, ‟Tangata‘eiki Faiako, na‘e hikitohi ma‘atautolu ‘e Mōsese ʻo pehē, ‛Kapau ‘e mate ha tangata, ka ‘oku kei mo‘ui hono uaifi̇́ ka ne ‘ikai ha‘ana fānau, pea ke mali ʻa e tokoua ‘o e tangata ko iā mo e uitoú ke maʻu ai ha fānau, ‘o lau ko e hako ‘o hono tokoua kuo maté.’ 20Sai, na‘e ʻi ai ha kau tautehina ‘e toko fitu. Pea mali ʻa e lahi̇́, pea mate ia, kae ‘ikai ha‘ane fānau. 21Pea mali ʻa e uitoú mo e hoko haké, pea toe mate pē mo ia ‘oku ‘ikai ha‘ane fānau. Pea hoko pehē pē ki he fika tolú. 22Pea pehē ai pē ki hono toe ʻo e toko fitú. Na‘á nau mali kotoa mo e fefiné pea nau mate, kae ‘ikai ha hako ʻe maʻu ai. Pea faifai, pea toki mate ʻa e fefiné ki mui. 23ʻOka hokosia ʻa e Toetuʻú, he ʻaho fakamui̇́, ko hai ʻe lau ko e husepāniti ʻo e fefiné, he naʻe mali kotoa ʻa e toko fitú mo ia?”
24Pea tali ʻe Si̇̄sū kiate kinautolu, ‟Hono ʻikai ko e ʻuhinga ia hoʻomou hē! He ʻoku ʻangeʻange hoʻomou taʻe‘ilo ki he Tohitapú ʻi hoʻomou taʻeʻilo ki he māfimafi ‘o e ‘Otuá. 25He ʻoka hokosia ʻa e toetuʻu mei he maté, he‘ikai te nau toe nofo mali, pe toe teu mali, ka te nau hangē ko e kau ʻāngelo ʻi he Langi̇́. 26Pea ko e me‘a ki he fakatoetu‘u ‘o e kau pekiá, ‘oku te‘eki koā ke mou lau he Tohi ‘a Mōsesé, ʻa e talanoa ki he vao tatalaʻāmoá? He ʻoku ‘asi ai na‘e folofola ange ‘e he ‘Otuá kia Mōsese, ʻo pehē: ‛Ko e ‘Otua au ‘o ‘Ēpalahame, mo ‘Aisake, pea mo Sēkope.’ 27Ko ia, ‘oku ‘ikai ko e ‘Otua ia ‘o e maté, ka ʻo e moʻui̇́. ‘Oku hala mamaʻo ‘aupito ho‘omou maʻú!”
Ko e Fekau Mahu‘inga Tahá
(Mātiu 22:34-40; Luke 10:25-28)
28Pea ha‘u ha toko taha he kau tangata ʻo e tohitapú, ‘o ne fanongo he mālie ʻo e tali ‘a Sīsuú, peá ne fehu‘i ange kia Si̇̄sū, ‟Ko e fē nai ʻa e fekau ‘oku mahu‘inga tahá?”
29Pea tali ange ‘e Si̇̄sū, ‟Ko e fekau mahu‘inga tahá eni: ‛Fanongo mai, ʻa ‘Isileli̇́! Ko e ‘Eiki ko hotau ‘Otuá, ko e ʻEiki̇́ pē Taha ia. 30Pea te ke ‘ofa ki he ʻEiki ko ho ʻOtuá, ʻaki ho lotó kotoa, pea mo ho laumālié kotoa, pea mo ho ‘atamai̇́ kotoa, pea mo ho ivi̇́ kotoa.’ 31Pea ʻoku hoko hake pē ki ai̇ eni: ‛Te ke ‘ofa ki ho kaungāʻapi̇́ ‘o hangē tofu pē ko ho‘o ‘ofa kiate koé.’ ʻOku ʻikai ha toe fekau ʻe mahuʻinga ange he ongo fekau ko eni̇́.”
32Pea tali ʻe he tangatá, ‟Mālie e tali, Tangata‘eiki Faiako. ‘Oku hangē pē ko ho‘o laú. Ko e ‘Otuá pē ʻa e ʻEiki̇́. Pea ‘oku ‘ikai ha toe ‘Otua, ka ko ia pē taha. 33Pea kuo pau ke te ‘ofa ki he ‘Otuá ʻaki hoto lotó kotoa, mo hoto laumālié kotoa, mo hoto ivi̇́ kotoa, mo ‘ofa ki hoto kāingá ‘o hangē pē ko ‘ete ‘ofa kiate kitá. ‘Oku mahu‘inga ange ʻa e talangofua ki he ongo fekau ko iā, ‘i he ngaahi feilaulau tutu kotoa pē mo e ngaahi feilaulau tukumoʻui kotoa pē.”
34Pea ʻi he tokanga‘i ‘e Si̇̄sū ʻa e fakapotopoto ʻa e tali ʻa e tangatá, naʻá ne pehē ange, ‟‘Oku ‘ikai te ke mama‘o koe mei he Pule‘anga ‘o e ‘Otuá.” Pea talu mei ai, mo e ‘ikai ha toe taha ʻe toʻa feʻunga ke ne fai ha fehu‘i kia Si̇̄sū.
Ko e ʻAlo ʻo hai ʻa e Mi̇̄saiá?
(Mātiu 22:41-46; Luke 20:41-44)
35Pea ʻi he kei faiako ‘a Si̇̄sū he Temipalé, naʻá ne fokotu‘u atu ʻa e fehu‘i, ʻo pehē, ‟ʻOku anga fēfē ‘a e lau ‘e he kau tangata ʻo e tohitapú, ko e ‘Alo ‘o Tēvita ʻa e Mi̇̄saiá? 36He ʻi he fonu ʻa Tēvita ʻi he Laumālie Mā‘oni‘oni̇́, naʻá ne pehē:
Na‘e folofola ʻa e ‘Eiki̇́ ki hoku ‘Eiki̇́, ‛Nofo hē ‘i hoku toʻomataʻú,
Kae‘oua ke u ngaohi ho ngaahi fili̇́
Ke nau hoko ko e tuʻuʻanga ʻo ho vaʻé.’
37Ko Tēvita ē ʻokú ne lau ia ko hono ʻEiki, pea ʻe anga fēfē haʻane hoko ko hono foha?’ Pea ko e fuʻu kakai tokolahi naʻe fanongo kiate iá, naʻá nau mālieʻia ai.”
Ko e Fakatokanga fekauʻaki mo e kau Tangata ʻo e Tohitapú
(Mātiu 23:1-36; Luke 20:45-47)
38Pea toki pehē ‘e ia kiate kinautolu ‘i heʻene faiakó, ‟Mou vakai na‘a mou hangē ko e kau tangata ʻo e tohitapú. He ‘oku nau manako ke teungaʻaki ʻa e kofu fakafaifekaú, pea ke lea faka‘apa‘apaʻi ‘e he kakai̇́ ‘i he māketi̇́. 39Pea ke ʻange foki hanau nofo‘anga makehe he ngaahi falelotú mo e tuʻunga fakalangilangi̇́ ʻi he ngaahi kātoangá. 40Ko e faʻahinga ‘oku nau ma‘u ʻi he founga kākā ʻa e kelekele ‘o si‘i kau uitoú, ka ʻoku nau fakamatamatalotu ʻaki ‘enau lotu lōloa. Ko e faʻahinga ko eni̇́, ʻe mamafa ange honau tauteá.”
Ko e Foaki ‘a e Uitou
(Luke 21:1-4)
41Pea naʻá ne nofo hifo he ve‘e puha tānaki‘anga pa‘angá he Temipalé, ʻo ne mamata ki he anga ‘o e li̇̄ pa‘anga ʻa e kakai̇́. Na‘e tokolahi ʻa e kau maʻumeʻa na‘á nau li̇̄ pa‘anga lalahi. 42Pea faifai̇́ naʻe ha‘u si‘a fine‘eiki uitou masiva, ‘o ne li̇̄ ‘e ia ha ongo pa‘anga kapa ‘e ua. Ko hono mahu‘ingá ko e lau sēniti pē.
43Pea ui ange ‘e Si̇̄sū ʻene kau akó, ʻo ne toki pehē ange kiate kinautolu, ‟Ko hono mo‘oni̇́ ʻeni ‘oku ou talaatú, ko e li̇̄ ʻa e si‘i uitou ko eni̇́, ‘oku hulu atu ia he li̇̄ ʻa e kakai kātoa ko ē. 44He ʻoku li̇̄ ʻa e kakai ko ē mei he tupu ʻo e paʻanga ‘oku nau maʻú, ka ko si‘i uitoú ni, neongo ʻene masivá, ka ne li̇̄ ʻa e meʻa kotoa naʻá ne maʻú, ʻio; ʻa e kotoa ʻo ʻene moʻui̇́.”
Избрани в момента:
Ma‘ake 12: TCNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tongan Contemporary New Testament © Bible Society of the South Pacific, 2011.