SOERA MOZE II. FAZA 20.
FAZA 20.
I. Fameʼe oroisa si foeloe. II. Faʼataʼoe zato. III. Oroisa ba wamaʼanõ naha wameʼe soemange.
1I. Ba iw̃aʼõ daroma li andrõ fefoe Jehowa, imane: 2Jaʼodo Jehowa Lowalangioe, si no mangeheta jaʼoegõ ba danõ Miseraji andrõ, ba zi no mõi sawoejoe ami. (Moz. V. 5, 6—21. Sin. 81, 11. Hos. 13, 4). 3Bõi so chõmõ Lowalangi tánõ bõʼõ, baero ndraʼo. (Jos. 24, 14). 4Bõi fazõchi chõoe nadoe, ba he famaedo hadia ia, he si so si jaw̃a ba mbanoea, ba he si so si tooe ba goeli danõ, ba he si so ba nidanõ, barõ danõ. (Sin. 97, 7. Jes. 40, 18). 5Bõi angaloeloe chõnia ba bõi fosoemange ia, me no Lowalangi solohoe ndraʼo, jaʼodo andre, Jehowa, Lowalangioe, sangoehoekoe horõ ndra ama ba ndraono ba ba maʼoewoe mitooe, chõra si fatioe tõdõ chõgoe, 6ba si hachõsi tõdõ sangomasiʼõ jaʼo ba soloʼõ oroisagoe; iroegi hõnõ ngaʼõtõ. 7Bõi tõtõi dõi Lowalangioe Jehowa ba waja; lõʼõ sa zi lõ ihoekoe Jehowa zanõtõi tõinia ba waja. (Mos. III. 19, 12). 8Ameʼegõ tõdõ loeo wolombase andrõ, ba weʼamoniʼõ jaʼia. (F. 31, 13; 35, 2). 9Õnõ ngaloeo mohalõw̃õ ndraʼoegõ ba õhalõ halõw̃õoe fefoe. 10Ba ero fitoe bongi, ba loeo wolombase chõ Lowalangioe Jehowa; bõi babaja hadia ia halõw̃õ ba daʼõ, he jaʼoegõ, ba he onooe matoea, ba he onooe alawe, ba he sangai halõw̃õ chõoe ira matoea ba he sangai halõw̃õ chõoe ira alawe, ba he oerifõoe, ba he si fatewoe chõoe ba mbanoeami bacha. 11Õnõ ngaloeo sa mege chõ Jehowa, ba wamazõchi banoea si jaw̃a, awõ danõ, awõ nasi, awõ nõsira fefoe; ba ba loeo si fitoe, ba no molombase ia. Andrõ wa no ifahawoeʼõ loeo si fitoe andrõ Jehowa, ba no iʼamoniʼõ. (Moz. I. 2, 2). 12Fosoemange namaoe, awõ ninaoe, enaʼõ anaoe nosooe ba danõ, nibeʼe Lowalangioe Jehowa chõoe. (Moz. III. 19, 3. Mat. 15, 4. Efes. 6, 2). 13Bõi angeʼe. (Moz. I. 9, 6. Mat. 5, 21). 14Bõi ohorõ. (Moz. III. 20, 10. Mat. 5, 27. Heb. 13, 4). 15Bõi anagõ. (Efes. 4, 28). 16Bõi bõbõgõ chõ nawõoe zi lõ doehoe. (Moz. V. 19, 18). 17Bõi isõ nomo nawõoe. Bõi isõ woʼomo nawõoe ba he sangai halõw̃õ chõnia ira matoea, ba he sangai halõw̃õ chõnia ira alawe, ba he õrõbaonia, ba he koedonia, ba he hadia ia, fefoe, nibajabaja nawõoe. (Rom. 7, 7).
18II. Ba me larongo sato fefoe weʼoegoeʼoegoe mbanoea andrõ ba me laʼila gari mbanoea andrõ, ba me larongo li dorofe ba me laʼila wanimbo hili, ba ataʼoe ira ba manizinizi ba ba zarõoe laʼiagõ. 19Ba lamane chõ Moze: Sõchi na jaʼoegõ zihede chõma, ba samondrongo ndraʼaga. Sõchi na tenga Lowalangi zihede chõma, fa bõi mate ndraʼaga. (Moz. IV. 18, 16. Heb. 12, 19). 20Ba imane Moze ba zato: Bõi miʼataʼoefi; ba wanandraigõ jaʼami sa so Lowalangi, ba enaʼõ miʼataʼoefi ia, fa bõi mifazõchi horõ. (Moz. V. 5, 28). 21Ba ba zarõoe laʼiagõ sato, ba mõi ba lawoeo saitõ andrõ bacha Moze, ba zi so Lowalangi bacha.
22III. Ba imane Jehowa chõ Moze: Daʼõ niw̃aʼõoe ba Ndraono Gizeraëli: No miʼila, wa no moehededo chõmi moroi ba mbanoea si jaw̃a. 23Bõi mifazõchi chõmi nadoe firõ baerogoe, ba he adoe anaʼa, ba bõi mifazõchi chõmi. 24Naha wameʼe soemange õfaʼanõ chõgoe, tanõ, ba ba dete daʼõ õbeʼe zoemange nitoenoe andrõ chõoe ba soemange fangorifi, biribiri ba saw̃i andrõ chõoe; ba nahia andrõ fefoe, nihonogõigoe ba daʼõ, ba wamosoemange jaʼodo ba daʼõ, mõido chõoe, ba oefahowoeʼõ ndraʼoegõ. 25Ba na õfaʼanõ chõgoe naha wameʼe soemange, kara, ba lõ tola õfake gara nitoto, wamaʼanõ jaʼia; na õlaoe chõnia wakake siʼõli, ba salacha õfatõrõ chõnia. (Moz. V. 27, 5). 26Ba lõ tola gõi ora õtõrõ, weʼamõi jaw̃a ba naha wameʼe soemange andrõ chõgoe, fa bõi tehoi fõnania mbaloebaloe zaila ndraʼoegõ.
Избрани в момента:
SOERA MOZE II. FAZA 20.: NIA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.