SOERA MOZE II. FAZA 26.
FAZA 26.
I. Ose wamadoehoeʼõ andrõ. Koelamboenia. II. Fafania. III. Baʼabaʼa andrõ.
(A. 26, 1—14: Faz. 36, 18—19)
1I. Ba ba nose andrõ, ba foeloe ngaʼõrõ koelamboe õbeʼe, wamazõchi jaʼia, koelamboe nisoso, tarafali bana, ba oengoe sowōē waroewaroe ba sojo, ba kirimisi; õfokeroebi nifolaoe doeka wanoso, wamazõchi jaʼia. (F. 36, 8). 2Sagõrõ koelamboe, ba 28 hela waʼanaoe ba 4 hela waʼebolo; nifaomagõ waʼeboea goelamboe andrõ fefoe. 3Limalima ngaʼõrõ koelamboe nifatagoe. 4Ba õfotoembo dagoetagoe goelamboe ba wondrege zi sagõrõ, toembo oengoe sowōē waroewaroe, ba si manõ ba dagoetagoe goelamboe ba wondrege zi sagõrõ. 5Lima woeloe doembo õbeʼe ba goelamboe si sagõrõ ba lima woeloe doembo gõi ba goelamboe andrõ si fasinga ba zi sagõrõ andrõ, enaʼõ faoedoefaoedoe doembo andrõ. 6Ba lima woeloe õfazõchi chaichai ba õbeʼe famachai goelamboe andrõ, enaʼõ ha samboea nose andrõ. 7Ba õfazõchi gõi doefo boe nambi, sagõ nose andrõ; felezara ngaʼõrõ õfazõchi toefo ba daʼõ. 8Sagõrõ toefo, ba 30 hela waʼanaoe ba 4 hela waʼebolo; faoma waʼeboea zi felezara ngaʼõrõ andrõ. 9Lima ngaʼõrõ toefo andrõ, ba õfatagoe, õbaliʼõ si ha sagõrõ, ba si manõ gõi zi õnõ ngaʼõrõ, si tosai, niʼosagõrõʼõ; ba si sagõrõ ba naha zi õnõ, ba õfatõʼõ daloe, õfodoea winaeta, ba mbawa doeasa nose. 10Ba ba dagoetagoe doefo ba wondrege zi sagõrõ andrõ, ba lima woeloe õfazõchi toembo, ba si manõ gõi ba dagoetagoe doefo ba wondrege zi sagõrõ, lima woeloe doembo. 11Ba lima woeloe õfazõchi chaichai, tõla, ba õfatõrõ ba doembo andrõ chaichai andrõ, wamaʼanõ sagõ andrõ, fa ha sagõrõ. 12Ba ba zi tõra faʼanaoe doefo andrõ, ba si matonga, ba ba gero nose latõraigõ. 13Ba hadia zi tõra na ba doefo andrõ, ba sahesahela dambai lafataloeʼiʼõ, ba ngai nose, enaʼõ ibaloegõ. 14Ba õfazõchi baloebaloe doefo andrõ doefo oeli mbiribiri, nilaoe sojo, ba baloebaloe daʼõ zoei, ba toefo oeli mina goeaza.
(A. 26, 15—25: Faz. 36, 20—30)
15II. Ba õfalaoeʼõ wafa, dõladõla nose, nifasindro, bana geoenia. 16Sagõrõ fafa, ba 10 hela waʼanaoe ba 1 1/2 waʼebolo. 17Ba sagõrõ, ba doea mbaʼibaʼi, nifabõbõ; si manõ wamazõchioe fafa nose andrõ fefoe. 18Ba fafa nose, nifalaoeʼõmõ, ba 20 ngaʼõrõ tánõ raja. 19Ba õfoʼahe firõ, 40, ba wafa andrõ si 20 ngaʼõrõ; doeadoea gahe zagõrõ fafa, ba mbaʼibaʼinia andrõ si doeadoea. 20Ba si manõ gõi, ba zi tambai nose, tánõ jõoe, 20 ngaʼõrõ fafa, 21awõ gahe firõ andrõ si 40, doeadoea gahe zagõrõ fafa. 22Ba ba hambo nose, tánõ ba gaechoela loeo, ba 6 ngaʼõrõ õfalaoeʼõ fafa. 23Ba doea gõrõ wafa õfalaoeʼõ ba watalinga nose tánõ foeri, si domboea. 24Si doeadoea gõrõ daʼõ moroi tooe, ba ha sara ba hogoe, ba doembo niʼogaolo andrõ si samboea; si manõ zi doea gõrõ andrõ nifotalinga ziʼoe. 25Tobali w̃aloe ngaʼõrõ fafa, si so ahe firõ andrõ, — 16 gahe, doeadoea gahe zagõrõ fafa.
(A. 26, 26—30: Faz. 36, 31—34)
26Ba lima õfazõchi lazi, bana, ba wafa andrõ ba zi tambai nose, 27ba lima lazi ba wafa ba zi tambainia, ba lima lazi ba wafa ba gero nose, tánõ ba gaechoela loeo. 28Ba lazi ba daloe andrõ, ba ba daloe wafa itõrõ, sandroro manõ. 29Ba fafa andrõ, ba õfoʼoeli anaʼa, ba he toembo andrõ chõnia, ba nifatõrõ lazi andrõ, ba anaʼa õfake wamazõchi jaʼia, ba lazi andrõ ba õfoʼoeli anaʼa. 30Si manõ wamazõchioe ose andrõ, dali niʼoromaʼõ chõoe ba hili. (F. 25, 40).
(A. 26, 31—37: Faz. 36, 35—38)
31III. Ba õfazõchi gõi mbaʼabaʼa oengoe sowōē waroewaroe ba sojo ba kirimisi ba tarafali bana nifolaoe doeka wanoso wamazõchi jaʼia, nilalaoe keroebi. (F. 36, 35). 32Õfa beʼe taroe nahe bana, nifoʼoeli anaʼa ba nifoʼahe firõ, ba wanandro jaʼia osõʼosõ anaʼa. 33Ba barõ chaichai andrõ naha mbaʼabaʼa andrõ; ba bacha barõ mbaʼabaʼa andrõ õbeʼe dawõla si so soera goroisa. Ba otoʼoto chõmi mbaʼabaʼa andrõ, ba gotaloeara niʼamoniʼõ wondrege niʼamoniʼõ. 34Ba õbeʼe ba dete dawõla zoera goroisa lagõlagõ andrõ, ba wondrege niʼamoniʼõ andrõ. 35Ba meza andrõ, ba baero mbaʼabaʼa andrõ õbeʼe, ba naha wandroe andrõ, ba ba gamaoedoe meza, tánõ raja ba nose; tánõ jõoe õbeʼe meza. 36Ba õfazõchi gõi mbaʼabaʼa mbawandroehõ nose, oengoe sowōē waroewaroe ba sojo ba kirimisi ba tarafali bana, nifolaoe zanoso si garagara. 37Ba lima õfazõchi taroe nahe, taroetaroe mbaʼabaʼa andrõ, bana, ba õfoʼoeli anaʼa; ba osõʼosõnia, ba anaʼa gõi, ba lima õfahele ahenia, tõla.
Избрани в момента:
SOERA MOZE II. FAZA 26.: NIA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.