Te Otinako 30
30
Te Baonikarea i bukin Kabuokakin Te B'ainikaboiarara are e kaakabubuaki
(Te Oti 37.25-28)
E taku te UEA nakon Moote:
1Karaoa te baonikarea man te kai ae te aketia are ko na konaa iai ni kabuoka te b'ai ni kaboiarara are e kaakabubuaki. 2Karaoia b'a abwi ma nimaua te tientemiita raababana ma ab'akina ao ruabwi te tientemiita rietana, ao karaoi koonana aika aua aika rine rake kaanga koron te kaomm'aane. 3Kabiria n te koora ae itiaki ao karaoa mataniwiina te koora ni katobibia. 4Ao kanimm'a i aan mataniwin iterana ake uoua taian m'am'a koora are a na konaa ni karinaki iai taian amo i bukin uotakin te baonikarea. 5A na riai ni karaoaki naba taian amo aikai man te kai te aketia ao ni kabiraki aoia n te koora.
6Katuka te baonikarea i matan keetenin te Um'antabunrianna. E na kaawakinaki te Atiniberita ma te tabo n akoi.#30.6 te tabo n akoi: Noori taeka akanne n te kibu 26.34. Ao N na taetae ma ngkoe ikekei. 7Man te bong aei, ngkana e karaoa tabena Aaron i bukin te taura ni katoa ingabong ke tairiki, 8e na riai kabuokan te b'ai ni kaboiarara are kaakabubuaki nako iu i aon te baonikarea. 9Kabuoka te b'ai ni kaboiarara are kaakabubuaki are e bon riai ni kabuokaki i aon te baonikarea ao ko na aki kakamanenaa i bukin te karea are te uita ke te karea are te man ke te angab'ai are te mooi. 10E na katoa ririki Aaron ni kaitiaka te baonikarea n taauria aon koonana ake aua#30.10 koona ake aua: Noora 27.2; 30.2. raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.
Te M'ane i bukin Te Um'antabunrianna
11E taku te UEA nakon Moote:
12Ko na kakaea b'a m'aitira mm'aane aika bon matoa i aon Iteraera b'a a na kab'aka nako Iu boon maiuia, b'a a aonga n aki reke n te kangaanga i nanon tain te koroara. 13Ni kabaneia mm'aane aika raka aia ririki i aon tebwi ma ruaiwa, 14a na riai ni kab'aka te m'aiti ni m'ane ae ti te bo, 15ae e tauaki rawawatana ni kaineti ma te kainibaaire are e b'ainaki. 16E na riai ni kamanenaaki te m'ane aei i bukin kateimatoan raoiroin te Um'antabunrianna, ao N na bon aki konaa ni m'aninga taekaia au aomata i bukin aei.
Te Boora Are te Buraonti ae Buubura
(Te Oti 38.8)
17E taku te UEA nakon Moote:
18Karaoa te boora te buraonti ae buubura ao kainteina te buraonti ae na toka i aona. 19Ao i mwiina, katikua i marenan te baonikarea i bukin te karea ao te Um'antabunrianna, 20b'a a aonga ni konaa n teboki baiia ma waeia iai ibonga i m'aain riniia nakon te Um'antabunrianna ke aia angakarea i aon te baonikarea. 21A riai ibonga ni kabane n rooro nako n tebokia n te aro anne, b'a a kaawa ni mate ikekei.
Te B'aa ni Kabiribiri i bukin Te Katabutabu
(Te Oti 37.29)
22E taku te UEA nakon Moote:
23Rengana aua te riita b'aan te oriwa ma kaboiararaan te am'arake aikai: 24onoua te kirokuraem te muura, tenua te kirokuraem te tinnamon, tenua te kirokuraem te kein, ao onoua te kirokuraem te katia. 25Baairei baikai ni kaineti ma te kainibaaire are b'ainaki. Ao i mwiina, ko na kabonganaa te b'a ae tabu ae renganaki aei 26i bukin katabuan te Um'antabunrianna ao te Atiniberita, 27te taibora ma b'aina nako, te kaintei ma b'aina nako, te baonikarea i bukin te b'ai ni kaboiarara are e kaakabubuaki ma b'aina nako, 28te baonikarea i bukin taiani karea, ao te boora are e rangi ni buubura ma kainteina. 29Ko kariki b'a b'aai aika tabu ngkana ko katabui n te aro aei, n te aro are e na manga riki n tabu te aomata are e riingi.
30Ngkana ko katabua Aaron ma natina mm'aane b'a ibonga, ko na tatauriia teutana n te b'a aei, 31ao ko na kaangai nakoia Iteraera: E na kabonganaaki te b'a aei n te m'akuri ni katabutabu n taai nako i bukiia ibonga. E tabu i bukina ngkai e katabuaki b'a ana b'ai te UEA. 32Ma ngaia are, ko na kamanenaa n te aro ae tabu! Ko na aki kamanenaa ni boong n aki akaaka ke n renganna bon i bukin kabiram i bon i roum. 33Ko na aki manga riki b'a ana aomata te UEA ngkana ko karaoa anne.”
Te B'ainikaboiarara are kaakabubuaki Ae Boiarara
34Rengan taian b'ai ni kaboiarara i bukin te am'arake ake a boobuaka ni kaboraoi m'aitiia, aika te titakite, onika, ao te riibano ni koaua, 35ao i mwiina, renganna ma te taoro ni karaoa te rengarenga b'a e na boou ma n tabu. 36Ikiika tabeua mai iai ni kab'autai ao kabururua nako i matan te Atiniberita, ike N na kaitibo iai ma ngkami. Kakoaua raoi b'a kam na atonga te b'ai ni kaboiarara ae kaakabubuaki aei b'a te b'ai ae tabu, 37E bon tabu raoi i bukina ngke e a tia ni katabuaki b'a au b'ai, ma ngaia are, kam na aki manga karaoa aekakina b'a oin ami b'ai. 38Ngkana arona b'a kam karaoa aekakina b'a ami boiarara, ao kam na aki manga atongaki b'a au aomata.
Избрани в момента:
Te Otinako 30: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте