Karikani B'aai 40
40
Kab'araan nanon miin te bure temanna iroun Ioteb'a
1Ao a reke aia bure iroun te uea,#40.1-3 te uea: Noora kab'arab'araan 12.15. te tia touatina niman te uea te wain, ao te tia karao kariki naba iroun te uea. 2Ao e un te uea irouia ana aobitia aika uoman aikai 3ao e a kariniia n te karabuuti n ana auti mataniwiia taani kaawakiniia buure, ni bon te tabo naba are e kaawakinaki iai Ioteb'a. 4A tiku ni maan n te karabuuti, ao e rinea Ioteb'a te tia tararua te karabuuti b'a kaanga aia toro.
5Ao n te tairiki teuana n te karabuuti, ao e a mii teuare te tia uouota niman te uea te wain, ao e mii naba teuare te tia kariki 6Ao ngke e roko Ioteb'a irouia n te ingabong are imwina, ao e nooriia b'a a mata n rawaawata. 7Ao e titirakiniia, “E aera ngkai kam mata n rawaawata n te bong aei?”
8Ao a taku, “Ti kaai ni mii ni kauoman, ao bon akea temanna mai ikai ae kona ni kab'arai nanon miira.”
Ao e taku Ioteb'a, “Bon te Atua ae angaanga te kona ni kab'ara mii. Karakina miimi nako iu.”
9Ao e taku teuare te tia uota niman te uea te wain, “I miia te kai ae te kureebe ae tei i matau 10ao iai m'angana aika tennai. Ao ngke a tib'a tiinako baana, ao a tiinako naba ueena, ao taian uaa aika a tai. 11Ao I tabe n taua ana m'angko te uea, ma ngaia are, I koona te kureebe nakon ana m'angko ao I anganna.”
12Ao e taku Ioteb'a, “Aio nanon miim: m'angana akana tennai bon boong aika tenibong. 13Ai ti tenibong, ao e na kab'arako te uea, e na kainaomatako man te karabuuti ma ni manga kateirakeko nakon am m'akuri. Ko na manga anganganna ana m'angko n aroarom ngkoa ni kawai nakoina ngke ana tia uouota ana m'angko ngkoe. 14Ma I butiiko b'a ko a uringai ngkana a bane n nako raoi b'aai ni kabane i bukim. Ko a taiaoka n tataekinai nakon te uea ma ni buokai ni kaotinakoai man te karabuuti aei. 15B'a bon te aomata ngai ae I iraeaki mai abaia Ebera, ao tiaki ti ngaia ma bon akea naba te b'ai ae bure ae I a tia ni karaoia are I riai ni kabureaki iai.”
16Ao ngke e nooria te tia kariki b'a e kakukurei nanon miin te tia uouota niman te uea, ao e taku nakon Ioteb'a, “Ao miiu ngai: I tabe ni uouoti tenua taian b'aene i aon atuu. 17Kanoan te b'aene are te kabanea mai eta, a bane iai aekakin kariki aika raoiroi i nanona i bukin te uea, ao a kanaki ni kabane irouia taian mannikiba.”
18Ao e taku Ioteb'a, “Ao aio nanon miim: B'aene akana tenua bon boong aika tenibong. 19Ai ti tenibong mangkai, ao e na kab'arako te uea--ao ane e na korea roroam te uea, ao i mwiina e na katinetinea rab'atam i aon te boua, ao ane a na kana rab'atam taian mannikiba.” 20Ao ngke e a roko ana koro n ririki te uea are B'arao, ao e a karaoa ana baka n am'arake te uea ma ana aobitia ni kabane, ao e kainaomataia ana tia uouota nimana te wain ma ana tia kariki, ao e uotiia nako mataia ana aobitia. 21Ao e a manga kaoka ana tia uouota nimana nakon nakoana nikawai, 22ao e tiringa ana tia karao kariki n aron are e bon taekinna Ioteb'a. 23Ma e aki roko n te uringa Ioteb'a te tia uouota ana wain te uea-e rangi ni m'aninga taekana.
Избрани в момента:
Karikani B'aai 40: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте