Karikani B'aai 41
41
Kab'araan miin te uea iroun Ioteb'a
1Ao i mwiin uoua te ririki, ao e a mii uean Aikubita b'a e tei i etan te karaanga are te Naire, 2ao e nooria itiman kao aika marikarika man tararaoi rab'ataia aika a otinako man te karaanga ao a am'arake n taian uteute. 3Ao a manga otirake itiman naba taian kao aika a bakitaia n rii ni kangenge. A roko n tei i rarikiia ake i mataniwiin te karaanga, 4ao a kang taiani kao ake a marikarika. Ao i mwiina, e a uti naba te uea man matuuna. 5Ao e a manga matu riki, ao e a manga mii naba. E miia itiua te amwi ni uita aika kakanoa raoi ma n tai raoi, aika uaan te uita ae ti te oina. 6Ao a manga raure riki itiua naba taian amwi ni uita aika irariki aika a rai n angin te rereua, 7ao taian amwi ni uita akekei, a manga kab'auti taian amwi ni uita ake a kakanoa raoi ma n tai raoi. Ao e a uti te uea, ao e a ataia b'a ngaia bon te mii. 8Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.
9Ao e a taku te tia uouota ana wain te uea nakon te uea, “N nang bon kab'ara moa au bure b'a I bon riai ni kaman kaongoko. 10Ko un ngkoa irou ma te tia kariki, ao ko karabutiniira n ana auti mataniwiia taan tararuaia buure. 11Ao ti kaai ni mii n te tairiki teuana, ao a kakaokoro nanon miira. 12E mena naba ikekei temanna kaain Ebera ae ana toro te mataniwi irouia taan tararuaia buure. Ti karakina miira nakoina, ao e kab'arai nanon miira nakoira. 13Ao a koro bukin b'aai ake e tuangiira: I a manga okira nakoau ngai, ao ko tiringa teuare te tia kariki. 14Ao e kananako wetean Ioteb'a te uea, ao e kawaekoaaki n anaaki man te karabuuti. Ao e a koreaki moa buaina ma n oneaki kunnikaina, ao i mwiina, e a tib'a uotaki nako matan te uea. 15Ao e taku te uea nako ina, “I a tia ni mii, ao bon akea temanna ae kona ni kab'ara nanona. Ao I kaongoaki b'a ko kona ni kab'ara nanon taiani mii.”
16Ao e taku, “Te uea, I aki kona ni kab'ara mii, ma E na anga nanon miim te Atua.”
17Ao e taku te uea, “I mii b'a I teitei i etan te karaanga are te Naire, 18ao a otinako man te karaanga taian kao aika itiman aika marikarika ma n raoiroi rab'ataia, ao a am'arake n taian uteute. 19Ao a manga otinako naba itiman riki taiani kao aika irariki n ri ni kangenge. Bon taiani kabanea ni kananoanga mai buakoia kaao aika I a tia n nonori i aon Aikubita. 20Ao kaao ake a irariki, a manga kang taiani kao ake a marikarika, 21ma e aki ataaki ae a tia ni kang akekei b'a bon ti te bo naba ma taraaia ni kawai are a bon rangi ni bakitaia naba. Ao i mwiina, ao I a uti. 22Ao I miia naba taian amwi ni uita aika itiua aika kakanoa ma n tai raoi n te uita ae ti te oina. 23Ao a manga riki taian uita naba aika itiua, aika irariki, aika rai n angin te rereua, 24ao taian uita ake a irariki a manga kab'auti uita ake a kaakanoa raoi. I a tia n tuangiia taan tabunea, ma bon akea mai buakoia ae kona ni kab'ara nanona nako iu.”
25Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia. 26Kao ake itiman ake a marikarika bon ririki aika itiua, ao amwi ni uita naba ake itiua bon ririki naba aika itiua; bon ti te bo nanoia. 27Ao taian kao ake a irariki ake a tib'a roko, ao taian amwi ni uita ake itiua ake a rai n angin te rereua bon ririkin te rongo aika itiua. 28Boni ngaia are I a tia n tuangko-E a tia n tuangko te Atua te b'ai ae nang karaoia. 29A na roko itiua ririkin te mari i aon aban Aikubita ni kabutaa. 30Ao i mwiin anne, ao e na manga roko ririkin te rongo aika itiririki, ao ane a na mauna nako kukureia aomata, i bukin kamamaten te rongo i aon te aba. 31A na bon akea nikiran kanoan ririki ake a mari i bukin korakoran te rongo n ririki ake i mwiina. 32Okiokin miim bon kaotana b'a E a tia te Atua ni kamatoa b'a E na karokoa n te tai ae aki maan n taai aika i m'aaira.
33“Ma ngaia ae ko riai ngkai n rineia mm'aane tabeman aika rabakau ma n atatai b'a a na tararua aon te aba. 34Ko riai naba n rineia taian aobitia tabeman ake a na taia kanima m'akoron uaan aon te aba i nanon itiua te ririki ni mari. 35Tuangiia b'a a na taia te am'arake i nanon itiua ririki ni mari aika na roko, ao anganiia te mwioko b'a a na kaawakin taian uita i nanon te kaawa ma n tararuaia. 36A na riki am'arake akanne b'a am'arake i nanon ririki n rongo ake itiua ake a nang roko i aon Aikubita. Ao a na aki mate aomata n te aro anne.”
Karikan Ioteb'a b'a te Kowana i aon Aikubita
37Ao a kariaia te iango anne te uea ma ana aobitia, 38ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.” 39Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako. 40N na rineiko b'a ko na tararua abau ni kabane, ao a na bane aomata n ongotaeka nakon am taeka. Ko na riki b'a au kauoman. 41I a rineiko n te tai aio b'a te kowana ngkoe i aon Aikubita ni kabane.”
42Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana. 43Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa. 44Ao e taku te uea nakoina, “Bon te uea ngai-bon akea temanna ae e na tabeka baina ke waena ngkana akea kariaiakana.” 45Ao e angan Ioteb'a te ara n Aikubita ae Tabenata-b'anea, ao e anganna naba buuna ae Nei Atenata, natin Botibera te aine bon te ibonga n te kaawa ae buubura are Erioboriti.#41.45 Erioboriti: Te kibu n Ebera nanona “On,” are kinaaki riki n te ara n Erene ae “Erioboriti.” Ao e m'am'ananga Ioteb'a i aon Aikubita ni kabutaa. 46Tenibwi ana ririki Ioteb'a ngke e kamataniwiaki iroun te uea, ao e mwiokoia te uea n taabo nako 47Ao e kariki uaanikai aika m'aiti aon te aba i nanon ririki ake itiua, 48ao e bane n rikoi Ioteb'a ni kaawakin i nanon te kaawa are buubura. E kaona te kaawa teuana ma teuana ni uaan taian tawaana ake a bon mena i rarikiia nako. 49Ao e a katoka warekan te am'arake Ioteb'a ake e kaawakin b'a e a rangi n ri aon ae riai-ai aron m'aitin tanon taari.
50Ao a riki natin Ioteb'a ma Nei Atenata aika uoman mm'aane i m'aain rokon te rongo. 51Ao e taku, “E a tia te Atua ni karaoai b'a N na m'anuokin rawaawatau ma ni katoka ururingaia ana utu tamau ni kabane.” Ma ngaia are, e arana ana karimoa te mm'aane b'a Manate. 52Ao e taku naba, “E a tia n anganai natiu te Atua n te aba ae I rawaawata iai;” ma ngaia are, e arana natina te mm'aane are te kauoman b'a Eberaim.
53Ao akea b'a e a roko n tokina bongin ririkin te mari ake a tia ni kukurei iai kaain te aba are Aikubita, 54ao e a moanaki ririkin te rongo, n aron ana taeka Ioteb'a. A taonaki naba aaba ake i rarikin Aikubita n te rongo, ma e a rangi n tiraua te am'arake i Aikubita ni kabutaa. 55Ngkana a taonaki kaain Aikubita n te baki, ao a tang nakon te uea, ao te uea e tuangiia b'a a na kawara Ioteb'a ma ni karaoa te b'ai are e tuangiia. 56Ao e rikirake korakoran te rongo ni kabutaa aon te aba arei ni kabutaa, ma ngaia are, e a kauki taian auti ake a kaawakinaki iai taian am'arake ma ni kabooi nako taian uita nakoia aomatan Aikubita. 57Ao a roko aomata nako man te aonnaba ni kabutaa nako Aikubita ni kabooa te uita mairoun Ioteb'a, b'a e a rangi korakora te rongo n taabo nako.
Избрани в момента:
Karikani B'aai 41: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Karikani B'aai 41
41
Kab'araan miin te uea iroun Ioteb'a
1Ao i mwiin uoua te ririki, ao e a mii uean Aikubita b'a e tei i etan te karaanga are te Naire, 2ao e nooria itiman kao aika marikarika man tararaoi rab'ataia aika a otinako man te karaanga ao a am'arake n taian uteute. 3Ao a manga otirake itiman naba taian kao aika a bakitaia n rii ni kangenge. A roko n tei i rarikiia ake i mataniwiin te karaanga, 4ao a kang taiani kao ake a marikarika. Ao i mwiina, e a uti naba te uea man matuuna. 5Ao e a manga matu riki, ao e a manga mii naba. E miia itiua te amwi ni uita aika kakanoa raoi ma n tai raoi, aika uaan te uita ae ti te oina. 6Ao a manga raure riki itiua naba taian amwi ni uita aika irariki aika a rai n angin te rereua, 7ao taian amwi ni uita akekei, a manga kab'auti taian amwi ni uita ake a kakanoa raoi ma n tai raoi. Ao e a uti te uea, ao e a ataia b'a ngaia bon te mii. 8Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.
9Ao e a taku te tia uouota ana wain te uea nakon te uea, “N nang bon kab'ara moa au bure b'a I bon riai ni kaman kaongoko. 10Ko un ngkoa irou ma te tia kariki, ao ko karabutiniira n ana auti mataniwiia taan tararuaia buure. 11Ao ti kaai ni mii n te tairiki teuana, ao a kakaokoro nanon miira. 12E mena naba ikekei temanna kaain Ebera ae ana toro te mataniwi irouia taan tararuaia buure. Ti karakina miira nakoina, ao e kab'arai nanon miira nakoira. 13Ao a koro bukin b'aai ake e tuangiira: I a manga okira nakoau ngai, ao ko tiringa teuare te tia kariki. 14Ao e kananako wetean Ioteb'a te uea, ao e kawaekoaaki n anaaki man te karabuuti. Ao e a koreaki moa buaina ma n oneaki kunnikaina, ao i mwiina, e a tib'a uotaki nako matan te uea. 15Ao e taku te uea nako ina, “I a tia ni mii, ao bon akea temanna ae kona ni kab'ara nanona. Ao I kaongoaki b'a ko kona ni kab'ara nanon taiani mii.”
16Ao e taku, “Te uea, I aki kona ni kab'ara mii, ma E na anga nanon miim te Atua.”
17Ao e taku te uea, “I mii b'a I teitei i etan te karaanga are te Naire, 18ao a otinako man te karaanga taian kao aika itiman aika marikarika ma n raoiroi rab'ataia, ao a am'arake n taian uteute. 19Ao a manga otinako naba itiman riki taiani kao aika irariki n ri ni kangenge. Bon taiani kabanea ni kananoanga mai buakoia kaao aika I a tia n nonori i aon Aikubita. 20Ao kaao ake a irariki, a manga kang taiani kao ake a marikarika, 21ma e aki ataaki ae a tia ni kang akekei b'a bon ti te bo naba ma taraaia ni kawai are a bon rangi ni bakitaia naba. Ao i mwiina, ao I a uti. 22Ao I miia naba taian amwi ni uita aika itiua aika kakanoa ma n tai raoi n te uita ae ti te oina. 23Ao a manga riki taian uita naba aika itiua, aika irariki, aika rai n angin te rereua, 24ao taian uita ake a irariki a manga kab'auti uita ake a kaakanoa raoi. I a tia n tuangiia taan tabunea, ma bon akea mai buakoia ae kona ni kab'ara nanona nako iu.”
25Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia. 26Kao ake itiman ake a marikarika bon ririki aika itiua, ao amwi ni uita naba ake itiua bon ririki naba aika itiua; bon ti te bo nanoia. 27Ao taian kao ake a irariki ake a tib'a roko, ao taian amwi ni uita ake itiua ake a rai n angin te rereua bon ririkin te rongo aika itiua. 28Boni ngaia are I a tia n tuangko-E a tia n tuangko te Atua te b'ai ae nang karaoia. 29A na roko itiua ririkin te mari i aon aban Aikubita ni kabutaa. 30Ao i mwiin anne, ao e na manga roko ririkin te rongo aika itiririki, ao ane a na mauna nako kukureia aomata, i bukin kamamaten te rongo i aon te aba. 31A na bon akea nikiran kanoan ririki ake a mari i bukin korakoran te rongo n ririki ake i mwiina. 32Okiokin miim bon kaotana b'a E a tia te Atua ni kamatoa b'a E na karokoa n te tai ae aki maan n taai aika i m'aaira.
33“Ma ngaia ae ko riai ngkai n rineia mm'aane tabeman aika rabakau ma n atatai b'a a na tararua aon te aba. 34Ko riai naba n rineia taian aobitia tabeman ake a na taia kanima m'akoron uaan aon te aba i nanon itiua te ririki ni mari. 35Tuangiia b'a a na taia te am'arake i nanon itiua ririki ni mari aika na roko, ao anganiia te mwioko b'a a na kaawakin taian uita i nanon te kaawa ma n tararuaia. 36A na riki am'arake akanne b'a am'arake i nanon ririki n rongo ake itiua ake a nang roko i aon Aikubita. Ao a na aki mate aomata n te aro anne.”
Karikan Ioteb'a b'a te Kowana i aon Aikubita
37Ao a kariaia te iango anne te uea ma ana aobitia, 38ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.” 39Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako. 40N na rineiko b'a ko na tararua abau ni kabane, ao a na bane aomata n ongotaeka nakon am taeka. Ko na riki b'a au kauoman. 41I a rineiko n te tai aio b'a te kowana ngkoe i aon Aikubita ni kabane.”
42Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana. 43Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa. 44Ao e taku te uea nakoina, “Bon te uea ngai-bon akea temanna ae e na tabeka baina ke waena ngkana akea kariaiakana.” 45Ao e angan Ioteb'a te ara n Aikubita ae Tabenata-b'anea, ao e anganna naba buuna ae Nei Atenata, natin Botibera te aine bon te ibonga n te kaawa ae buubura are Erioboriti.#41.45 Erioboriti: Te kibu n Ebera nanona “On,” are kinaaki riki n te ara n Erene ae “Erioboriti.” Ao e m'am'ananga Ioteb'a i aon Aikubita ni kabutaa. 46Tenibwi ana ririki Ioteb'a ngke e kamataniwiaki iroun te uea, ao e mwiokoia te uea n taabo nako 47Ao e kariki uaanikai aika m'aiti aon te aba i nanon ririki ake itiua, 48ao e bane n rikoi Ioteb'a ni kaawakin i nanon te kaawa are buubura. E kaona te kaawa teuana ma teuana ni uaan taian tawaana ake a bon mena i rarikiia nako. 49Ao e a katoka warekan te am'arake Ioteb'a ake e kaawakin b'a e a rangi n ri aon ae riai-ai aron m'aitin tanon taari.
50Ao a riki natin Ioteb'a ma Nei Atenata aika uoman mm'aane i m'aain rokon te rongo. 51Ao e taku, “E a tia te Atua ni karaoai b'a N na m'anuokin rawaawatau ma ni katoka ururingaia ana utu tamau ni kabane.” Ma ngaia are, e arana ana karimoa te mm'aane b'a Manate. 52Ao e taku naba, “E a tia n anganai natiu te Atua n te aba ae I rawaawata iai;” ma ngaia are, e arana natina te mm'aane are te kauoman b'a Eberaim.
53Ao akea b'a e a roko n tokina bongin ririkin te mari ake a tia ni kukurei iai kaain te aba are Aikubita, 54ao e a moanaki ririkin te rongo, n aron ana taeka Ioteb'a. A taonaki naba aaba ake i rarikin Aikubita n te rongo, ma e a rangi n tiraua te am'arake i Aikubita ni kabutaa. 55Ngkana a taonaki kaain Aikubita n te baki, ao a tang nakon te uea, ao te uea e tuangiia b'a a na kawara Ioteb'a ma ni karaoa te b'ai are e tuangiia. 56Ao e rikirake korakoran te rongo ni kabutaa aon te aba arei ni kabutaa, ma ngaia are, e a kauki taian auti ake a kaawakinaki iai taian am'arake ma ni kabooi nako taian uita nakoia aomatan Aikubita. 57Ao a roko aomata nako man te aonnaba ni kabutaa nako Aikubita ni kabooa te uita mairoun Ioteb'a, b'a e a rangi korakora te rongo n taabo nako.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте