Karikani B'aai 42
42
M'anangaia tarin Ioteb'a nako Aikubita ni kabooa te uita
1Ao ngke e ataia Iakob'a b'a e m'aiti te uita i Aikubita, ao e taku nakoia natina mm'aane, “Kam ti a bon aorioringkami? 2I ongo b'a e m'aiti te uita i Aikubita, kam na nako ni kabooi karara tabeua ikekei b'a ti aonga n aki mate ni baki.” 3Ma ngaia are, a m'ananga ai tarin Ioteb'a ake tengaun ni kabooa te uita i Aikubita, 4ma e aki kam'ananga tarin raoi Ioteb'a are Beniamin Iakob'a ma ngaiia, b'a e kaawa ni manga riki naba te kangaanga nakoina.
5Ao a m'ananga natin Iakob'a ma raoia tabeman ni kabo uita i Aikubita, i bukina b'a e a rangi ni korakora te rongo i aon Kanaan. 6Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano. 7Ao ngke e nooria tarina Ioteb'a, ao e kinaia, ma e bakan aki kinaia. Ao e titirakiniia n te b'ana ae matoa, ao e taku, “Kam nako mai ia?”
Ao a taku, “Ti roko mai Kanaan b'a ti na kabooi karara.”
8Ao e kinaia tarina Ioteb'a, ma a aki kinaa Ioteb'a ngaiia. 9Ao e uringa miina ake e mii ngkoa, ao e taku nakoia, “Bon taan tutuo ni karaba ngkami; kam roko ngkai b'a kam na tuoa abau ni kakaea mamaarana.”
10Ao a taku, “Tiaki ngaia anne teuae ko karineaki, ti roko b'a am toro ngaira b'a ti na kabooi karara. 11Bon taari ngaira ni kabane. Bon tiaki taan tutuo ni karaba ngaira. Bon aomata ngaira aika ti raoiroi.”
12Ao e taku Ioteb'a nakoia, “Kam kewe, ma kam roko n tuoa mamaaran abau.”
13Ao a taku, “Bon taari ngaira aika tengaun ma uoman m'aitira ni kabane, bon ti temanna tamara n te aba are Kanaan. E a tia ni mate tarira are temanna, ao tarira are te bina are tiku iroun tamara.”
14Ao e taku Ioteb'a, “Ngaia are I taku, bon taan tutuo ni karaba ngkami, 15ao N na tuoi ngkami n te aro aei. I berita n aran te uea b'a N na bon aki kanakoi ngkami ni karokoa e roko ikai tarimi ane te bina. 16E na nako temanna n anaia, ao a na tiku nikirana ni kaawakinaki ni karokoa reken raoi te koaua n aron ami taeka. I taku b'a I bon aki nano uoua b'a bon taan tutuo ni karaba ngkami.” 17Ao e a kainiia n te karabuuti i nanon tenibong. 18Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai. 19E na tiku temanna mai buakomi n te tabo are kam kainaki ngkoa iai b'a kakoauaan ae aomata ngkami aika kam raoiroi, ao nikirana ana bane n oki rikaaki ni uoti rikaaki taian uita nakoia ami utu ake a bora ni baki. 20Ao i mwiina, kam na uota mai tarimi are uarereke nako iu. Ao N na kakoaua iai b'a kam bon koaua n aron ami taeka nako iu, ao N na aki tiringingkami iai.”
Ao a kukurei iai 21ao a taku i bon irouia, “Eng, ngkai e a bon roko mwiin ara m'akuri are ti a tia ni karaoia nakon tarira, ti bon noora kainanona ae korakora ngke e bubuti buokana, ma ti bon aki kan ongo. Ao bon anne bukina ngkai ti a reke n te kangaanga ae korakora n te tai aei.”
22Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.” 23Ao e atai baike a taekin Ioteb'a, ma a bon aki roko n te kinaa Ioteb'a, i bukina ngke bon iai are e kab'ara taeka i marenaia. 24Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.
Okiia tarin Ioteb'a nako Kanaan
25Ao e anga ana taeka Ioteb'a b'a a na kanoaaki aia baeki tarina akekei n te uita, ao a na kaokaki aia m'ane #42.25 m'ane: M'akorokoro ni b'aai aika a uarereke aika a kakaawaki tao te tirewa, ke b'aai riki tabeua n aron tao te m'akoro ni biti; akea te m'ane te maibiibi ke te beb'a ngkoa. n tatabemaniia nako i nanon aia baeki, ao n anganaki naba kanaia ae tau i bukin m'anangaia. Ao e karaoaki arei nakoia. 26Ao a katokai aia baeki ake a tia ni kabooi taari akekei i aon aia aati, ao a nako. 27Ao ngke a tiku n te tabo teuana b'a e a taoniia te bong, ao e a kauka ana baeki teuare temanna b'a e na kam'arakeia ana aati, ao e a manga kunea ana m'ane mai matan ana baeki. 28Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”
29Ao ngke a roko i Kanaan iroun tamaia are Iakob'a, ao a karakin b'aai ni kabane ake a tia n riki nakoia, ao a taku, 30“E taetae n un te kowana nako ira ni bukiniira b'a taan tutuo ni karaba ngaira b'a ti na tuoa abana ni kabane. 31Ao ti taku, Bon tiaki taan tib'aai ngaira, ma bon aomata ngaira aika ti raoiroi. 32Bon taari ngaira aika tengaun ma uoman, ao ti temanna tamara. E a tian ni mate tarira are temanna, ao tarira are te bina are e tiku i Kanaan ma tamana.” 33Ao e taku teuarei, “Ao aio aron ae N na kakoauai iai ngkami b'a bon aomata ngkami aika kam raoiroi: E na tiku temanna ma ngai, ao nikirana ana anai taian uita ma ni uoti nakoia aia utu ake a bora ni baki. 34Ao kam na manga uotaamai tarimi are uarereke nako iu. Ao N na ataia ngkanne b'a ngaia bon tiaki taian tib'aai ngkami, ma aomata ngkami aika kam raoiroi; Ao N na manga angani ngkami tarimi, ao kam na kona n tiku ikai ni karaoa ami kabob'ai.” 35Ao i mwiina, ngke a kanakoi kanoan aia baeki, ao a bane ni kunei aia m'ane i nanon aia baeki, ao ngke a noori aia m'ane, ao a maaku ngaiia ma tamaia are Iakob'a. 36Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”
37Ao e taku Reuben nakon tamana, “Ngkana ti aki kaoka Beniamin nakoim, ao ko kona n tiringiia natiu mm'aane ake uoman. Anganai taekan Beniamin b'a N na kaawakinna, ao N na kaokia nakoim.”
38Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai.#42.38 e a tia... ngaia ngkai: Bon tii uoman mm'aane natin Iakob'a ma buuna are e rangi n tangiria, are Nei Rakera. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”
Избрани в момента:
Karikani B'aai 42: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Karikani B'aai 42
42
M'anangaia tarin Ioteb'a nako Aikubita ni kabooa te uita
1Ao ngke e ataia Iakob'a b'a e m'aiti te uita i Aikubita, ao e taku nakoia natina mm'aane, “Kam ti a bon aorioringkami? 2I ongo b'a e m'aiti te uita i Aikubita, kam na nako ni kabooi karara tabeua ikekei b'a ti aonga n aki mate ni baki.” 3Ma ngaia are, a m'ananga ai tarin Ioteb'a ake tengaun ni kabooa te uita i Aikubita, 4ma e aki kam'ananga tarin raoi Ioteb'a are Beniamin Iakob'a ma ngaiia, b'a e kaawa ni manga riki naba te kangaanga nakoina.
5Ao a m'ananga natin Iakob'a ma raoia tabeman ni kabo uita i Aikubita, i bukina b'a e a rangi ni korakora te rongo i aon Kanaan. 6Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano. 7Ao ngke e nooria tarina Ioteb'a, ao e kinaia, ma e bakan aki kinaia. Ao e titirakiniia n te b'ana ae matoa, ao e taku, “Kam nako mai ia?”
Ao a taku, “Ti roko mai Kanaan b'a ti na kabooi karara.”
8Ao e kinaia tarina Ioteb'a, ma a aki kinaa Ioteb'a ngaiia. 9Ao e uringa miina ake e mii ngkoa, ao e taku nakoia, “Bon taan tutuo ni karaba ngkami; kam roko ngkai b'a kam na tuoa abau ni kakaea mamaarana.”
10Ao a taku, “Tiaki ngaia anne teuae ko karineaki, ti roko b'a am toro ngaira b'a ti na kabooi karara. 11Bon taari ngaira ni kabane. Bon tiaki taan tutuo ni karaba ngaira. Bon aomata ngaira aika ti raoiroi.”
12Ao e taku Ioteb'a nakoia, “Kam kewe, ma kam roko n tuoa mamaaran abau.”
13Ao a taku, “Bon taari ngaira aika tengaun ma uoman m'aitira ni kabane, bon ti temanna tamara n te aba are Kanaan. E a tia ni mate tarira are temanna, ao tarira are te bina are tiku iroun tamara.”
14Ao e taku Ioteb'a, “Ngaia are I taku, bon taan tutuo ni karaba ngkami, 15ao N na tuoi ngkami n te aro aei. I berita n aran te uea b'a N na bon aki kanakoi ngkami ni karokoa e roko ikai tarimi ane te bina. 16E na nako temanna n anaia, ao a na tiku nikirana ni kaawakinaki ni karokoa reken raoi te koaua n aron ami taeka. I taku b'a I bon aki nano uoua b'a bon taan tutuo ni karaba ngkami.” 17Ao e a kainiia n te karabuuti i nanon tenibong. 18Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai. 19E na tiku temanna mai buakomi n te tabo are kam kainaki ngkoa iai b'a kakoauaan ae aomata ngkami aika kam raoiroi, ao nikirana ana bane n oki rikaaki ni uoti rikaaki taian uita nakoia ami utu ake a bora ni baki. 20Ao i mwiina, kam na uota mai tarimi are uarereke nako iu. Ao N na kakoaua iai b'a kam bon koaua n aron ami taeka nako iu, ao N na aki tiringingkami iai.”
Ao a kukurei iai 21ao a taku i bon irouia, “Eng, ngkai e a bon roko mwiin ara m'akuri are ti a tia ni karaoia nakon tarira, ti bon noora kainanona ae korakora ngke e bubuti buokana, ma ti bon aki kan ongo. Ao bon anne bukina ngkai ti a reke n te kangaanga ae korakora n te tai aei.”
22Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.” 23Ao e atai baike a taekin Ioteb'a, ma a bon aki roko n te kinaa Ioteb'a, i bukina ngke bon iai are e kab'ara taeka i marenaia. 24Ao e kiitaniia Ioteb'a ni kam'awaia, ao e tang. Ao ngke a toki angin tangina, ao e a manga okiria ni manga taetae nakoia, e katebenakoa Timeon mai buakoia, ao e kabaea i mataia.
Okiia tarin Ioteb'a nako Kanaan
25Ao e anga ana taeka Ioteb'a b'a a na kanoaaki aia baeki tarina akekei n te uita, ao a na kaokaki aia m'ane #42.25 m'ane: M'akorokoro ni b'aai aika a uarereke aika a kakaawaki tao te tirewa, ke b'aai riki tabeua n aron tao te m'akoro ni biti; akea te m'ane te maibiibi ke te beb'a ngkoa. n tatabemaniia nako i nanon aia baeki, ao n anganaki naba kanaia ae tau i bukin m'anangaia. Ao e karaoaki arei nakoia. 26Ao a katokai aia baeki ake a tia ni kabooi taari akekei i aon aia aati, ao a nako. 27Ao ngke a tiku n te tabo teuana b'a e a taoniia te bong, ao e a kauka ana baeki teuare temanna b'a e na kam'arakeia ana aati, ao e a manga kunea ana m'ane mai matan ana baeki. 28Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”
29Ao ngke a roko i Kanaan iroun tamaia are Iakob'a, ao a karakin b'aai ni kabane ake a tia n riki nakoia, ao a taku, 30“E taetae n un te kowana nako ira ni bukiniira b'a taan tutuo ni karaba ngaira b'a ti na tuoa abana ni kabane. 31Ao ti taku, Bon tiaki taan tib'aai ngaira, ma bon aomata ngaira aika ti raoiroi. 32Bon taari ngaira aika tengaun ma uoman, ao ti temanna tamara. E a tian ni mate tarira are temanna, ao tarira are te bina are e tiku i Kanaan ma tamana.” 33Ao e taku teuarei, “Ao aio aron ae N na kakoauai iai ngkami b'a bon aomata ngkami aika kam raoiroi: E na tiku temanna ma ngai, ao nikirana ana anai taian uita ma ni uoti nakoia aia utu ake a bora ni baki. 34Ao kam na manga uotaamai tarimi are uarereke nako iu. Ao N na ataia ngkanne b'a ngaia bon tiaki taian tib'aai ngkami, ma aomata ngkami aika kam raoiroi; Ao N na manga angani ngkami tarimi, ao kam na kona n tiku ikai ni karaoa ami kabob'ai.” 35Ao i mwiina, ngke a kanakoi kanoan aia baeki, ao a bane ni kunei aia m'ane i nanon aia baeki, ao ngke a noori aia m'ane, ao a maaku ngaiia ma tamaia are Iakob'a. 36Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”
37Ao e taku Reuben nakon tamana, “Ngkana ti aki kaoka Beniamin nakoim, ao ko kona n tiringiia natiu mm'aane ake uoman. Anganai taekan Beniamin b'a N na kaawakinna, ao N na kaokia nakoim.”
38Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai.#42.38 e a tia... ngaia ngkai: Bon tii uoman mm'aane natin Iakob'a ma buuna are e rangi n tangiria, are Nei Rakera. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте