Nakoaia Ibonga 27
27
Karaoan taiani Berita nakon te UEA
1E tua te UEA nakoni Moote 2b'a e na kaangai nakoia Iteraera: Ngkana kam kani kainaomata temanna ae e a tia ni berita nako Iu,#27.2 tia ni berita nako Iu: Koraki aikai ake a tia ni kaburei ke ni kabureaki taekaia n te berita b'a taani buobuoki n itera tabeua i bukin te UEA, ke tabeua riki. a baireaki booia ni kaangai; 3nimabwi te maibiibi n tirewa i bukiia m'aane ae aia ririki uabwi nakon onobwi, 4ao tenibwi i bukiia aine; 5uabwi te maibiibi n tirewa i bukiia ataeinim'aane ae aia ririki nimaua nakon uabwi, ao tebwina i bukiia ataeinaine; 6nimaua te maibiibi n tirewa i bukiia m'aane ae aia ririki teuana nam'akaina nakon nimaua te ririki, ao tenua i bukiia aine; 7tebwi ma nimaua te maibiibi n tirewa i bukiia ataeinim'aane ae roroia onobwi te ririki ao i aona, ao tebwina i bukiia aine. 8Ngkana kam a tia ni berita b'a kam na anga temanna te aomata nako Iu ma kam aki kona ni kab'aka boon kaokana, kam na uotia nakon te ibonga, ao e na baireia m'aitin ae ko kona ni kab'aka. 9Ngkana ko berita b'a ko na kareana te man ae kawakawa nako Iu, e na tabu, ao akea te anga ae ko na kainaomata iai. 10Ngkana ko kataia n onea mwiin are ko a tia ni berita iai n te man ae kawakawa temanna, e aki akaaka b'a te arora tamaroana, ngaiia ni uoman a tabu ao a na riai ni kareanaki. 11A aki tau taian aati i bukin te karea, ma ngaia are, ngkana ko beritana te aati nako Iu, ao ko riai n uotia nakon te ibonga, 12ao ke e katautaua boona. 13Ma ngkana kam kani kabooa rikaaki, kam na raona boona n uabwi te betienti. 14Ngkana kam beritana te auti nako Iu, ao e na bairea boona te ibonga, ni kaineti ma arona ao teina are e mena iai. 15Ma ngkana kam kani kabooa rikaaki, kam na raona boona n uabwi te betienti. 16Ngkana ko katabua nakon te UEA teuana m'akoron abaia am bakatibu, ao e riai ni katautauaki boona ma m'aitin te koraa ae kona n unikaki iai, b'a tebwina te maibiibi n tirewa boon te tabo ane e kona n unikaki iai i bukin uabwi te kirokuraem te koraa ni uita. 17Ngkana e karaoaki te berita n Ririkin te Iubire, ao e na karokoaki boon te aba n are boni boona. 18Ma n taai ake imwin te tai anne, ao boona e na baireaki ma m'aitin te ririki are i m'ain Ririkin te Iubire are i mwiina. 19Ngkana kam kani kabooa rikaaki, ao kam na kabooa ni boona n ikotaki ma uabwi te betienti, 20ma kam aki kona ni kabooa rikaaki ngkana iai ae e a tia ni manga kabooa n abanna. 21Ngkana e roko Ririkin te Iubire, ao e a tabu te aba b'a bon au b'ai, ao a na anganaki ibonga. 22Ngkana kam beritana te tawaana nako Iu ae kam a tia ni kabooa b'a ami b'ai, 23e na baireaki boona iroun te ibonga, ni kaineti ma m'aitin te ririki are i m'ain Ririkin te Iubire are i mwiina, ao te m'ane ane kam kab'aka e na riki b'a au m'ane. 24E ngae n anne, ma n tain Ririkin te Iubire are i mwiina, ao te aba e na kaokaki nakoia utu ake bon oin abaia te aba. 25Te naa ni bo a na baireaki n aron ae e tataneiai te aba iai.
Angab'ai aika a Kakaokoro
E taku te UEA:
26Karimoa man ami man aika kawakawa nako n ami nanai nako bon au b'ai, ma ngaia are, kam aki kona ni berita iai nako Iu. 27Ngkana kam beritana te aati nako Iu, ao kam kona ni kabooa rikaaki ni m'aitin boona ao n raonna n uabwi te betienti. Ngkana kam aki kabooa rikaaki, ao e kona ni kabooaki nakon ane e tangiria ni boona ae baireia te ibonga. 28Te b'ai ane kam katabua ni kabane nako Iu e na bon riai ni kamaunaaki ni kabane.#27.28 kamaunaaki ni kabane... kamaunaaki ni kabane: Te tua aei e kabonganaaki riki nakon kaawa ake a uarereke ma aomata ake a tauaki n tain te buaka (noora Iotua 6.16,17). E aki kona ni kabonakoaki ke ni kabooaki rikaaki. Aomata ni kabane, man aika kawakawa, ao m'akoro n aba ake kam a tia ni katabui ni kabane bon ti i buku. 29E ngae n anne, ma aomata ake a tia ni beritanaki nako Iu n aron aei a na boni kamateaki. 30Tebwina te betienti man uaan ami tai ni kabane aika kam karekei man kaai n am'arake aika a riki i nanon ami tawaana, ke aika arokami a bon tabu ao bon au b'ai. 31Ngkana kam kani kabooa rikaaki m'akoron tabeua mani uaan ami tai, ao kam kona ni kabooa ni boni boona ao n raonna n tebwina te betienti. 32Ngkana kam wareki ami mannikiba ma ami nanai ni man aika kawakawa, ao ngkanne temanna man tengaun akana a tib'a bungiaki e tabu ao bon au b'ai, 33e aoria ngkana tao e raoiroi ke e buakaka. Ngkana ko onea mwin temanna iroun temanna, ngaiia ni uoman a tabu, ao a aki kona ni kabooaki rikaaki. 34E mena Moote i aon te Maunga are Tinai ngke e anganaki tuua aikai iroun te UEA i bukiia Iteraera.
Избрани в момента:
Nakoaia Ibonga 27: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте