Warekaia Iteraera 1
1
Moan warekaia Iteraera
1Ni moanibongin te kauoua n nam'akaina i nanon te kauoua n ririki i mwiin kitanan Aikubita irouia Iteraera, ao E taetae te UEA nakon Moote i nanon te Um'antabunrianna are e mena iai i nanon rereuan Tinai. E taku,
2I tangiriko ma Aaron b'a kam na kakaaea m'aitiia baronga ma utuun Iteraera. 3Ao ma n taui araia mm'aane ni kabane aika uabwi ni waerake aia ririki ni maiu, aika kona ni buaka. 4Ao aikai araia taani kairiri irouia utuun baronga ake tengaun ma uabaronga ake a na buokiko:
5Eritura are natin Teteura man te baronga are Reuben, 6Terumiera are natin Turitiatai man te baronga are Timeon, 7Nation are natin Amminataba man te baronga are Iuta, 8Netanera are natin Tua man te baronga are Itakara, 9Eriaba are natin Eron man te baronga are Teburun, 10Eritiama are natin Ammiuta man te baronga are Eberaim, 11Kamariera are natin Beratura man te baronga are Manate, 12Abitan are natin Kiteoni man te baronga are Beniamin, 13Aietera are natin Ammitiatai man te baronga are Taan, 14Bakiera are natin Okeran man te baronga are Atera, 15Eriataba are natin Teuera man te baronga are Kata, 16ao Aira are natin Enan man te baronga are Nabetari, 17Ao a weteia aomata ni bootia n te bong naba arei 18Moote ma Aaron, ao taani kairiri i aoia baronga ake tengaun ma uabaronga. Ao a warekia i nanon aia kaainga ma aia utu. 19Ao i mwiin arei, ao a koreaki araia mm'aane ake uabwi ni waerake aia ririki ni maiu irouni Moote ma raona, n aron are E a tia ni baaireia te UEA. 20Ao aikai m'aitiia mm'aane ake uabwi ni waerake aia ririki ni maiu man baronga nako, ake a kona ni ira te buaka n aia taanga ni buaka Iteraera ni moa man te baronga are Reuben, ana karimoa Iakob'a te mm'aane. 21Ao aikai m'aitiia ni kabane: 2246,500 man te baronga are Reuben, ana karimoa Iakob'a te mm'aane, #1.20-46 Iakob'a: N te boki n Ebera “Iteraera,” aran Iakob'a ae boou ae anganaki iroun te Atua. 23Man te baronga are Timeon, rikiia n aia utu nako, ma kaaini bataia aia bakatibu ake a warekaki mai buakoia n aron m'aitin araia ake kaka 20 aia ririki ma ake a ikawai riki ake a kona te nako ni buaka ni kabaneia ake a warekaki mai buakoia bon 59,300 24Man te baronga are Kata, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 ma ake a ikawai riki ake a kona te nako ni buaka ni kabaneia 25ake a warekaki mai buakoia bon 45,650 26Mai buakoia tibun Iuta, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki 27ake a kona te nako ni buaka ni kabaneia ake a warekaki mai buakoia bon 74,600 28Mai buakoia tibun Itakara, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki, 29ake a kona te nako ni buaka ni kabaneia ake a warekaki mai buakoia bon 54,400 30Mai buakoia tibun Teburun, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki, 31ake a kona te nako ni buaka ni kabaneia ake a warekaki mai buakoia bon 57,400 32Mai buakoia tibun Ioteb'a, ake tibun Eberaim, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki, 33ake a kona te nako ni buaka ni kabaneia ake a warekaki mai buakoia bon 40,500 34Mai buakoia tibun Manate, rikiia n aia utu nako, ma kaaini bataia aia bakatibu, n ai aron m'aitin araia ake kaka 20 aia ririki ma ake a ikawai riki 35ake a kona te nako ni buaka ni kabaneia ake a warekaki mai buakoia bon 32,200. 36Mai buakoia tibuni Beniamin, rikiia n aia utu nako ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki, 37ake a kona te nako ni buaka ni kabaneia ake a warekaki mai buakoia bon 35,400 38Mai buakoia tibun Taan, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki, 39ake a kona te nako ni buaka ni kabaneia ake a warekaki mai buakoia bon 62,700 40Mai buakoia tibun Atera, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki, 41ake a kona te nako ni buaka ni kabaneia ake a warekaki mai buakoia bon 41,500. 42Mai buakoia tibun Nabetari, rikiia n aia utu nako, ma kaaini bataia aia bakatibu, n ai aron m'aitin araia, ake kaka 20 aia ririki ma ake a ikawai riki, 43ake a kona te nako ni buaka ni kabaneia ake a warekaki mai buakoia bon 53,400 44Aikai ake e warekia Moote, Aaron ao mataniwiia Iteraera ake tengaun ma uoman man aia baronga nako. 45Ao te koraki ake a warekaki ni kabaneia mai buakoia Iteraera ake kaka 20 aia ririki ma ake a ikawai riki, 46ake a kona te nako ni buaka ni kabaneia mai buakoia bon 603,550 47Ma a aki warekaki kaain te baronga are Rewi 48i bukin Ana taeka te UEA nakoni Moote are kaangai:
49Kam na aki warekia kaain te baronga are Rewi ngkana kam karaoa te wareaomata i aoia Iteraera. 50Ma kam na anganiia tabeia ae tararuaakin te Um'antabunrianna, ma b'aina nako, ao taiani b'ai n taromauri. A na katei auti n rianna ni katobibia te Um'antabunrianna. 51Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.
52Ao nikiraia Iteraera, a na boni katei auti n rianna ni bon aia m'akoro nako, i aan aia buraeki. 53Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera. 54Ao a karaoi b'aai ni kabane Iteraera n aron are E a tia ni baaireia te UEA.
Избрани в момента:
Warekaia Iteraera 1: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте