Warekaia Iteraera 7
7
Uotakin B'aintangira Irouia Taani Kairiri Nakon te Um'antabunrianna
1Ao ngke e a bane raoi ana m'akuri Moote ni katea te Um'antabunrianna, ao e a katabua te Um'antabunrianna b'a Ana b'ai te UEA, n ikotaki ma b'ain nanona ni kabane, ma te baonikarea, ao b'aina ni kabane. 2Ao rimwi, taani kairiri man baronga aika tengaun ma uabaronga ake bon uaake a karaoa naba ngkoa te wareaomata,#7.2 bon uaake a karaoa naba ngkoa te wareaomata, Noora 1.1-19. a roko n te um'anrianna 3a uoti b'aintangira nakon te UEA. A uoti onowaa te kaa are katikitikaki irouia maan, ao tengaun ma uoman taiani kao-temanna te kao i aon temanna te tia kairiri, ao tewaana te kaa are katikitikaki i rouia maan i aoia uoman taani kairiri.
4Ao E taku te UEA nakoni Moote, 5“Ko na butim'aai b'aintangira aikai b'a aonga ni kona ni kamanenaaki irouia kanoan Rewi n te Um'antabunrianna aei b'a b'ain uouotakin b'aai aika tabu.”
6Ao i mwiiin arei, ao Moote, e anaa te kaa are katikitikaki irouia maan, ao taiani kao, ao e anganiia kanoan Rewi, 7ake a mena i aan ana kairiri Itama are natin Aaron te mm'aane. E anga uowa te kaa Moote are katikitikaki irouia maan, 8ao aman te kao nakoia kanoan Kerition i bukin aia m'akuri, ao awaa te kaa are katikitikaki irouia maan, waniman te kaomm'aane nakoia kanoan Merari i bukin aia m'akuri. 9Ma e aki anga te b'ai teuana Moote nakoia kanoan Koata i bukina ngke bon tabeia b'a tararuakin b'aai aika tabu, ake a na uouoti i aon angaia.
10Ao ngke e a roko te bong are na katabuaki iai te baonikarea, ao a uoti aia b'aintangira taani kairiri ake tengaun ma uoman i bukin te katabutabu. 11Ao E taku te UEA nakoni Moote, “E na anga ana karea temanna te tia kairiri n te bong teuana, ao temanna n te bong are i mwiina, ni karokoa baneia ake tengaun ma uoman.”
12Ao are moan anga ana karea n te moani bong bon Nation natin Amminataba, man te baronga are Iuta: 13ao ana anga karea bon teuana te raurau ae ab'ab'aki ae te tirewa, ae rawatana 130 te tiekera ke e kaan teuana ma te iterana te kirokuraem (1.495 kg) rawawatana, ao teuana te boora te tirewa ae itibwi te tiekera ke 805 te kuraem (805g) rawawatana uaia n on n te buraawa ae manti raoi ae renganaki n te b'aa b'a te iriko n anga karea: 14ao teuana te buun ae te koora ae tebwina te tiekera ke tebubua tebwi ma nimaua te kuraem (115g) ae on n te karea ni kaboiarara: 15ma temanna te kao te teei, temanna te tiibu te teei, temanna te tiibu te teei ae te mm'aane ae teuana ana ririki, b'a te karea ni kabuokaki, 16ao temanna te kooti ae uarereke i bukin te karea ni kab'ara bure: 17ao i bukin te karea n raoi, uoman te kao, niman te tiibu mm'aane, niman te kooti mm'aane, niman te tiibu te teei aika mm'aane aika tatabeua aia ririki, bon ana anga karea Nation are natin Amminataba. 18N te kauabong, Netanera are natin Tuua, man te baronga are Itaakara, e a manga anga karea; 19e anga teuana te raurau ae te tirewa, ae tebubua tenibwi te tiekera ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea; 20teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 21temanna te kao te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 22ao temanna mai buakoia natin te kooti b'a te karea ni kab'ara bure; 23ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane; 24N te katenua ni bong Eriaba natin Eron te mm'aane, man te baronga are Teburun; 25ao ana angakarea bon teuana te raurau ae ab'ab'aki ae te tirewa ae tebubua tenibwi te tiekera rawatana ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 26teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 27temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 28ao temanna mai buakoia natin te kooti b'a te karea ni kab'arai buure; 29ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 30N te kaaua ni bong, Eritura are natin Teteura te mm'aane man te baronga are Reuben; 31ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea; 32teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 33temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 34ao temanna mai buakoia natin te kooti b'a te karea ni kab'arai buure; 35ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 36N te kanimaua ni bong Terumiera are natin Turitiatai man te baronga are Timeon; 37ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 38teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 39temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 40ao temanna mai buakoia natin te kooti b'a te karea ni kab'arai buure; 41ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 42N te kaonoua ni bong Eriataba are natin Teura te mm'aane man te baronga are Kata; 43ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea; 44teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 45temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 46ao temanna mai buakoia natin te kooti b'a te karea ni kab'arai buure; 47ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 48N te kaitiua ni bong Eritiama are natin Ammiuta te mm'aane man te baronga are Eberaim; 49ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 50teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 51temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 52ao temanna mai buakoia natin te kooti b'a te karea ni kab'arai buure; 53ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 54N te kawani bong Kamariera are natin Betatura te mm'aane man te baronga are Manate; 55ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea; 56teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 57temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 58ao temanna mai buakoia natin te kooti b'a te karea ni kab'ara buure 59ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 60N te karuaiwa ni bong Abitan are natini Kiteoni te mm'aane man te baronga are Beniamin; 61ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 62teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 63temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 64ao temanna mai buakoia natin te kooti b'a te karea ni kab'arai buure 65ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 66N te katengaun ni bong Aietera are natin Ammitiatai man te baronga are Taan; 67ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 68teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 69temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 70ao temanna mai buakoia natin te kooti b'a te karea ni kab'arai buure; 71ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 72N te katengaun ma te bongina Bakiera man te baronga are Atera; 73ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 74teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 75temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 76ao temanna mai buakoia natin te kooti b'a te karea ni kab'arai buure; 77ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane. 78N te katengaun ma uabong Aira are natin Enan te mm'aane man te baronga are Nabetari; 79ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea; 80teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara; 81temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki; 82ao temanna mai buakoia natin te kooti b'a te karea ni kab'arai buure; 83ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.
84Aio aron tabuan te baonikarea, n te bong are a kabiraki iai i rouia mataniwiia Iteraera: 12 raurau aika ab'ab'aki aika tirewa, ao 12 boora aika tirewa, ma 12 buun aika koora; 85raurau ake ab'ab'aki aika tirewa, rawawataia bon kaka tebubua tenibwi te tiekera ke e kaan teuana ma te iterana te kirokuraem (1,495 kg), ao boora nako kaka itibwi te tiekera ke 805g rawawataia, ao b'aninin rawawatan tirewani b'aina akanne bon 2,400 te tiekera ke 27.6kg n ai aron tiekeran te um'a are tabu: 86taian koora buun ake 12, aika on n te karea ni kaboiarara, rawataia bon kaka tebwina te tiekera ke 115g. 87Kaao ni kabane i bukin te karea ni kabuokaki bon 12, 12 te tiibu mm'aane, 12 tiibu te teei aika mm'aane aika kaka teuana aia ririki; ma te iriko ae te karea; ao 12 kooti ataei aika mm'aane i bukin te karea ni kab'arai buure. 88Ao taiani kao i bukin te karea n raoi bon 24, 60 tiibu mm'aane, 60 te kooti mm'aane, 60 te tiibu te teei aika tib'a kaka teuana aia ririki. Aio aron tabuan te baonikarea, ao i mwiina a kabiraki. 89Ao ngke e nako n rin n te Um'antabunrianna Moote ni kan maroroo ma te UEA, ao e taetae te UEA nako ina mai marenan b'aai ake iai baiia ni kiba, ake a mena i aoni matan te Atiniberita.
Избрани в момента:
Warekaia Iteraera 7: KNVB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте