Tơlơi Tơbiă 20
20
Pluh Mơta Tơlơi Juăt
(Mơñă 5:1-21)
1Hlăk anŭn, Ơi Adai pơhiăp abih bang khul tơlơi anai: 2“Kâo jing Yêhôwa Ơi Adai ƀing gih, Pô hmâo ba ƀing gih tơbiă mơ̆ng čar Êjip, klaih mơ̆ng tơlơi ngă hlŭn.
3Ih anăm hmâo ôh ƀing yang pơkŏn ƀơi anăp Kâo.
4 #
Tơb 34:17; Lêwi 19:4; 26:1; Mơñă 4:15-18; 27:15. Ih anăm ngă rup trah kơ ih pô thâo dah rup hlô mơnơ̆ng amăng adai, amăng lŏn tơnah, ƀôdah mơnơ̆ng amăng ia ƀơi gah yŭ lŏn tơnah. 5#Tơb 34:6-7; Yap 14:18; Mơñă 7:9-10.Ih anăm bon kơkuh ƀơi anăp khul rup trah anŭn ôh, kŏn dưi mă bruă kơ gơñu lơi; yua kơ Kâo jing Yêhôwa Ơi Adai ih, jing Ơi Adai gar. Kơ ƀing hlơi bơrơmŭt kơ Kâo, yua kơ tơlơi soh ƀing ơi adon, Kâo či pơkơhmal ƀing ană tơčo gơñu truh pơ rơnŭk tal klâo, tal pă. 6Samơ̆ kơ ƀing khăp kơ Kâo laih anŭn gưt tui khul tơlơi Kâo pơtă pơtăn, Kâo či brơi tơlơi pap lu rơbâo rơnŭk kơ gơñu.
7 #
Lêwi 19:12. Ih anăm yua anăn Yêhôwa Ơi Adai ih brơi kơ tơlơi kơñăm soh ôh, yua kơ Yêhôwa ƀu či pap brơi ôh kơ hlơi pô yua anăn Ñu kar hăng anŭn.
8 #
Tơb 16:23-30; 31:12-14. Brơi ih hơdơr bĕ hrơi pơdơi kiăng pioh ñu jing hrơi rơgoh hiam. 9#Tơb 23:12; 31:15; 34:21; 35:2; Lêwi 23:3.Brơi ih khŏm ngă pơgiơ̆ng abih bang bruă mơnuă ih amăng năm hrơi, 10samơ̆ hrơi tal tơjuh jing hrơi pơdơi pioh brơi kơ Yêhôwa Ơi Adai ih. Amăng hrơi anŭn ană đah rơkơi, ană đah kơmơi, ding kơna đah rơkơi, ding kơna đah kơmơi, hlô mơnơ̆ng ih, wơ̆t hăng ƀing tuai amăng sang ih, leng kơ ƀu dưi ngă sa mơta bruă hơgĕt ôh. 11#Čơd 2:1-3; Tơb 31:17.Yua kơ amăng năm hrơi Yêhôwa hmâo hrih pơjing adai, lŏn, ia rơsĭ laih anŭn abih mơnơ̆ng dŏ amăng anŭn, samơ̆ Ñu pơdơi hrơi tal tơjuh. Yua kơ anŭn, Yêhôwa tuh tơlơi mơyun hiam kơ hrơi pơdơi laih anŭn pơrơgoh hrơi anŭn.
12 #
Mơñă 27:16; Mat 15:4; 19:19; Mar 7:10; 10:19; Luk 18:20; Êph 6:2,3. Pơpŭ bĕ kơ amĭ ama ih kiăng kơ ih dưi hơdip sui ƀơi lŏn tơnah Yêhôwa Ơi Adai pha brơi ih.
13Ih anăm pơdjai mơnuih ôh.#Čơd 9:6; Lêwi 24:17; Mat 5:21; 19:18; Mar 10:19; Luk 18:20; Rôm 13:9; Yak 2:11.
14Ih anăm ngă soh tơlơi klĕ pyu ôh.#Lêwi 20:10; Mat 5:27; 19:18; Mar 10:19; Luk 18:20; Rôm 13:9; Yak 2:11.
15Ih anăm klĕ dŏp ôh.#Lêwi 19:11; Mat 19:18; Mar 10:19; Luk 18:20; Rôm 13:9.
16Ih anăm ngă gơ̆ng jơlan ƀlor, ngă răm mơnuih jum dar ih ôh.#Tơb 23:1; Mat 19:18; Mar 10:19; Luk 18:20.
17Ih anăm hưp ham sang mơnuih jum dar ih ôh, kŏn dưi hưp ham bơnai arăng, ƀôdah ding kơna đah rơkơi arăng, ding kơna đah kơmơi arăng, rơmo, aseh kle ƀôdah hơgĕt mơnơ̆ng lơ̆m kơ pô jum dar ih lơi.”#Rôm 7:7; 13:9.
Tơlơi ană plei pla hwĭ bral
(Mơñă 5:22-33)
18 #
Hêb 12:18-19. Tơdang gơñu ƀuh hăng hmư̆ grơ̆m kơtal, asăp tơki mơñi laih anŭn čư̆ tơbiă asăp apui, ană plei pla hwĭ tơtư̆, gơñu dŏ dơ̆ng pơ ataih. 19Gơñu laĭ hăng Môis: “Rơkâo ih pô pơhiăp hăng ƀing gơmơi laih anŭn gơmơi či hmư̆ ih; samơ̆ rơkâo Ơi Adai anăm pơhiăp hăng ƀing gơmơi ôh, hwĭ kơ ƀing gơmơi djai hĭ.” 20Môis pơhiăp hăng ană plei pla: “Anăm hwĭ ôh, yua kơ Ơi Adai trŭn rai kiăng kơ pơlông lăng pran jua ƀing gih, kiăng kơ ƀing gih hwĭ pơpŭ kơ Ñu nanao, ƀu ngă soh ôh.” 21Ană plei pla dŏ pơ ataih, bơ kơ Môis nao jĕ giăm gơnăm kơpal, anih Ơi Adai hlăk dŏ.
Kơƀang Pơyơr Mơnơ̆ng Ngă Yang
22Yêhôwa pơhiăp hăng Môis: “Brơi ih laĭ kơ ană plei pla Israel tui anai: ‘Ƀing gih pô hmâo ƀuh laih Kâo pơhiăp mơ̆ng adai. 23Tui anŭn, ƀing gih anăm ngă ôh sa mơta rup trah hơgĕt ƀơi akiăng Kâo; kŏn dưi lơi ngă rup trah prăk ƀôdah hăng mah.’ 24Brơi ih pơdơ̆ng brơi Kâo sa kơƀang ngă yang hăng lŏn laih anŭn ƀơi anŭn pơyơr mơnơ̆ng ngă yang čuh, mơnơ̆ng pơyơr kơ tơlơi rơnŭk rơnua, hăng triu ƀôdah rơmo ƀing gih. Pơpă anih Kâo pơrơđah anăn Kâo kiăng kơ hơdơr pioh, Kâo či nao laih anŭn tuh tơlơi mơyun hiam kơ ih. 25#Mơñă 27:5-7; Yôs 8:31.Tơdah ih pơdơ̆ng brơi Kâo sa kơƀang ngă yang hăng boh pơtâo, anăm ngă ñu hăng boh pơtâo trah ôh, yua kơ tơdah ih yua gơnam kiăng kơ trah ñu tui anŭn ih hmâo ngă pơgrĭ hĭ boh pơtâo anŭn laih. 26Ih anăm đĭ nao pơ kơƀang ngă yang Kâo hăng khul rơñan ôh, kiăng kơ drơi jan ih ƀu pơdah ôh tơlơi mơhlŭn ih ƀơi kơƀang ngă yang.”
Избрани в момента:
Tơlơi Tơbiă 20: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Tơlơi Tơbiă 20
20
Pluh Mơta Tơlơi Juăt
(Mơñă 5:1-21)
1Hlăk anŭn, Ơi Adai pơhiăp abih bang khul tơlơi anai: 2“Kâo jing Yêhôwa Ơi Adai ƀing gih, Pô hmâo ba ƀing gih tơbiă mơ̆ng čar Êjip, klaih mơ̆ng tơlơi ngă hlŭn.
3Ih anăm hmâo ôh ƀing yang pơkŏn ƀơi anăp Kâo.
4 #
Tơb 34:17; Lêwi 19:4; 26:1; Mơñă 4:15-18; 27:15. Ih anăm ngă rup trah kơ ih pô thâo dah rup hlô mơnơ̆ng amăng adai, amăng lŏn tơnah, ƀôdah mơnơ̆ng amăng ia ƀơi gah yŭ lŏn tơnah. 5#Tơb 34:6-7; Yap 14:18; Mơñă 7:9-10.Ih anăm bon kơkuh ƀơi anăp khul rup trah anŭn ôh, kŏn dưi mă bruă kơ gơñu lơi; yua kơ Kâo jing Yêhôwa Ơi Adai ih, jing Ơi Adai gar. Kơ ƀing hlơi bơrơmŭt kơ Kâo, yua kơ tơlơi soh ƀing ơi adon, Kâo či pơkơhmal ƀing ană tơčo gơñu truh pơ rơnŭk tal klâo, tal pă. 6Samơ̆ kơ ƀing khăp kơ Kâo laih anŭn gưt tui khul tơlơi Kâo pơtă pơtăn, Kâo či brơi tơlơi pap lu rơbâo rơnŭk kơ gơñu.
7 #
Lêwi 19:12. Ih anăm yua anăn Yêhôwa Ơi Adai ih brơi kơ tơlơi kơñăm soh ôh, yua kơ Yêhôwa ƀu či pap brơi ôh kơ hlơi pô yua anăn Ñu kar hăng anŭn.
8 #
Tơb 16:23-30; 31:12-14. Brơi ih hơdơr bĕ hrơi pơdơi kiăng pioh ñu jing hrơi rơgoh hiam. 9#Tơb 23:12; 31:15; 34:21; 35:2; Lêwi 23:3.Brơi ih khŏm ngă pơgiơ̆ng abih bang bruă mơnuă ih amăng năm hrơi, 10samơ̆ hrơi tal tơjuh jing hrơi pơdơi pioh brơi kơ Yêhôwa Ơi Adai ih. Amăng hrơi anŭn ană đah rơkơi, ană đah kơmơi, ding kơna đah rơkơi, ding kơna đah kơmơi, hlô mơnơ̆ng ih, wơ̆t hăng ƀing tuai amăng sang ih, leng kơ ƀu dưi ngă sa mơta bruă hơgĕt ôh. 11#Čơd 2:1-3; Tơb 31:17.Yua kơ amăng năm hrơi Yêhôwa hmâo hrih pơjing adai, lŏn, ia rơsĭ laih anŭn abih mơnơ̆ng dŏ amăng anŭn, samơ̆ Ñu pơdơi hrơi tal tơjuh. Yua kơ anŭn, Yêhôwa tuh tơlơi mơyun hiam kơ hrơi pơdơi laih anŭn pơrơgoh hrơi anŭn.
12 #
Mơñă 27:16; Mat 15:4; 19:19; Mar 7:10; 10:19; Luk 18:20; Êph 6:2,3. Pơpŭ bĕ kơ amĭ ama ih kiăng kơ ih dưi hơdip sui ƀơi lŏn tơnah Yêhôwa Ơi Adai pha brơi ih.
13Ih anăm pơdjai mơnuih ôh.#Čơd 9:6; Lêwi 24:17; Mat 5:21; 19:18; Mar 10:19; Luk 18:20; Rôm 13:9; Yak 2:11.
14Ih anăm ngă soh tơlơi klĕ pyu ôh.#Lêwi 20:10; Mat 5:27; 19:18; Mar 10:19; Luk 18:20; Rôm 13:9; Yak 2:11.
15Ih anăm klĕ dŏp ôh.#Lêwi 19:11; Mat 19:18; Mar 10:19; Luk 18:20; Rôm 13:9.
16Ih anăm ngă gơ̆ng jơlan ƀlor, ngă răm mơnuih jum dar ih ôh.#Tơb 23:1; Mat 19:18; Mar 10:19; Luk 18:20.
17Ih anăm hưp ham sang mơnuih jum dar ih ôh, kŏn dưi hưp ham bơnai arăng, ƀôdah ding kơna đah rơkơi arăng, ding kơna đah kơmơi arăng, rơmo, aseh kle ƀôdah hơgĕt mơnơ̆ng lơ̆m kơ pô jum dar ih lơi.”#Rôm 7:7; 13:9.
Tơlơi ană plei pla hwĭ bral
(Mơñă 5:22-33)
18 #
Hêb 12:18-19. Tơdang gơñu ƀuh hăng hmư̆ grơ̆m kơtal, asăp tơki mơñi laih anŭn čư̆ tơbiă asăp apui, ană plei pla hwĭ tơtư̆, gơñu dŏ dơ̆ng pơ ataih. 19Gơñu laĭ hăng Môis: “Rơkâo ih pô pơhiăp hăng ƀing gơmơi laih anŭn gơmơi či hmư̆ ih; samơ̆ rơkâo Ơi Adai anăm pơhiăp hăng ƀing gơmơi ôh, hwĭ kơ ƀing gơmơi djai hĭ.” 20Môis pơhiăp hăng ană plei pla: “Anăm hwĭ ôh, yua kơ Ơi Adai trŭn rai kiăng kơ pơlông lăng pran jua ƀing gih, kiăng kơ ƀing gih hwĭ pơpŭ kơ Ñu nanao, ƀu ngă soh ôh.” 21Ană plei pla dŏ pơ ataih, bơ kơ Môis nao jĕ giăm gơnăm kơpal, anih Ơi Adai hlăk dŏ.
Kơƀang Pơyơr Mơnơ̆ng Ngă Yang
22Yêhôwa pơhiăp hăng Môis: “Brơi ih laĭ kơ ană plei pla Israel tui anai: ‘Ƀing gih pô hmâo ƀuh laih Kâo pơhiăp mơ̆ng adai. 23Tui anŭn, ƀing gih anăm ngă ôh sa mơta rup trah hơgĕt ƀơi akiăng Kâo; kŏn dưi lơi ngă rup trah prăk ƀôdah hăng mah.’ 24Brơi ih pơdơ̆ng brơi Kâo sa kơƀang ngă yang hăng lŏn laih anŭn ƀơi anŭn pơyơr mơnơ̆ng ngă yang čuh, mơnơ̆ng pơyơr kơ tơlơi rơnŭk rơnua, hăng triu ƀôdah rơmo ƀing gih. Pơpă anih Kâo pơrơđah anăn Kâo kiăng kơ hơdơr pioh, Kâo či nao laih anŭn tuh tơlơi mơyun hiam kơ ih. 25#Mơñă 27:5-7; Yôs 8:31.Tơdah ih pơdơ̆ng brơi Kâo sa kơƀang ngă yang hăng boh pơtâo, anăm ngă ñu hăng boh pơtâo trah ôh, yua kơ tơdah ih yua gơnam kiăng kơ trah ñu tui anŭn ih hmâo ngă pơgrĭ hĭ boh pơtâo anŭn laih. 26Ih anăm đĭ nao pơ kơƀang ngă yang Kâo hăng khul rơñan ôh, kiăng kơ drơi jan ih ƀu pơdah ôh tơlơi mơhlŭn ih ƀơi kơƀang ngă yang.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.