Čơdơ̆ng Phŭn 21
21
Tơlơi Tơkeng Rai Isak
1Yêhôwa brơi tơlơi mơyun hiam kơ HʼSara kar hăng tơlơi Ñu hmâo pơhiăp laih, laih anŭn ngă brơi kơ ñu kar hăng tơlơi Ñu hmâo ƀuăn laih. 2HʼSara pi kian, tơkeng brơi kơ Abraham sa čô ană đah rơkơi tơdang thŭn ñu tha laih, djơ̆ hrơi blan Ơi Adai hmâo ƀuăn laih hăng ñu.#Hêb 11:11. 3Abraham pơanăn brơi kơ ană, pô HʼSara hmâo tơkeng brơi laih kơ ñu jing Isak. 4Tơ Isak hmâo sapăn hrơi laih, Abraham khăt klĭ brơi kơ ană anŭn kar hăng tơlơi Ơi Adai hmâo pơtă laih.#Čơd 17:12; Bruă 7:8. 5Isak tơkeng rai tơdang Abraham hmâo sa rơtuh thŭn laih. 6HʼSara laĭ: “Ơi Adai hmâo ngă brơi kâo klao,#21:6 klao: Anai jing tơlơi kiăng pia kơ anăn Isak (Lăng 17:17-19). abih bang mơnuih hmư̆ či hơ̆k mơak hăng kâo.” 7Ñu laĭ dơ̆ng: “Hlơi pô khĭn laĭ hăng Abraham kơ tơlơi HʼSara či brơi ană pơmĕm? Wơ̆t dah tui anŭn kâo hmâo tơkeng laih brơi kơ ñu sa čô ană đah rơkơi tơdang ñu tha laih.”
Puh Pơđuaĭ HʼAgar Laih Anŭn Ismael
8Isak prŏng đĭ laih anŭn klaih mĕm. Amăng hrơi ñu lui mĕm, Abraham pơkô̆ pơjing sa tơlơi ƀơ̆ng huă prŏng. 9HʼSara ƀuh ană đah rơkơi HʼAgar, mơnuih Êjip, hmâo tơkeng brơi laih kơ Abraham hlăk dŏ ngui ngơr,#21:9 Dưi pơblang dơ̆ng mơ̆n: pơčôih ngơr.#21:9 Đơđa hră pơblang pơkŏn thim dơ̆ng: hăng ană ñu Isak.Hră phŭn hơđăp ƀu hmâo ôh khul boh pơhiăp anai. 10ñu laĭ hăng Abraham: “Rơkâo ih puh pơđuaĭ hĭ amĭ ană pô ding kơna đah kơmơi anai bĕ yua kơ ană đah rơkơi ñu ƀu či dưi tŭ mă kong ngăn hrŏm hơbĭt hăng Isak, ană đah rơkơi kâo ôh.”#Gal 4:29-30. 11Boh pơhiăp anai ngă brơi Abraham ruă pran jua biă mă yua kơ pô anŭn ăt jing ană đah rơkơi ñu mơ̆n. 12Samơ̆ Ơi Adai laĭ kơ Abraham: “Ih anăm bơngơ̆t đơi kơ ană đah rơkơi laih anŭn kơ pô ding kơna đah kơmơi ih dơ̆ng ôh. Hơgĕt tơlơi HʼSara laĭ, brơi ih hmư̆ ñu bĕ, yua kơ mơ̆ng Isak, či hmâo rai sa kơnŭng djuai arăng či iâu tui hăng anăn ih.#Rôm 9:7; Hêb 11:18. 13Kâo ăt či ngă brơi ană đah rơkơi pô ding kơna đah kơmơi anai jing hĭ sa kơnŭng djuai, yua kơ ñu ăt hmâo tơbiă rai mơ̆ng ih mơ̆n.”
14Ưm mơguah hrơi tŏ tui, Abraham tơgŭ mơ̆ng ưm, mă ƀañ laih anŭn sa get ia brơi kơ HʼAgar. Ñu pioh abih mơnơ̆ng anŭn ƀơi bra ding kơna đah kơmơi anŭn, brơi ană đah rơkơi kơ ñu laih anŭn brơi gơñu rơbat nao. Ñu tơbiă đuaĭ, rơbat hyu amăng tơdrŏn tač Bêrsêba. 15Tơdang ia amăng get klĭ abih laih, ñu pioh čơđai anŭn ƀơi gah yŭ kơ pum kơyâo 16giơ̆ng anŭn ñu nao laih anŭn dŏ ber gah klă anăp, ataih sa rơwang arăng pơnah ƀrŏm hraŏ, yua kơ ñu laĭ: “Kâo ƀu dưi lăng čơđai anŭn djai ôh!” Ñu dŏ ber gah anăp kơ anŭn, čơdơ̆ng ur hia yơh.#21:16 Hmâo đơđa hră pơblang: čơđai ur hia. 17Ơi Adai hmư̆ dơnai čơđai anŭn hia, ling jang Ơi Adai mơ̆ng adai adih iâu HʼAgar laih anŭn laĭ: “HʼAgar, hmâo tơlơi hơgĕt truh kơ ih? Anăm hwĭ ôh! Yua kơ Ơi Adai hmâo hmư̆ laih čơđai anŭn hia ƀơi anih ñu dŏ. 18Tơgŭ bĕ, rŭ tơgŭ ană ih laih anŭn kwar mă ñu amăng tơda ih, yua kơ Kâo či ngă brơi kơ ñu jing hĭ sa kơnŭng djuai prŏng.” 19Ơi Adai pŏk mơta brơi kơ ñu laih anŭn ñu ƀuh sa boh ia dơmun. Ñu nao sŏ bă get klĭ laih anŭn ba brơi ană ñu mơñum.
20Ơi Adai dŏ hăng čơđai anŭn. Ñu prŏng đĭ, hơdip amăng tơdrŏn tač laih anŭn jing hĭ sa čô mơnuih hmâo tơlơi rơgơi pơnah hraŏ. 21Ismael hơdip amăng tơdrŏn tač Paran. Amĭ ñu ruah brơi ñu sa čô bơnai mơnuih Êjip.
Tơlơi Kă Kơnol Tơ̆ng Krah Abraham Hăng Abimêlek
22Hlăk anŭn, pơtao Abimêlek laih anŭn Pikôl, akŏ khua gĭt gai ƀing tơhan, laĭ kơ Abraham: “Ơi Adai djru ih amăng djŏp mơta bruă ih ngă.#Čơd 26:26. 23Anŭn yơh ră anai, ƀơi anăp Ơi Adai brơi ih ƀuăn rơ̆ng bĕ hăng kâo tui anai; ih ƀu či ƀlor kâo ôh, ană bă ƀôdah kơnŭng djuai kâo, samơ̆ ih či ngă hiam kơ kâo hăng lŏn čar ih hlăk dŏ hơdip, kar hăng kâo hmâo ngă laih kơ ih mơ̆n.” 24Abraham laĭ glaĭ: “Kâo ƀuăn rơ̆ng.”
25Giơ̆ng anŭn, Abraham brŏk hăng pơtao Abimêlek kơ ia dơmun ƀing ding kơna Abimêlek hmâo sua mă laih. 26Abimêlek laĭ: “Kâo ƀu thâo ôh hlơi pô hmâo ngă laih bruă anai. Ih ƀu pơthâo brơi kâo, truh kơ hrơi anai kah kâo mă thâo.” 27Abraham mă triu laih anŭn rơmo, brơi kơ pơtao Abimêlek giơ̆ng anŭn gơñu ngă sa tơlơi ƀuăn hrŏm hơbĭt. 28Abraham ruah pioh lui phara tơjuh drơi triu dra amăng khul triu. 29Abimêlek tơña: “Ih ruah pioh lui phara tơjuh drơi triu dra anŭn pioh ngă hơgĕt?” 30Abraham laĭ glaĭ: “Rơkâo kơ pơtao mă mơ̆ng tơngan kâo tơjuh drơi triu dra anai kar hăng tơlơi gơ̆ng jơlan pơsĭt kơ tơlơi kâo hmâo klơi ia dơmun anai.” 31Yua kơ anŭn, arăng či iâu anih anŭn jing Bêrsêba#21:31 Bêrsêba: Amăng tơlơi Hêbrơ, boh hră anai kiăng pia: “ia dơmun kơ tơlơi ƀuăn rơ̆ng” ƀôdah “Ia dơmun mrô tơjuh”. yua kơ pơ anih anŭn dua gơñu hmâo ƀuăn rơ̆ng hrŏm hơbĭt laih. 32Giơ̆ng kơ dua gah hmâo ngă laih tơlơi ƀuăn hrŏm hăng tơdruă gơñu ƀơi Bêrsêba, pơtao Abimêlek hăng pô akŏ khua wai lăng tơhan Pikôl rơbat glaĭ pơ čar Philistin. 33Abraham pla sa phŭn amĭl ƀơi Bêrsêba, laih anŭn ƀơi anŭn ñu iâu kơwưh kơ Yêhôwa, jing Ơi Adai pô dŏ hơdip hlŏng lar. 34Abraham hơdip sui thŭn amăng čar ƀing Philistin.
Избрани в момента:
Čơdơ̆ng Phŭn 21: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 21
21
Tơlơi Tơkeng Rai Isak
1Yêhôwa brơi tơlơi mơyun hiam kơ HʼSara kar hăng tơlơi Ñu hmâo pơhiăp laih, laih anŭn ngă brơi kơ ñu kar hăng tơlơi Ñu hmâo ƀuăn laih. 2HʼSara pi kian, tơkeng brơi kơ Abraham sa čô ană đah rơkơi tơdang thŭn ñu tha laih, djơ̆ hrơi blan Ơi Adai hmâo ƀuăn laih hăng ñu.#Hêb 11:11. 3Abraham pơanăn brơi kơ ană, pô HʼSara hmâo tơkeng brơi laih kơ ñu jing Isak. 4Tơ Isak hmâo sapăn hrơi laih, Abraham khăt klĭ brơi kơ ană anŭn kar hăng tơlơi Ơi Adai hmâo pơtă laih.#Čơd 17:12; Bruă 7:8. 5Isak tơkeng rai tơdang Abraham hmâo sa rơtuh thŭn laih. 6HʼSara laĭ: “Ơi Adai hmâo ngă brơi kâo klao,#21:6 klao: Anai jing tơlơi kiăng pia kơ anăn Isak (Lăng 17:17-19). abih bang mơnuih hmư̆ či hơ̆k mơak hăng kâo.” 7Ñu laĭ dơ̆ng: “Hlơi pô khĭn laĭ hăng Abraham kơ tơlơi HʼSara či brơi ană pơmĕm? Wơ̆t dah tui anŭn kâo hmâo tơkeng laih brơi kơ ñu sa čô ană đah rơkơi tơdang ñu tha laih.”
Puh Pơđuaĭ HʼAgar Laih Anŭn Ismael
8Isak prŏng đĭ laih anŭn klaih mĕm. Amăng hrơi ñu lui mĕm, Abraham pơkô̆ pơjing sa tơlơi ƀơ̆ng huă prŏng. 9HʼSara ƀuh ană đah rơkơi HʼAgar, mơnuih Êjip, hmâo tơkeng brơi laih kơ Abraham hlăk dŏ ngui ngơr,#21:9 Dưi pơblang dơ̆ng mơ̆n: pơčôih ngơr.#21:9 Đơđa hră pơblang pơkŏn thim dơ̆ng: hăng ană ñu Isak.Hră phŭn hơđăp ƀu hmâo ôh khul boh pơhiăp anai. 10ñu laĭ hăng Abraham: “Rơkâo ih puh pơđuaĭ hĭ amĭ ană pô ding kơna đah kơmơi anai bĕ yua kơ ană đah rơkơi ñu ƀu či dưi tŭ mă kong ngăn hrŏm hơbĭt hăng Isak, ană đah rơkơi kâo ôh.”#Gal 4:29-30. 11Boh pơhiăp anai ngă brơi Abraham ruă pran jua biă mă yua kơ pô anŭn ăt jing ană đah rơkơi ñu mơ̆n. 12Samơ̆ Ơi Adai laĭ kơ Abraham: “Ih anăm bơngơ̆t đơi kơ ană đah rơkơi laih anŭn kơ pô ding kơna đah kơmơi ih dơ̆ng ôh. Hơgĕt tơlơi HʼSara laĭ, brơi ih hmư̆ ñu bĕ, yua kơ mơ̆ng Isak, či hmâo rai sa kơnŭng djuai arăng či iâu tui hăng anăn ih.#Rôm 9:7; Hêb 11:18. 13Kâo ăt či ngă brơi ană đah rơkơi pô ding kơna đah kơmơi anai jing hĭ sa kơnŭng djuai, yua kơ ñu ăt hmâo tơbiă rai mơ̆ng ih mơ̆n.”
14Ưm mơguah hrơi tŏ tui, Abraham tơgŭ mơ̆ng ưm, mă ƀañ laih anŭn sa get ia brơi kơ HʼAgar. Ñu pioh abih mơnơ̆ng anŭn ƀơi bra ding kơna đah kơmơi anŭn, brơi ană đah rơkơi kơ ñu laih anŭn brơi gơñu rơbat nao. Ñu tơbiă đuaĭ, rơbat hyu amăng tơdrŏn tač Bêrsêba. 15Tơdang ia amăng get klĭ abih laih, ñu pioh čơđai anŭn ƀơi gah yŭ kơ pum kơyâo 16giơ̆ng anŭn ñu nao laih anŭn dŏ ber gah klă anăp, ataih sa rơwang arăng pơnah ƀrŏm hraŏ, yua kơ ñu laĭ: “Kâo ƀu dưi lăng čơđai anŭn djai ôh!” Ñu dŏ ber gah anăp kơ anŭn, čơdơ̆ng ur hia yơh.#21:16 Hmâo đơđa hră pơblang: čơđai ur hia. 17Ơi Adai hmư̆ dơnai čơđai anŭn hia, ling jang Ơi Adai mơ̆ng adai adih iâu HʼAgar laih anŭn laĭ: “HʼAgar, hmâo tơlơi hơgĕt truh kơ ih? Anăm hwĭ ôh! Yua kơ Ơi Adai hmâo hmư̆ laih čơđai anŭn hia ƀơi anih ñu dŏ. 18Tơgŭ bĕ, rŭ tơgŭ ană ih laih anŭn kwar mă ñu amăng tơda ih, yua kơ Kâo či ngă brơi kơ ñu jing hĭ sa kơnŭng djuai prŏng.” 19Ơi Adai pŏk mơta brơi kơ ñu laih anŭn ñu ƀuh sa boh ia dơmun. Ñu nao sŏ bă get klĭ laih anŭn ba brơi ană ñu mơñum.
20Ơi Adai dŏ hăng čơđai anŭn. Ñu prŏng đĭ, hơdip amăng tơdrŏn tač laih anŭn jing hĭ sa čô mơnuih hmâo tơlơi rơgơi pơnah hraŏ. 21Ismael hơdip amăng tơdrŏn tač Paran. Amĭ ñu ruah brơi ñu sa čô bơnai mơnuih Êjip.
Tơlơi Kă Kơnol Tơ̆ng Krah Abraham Hăng Abimêlek
22Hlăk anŭn, pơtao Abimêlek laih anŭn Pikôl, akŏ khua gĭt gai ƀing tơhan, laĭ kơ Abraham: “Ơi Adai djru ih amăng djŏp mơta bruă ih ngă.#Čơd 26:26. 23Anŭn yơh ră anai, ƀơi anăp Ơi Adai brơi ih ƀuăn rơ̆ng bĕ hăng kâo tui anai; ih ƀu či ƀlor kâo ôh, ană bă ƀôdah kơnŭng djuai kâo, samơ̆ ih či ngă hiam kơ kâo hăng lŏn čar ih hlăk dŏ hơdip, kar hăng kâo hmâo ngă laih kơ ih mơ̆n.” 24Abraham laĭ glaĭ: “Kâo ƀuăn rơ̆ng.”
25Giơ̆ng anŭn, Abraham brŏk hăng pơtao Abimêlek kơ ia dơmun ƀing ding kơna Abimêlek hmâo sua mă laih. 26Abimêlek laĭ: “Kâo ƀu thâo ôh hlơi pô hmâo ngă laih bruă anai. Ih ƀu pơthâo brơi kâo, truh kơ hrơi anai kah kâo mă thâo.” 27Abraham mă triu laih anŭn rơmo, brơi kơ pơtao Abimêlek giơ̆ng anŭn gơñu ngă sa tơlơi ƀuăn hrŏm hơbĭt. 28Abraham ruah pioh lui phara tơjuh drơi triu dra amăng khul triu. 29Abimêlek tơña: “Ih ruah pioh lui phara tơjuh drơi triu dra anŭn pioh ngă hơgĕt?” 30Abraham laĭ glaĭ: “Rơkâo kơ pơtao mă mơ̆ng tơngan kâo tơjuh drơi triu dra anai kar hăng tơlơi gơ̆ng jơlan pơsĭt kơ tơlơi kâo hmâo klơi ia dơmun anai.” 31Yua kơ anŭn, arăng či iâu anih anŭn jing Bêrsêba#21:31 Bêrsêba: Amăng tơlơi Hêbrơ, boh hră anai kiăng pia: “ia dơmun kơ tơlơi ƀuăn rơ̆ng” ƀôdah “Ia dơmun mrô tơjuh”. yua kơ pơ anih anŭn dua gơñu hmâo ƀuăn rơ̆ng hrŏm hơbĭt laih. 32Giơ̆ng kơ dua gah hmâo ngă laih tơlơi ƀuăn hrŏm hăng tơdruă gơñu ƀơi Bêrsêba, pơtao Abimêlek hăng pô akŏ khua wai lăng tơhan Pikôl rơbat glaĭ pơ čar Philistin. 33Abraham pla sa phŭn amĭl ƀơi Bêrsêba, laih anŭn ƀơi anŭn ñu iâu kơwưh kơ Yêhôwa, jing Ơi Adai pô dŏ hơdip hlŏng lar. 34Abraham hơdip sui thŭn amăng čar ƀing Philistin.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.