Čơdơ̆ng Phŭn 22
22
Ơi Adai Lông Lăng Tơlơi Đaŏ Abraham
1Tơdơi kơ khul bruă anŭn, Ơi Adai lông lăng Abraham. Ñu iâu: “Abraham!” Abraham laĭ glaĭ: “Ơ, kâo pơ anai.”#Hêb 11:17-19. 2Ơi Adai laĭ: “Mă bĕ ană ih, ană ih hmâo kơnơ̆ng sa čô, Isak, pô ih khăp biă mă, nao pơ lŏn Môria. Pơ anŭn, ih či pơyơr ană ih ngă mơnơ̆ng ngă yang čuh ƀơi sa boh čư̆ kâo črâo brơi kơ ih.”#II Čih 3:1. 3Tui anŭn Abraham tơgŭ mơ̆ng ưm, mă aseh kle laih anŭn djă ba dua čô ding kơna ñu hrŏm hơbĭt hăng ană ñu Isak. Ñu ăt koh djuh pioh brơi kơ bruă ngă yang čuh, giơ̆ng anŭn gơñu rơbat nao truh pơ anih Ơi Adai hmâo kơčrâo brơi laih.
4Truh hrơi tal klâo, Abraham angak đĭ mơta laih anŭn ƀuh anih anŭn mơ̆ng ataih. 5Abraham laĭ hăng dua čô ding kơna ñu: “Ƀing gih dŏ bĕ pơ anai hrŏm aseh kle, kâo hăng ană kâo či nao pơ anih adih kiăng kơ kơkuh pơpŭ, giơ̆ng anŭn gơmơi či wơ̆t glaĭ.” 6Abraham mă ba djuh kơ tơlơi pơyơr čuh pioh ƀơi bra Isak, ană ñu, ñu pô djă apui hăng thŏng, giơ̆ng anŭn dua gơñu rơbat nao yơh. 7Isak laĭ hăng Abraham ama ñu: “Ơ ama!” Ñu laĭ glaĭ: “Ơ ană, ama anai.” Isak tơña: “Djuh hăng apui hmâo rơmet giơ̆ng laih, samơ̆ pơpă ană triu kiăng pơyơr čuh lĕ?” 8Abraham laĭ: “Ơ ană! Ơi Adai pô yơh či pha brơi ană triu kơ tơlơi pơyơr čuh anŭn.” Giơ̆ng anŭn abih dua gơñu rơbat nao dơ̆ng.
9Tơ truh laih pơ anih Ơi Adai hmâo pơkă brơi, Abraham pơdơ̆ng sa boh kơƀang ngă yang pơ anih anŭn, dăp đĭ djuh laih anŭn čăp hĭ Isak ană ñu. Ñu pơđih Isak gah ngŏ kơ djuh ƀơi kơƀang ngă yang.#Yak 2:21. 10Abraham yơr tơngan mă thŏng kiăng pơdjai ană ñu. 11Samơ̆ ling jang Yêhôwa mơ̆ng adai iâu ñu: “Abraham, Abraham!” Ñu laĭ glaĭ: “Hmâo kâo pơ anai.” 12Ling jang laĭ: “Anăm pơruă ană anŭn ôh laih anŭn ăt kŏn dưi ngă hơgĕt gĕt kơ ñu lơi. Ră anai, Kâo thâo sĭt ih hwĭ pơpŭ kơ Ơi Adai hăng abih pran jua yua kơ ih ƀu hơ-ưi ôh ană ih kơ Kâo, wơ̆t dah ih kơnơ̆ng hmâo sa čô ană đôč.” 13Abraham angak lăng laih anŭn ñu ƀuh sa drơi triu tơno, tơki ñu đom ƀơi pum kơyâo. Abraham mă ană triu tơno anŭn pơyơr ngă yang čuh pơala kơ ană đah rơkơi ñu. 14Abraham pơanăn anih anŭn jing “Yêhôwa pha brơi”#22:14 Boh hră phŭn: Yêhôwa Jirê, kiăng pia: “Yêhôwa lăng ƀuh” ƀôdah “Yêhôwa či pha brơi”. Yua kơ anŭn yơh, hrơi anai arăng ăt dŏ laĭ: “Ƀơi čư̆ Yêhôwa, tơlơi anŭn či dưi hmâo tơlơi pha brơi.”#22:14 ƀôdah: dưi lăng ƀuh.
15Ling jang Yêhôwa mơ̆ng adai iâu Abraham tal dua 16laih anŭn laĭ: “Yêhôwa laĭ: Yua kơ ih hmâo ngă laih tơlơi anai, ƀu hơ-ưi ôh ană ih, wơ̆t dah ñu jing ană ih hmâo kơnơ̆ng sa čô, hnŭn yơh Kâo mă Kâo pô kiăng ƀuăn rơ̆ng tui anai,#Hêb 6:13-14. 17Kâo či tuh tơlơi mơyun hiam rơbeh blai kơ ih, ngă brơi kơnŭng djuai ih lu kar ƀing pơtŭ amăng adai, lu kar čuah ƀơi hang ia rơsĭ, laih anŭn kơnŭng djuai ih či pơblah dưi hĭ hăng ƀing ayăt gơñu.#Hêb 11:12. 18Abih bang kơnŭng djuai ƀơi lŏn tơnah leng kơ či kơnang mơ̆ng kơnŭng djuai ih kiăng dưi hmâo tơlơi mơyun hiam, yua kơ ih hmâo gưt tui laih hiăp Kâo pơtăn.”#Bruă 3:25.
19Abraham wơ̆t glaĭ pơ ƀing ding kơna ñu; gơñu tơgŭ laih anŭn hrŏm hơbĭt rơbat glaĭ pơ Bêrsêba. Abraham dŏ amăng Bêrsêba.
Ană Tơčo Nahôr
20Tơdơi kơ khul bruă anŭn, arăng laĭ brơi kơ Abraham: “Anai nê, HʼMilka ăt hmâo tơkeng brơi laih kơ adơi ih Nahôr. 21Us jing ană kơčoa, ƀing adơi ñu jing: Bus, Kêmuêl ama Aram, 22Kêset, Hasô, Pildas, Jitlap, laih anŭn Bêthuel.” 23Bêthuel jing ama kơ HʼRêbêka. Anŭn jing sapăn čô ană đah rơkơi HʼMilka hmâo tơkeng brơi kơ Nahôr, adơi Abraham. 24HʼRuma bơnai hơjŭng Nahôr ăt tơkeng mơ̆n brơi kơ Nahôr: Têba, Gaham, Tahas, laih anŭn Maka.
Избрани в момента:
Čơdơ̆ng Phŭn 22: JRA2016
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.
Čơdơ̆ng Phŭn 22
22
Ơi Adai Lông Lăng Tơlơi Đaŏ Abraham
1Tơdơi kơ khul bruă anŭn, Ơi Adai lông lăng Abraham. Ñu iâu: “Abraham!” Abraham laĭ glaĭ: “Ơ, kâo pơ anai.”#Hêb 11:17-19. 2Ơi Adai laĭ: “Mă bĕ ană ih, ană ih hmâo kơnơ̆ng sa čô, Isak, pô ih khăp biă mă, nao pơ lŏn Môria. Pơ anŭn, ih či pơyơr ană ih ngă mơnơ̆ng ngă yang čuh ƀơi sa boh čư̆ kâo črâo brơi kơ ih.”#II Čih 3:1. 3Tui anŭn Abraham tơgŭ mơ̆ng ưm, mă aseh kle laih anŭn djă ba dua čô ding kơna ñu hrŏm hơbĭt hăng ană ñu Isak. Ñu ăt koh djuh pioh brơi kơ bruă ngă yang čuh, giơ̆ng anŭn gơñu rơbat nao truh pơ anih Ơi Adai hmâo kơčrâo brơi laih.
4Truh hrơi tal klâo, Abraham angak đĭ mơta laih anŭn ƀuh anih anŭn mơ̆ng ataih. 5Abraham laĭ hăng dua čô ding kơna ñu: “Ƀing gih dŏ bĕ pơ anai hrŏm aseh kle, kâo hăng ană kâo či nao pơ anih adih kiăng kơ kơkuh pơpŭ, giơ̆ng anŭn gơmơi či wơ̆t glaĭ.” 6Abraham mă ba djuh kơ tơlơi pơyơr čuh pioh ƀơi bra Isak, ană ñu, ñu pô djă apui hăng thŏng, giơ̆ng anŭn dua gơñu rơbat nao yơh. 7Isak laĭ hăng Abraham ama ñu: “Ơ ama!” Ñu laĭ glaĭ: “Ơ ană, ama anai.” Isak tơña: “Djuh hăng apui hmâo rơmet giơ̆ng laih, samơ̆ pơpă ană triu kiăng pơyơr čuh lĕ?” 8Abraham laĭ: “Ơ ană! Ơi Adai pô yơh či pha brơi ană triu kơ tơlơi pơyơr čuh anŭn.” Giơ̆ng anŭn abih dua gơñu rơbat nao dơ̆ng.
9Tơ truh laih pơ anih Ơi Adai hmâo pơkă brơi, Abraham pơdơ̆ng sa boh kơƀang ngă yang pơ anih anŭn, dăp đĭ djuh laih anŭn čăp hĭ Isak ană ñu. Ñu pơđih Isak gah ngŏ kơ djuh ƀơi kơƀang ngă yang.#Yak 2:21. 10Abraham yơr tơngan mă thŏng kiăng pơdjai ană ñu. 11Samơ̆ ling jang Yêhôwa mơ̆ng adai iâu ñu: “Abraham, Abraham!” Ñu laĭ glaĭ: “Hmâo kâo pơ anai.” 12Ling jang laĭ: “Anăm pơruă ană anŭn ôh laih anŭn ăt kŏn dưi ngă hơgĕt gĕt kơ ñu lơi. Ră anai, Kâo thâo sĭt ih hwĭ pơpŭ kơ Ơi Adai hăng abih pran jua yua kơ ih ƀu hơ-ưi ôh ană ih kơ Kâo, wơ̆t dah ih kơnơ̆ng hmâo sa čô ană đôč.” 13Abraham angak lăng laih anŭn ñu ƀuh sa drơi triu tơno, tơki ñu đom ƀơi pum kơyâo. Abraham mă ană triu tơno anŭn pơyơr ngă yang čuh pơala kơ ană đah rơkơi ñu. 14Abraham pơanăn anih anŭn jing “Yêhôwa pha brơi”#22:14 Boh hră phŭn: Yêhôwa Jirê, kiăng pia: “Yêhôwa lăng ƀuh” ƀôdah “Yêhôwa či pha brơi”. Yua kơ anŭn yơh, hrơi anai arăng ăt dŏ laĭ: “Ƀơi čư̆ Yêhôwa, tơlơi anŭn či dưi hmâo tơlơi pha brơi.”#22:14 ƀôdah: dưi lăng ƀuh.
15Ling jang Yêhôwa mơ̆ng adai iâu Abraham tal dua 16laih anŭn laĭ: “Yêhôwa laĭ: Yua kơ ih hmâo ngă laih tơlơi anai, ƀu hơ-ưi ôh ană ih, wơ̆t dah ñu jing ană ih hmâo kơnơ̆ng sa čô, hnŭn yơh Kâo mă Kâo pô kiăng ƀuăn rơ̆ng tui anai,#Hêb 6:13-14. 17Kâo či tuh tơlơi mơyun hiam rơbeh blai kơ ih, ngă brơi kơnŭng djuai ih lu kar ƀing pơtŭ amăng adai, lu kar čuah ƀơi hang ia rơsĭ, laih anŭn kơnŭng djuai ih či pơblah dưi hĭ hăng ƀing ayăt gơñu.#Hêb 11:12. 18Abih bang kơnŭng djuai ƀơi lŏn tơnah leng kơ či kơnang mơ̆ng kơnŭng djuai ih kiăng dưi hmâo tơlơi mơyun hiam, yua kơ ih hmâo gưt tui laih hiăp Kâo pơtăn.”#Bruă 3:25.
19Abraham wơ̆t glaĭ pơ ƀing ding kơna ñu; gơñu tơgŭ laih anŭn hrŏm hơbĭt rơbat glaĭ pơ Bêrsêba. Abraham dŏ amăng Bêrsêba.
Ană Tơčo Nahôr
20Tơdơi kơ khul bruă anŭn, arăng laĭ brơi kơ Abraham: “Anai nê, HʼMilka ăt hmâo tơkeng brơi laih kơ adơi ih Nahôr. 21Us jing ană kơčoa, ƀing adơi ñu jing: Bus, Kêmuêl ama Aram, 22Kêset, Hasô, Pildas, Jitlap, laih anŭn Bêthuel.” 23Bêthuel jing ama kơ HʼRêbêka. Anŭn jing sapăn čô ană đah rơkơi HʼMilka hmâo tơkeng brơi kơ Nahôr, adơi Abraham. 24HʼRuma bơnai hơjŭng Nahôr ăt tơkeng mơ̆n brơi kơ Nahôr: Têba, Gaham, Tahas, laih anŭn Maka.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016 United Bible Societies. All rights reserved.