Lik Ejiptơ 7
7
1Yàng Jehôwa đơs mơ Môise lah: “Sền tĕ, Añ neh lơh mê in kung be Yàng Tom Trồ Pharaôn dê, Arôn bi mê, rơp gơs cau gơnoar hwơr mê dê. 2Mê rơp yal wơl jơh ală jơnau Añ rơp sồr mê, mơ Arôn bi mê, rơp đơs mơ Pharaôn nàng khai lòi làng bol Israel lik lòt bơh di lơgar khai dê. 3#Broă 7:36.Mơya Añ rơp lơh kơldang nùs Pharaôn, mơ bulah Añ bơtơl oă bơta krơi tềl is Añ jê tòm lơgar Ejiptơ, 4khai rơp ò iat mê. Gen Añ rơp pò tê Añ jê hơđang Ejiptơ, ngui ală broă gơnap gơnoar lơh glài nàng cèng ală mpồl làng bol Añ jê la làng bol Israel lik lòt bơh hơ̆. 5Tòm tŭ Añ pò tê tòmdră mơ Ejiptơ nàng cèng làng bol Israel lik lòt bơh di lơgar hơ̆, gen làng bol Ejiptơ rơp git Añ la Yàng Jehôwa.” 6Môise mơ Arôn lơh jat tòm toh be jơnau Yàng Jehôwa neh sồr bol khai. 7Tòm tŭ bol khai đơs mơ Pharaôn, gen Môise neh phàm jơt nam, mơ Arôn phàm jơt pe.
Gai kwềt Arôn dê gơlik bơs
8Yàng Jehôwa đơs mơ Môise mơ Arôn lah: 9“Tŭ lơi Pharaôn sồr bol mê lah: ‘Lơh tĕ bơta krơi,’ gen mê đơs mơ Arôn lah: ‘Ai tĕ gai kwềt bi dê mơ sơrbì gơ di đap Pharaôn, gen gơ rơp gơlik gơs dô nơm bơs.’” 10Behơ̆, Môise mơ Arôn lòt tus hơ Pharaôn mơ lơh tòm toh jat be jơnau Yàng Jehôwa neh sồr. Arôn sơrbì gai kwềt khai dê di đap Pharaôn mơ ală kwang duh broă khai dê, gen gai kwềt gơlik gơs dô nơm bơs. 11Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê. 12Kòp nă bol khai sơrbì gai kwềt khai dê di tiah gen gơlik gơs dô nơm bơs. Mơya gai kwềt Arôn dê sa loan ală gai kwềt bol khai dê. 13Bulah behơ̆ nùs Pharaôn neh gơlik kră kơldang mơ khai ò iat Môise mơ Arôn, tòm toh be jơnau Yàng Jehôwa neh đơs.
Bơta rung rài dơ̆ dùl: Dà hiòng gơlik mhàm
14Gen Yàng Jehôwa đơs mơ Môise lah: “Nùs Pharaôn ò kong alah, khai ò ai làng bol in lik lòt. 15Àng drim hìng mê lòt tĕ tìp mat mơ Pharaôn tòm tŭ khai lòt tus hơ gah hiòng dà. At tĕ gai kwềt neh gơlik gơs bơs mơ ơm gơn tĕ di gah hiòng Nil nàng tìp mat mơ khai. 16Gen đơs tĕ mơ khai lah: ‘Yàng Jehôwa, la Yàng Tom Trồ cau Hebrơ dê neh sồr añ tus mơ đơs mơ bơtau lah: Lòi tĕ làng bol Añ jê lik lòt, nàng bol khai duh khoai Añ tòm ƀlàng ngềt ngơt. Mơya jơl tus di tŭ do mê neh ò iat jơnau.’ 17#Yalt 16:4.Do la jơnau Yàng Jehôwa đơs: ‘Bơh broă do gen mê rơp git Añ la Yàng Jehôwa.’ Sền, Añ rơp ai gai kwềt tòm tê Añ mơ pòng dà hiòng Nil, gen gơ rơp tòmgơl mơ gơlik gơs mhàm. 18Ka tòm hiòng Nil rơp chơt, hiòng rơp gơs ƀô ồm; cau Ejiptơ ò rgơi hùc dà gơ dê.”
19Gen Yàng Jehôwa đơs mơ Môise lah: “Sồr tĕ Arôn lah: ‘At tĕ gai kwềt bi dê mơ pò tĕ tê bi dê hơđang dà Ejiptơ, hơđang ală croh dà mơ ală hiòng, hơđang ală tơnau mơ ală tiah prap lòi dà, mơ dà rơp gơlik gơs mhàm. Mhàm rơp gơs làm jơh tòm Ejiptơ, tian gơs tòm ală thùng ơn dà lơh mơ mpàn bal mơ ală gri mơ lŭ kung gơs mhàm sơl.’” 20Môise mơ Arôn lơh jat tòm toh be jơnau Yàng Jehôwa neh sồr. Khai pò gai kwềt khai dê di đap Pharaôn mơ ală cau kwang duh broă khai dê, mơ pòng dà hiòng Nil mơ jơh ală dà gơlik gơs mhàm lơm. 21Ka tòm hiòng Nil chơt jơh, ală hiòng gơs ƀô ồm tian gơs cau Ejiptơ ò rgơi hùc dà gơ; mhàm gơlik gơs tòm làm jơh Ejiptơ. 22Mơya ală cau juh proh Ejiptơ dê kung lơh gơlik gơs ndròm bal behơ̆ kơnòm di ală bơta chài rgơi ndơp ndơr bol khai dê, mơ nùs Pharaôn dê gơlik kră kơldang; khai ò iat Môise mơ Arôn, tòm toh be jơnau Yàng Jehôwa neh đơs. 23Pharaôn wơlke mơ rê wơl hơ gơlang khai dê, ò ơn nùs dô êt lơi bơh bơta hơ̆. 24Jơh ală cau Ejiptơ tò ù rò gah hiòng Nil nàng jòi dà hùc, tài bơh bol khai ò rgơi hùc dà tòm hiòng. 25Dô poh neh rlau tơnơ̆ mơ tŭ Yàng Jehôwa pòng hiòng dà Nil.
Избрани в момента:
Lik Ejiptơ 7: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.