Lebi 7
7
Phan ơn tơwài glài gơtup tìs
1Do la ală sơnoa rnoas bơh phan ơn tơwài glài gơtup tìs, la dô nơm phan ơn sàng goh rlau jơh. 2Phan ơn tơwài glài gơtup tìs pal hàl tơnchơt tòm dô bă tiah mơ phan ơn chu pơrguc neh hàl tơnchơt, mơ mhàm gơ pal rsìh di cơnòng duh khoai hơđang kòp đah. 3Jơh dơngi gơ dê pal ơn, hơ̆ la dơngi tòm tiang gơ mơ dơngi jơm gòm ală pơnah tòm dơlam gơ,#7:3 hơ̆ la pròc, klung, klòm, la, leh. 4bàr nơm leh bal mơ dơngi hơđang gơ rềp di but, dô blah poac lơho jơm klòm neh tă bal mơ ală leh. 5Cau gơnoar ơn phan duh khoai pal chu jơh ală phan hơ̆ hơđang cơnòng duh khoai lơh gơs dô nơm phan ơn chu mơ ồs ơn Yàng Jehôwa in. Hơ̆ la phan ơn tơwài glài gơtup tìs. 6Jơh cau klau tòm hìu nhă cau gơnoar ơn phan duh khoai rgơi sa gơ, mơya pal sa tòm dô bă tiah sàng goh, hơ̆ la phan sàng goh rlau jơh. 7Bơta boh lam do pal lơh jat gơwèt hơ phan ơn tơwài glài kung be glài gơtup gơtơl: Ală phan ơn gơrê bal mơ cau gơnoar ơn phan duh khoai neh ngui nàng lơh gơs bơta tơwài glài. 8Cau gơnoar ơn phan duh khoai ơn dô nơm phan ơn chu pơrguc cau lơi in gen gơltau gơ rơp gơrê mơ cau gơnoar ơn phan duh khoai hơ̆ in. 9Kòp nơm phan ơn mơ kòi mbo neh buh tòm bơnhă ồs hala neh gơm tòm dô nơm glah hala tòm dô nơm chàng gơrê bal mơ cau gơnoar ơn phan duh khoai neh ơn phan hơ̆, 10mơ kòp nơm phan ơn mơ kòi mbo, bulah bơcă bal mơ mơñà hala ò, kung gơrê bal mơ jơh ală kòn klau Arôn dê.
Phan ơn ring lơngai
11Do la ală sơnoa rnoas bơh phan ơn ring lơngai mơ dô nă cau rgơi ơn Yàng Jehôwa in: 12Dilah khai ơn gơ nàng yal tơlik nùs kah bơta nđàc, bal mơ phan ơn ưnngài do gen khai pal ơn ală ƀañ, piang lă ò gơs kañ bơcă bal mơ mơñà, ală piang lă mơ kơmbuh phe rhền klac bal mơ bơcă bal mơ mơñà. 13Bal mơ phan ơn ring lơngai bơta ưnngài dê, khai pal ơn dô nơm phan ơn mơ piang lă gơs kañ. 14Khai pal cèng dô nơm tòm kòp bơta nàng lơh gơs phan ơn, dô nơm phan ơn Yàng Jehôwa in; phan ơn hơ̆ gơrê bal mơ cau gơnoar ơn phan duh khoai neh rsìh mhàm ală phan ơn bơta ring lơngai dê. 15Poac phan ơn ring lơngai bơta ưnngài khai dê pal sa tòm ngai ơn gơ; khai ò di lòi wơl dô êt lơi bơh phan hơ̆ tus di ngai hìng.
16Bulah behơ̆, dilah phan ơn khai dê gơlik bơh dô jơnau srat să ho nền hala dô nơm phan ơn bơh nùs kòñ ơn, phan ơn pal sa tòm ngai neh ơn gơ, mơya phan lơi gam wơl gen rgơi sa tòm ngai hìng. 17Poac lơi bơh phan ơn gam lòi wơl tus di ngai pe gen pal chu pơrguc jơh. 18Dilah poac lơi bơh phan ơn ring lơngai gam sa tòm ngai pe gen ò geh dòp. Gơ rơp ò geh kòp gơrê bal mơ cau neh ơn gơ, bơh gơ la ò goh; cau lơi sa phan hơ̆ gen pal kong àñ glài. 19Poac neh gơtup di phan lơi ò goh jat bơta sồr lam gen ò di sa; pal chu gơtòm ồs. Ai đah pơnah poac ndai gen cau lơi geh goh jat bơta sồr lam gen rgơi sa gơ. 20Mơya cau lơi ò goh mơ sa poac phan ơn ring lơngai gơrê bal mơ Yàng Jehôwa, gen cau hơ̆ pal kong tơlik sang bơh di làng bol khai dê. 21Dilah gơs cau lơi ƀư di phan lơi ò goh, bulah la bơta ò goh kòn mơnus dê hala phan poan jơng ò goh, phan cù kìr iơh rmơh, lồc behơ̆ sa poac phan ơn bơta ring lơngai mơ Yàng Jehôwa, gen cau hơ̆ pal kong tơlik bơh di làng bol khai dê.”
Bơkơ̆u sa dơngi mơ mhàm
22Yàng Jehôwa đơs mơ Môise lah: 23“Đơs tĕ mơ cau Israel lah: Bañ sa dơngi lơi phan poan jơng dê, ală belàt hala be. 24Dơngi dô nơm phan poan jơng cau bàn neh chơt rau hala neh gơkòl crè poac bơh dô nơm phan brê rgơi ngui tòm broă ndai, mơya bol mê bañ sa poac gơ. 25Cau lơi sa dơngi dô nơm phan poan jơng neh ơn lơh gơs phan ơn chu tòm ồs Yàng Jehôwa in gen cau hơ̆ pal tă tơlik bơh di làng bol khai dê. 26#Sơnròp 9:4; Leb 17:10-14; 19:26; Yalw 12:16,23; 15:23.Bulah bol mê ơm tiah lơi, bol mê ò di sa mhàm dô nơm sềm hala dô nơm phan poan jơng lơi. 27Dilah cau lơi sa mhàm gen cau hơ̆ pal kong tă tơlik bơh di làng bol khai dê.”
Pơnah gơrê bal mơ cau gơnoar ơn phan duh khoai
28Yàng Jehôwa đơs mơ Môise: 29“Đơs tĕ mơ cau Israel lah: Cau lơi cèng dô nơm phan ơn ring lơngai ơn Yàng Jehôwa in gen pal cèng dô pơnah ơn is lơh gơs phan ơn Yàng Jehôwa in. 30Khai pal ai tê tòm khai dê cèng phan ơn chu tòm ồs ơn Yàng Jehôwa in; khai pal cèng dơngi, bal mơ ntơh gơ dê, mơ tơyài di đap Yàng Jehôwa lơh gơs phan ơn tơyài. 31Cau gơnoar ơn phan duh khoai rơp chu dơngi hơđang cơnòng duh khoai, mơya ntơh gơrê bal mơ Arôn mơ ală kòn klau khai dê. 32Mê pal ai bơnô đah ma ală phan ơn bơta ring lơngai mê dê cau gơnoar ơn phan duh khoai in lơh gơs dô nơm phan ơn khai in. 33Kòn klau Arôn dê la cau ơn mhàm mơ dơngi phan ơn ring lơngai dê rơp gơs bơnô đah ma lơh gơs pơnah gơrê mơ khai. 34Bơh di ală phan ơn bơta ring lơngai cau Israel dê, Añ neh ai ntơh tơyài mơ bơnô neh ơn mơ ai jơh Arôn cau gơnoar ơn phan duh khoai mơ ală kòn klau khai in lơh gơs pơnah òs ai bol khai in bơh cau Israel. 35Hơ̆ la pơnah tòm ală phan cau ơn chu tòm ồs ơn Yàng Jehôwa in mơ neh tòmpà Arôn mơ ală kòn klau khai in tòm ngai bol khai geh lơh gơs cau gơnoar ơn phan duh khoai duh broă Yàng Jehôwa. 36Tòm ngai bol khai geh bong mơñà, Yàng Jehôwa neh ai jơnau sồr cau Israel pal ai phan hơ̆ bol khai in lơh gơs pơnah òs ơn bol khai in bơh rài do tus di rài rơp tus.”
37Behơ̆, hơ̆ la ală sơnoa rnoas bơh phan ơn chu pơrguc, phan ơn mơ kòi mbo, phan ơn tơwài glài, phan ơn tơwài gơtup tìs, phan ơn pồ bơtào jào gơnoar mơ phan ơn bơta ring lơngai, 38mơ Yàng Jehôwa neh ai Môise in hơđang mơnơm Sinai tòm ngai Kơnràñ sồr cau Israel cèng ală phan ơn bol khai dê Yàng Jehôwa in tòm ƀlàng ngềt ngơt Sinai.
Избрани в момента:
Lebi 7: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.