Lebi 9
9
Ală cau gơnoar ơn phan duh khoai rơp sơntòm gơnoar broă bol khai dê
1Tòm ngai phàm Môise hòi Arôn mơ ală kòn klau khai dê tus bal mơ ală cau kwang kra Israel dê. 2Khai đơs mơ Arôn lah: “Bi kup tĕ dô nơm kơnrồ kòn dam nàng lơh gơs phan ơn tơwài glài bi dê mơ dô nơm belàt dam nàng lơh gơs phan ơn chu pơrguc, jơh bàr nơm pal ò tềl sồt, mơ cèng bol gơ tus di đap Yàng Jehôwa. 3Lồc behơ̆ đơs mơ cau Israel lah: ‘Ai tĕ dô nơm be dam nàng lơh gơs phan ơn tơwài glài, dô nơm kơnrồ kòn mơ dô nơm belàt, jơh bàr nơm pal gơs dô nam mơ ò gơs tềl sồt, nàng lơh gơs dô nơm phan ơn chu pơrguc, 4mơ dô nơm kơnrồ mơ dô nơm belàt dam nàng lơh gơs dô nơm phan ơn ring lơngai ơn di đap Yàng Jehôwa bal mơ phan ơn mơ kòi mbo bơcă bal mơ mơñà. Bơh ngai do Yàng Jehôwa rơp tơlik mat mơ bol mê.’”
5Bol khai cèng ală phan ơn jat be Môise neh sồr tus di đap Sàl Tòm Mat, mơ jơh dô mpồl jơnum tus rềp mơ ntào di đap Yàng Jehôwa. 6Gen Môise đơs lah: “Do la bơta Yàng Jehôwa neh sồr bol mê lơh tồ bơta gơklŏ Yàng Jehôwa dê rơp geh ràng tơlik bol mê in gŏ.” 7#Heb 7:27.Môise đơs mơ Arôn lah: “Tus tĕ hơ cơnòng duh khoai mơ ơn tĕ phan ơn tơwài glài bi in mơ phan ơn chu pơrguc bi in mơ ơn phan tơwài să tòm bi in mơ làng bol in, ơn tĕ phan ơn làng bol in mơ ơn phan tơwài glài bol khai in, be Yàng Jehôwa neh sồr.”
8Behơ̆ Arôn lòt tus hơ cơnòng duh khoai mơ hàl tơnchơt kơnrồ kòn lơh gơs phan ơn tơwài glài khai in. 9Ală kòn klau khai dê cèng mhàm tus hơ khai, mơ khai iurŭ ràs tê khai dê tòm mhàm mơ bong mhàm di ală ngke cơnòng duh khoai dê; pơnah mhàm gam wơl gen khai tuh di jơng cơnòng duh khoai dê. 10Hơđang cơnòng duh khoai khai chu dơngi, ală leh mơ poac lơho gùt dar klòm bơh di phan ơn tơwài glài, jat be jơnau Yàng Jehôwa neh sồr Môise; 11poac mơ gơltau gơ gen khai chu pơrguc jơh đah bơdìh sàl ơm.
12Gen khai hàl tơnchơt phan ơn chu pơrguc. Ală kòn klau khai dê ai khai in mhàm mơ khai rsìh gơ hơđang jơh ală đah cơnòng duh khoai dê. 13Bol khai cèng tus khai in ală poac neh tah dô pet dô pet bơh di phan ơn chu pơrguc, kung ai bồ gơ dê sơl mơ khai chu pơrguc ală phan hơ̆ hơđang cơnòng duh khoai. 14Khai rào ală phan tòm dơlam mơ ală jơng mơ chu gơ hơđang phan ơn chu pơrguc hơđang cơnòng duh khoai.
15Gen Arôn cèng tus phan ơn la phan ơn tơwài glài làng bol in. Khai kup be bơh di phan ơn tơwài glài làng bol dê mơ hàl tơnchơt gơ mơ ơn gơlơh gơs phan tơwài glài kung be khai neh ơn phan ơn dơ̆ sơnròp. 16Khai cèng tus phan ơn chu pơrguc mơ ơn phan hơ̆ jat be jơnau neh cih. 17Khai kung cèng tus phan ơn mơ kòi mbo, ai dô sơmbat mơ chu gơ hơđang cơnòng duh khoai jat bal mơ phan ơn chu pơrguc tòm àng drim. 18#Leb 3:1-11.Khai hàl tơnchơt kơnrồ dam mơ belàt dam lơh gơs phan ơn ring lơngai làng bol in. Ală kòn klau Arôn dê cèng mhàm gơ khai in mơ khai rsìh gơ hơđang ală đah cơnòng duh khoai dê. 19Mơya ală dơngi kơnrồ dam mơ belàt dam dê, hơ̆ la dơngi tiang, dơngi hơđang pròc klung, ală leh, poac lơho gùt dar klòm, 20bol khai ơn ală phan hơ̆ hơđang ală ntơh lồc behơ̆ Arôn chu dơngi gơlik ñhŭ hơđang cơnòng duh khoai. 21Arôn tơyài ală ntơh bal mơ bơnô đah ma di đap Yàng Jehôwa lơh gơs phan ơn tơyơr jat be Môise neh sồr.
22 #
Khà 6:22-26. Gen Môise pò tê wèt hơ làng bol mơ ai lơngai bol khai in. Neh sir ơn phan ơn tơwài glài, phan ơn chu pơrguc mơ phan ơn ring lơngai, khai mù bơh di cơnòng duh khoai. 23Gen Môise mơ Arôn lòt mut tòm Sàl Tòm Mat. Tòm tŭ bol khai lik bơh hơ̆, bol khai ai lơngai làng bol in; mơ bơta gơklŏ Yàng Jehôwa dê tơlik di đap jơh làng bol. 24Ồs gơlik bơh Yàng Jehôwa mơ sa phan ơn chu pơrguc mơ ală pơnah dơngi hơđang cơnòng duh khoai. Mơ tòm tŭ jơh làng bol gŏ bơta hơ̆, bol khai driau dờng hòn chò mơ tơmbic să blup mat tòm ù.
Избрани в момента:
Lebi 9: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.