JOHANU 7
7
1TO onú helẹ godo, Jesu zinzọnlin to Galili: na é ma jlo na zinzọnlin to Judé gba, na Ju lẹ to dindìn nado hù i wutu. 2Hùnwhẹ Ju lẹ tọn, hùnwhẹ gohọtúntún lẹ tọn sẹpọ́ dinvie. 3Enẹwutu nọvisunnu etọn lẹ dọ hlan ẹn, dọ, Tón sọn ofì, bo yì Judé, na nuplọntọ towe lẹ ga nido mọ azọ́n he hiẹ to wiwa. 4Na mede ma tin he nọ wa nude to nuglọ, ewlọsu nọ din yè ni yọ́n ẹn wedédé. Eyín hiẹ to onú hele wà, do dewe hia hlan aihọn. 5Na nọvisunnu etọn lẹ lọsu ma yí i se. 6Enẹwutu Jesu dọ hlan yé, dọ, Ojlẹ ṣie ma ko wá gba; ṣigba ojlẹ mìtọn wẹ nọ wleawu to whepoponu. 7Aihọn ma sọgan gbẹwanna mì gba; ṣigba yẹn wẹ é gbẹwanna, na yẹn dekunnu do e go, dọ oylan wẹ azọ́n etọn wutu. 8Mì heji yì hùnwhẹ he yẹn ma ko to na hẹji yì hùnwhẹ he gba: na ojle ṣie ma ko wá. 9Le é dọhó helẹ hlan ye, ewọ nọte to Galili.
10Ṣigba whenuena novisunnu etọn lẹ ko hẹji yì hùnwhẹ lọ kòn, whenẹnu wẹ ewlọsu heji yì ga, é ma yín to gbangba, ṣigba taidi to nuglọ. 11Enẹwutu Ju lẹ din in to hùnwhẹ lọ kòn, bo dọmọ, Fie wẹ e te? 12Hunhlun susu sọ tin to agùndaho le lọ ṣẹnṣẹn gbọn ewọ tọn dali: na omẹ delẹ dọ Omẹ dagbe de we: omẹ devo lẹ dọ, Lala, ṣigba é to agundaho lẹ lọ planhẹn danbu wẹ. 13Ṣigba mẹde ma dọhó etọn gbangba, na osi Ju lẹ tọn wutu.
14Ṣigba whenuena e jẹ ṣẹnsẹn hunwhẹ lọ tọn, Jesu hẹji yì tẹmpli mẹ, bo to meplón. 15Enẹwutu Ju lẹ vivó, dọmọ, Nawe dawe he wà yọn owé, mẹhe ma plọn núde gbède? 16Enẹwutu Jesu sọ gblọnna yé, bo dọmọ, Núplọ́nme ṣie ma yín ṣie gba, ṣigba mẹhe do mi hlan tọn wẹ. 17Eyín mẹde jlo na wà ojlo etọn, ewọ na yọ́n núplọnmẹ lọ, eyín Jiwheyẹwhe tọn wẹ é yín, kavi eyín yẹn to ohó dẽ tọn dọ wẹ. 18Mẹhe to ọhó ede tọn dọ to gigo ede tọn din; ṣigba mẹhe din gigo mẹhe do e hlan tọn, dopolọ wẹ nugbo, mawàdódó de ma tin to ewọ mẹ. 19Be Moṣe ma na osén mì, gãnṣo bo mẹde ma yìn osén lọ to mì mẹ? Etẹwutu wẹ mì to dindin nado hù mi? 20Agùndaho lọ sọ gblọn, dọmọ, Hiẹ tindo aovi de: mẹnu wẹ to dindìn nado hù we? 21Jesu sọ gblọn bo dọ hlan yé, dọ, Azón dopo wẹ yẹn wa, bọ mì omẹ pó vivó na ehe tọn. 22Na ehe wutu wẹ Moṣe na whegbigbo mì; (é ma yín Moṣe tọn gba, ṣigba otọ lẹ tọn;) podọ mì nọ gbowhẹna gbẹtọ to gbọjẹ-zángbè. 23Eyín gbẹtọ yí whẹgbigbo to gbọjẹzángbè, na yè ma na do hẹn osén Moṣe tọn gble gba; be adi to mì do do ogo e, na yẹn hẹn mẹde jẹgángán hézéhézó to gbọjezángbè wutu? 24Mì dawhè kẹdedile nusọawuhia do blo, ṣigba mì ni nọ dawhè whẹ̀dida dódónọ.
25Enẹwutu omẹ delẹ he yìn Jelusalẹm tọn lẹ dọmọ, Ewọ he ma wẹ mẹhe yé dindin nado hù lọ? 26Bo pọ́n, ewọ to hódọ gbangba, yé ma sọ dọ onú de hlan ẹn. Be é sọgan yín dọ ogán lẹ yọnẹn nugbo dọ ehe wẹ Klisti lọ? 27Ṣigba mìwlẹ yón dawe he sọn ofi he é te: ṣigba whenuena Klisti wá, mẹde ma yonẹn sọn ofi he é te. 28Enẹwutu wẹ Jesu dawhá to tẹmpli mẹ le é to mẹplon, domọ, Mì yón mi, bo sọ yón ofi he yẹn sọn: podọ yẹn ma wá na dẽ gba, ṣigba nugbo wẹ mẹhe do mi hlan, mẹhe mì ma yọnẹn. 29Ṣigba yẹn yón en: na e de wẹ yẹn sọn, ewọ wẹ so do mi hlan. 30Enewutu wẹ yé to dindin nado wlé e; ṣigba mẹde ma zé alọ do e ji, na ojle etọn ma ko wá wutu. 31Ṣigba son agùndaho lọ mẹ susu yí i se, yé dọmọ, be whenuena Klisti lọ na wá é na basi ohia hú ehe dawe he ko basi le? 32Falesi lẹ sè dọ agùndaho lọ to hunhlun na onú helẹ gbọn ewọ tọn dali; Falesi lẹ, po ogán yẹwhenọ tọn lẹ po do awhangán lẹ hlan nado wlé e. 33Enẹwutu wẹ Jesu dọ hlan yé, dọmọ, Whenu vude dogó wẹ yẹn tin to mì de, yẹn bo na yì mẹhe do mi hlan de. 34Mì na din mi, mì ma nasọ mọ mi: podọ ofi he yẹn te, finẹ mì ma na sogan wá. 35Enẹwutu wẹ Ju lẹ to didọ to yéde ṣẹnṣẹn, dọ, Fie é na yì, bọ mìwlẹ ma na mọ èn? be ewọ jei mẹhe gbapé to Kosi lẹ ṣẹnṣẹn de, bo sọ to Kosi lẹ plọn wẹ? 36Ohó tẹ hunkọ wẹ ehe é dọ, dọmọ, Mì na din mi, mì ma nasọ mọ mi; podọ ofì he yen te, finẹ mì ma na sọgan wá?
37Azán pòdo gbè, azán daho hunwhe lo tọn, Jesu site bo dawhá, dọ, Eyín ové hú mẹdepope, mì gbọ é ni wá dẽ, bo nù. 38Mẹdepope he yí mi se, dile Owó wiwe dọ, sọn ohò etọn mẹ otọ osìn ogbẹ̀ ton na nọ sà sọn. 39(Ṣigba é dọ ehe na Gbigbọ tọn, ehe mehe yí i se lẹ na mọyí: na yè ma ko na Gbigbọ Wiwe omẹ gba; na yè ma ko pagigona Jesu wutu.) 40Mẹdelẹ enẹwutu sọn agùndaho lọ mẹ, whenuena ye sè ohó he, yé dọmọ, Sọn nugbo de mẹ ehe wẹ Yẹwhegan lọ. 41Mẹdele dọmọ, Ehe we Klisti lọ. Ṣigba mẹdelẹ dọmọ, Eté, Galili wẹ Klisti tẹ́n sọn wá? 42Be Owe wiwe ma ko dọmọ, Klisti na sọn okún Davidi tọn mẹ wá, podọ sọn oto Bẹtlehem ton me, ofì he Davidi ko te? 43Mọwẹ kinklan fọ́n to agùndaho lọ ṣẹnṣẹn na ewo tọn wutu. 44Mẹdelẹ to yé mẹ jlo na wlé e; ṣigba mẹde ma zé alọ do e ji.
45Enẹwutu awhangan le wá ogan yẹwhenọ lẹ tọn de, po Falesi lẹ po; yé dọ hlan yé, dọ, Etẹwutu mì ma hẹn en wá? 46Awhangán lẹ sọ gblon bo dọmọ, Omẹ de ma dọhó domọ gbède. 47Enewutu wẹ Falesi lẹ gblọnna ye, domọ, Be yè hẹn mìwlẹ danbu ga we? 48Be mẹde p i se to ogán lẹ me, kavi to Falesi lẹ me? 49Ṣigba agùndaho he ma yón osen lọ wẹ yè hodódo 50Nikodemi dọ hlan yé, (ewọ he wá é de dai yín dopo to yé mẹ,) 51dọ, Bé osén mìtọn nọ dawhèna mẹde whẹpo se sọn ewlosu de, bo so yón onú he é wà? 52Yé gblọn bo sọ dọ hlan ẹn dọmọ, Galili tọn wẹ hiẹ ga? Din, bo pọ́n: dọ yẹwhegán de ma fọ́n sọn Galili gba. 53Ome dopodopo sọ fọ́n yì jẹ owhé etọn O gbè.
Избрани в момента:
JOHANU 7: BWL23
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Holy Bible in Gun-Alada © Bible Society of Benin and Bible Society of Nigeria, 1923.