ESOTO 23
23
Ko te Fakamasinoga Tonu mo te Fai mea Tonu
1 #
Eso 20.16; Levi 19.11,12; Teu 5.20 “Sa fakasalalau se tala se tonu; sa fesoasoani ki se tino agasala i te fai ne koe se molimau 'se. 2Sa tautali i te tokoukega kola e fai mea 'se io me fai ne latou ne molimau se tonu e fuli 'se ei te fakamasinoga tonu. 3#Levi 19.15Sa fakaasi atu foki i a koe e kau ki se tino mativa i tena fakamasinoga.
4 #
Teu 22.1-4
“Kafai e matea ne koe, io me fetaui koe mo se pulumakau io me se asini a tou fili ko tele keatea, fakafoki atu ki a ia. 5Kafai e siga tena asini ki lalo mo tena amoga, fesoasoani koe ki a ia o fakatu ki luga, kae sa fulitua ki ei.
6 #
Levi 19.15; Teu 16.19 “Sa kalo keatea mai te mea tonu i taimi e fakamasino ei se tino mativa manafai ko tu i te fono. 7Sa fai ne koe se molimau 'pelo, sa fai foki ne koe se tino amiotonu ke mate, me fakasala fakamasei ne au so se tino e fai amioga masei pena. 8Sa taliagina se meaalofa fakakolekole, me i meaalofa pena e fakakivi ne ia a mata o tino ke se iloa te mea tonu, kae fakamasei ei foki a olaga o tino amiotonu.
9 #
Eso 22.21; Levi 19.33,34; Teu 24.17,18; 27.19 “Sa fakasaua ki se tino o fenua fakaatea, me ko iloa ne koutou te tulaga o tino fakaalofa, me i a koutou ko oti ne 'nofo pela me ne tino fakaalofa i Aikupito.
Ko te Fitu o Tausaga mo te Fitu o Aso
10 #
Levi 25.1-7
“E ono tausaga e toki ei saito i tau fatoaga, kae fakaputu a fua aoga. 11Kae i te fitu o tausaga, ke mo a e galue koe ki tau fatoaga; sa tau foki ne fuaga i ei. Ko tino ma'tiva e mafai o kai ne latou a mea e ola i loto i fatoaga konei, ka ko te toega, ka fakaaoga ne manu o te vao. Ke fai foki pena i ou togavine mo au togaolive.
12 #
Eso 20.9-11; 31.15; 34.21; 35.2; Levi 23.3; Teu 5.13,14 “E ono aso o te vaiaso e galue ei koe, ka ko te fitu o aso e malolo ei koe, tela la, ko au pologa mo tino fakaatea kola e galue mo koe, mo au manu foki ko mafai o malolo.
13“Fakalogo mai ki mea katoa e faipati atu ne au ki a koutou; sa 'talo ki atua fakaatea, sa takutaku foki olotou igoa.
Ko Kaiga Fiafia e Tolu
(Eso 34.18-26; Teu 16.1-17)
14“Ke fakamanatu ne koutou kaiga fiafia e tolu i te tausaga, e fakaaloalogina ei au. 15#Eso 12.14-20; Levi 23.6-8; Nume 28.17-25I te masina o Apipa, te masina tela ne tiaki ne koutou Aikupito, ko te masina tena e 'tau o fai ne koutou te Kaiga o Falaoa se Faka'fete, e pela mo te mea ne fakatonu atu ne au ki a koutou. Sa 'kai ki falaoa e palu ki mea faka'fete i aso e fitu o te kaiga. E tapu koutou e o'mai o tapuaki mai kae seai se taulaga e aumai.
16 #
Levi 23.15-21; Nume 28.26-31;
Levi 23.39-43
“Ke fai ne koutou te Kaiga o te Katiga o Saito i taimi e kamata ei koutou o tau a fuataga muamua o otou saito.
“Ke fai foki ne koutou te Kaiga o Fale Fakamalumalu ave sale i malaga, i tau e ma'tua ei taukai, i te taimi e fakaputu ei ne koutou a fuataga mai otou togavine mo otou togalakau. 17E 'tau mo tino katoa o o'mai ki kaiga fiafia konei e tolu i tausaga takitasi o tapuaki mai ki a au, ko te Aliki te otou Atua.
18“Sa palu tasi otou falaoa mo mea faka'fete i taimi e ofo mai ei otou taulaga ki a au ki se manu. A gako o manu e fai taulaga mai ei koutou ki a au, i taimi o otou kaiga konei, ke sa tuku ke oko ki te sua taeao.
19 #
Teu 26.2; Eso 34.26; Teu 14.21 “I tausaga takitasi, aumai ki te fale o te Aliki te otou Atua a saito muamua a koutou e 'kati.
“Sa 'tunu se tamā mamoe io me se kouti ki vai ū o tena matua.
Ko Tautoga mo Fakatonuga
20“Ka uga atu ne au se agelu ke muamua i otou mua o leoleo koutou i te otou malaga, kae ave koutou ki te koga ko oti ne fakatoka ne au mo koutou. 21Ava ki a ia kae faka'logo ki a ia. Sa 'teke ki a ia, me ne uga atu ne au a ia, me ka se fakamagalo ne ia koutou mafai e teke atu koutou ki a ia. 22Me kafai e faka'logo koutou ki a ia kae fai a mea katoa e fakatonu atu ne au, ko au ka tau ki otou fili katoa. 23Ka fanatu taku agelu i otou mua o ave koutou ki te fenua o tino Amoli, tino Heti, tino Pelise, tino Kanana, tino Hivi mo tino Iepuse ei, kae ka fakamalaia ne au a latou. 24Sa ifo atu koutou o tapuaki ki olotou atua, sa fakaakoako foki ki olotou tapuakiga. Fakamasei aka olotou atua kae ofa ki lalo olotou tupua faite. 25Kafai e tapuaki mai koutou ki a au, te Aliki te otou Atua, kae ka fakamanuia ne au koutou i meakai mo mea inu, e ave foki keatea ne au a famai mai i a koutou. 26Ka seai se fafine i te otou fenua e lele sena tama, io me seai sena tamaliki. Ka tuku atu ne au te ola loa ki a koutou.
27“Ka fakamatakutaku ne au a fenua kola e 'teke ki a koe; ka faka'numi ne au a mafaufau o tino o fenua kola e taua mo koutou, kae ka fai foki ne au otou fili katoa ke 'tele keatea mai i a koutou. 28Ka fai ne au ou fili katoa ke manavase i te mataku;#23.28: Kafai ne au ... mataku; io me Ka uga atu ne au a manu foniki ki otou fili. ka afuli keatea ne au a tino Hivi, tino Kanana mo tino Heti i otou mua. 29Ka se afuli ne au latou keatea i te tausaga e tasi; me kafai e fai ne au pena, ka lavaki te fenua, kae ka to uke a manu fe'kai e fita ei koutou. 30Ka ko te faiga, ka afuli fakasolosolo ne au latou, ke oko eiloa ki te taimi e tokouke ei koutou ko fai ei mo koutou te fenua. 31E tuku foki ne au a tuakoi o otou fenua; e kamata mai i te Tai Kula ke oko ki te Vaitafe ko Eufilate, mai i te Tai Metitelani ke oko eiloa ki te koga lavaki. Ka fai ne au koutou ke malosi atu i tino o te fenua, kae ka afuli ne koutou latou keatea i otou mua. 32Ke sa fai eiloa ne koutou se feagaiga mo latou io me ko olotou atua. 33Ke sa faka'nofo ne koutou a tino kona i te otou fenua, me fai ne koutou pena, ka fai ne latou ke agasala mai koutou ki a au. Kafai e tapuaki koutou ki olotou atua, ko te malei masei tena mo koutou.”
Избрани в момента:
ESOTO 23: Tusi Tapu
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific