KENESE 41
41
Ko Fakamatala ne Iosefa te Miti a te Tupu
1E lua tausaga mai tua ifo kae fai te miti a te tupu, i a ia e tu i tafa o te Vaitafe ko te Naila, 2kae olo ake mo pulumakau putaputa e fitu mai loto i te vaitafe o kaikai i mouku i tafa o te vaitafe. 3Ne toe olo ake a nisi pulumakau, ne pulumakau pa'ka e fitu, o tu i tafa o pulumakau putaputa i kaugutu o te vaitafe, 4te mea eiloa ko kai ne latou a pulumakau putaputa. I kona eiloa ko te tupu eiloa ko ala. 5Ne toe moe ifo te tupu, toe fai foki sua moemiti a ia. I tena moemiti tenei, ne lavea ne ia a fuaga saito e fitu kola ko lasi, kae sulu gali faka eiloa, kae somo katoa mai i te kau saito e tasi. 6Ne toe olo aka a nisi fuaga saito e fitu, kola e pa'ka kae se sulu fakalei me e pela me 'paku, e fai ne te matagi mai te koga lavaki. 7Ne folo ne fuaga saito pa'ka a fuaga saito puta. Ne pula aka te tupu, iloa ake ei ne ia i a ia ne moemiti. 8#Tani 2.2I te taeaoakega, ne mafaufau mafa te tupu ki tena miti, tela ne kami ei ne ia a tino fakataulaitu katoa mo tino poto katoa i luga i Aikupito. Ne fakamatala atu ne ia ana miti ki a latou, kae e seai eiloa se tino ne maua ne ia o fakamatala tena uiga.
9Tena, ne fai atu ei a te tagata fakatoka uaina ki te tupu penei, “E isi se mea se lei ko oti ne fai ne au. 10I te taimi ne ita ei koe ki a maua mo te pule fakafete falaoa, ne pei ne koe maua ki te falepuipui i te fale o te kapeni o sotia tiute. 11I te po e tasi, ne fai ma miti, kae e kesekese eiloa o la uiga. 12E isi se tagata Epelu ne nofo tasi matou, se pologa a te kapeni o sotia tiute. Ne fakamatala a ma miti ki a ia, kae ne fakaasi mai ne ia a uiga. 13Ne taunu eiloa a uiga o ma miti, e pela eiloa mo tena fakamatalaga. Ne fakafoki mai ne koe a au ki toku tulaga kae tamate ne koe te pule fakafete falaoa.”
14Ne uga te fekau a te tupu ke aumai a Iosefa mai te falepuipui, tela ne aumai ei ki te tupu. I te otiga o Iosefa ne vele kae sui ona gatu, tela fano ei ki mua o te tupu. 15Muna te tupu ki a ia penei, “E isi saku miti ne fai kae seai se tino e mafai ne ia o fakamatala tena uiga. Au e logo i a koe e poto i te fakamatalaga o uiga o miti.”
16Muna Iosefa, “Tou malu, e seai se mea e mafai ne au, ko te Atua e fakaasi mai ne ia.”
17Muna te tupu, “Au ne miti i a au ne tutu i kaugutu o te Vaitafe ko te Naila, 18kae olo ake mo pulumakau putaputa e fitu mai loto i te vaitafe o kaikai i mouku. 19Fakamuli ifo toe olo aka foki a pulumakau pa'ka e fitu, ko toe pulumakau fakaalofa eiloa ne kau laveagina i luga i Aikupito. 20Ne kai ne pulumakau pa'ka a pulumakau putaputa, 21kae e seai eiloa se tino e mafai o iloa ne ia, me e tumau eiloa te pa'ka o pulumakau kona. Tena, ko au eiloa ko pula. 22Ne toe moe au, toe fai foki taku miti me e matea ne au a fuaga saito e fitu, ko lasi kae sulu gali faka eiloa, kae somo aka i te kau saito e tasi. 23Ne toe olo ake e fitu fuaga saito pa'ka kae mage'mage e fai ne te matagi mai te koga lavaki; 24ne folo ne latou a fuaga saito lasi kae sulu lei. Ne fakamatala ne au aku miti ki tino fakataulaitu, kae e seiloa ne latou a uiga.
25Muna Iosefa ki te tupu, “A miti kona e lua e tasi te la uiga; ko oti ne fakaasi atu ne te Atua te mea ka fai ne ia. 26A pulumakau putaputa kona e fitu ko tausaga e fitu, e pena foki a fuaga saito kona e fitu. E tasi te uiga o mea kona. 27A pulumakau pa'ka kola ne fatoa olo aka mo fuaga saito pa'ka, ko te fitu tausaga o te oge. 28E pena eiloa mo taku faiatuga, ko oti ne fakaasi atu ne te Atua te mea ka fai ne ia. 29E fitu tausaga o te manuia mo te maumea i luga i te fenua katoa o Aikupito. 30Ka tao mai ei ko te fitu tausaga o te oge. I te taimi tena, ka se toe masaua eiloa ne tino a tausaga o te maumea ne teka, me ka masei valevale te fenua i te oge. 31Ka se toe manatua eiloa a aso o te maumea, me i tausaga o te oge tela ka tao mai, ka se fakatau eiloa i te masei. 32A te pogai ne moemiti fakalua ei koe ki te mea e tasi, e fakaasi ei me ko oti ne fakamoe ne te Aliki te mea tena ka tupu i se taimi pili mai.
33“E tau o fili ne koe se tino poto ke pule i te fenua. 34E tau foki o fili ne koe a nisi ofisa kae ke vae keatea ne latou te tasi vae lima o fuaga lakau i tausaga e fitu o te maumea. 35Fakatonu atu ki a latou ke olo o tae meakai i tausaga o te maumea, ke teu fakalei, kae tuku atu foki ki a latou te pule ke teu a saito i te fa'kai kae ke leoleogina foki. 36A meakai kona ka tausi ne ia a tino i tausaga e fitu o te oge tenei ka poko i luga i Aikupito. I te faiga tena ka se fiakai ei a tino.”
Iosefa ko Fai mo Kovana i Luga i Aikupito
37Ne 'loto a te tupu mo ana ofisa ki te fuafuaga a Iosefa, 38tela fai atu ei te tupu ki ana ofisa penei, “Kaati la ko Iosefa eiloa te tino e tau ki te tofi tena, me se tagata e i a ia te agaga o te Atua.” 39Muna te tupu ki a Iosefa, “Ko oti ne fakaasi atu ne te Atua ki a koe a mea katoa konei ne faipati mai ne koe, tela la, kaati e seai eiloa se tino e sili atu tena malamalama mo tena kilo mao i lo koe. 40#Galu 7.10Ka fai koe ne au ke pule i luga i toku fenua, kae ka fakalogo atu foki ki a koe a tino katoa o toku fenua. E seai eiloa se pule e maluga atu i tau pule, na ko au fua eiloa. 41Ko fakasopo atu nei ne au a koe ke fai mo kovana i luga i Aikupito katoa.” 42#Tani 5.29Ne tata aka ne te tupu te mama mai tena lima, tela e ta ei te fakailoga fakatupu, faulu atu ei ne ia ki te lima o Iosefa. Ne tuku atu foki ne te tupu se gatu loa, e faite ki lino, ki luga i a Iosefa, kae fakamau atu foki ki tena ua a te malele aulo, se malele fakatupu. 43Ne tuku atu foki ki a ia a te lua o kaliota fakatupu ke teletele sale a ia i ei. E isi ne sotia e olo i ona mua e kalaga penei, “Fakaavanoa te auala! Fakaavanoa te auala!” Tena, ne fakasopo ei a Iosefa ke fai mo kovana i luga i Aikupito katoa. 44Muna te tupu ki a Iosefa, “Au ko te tupu. A tau fakatonuga e fakalogo ki ei a tino katoa i luga i Aikupito.” 45-46Ne fakaigoa ne te tupu a Iosefa ki a Sapena Paenea, se igoa Aikupito, kae ne tuku atu ke fai mo ana avaga, a Asenati, te tama fafine a Potifele, tela ko te faitaulaga i te fa'kai o Heliopolisi. I te taimi ne kamata ei a Iosefa o galue mō te tupu o Aikupito, ka ko tusa ei mo te tolu sefulu ona tausaga. Ne tiakina ne ia te palesi o te tupu o fanatu o asiasi te fenua katoa o Aikupito. 47I te fitu tausaga o te maumea, ne fua malosi a fatoaga, 48kae ne tae katoa ne Iosefa o teu i fa'kai takitasi. I te fa'kai e tasi, ne teu ne ia i ei a fuaga o fatoaga kola e pili ki ei. 49Ko oko eiloa i te uke o saito, tela la, ko se toe maua o fua, ko pela eiloa mo te uke o one o te tai.
50E tokolua a tamaliki tagata a Iosefa i a Asenati, kae seki oko ki tausaga o te oge. 51Muna a Iosefa, “Ko oti ne fai ne te Atua ke puli i au oku logo'mae katoa, pela foki mo kaiga katoa o toku tamana”; ne fakaigoa ne ia tena tama tagata muamua ko Manase,#41.51: Manase: Te uiga o te igoa tenei faka Epelu ‘fakapuli’. 52Ne fai aka foki ana muna penei, “Ne aumai ne te Atua aku tamaliki konei i te fenua o oku fakalavelave”; ne fakaigoa ne ia tena tama tagata i te tokolua ko Efalaima.#41.52: Efalaima: Te uiga o te igoa tenei faka Epelu “ave tamaliki”
53Ia, ko oti atu a tausaga o te maumea i luga o Aikupito, 54#Galu 7.11kae ko kamata nei te fitu tausaga o te oge, e pela eiloa mo muna a Iosefa ne fai. Ne oge a fenua katoa i meakai, ka ko te fenua katoa o Aikupito e toka faeloa i meakai. 55#Ioa 2.5Kafai ko fiakai a tino Aikupito, e fakatagi atu latou ki te tupu ki ne meakai, kae e fakatonu atu ne ia ke olo ki a Iosefa, kae ke fakalogo ki so se mea e fai atu ne ia ki a latou. 56Ne gasolo eiloa o fai masei te oge, tela ko salalau atu i luga i Aikupito katoa, tela ne tala ei ne Iosefa a fale teu meakai katoa o fakatau atu a saito ki tino Aikupito. 57Ne o'mai a tino mai i nisi fenua o togi saito i a Iosefa, me i te oge ko oko eiloa i te fai masei i fenua katoa.
Избрани в момента:
KENESE 41: Tusi Tapu
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific
KENESE 41
41
Ko Fakamatala ne Iosefa te Miti a te Tupu
1E lua tausaga mai tua ifo kae fai te miti a te tupu, i a ia e tu i tafa o te Vaitafe ko te Naila, 2kae olo ake mo pulumakau putaputa e fitu mai loto i te vaitafe o kaikai i mouku i tafa o te vaitafe. 3Ne toe olo ake a nisi pulumakau, ne pulumakau pa'ka e fitu, o tu i tafa o pulumakau putaputa i kaugutu o te vaitafe, 4te mea eiloa ko kai ne latou a pulumakau putaputa. I kona eiloa ko te tupu eiloa ko ala. 5Ne toe moe ifo te tupu, toe fai foki sua moemiti a ia. I tena moemiti tenei, ne lavea ne ia a fuaga saito e fitu kola ko lasi, kae sulu gali faka eiloa, kae somo katoa mai i te kau saito e tasi. 6Ne toe olo aka a nisi fuaga saito e fitu, kola e pa'ka kae se sulu fakalei me e pela me 'paku, e fai ne te matagi mai te koga lavaki. 7Ne folo ne fuaga saito pa'ka a fuaga saito puta. Ne pula aka te tupu, iloa ake ei ne ia i a ia ne moemiti. 8#Tani 2.2I te taeaoakega, ne mafaufau mafa te tupu ki tena miti, tela ne kami ei ne ia a tino fakataulaitu katoa mo tino poto katoa i luga i Aikupito. Ne fakamatala atu ne ia ana miti ki a latou, kae e seai eiloa se tino ne maua ne ia o fakamatala tena uiga.
9Tena, ne fai atu ei a te tagata fakatoka uaina ki te tupu penei, “E isi se mea se lei ko oti ne fai ne au. 10I te taimi ne ita ei koe ki a maua mo te pule fakafete falaoa, ne pei ne koe maua ki te falepuipui i te fale o te kapeni o sotia tiute. 11I te po e tasi, ne fai ma miti, kae e kesekese eiloa o la uiga. 12E isi se tagata Epelu ne nofo tasi matou, se pologa a te kapeni o sotia tiute. Ne fakamatala a ma miti ki a ia, kae ne fakaasi mai ne ia a uiga. 13Ne taunu eiloa a uiga o ma miti, e pela eiloa mo tena fakamatalaga. Ne fakafoki mai ne koe a au ki toku tulaga kae tamate ne koe te pule fakafete falaoa.”
14Ne uga te fekau a te tupu ke aumai a Iosefa mai te falepuipui, tela ne aumai ei ki te tupu. I te otiga o Iosefa ne vele kae sui ona gatu, tela fano ei ki mua o te tupu. 15Muna te tupu ki a ia penei, “E isi saku miti ne fai kae seai se tino e mafai ne ia o fakamatala tena uiga. Au e logo i a koe e poto i te fakamatalaga o uiga o miti.”
16Muna Iosefa, “Tou malu, e seai se mea e mafai ne au, ko te Atua e fakaasi mai ne ia.”
17Muna te tupu, “Au ne miti i a au ne tutu i kaugutu o te Vaitafe ko te Naila, 18kae olo ake mo pulumakau putaputa e fitu mai loto i te vaitafe o kaikai i mouku. 19Fakamuli ifo toe olo aka foki a pulumakau pa'ka e fitu, ko toe pulumakau fakaalofa eiloa ne kau laveagina i luga i Aikupito. 20Ne kai ne pulumakau pa'ka a pulumakau putaputa, 21kae e seai eiloa se tino e mafai o iloa ne ia, me e tumau eiloa te pa'ka o pulumakau kona. Tena, ko au eiloa ko pula. 22Ne toe moe au, toe fai foki taku miti me e matea ne au a fuaga saito e fitu, ko lasi kae sulu gali faka eiloa, kae somo aka i te kau saito e tasi. 23Ne toe olo ake e fitu fuaga saito pa'ka kae mage'mage e fai ne te matagi mai te koga lavaki; 24ne folo ne latou a fuaga saito lasi kae sulu lei. Ne fakamatala ne au aku miti ki tino fakataulaitu, kae e seiloa ne latou a uiga.
25Muna Iosefa ki te tupu, “A miti kona e lua e tasi te la uiga; ko oti ne fakaasi atu ne te Atua te mea ka fai ne ia. 26A pulumakau putaputa kona e fitu ko tausaga e fitu, e pena foki a fuaga saito kona e fitu. E tasi te uiga o mea kona. 27A pulumakau pa'ka kola ne fatoa olo aka mo fuaga saito pa'ka, ko te fitu tausaga o te oge. 28E pena eiloa mo taku faiatuga, ko oti ne fakaasi atu ne te Atua te mea ka fai ne ia. 29E fitu tausaga o te manuia mo te maumea i luga i te fenua katoa o Aikupito. 30Ka tao mai ei ko te fitu tausaga o te oge. I te taimi tena, ka se toe masaua eiloa ne tino a tausaga o te maumea ne teka, me ka masei valevale te fenua i te oge. 31Ka se toe manatua eiloa a aso o te maumea, me i tausaga o te oge tela ka tao mai, ka se fakatau eiloa i te masei. 32A te pogai ne moemiti fakalua ei koe ki te mea e tasi, e fakaasi ei me ko oti ne fakamoe ne te Aliki te mea tena ka tupu i se taimi pili mai.
33“E tau o fili ne koe se tino poto ke pule i te fenua. 34E tau foki o fili ne koe a nisi ofisa kae ke vae keatea ne latou te tasi vae lima o fuaga lakau i tausaga e fitu o te maumea. 35Fakatonu atu ki a latou ke olo o tae meakai i tausaga o te maumea, ke teu fakalei, kae tuku atu foki ki a latou te pule ke teu a saito i te fa'kai kae ke leoleogina foki. 36A meakai kona ka tausi ne ia a tino i tausaga e fitu o te oge tenei ka poko i luga i Aikupito. I te faiga tena ka se fiakai ei a tino.”
Iosefa ko Fai mo Kovana i Luga i Aikupito
37Ne 'loto a te tupu mo ana ofisa ki te fuafuaga a Iosefa, 38tela fai atu ei te tupu ki ana ofisa penei, “Kaati la ko Iosefa eiloa te tino e tau ki te tofi tena, me se tagata e i a ia te agaga o te Atua.” 39Muna te tupu ki a Iosefa, “Ko oti ne fakaasi atu ne te Atua ki a koe a mea katoa konei ne faipati mai ne koe, tela la, kaati e seai eiloa se tino e sili atu tena malamalama mo tena kilo mao i lo koe. 40#Galu 7.10Ka fai koe ne au ke pule i luga i toku fenua, kae ka fakalogo atu foki ki a koe a tino katoa o toku fenua. E seai eiloa se pule e maluga atu i tau pule, na ko au fua eiloa. 41Ko fakasopo atu nei ne au a koe ke fai mo kovana i luga i Aikupito katoa.” 42#Tani 5.29Ne tata aka ne te tupu te mama mai tena lima, tela e ta ei te fakailoga fakatupu, faulu atu ei ne ia ki te lima o Iosefa. Ne tuku atu foki ne te tupu se gatu loa, e faite ki lino, ki luga i a Iosefa, kae fakamau atu foki ki tena ua a te malele aulo, se malele fakatupu. 43Ne tuku atu foki ki a ia a te lua o kaliota fakatupu ke teletele sale a ia i ei. E isi ne sotia e olo i ona mua e kalaga penei, “Fakaavanoa te auala! Fakaavanoa te auala!” Tena, ne fakasopo ei a Iosefa ke fai mo kovana i luga i Aikupito katoa. 44Muna te tupu ki a Iosefa, “Au ko te tupu. A tau fakatonuga e fakalogo ki ei a tino katoa i luga i Aikupito.” 45-46Ne fakaigoa ne te tupu a Iosefa ki a Sapena Paenea, se igoa Aikupito, kae ne tuku atu ke fai mo ana avaga, a Asenati, te tama fafine a Potifele, tela ko te faitaulaga i te fa'kai o Heliopolisi. I te taimi ne kamata ei a Iosefa o galue mō te tupu o Aikupito, ka ko tusa ei mo te tolu sefulu ona tausaga. Ne tiakina ne ia te palesi o te tupu o fanatu o asiasi te fenua katoa o Aikupito. 47I te fitu tausaga o te maumea, ne fua malosi a fatoaga, 48kae ne tae katoa ne Iosefa o teu i fa'kai takitasi. I te fa'kai e tasi, ne teu ne ia i ei a fuaga o fatoaga kola e pili ki ei. 49Ko oko eiloa i te uke o saito, tela la, ko se toe maua o fua, ko pela eiloa mo te uke o one o te tai.
50E tokolua a tamaliki tagata a Iosefa i a Asenati, kae seki oko ki tausaga o te oge. 51Muna a Iosefa, “Ko oti ne fai ne te Atua ke puli i au oku logo'mae katoa, pela foki mo kaiga katoa o toku tamana”; ne fakaigoa ne ia tena tama tagata muamua ko Manase,#41.51: Manase: Te uiga o te igoa tenei faka Epelu ‘fakapuli’. 52Ne fai aka foki ana muna penei, “Ne aumai ne te Atua aku tamaliki konei i te fenua o oku fakalavelave”; ne fakaigoa ne ia tena tama tagata i te tokolua ko Efalaima.#41.52: Efalaima: Te uiga o te igoa tenei faka Epelu “ave tamaliki”
53Ia, ko oti atu a tausaga o te maumea i luga o Aikupito, 54#Galu 7.11kae ko kamata nei te fitu tausaga o te oge, e pela eiloa mo muna a Iosefa ne fai. Ne oge a fenua katoa i meakai, ka ko te fenua katoa o Aikupito e toka faeloa i meakai. 55#Ioa 2.5Kafai ko fiakai a tino Aikupito, e fakatagi atu latou ki te tupu ki ne meakai, kae e fakatonu atu ne ia ke olo ki a Iosefa, kae ke fakalogo ki so se mea e fai atu ne ia ki a latou. 56Ne gasolo eiloa o fai masei te oge, tela ko salalau atu i luga i Aikupito katoa, tela ne tala ei ne Iosefa a fale teu meakai katoa o fakatau atu a saito ki tino Aikupito. 57Ne o'mai a tino mai i nisi fenua o togi saito i a Iosefa, me i te oge ko oko eiloa i te fai masei i fenua katoa.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific