KENESE 42
42
Ko Olo atu a Taina o Iosefa o Togi Saito i Aikupito
1I te logoga a Iakopo me e isi ne saito i Aikupito, ne fai atu a ia ki ana tama tagata penei, “Ai a e se taumafai ei koutou o gasue aka? 2#7.12Au ne logo me e isi ne saito i Aikupito. Olo nei ki Aikupito o togi mai ne saito ma tatou, ke mo a tatou e mate i te fia'kai.” 3Tela ne ma'laga atu ei a taina o Iosefa kola e tinogafulu ki Aikupito, o togi mai ne saito. 4Ka ko Peniamina, te taina tonu o Iosefa, e seki tuku ke fano, i a Iakopo e mataku i te mea ma tupu se mea ki a ia.
5Ne ma'laga fakatasi a tama a Iakopo mo nisi tino, o togi saito, me i te fenua o Kanana ko poko katoa i te oge. 6Ona ko Iosefa ko te kovana o Aikupito, tela la, e togi atu eiloa ne ia a saito ki tino katoa mai fenua valevale. Ne o'mai a taina o Iosefa, ifo atu i ona mua mo olotou mata e patele ki te one. 7I te kiloatuga o Iosefa, matea eiloa ne ia me ko ana taina, kae ne fai eiloa ana mea pela me e seiloa ne ia latou. Ne fesili atu a ia ki a latou mo te leo lasi penei, “Koutou ne o'mai mai fea?”
Muna latou, “Matou ne o'mai mai Kanana o togi mea 'kai.”
8E ui eiloa e matea ne Iosefa ona taina, ka ko latou e se matea eiloa ne latou a Iosefa. 9#Kene 37.5-10Ne masaua ne Iosefa ana miti si fai sale e uiga ki a latou, tela ne fai atu ei penei, “A koutou nei ne sipai; a koutou nei ne o'mai o alamati ki te feitu tela e vaivai ei te malo o matou.”
10Muna latou penei, “Ikai, tou malu. Matou nei ne o'mai e pela me ne tavini a koe, o togi meakai. 11A matou nei ne tautaina katoa. Tou malu, a matou e se ne sipai; a matou ne tino amio 'lei.”
12Muna Iosefa, “Ikai, a koutou nei ne o'mai o alamati te feitu e vaivai ei te motou fenua.”
13Muna latou, “Tou malu eiloa, a matou muamua e tinogafulu mo te tokolua tautaina, tamaliki a te tagata e tokotasi. E tokotasi te taina o matou ko mate, ka ko te toekimuli o matou tela e nofo mo te motou tamana.”
14Muna Iosefa, “E tonu eiloa aku muna ne fai atu; a koutou ne sipai.” 15Tenei te faiga ka tofotofo ei ne au koutou; au e tauto i te igoa o te tupu me e se mafai o tuku atu ne au koutou ke olo, mafai e se oko mai ki konei te otou taina foliki eiloa. 16E tau se tino i a koutou o fano o puke mai te otou toekimuli. Ka ko te toega o koutou ka tausi i te falepuipui ke oko eiloa ki te taimi e fakamaoni ei te otou fakamatalaga tena. Me kafai e iloa ake me seai se otou taina foliki, ko iloa tonu ei ne au i a koutou ne sipai.” 17Tela ne tuku ei ne ia latou i te falepuipui i aso e tolu.
18I te tolu o aso, ne faipati atu ei a Iosefa ki a latou penei, “Au nei se tagata e mataku ki te Atua, tela la, ka fakasao ne au koutou mafai e fai ne koutou te fakatonuga tenei, 19e fakatalitonu foki ei i a koutou ne tino amio 'lei. Ka nofo se tino e tokotasi mai i a koutou i te falepuipui i konei, kae foki atu koutou kona e toe mo saito konei ko oti ne togi ne koutou, ki otou kaiga 'mate fia'kai. 20Ko o'mai ei koutou mo te otou toekimuli ki a au. Ka fakamaonia ei i otou fakamatalaga e tonu, kae ka se tamate ei ne au koutou.”
Ne 'loto latou ki te fuafuaga a Iosefa, 21tela ne faipati aka ei latou i a latou eiloa penei, “Ko puapuagatia tatou ona ko te mea ne fai ne tatou ki te tou taina. Ne matea ne tatou tena fakaalofa i te taimi ne fakamolemole mai ei a ia, kae ne seki faka'logo eiloa tatou ki tena fakamolemole. Tena te mea ko maua ei tatou ne te fakalavelave tenei.”
22 #
Kene 37.21,22 Muna a Leupena, “Ne fai atu eiloa a au ke sa faigina se mea ki a Iosefa, kae seki fakalogo eiloa koutou. Tenei la, ko oko mai ki a tatou te taui o tena mate.” 23A Iosefa e malamalama faeloa i olotou pati kola e fai, kae se iloa eiloa ne latou, me i olotou pati e fai ki a Iosefa, e fakamatala ki te gana Aikupito ne te tagata fakamatala pati. 24Ne tiakina ne Iosefa latou o fano o tagi. I te taimi ko tai noga ei te tagi o Iosefa, ka ko maua foki ne ia o toe faipati, tela ne toe foki atu ei a ia ki ona taina. Ne fili ne ia a Simeona ke nofo, tela ne pikifao ei i olotou mua.
Ko Foki atu a Taina o Iosefa ki Kanana
25Ne fai te fakatonuga a Iosefa, ke fakafonu a taga a ona taina ki saito, fao atu foki mo olotou tupe ki olotou taga, kae fakatoka foki ne meakai mo olotou kai i te olotou auala. Ne fai eiloa te fakatonuga tena. 26Ne fakauta a asini a tautaina kona ki saito ko oti ne togi ne latou, te mea eiloa ko olo. 27I te koga ne manava ei latou o moe i te po tena, ne tala aka te sake a te tino e tokotasi i a latou o fagai tena asini, matea ei ne ia tena taga tupe e tafa eiloa ki luga. 28Ne kalaga atu a ia ki ona taina penei, “A taku tupe tenei ne fakafoki mai, tenei i loto i taku taga!” Ne oko ifo ki a latou te mataku tela ne fakatau fesilisili ei latou penei, “Se a te mea tenei ko fai ne te Atua ki a tatou?”
29I te okoatuga o latou ki te lotou tamana ko Iakopo, i te fenua o Kanana, ne fakamatala atu ei ne latou a mea katoa kola ne tupu, e penei olotou fakamatalaga: 30“A te kovana o Aikupito ne faipati mo te leo lasi ki a matou, kae lou ne ia i a matou ne sipai. 31Ne tali atu matou penei, ‘A matou se ne sipai; a matou ne tino amio 'lei. 32A matou ne tautaina, e tinogafulu mo te tokolua, ko tama a te tagata e tokotasi. E tokotasi te motou taina ko mate ka ko te toekimuli tela e nofo mo te motou tamana i Kanana.’ 33Ne tali mai te kovana tena penei, ‘Tenei te faiga e fakatalitonu ei ne au i a koutou ne tino amio 'lei: ka nofo se tino tokotasi o koutou, ka ko koutou ka foki atu mo saito ki otou kaiga ko mate fiakai. 34Aumai te otou toekimuli ki a au, ka iloa ei ne au i a koutou se ne sipai kae ne tino amio 'lei. Ka toetuku atu ne au te otou taina, kae ka talia foki ne au ke nofo koutou i konei o fai mea togi.’ ”
35Tena, i te ligiga o olotou taga saito ki lalo, maua ei ne latou olotou taga tupe e to mai i loto i olotou taga. I te mateaga ne latou a tupe, tena ne mataku ei latou, e pena foki a te lotou tamana ko Iakopo. 36Muna a te lotou tamana ki a latou penei, “A koutou e manako ke palele katoa aku tamaliki? Iosefa ko galo atu; e pena foki Simeona, kae nei ko manako foki koutou o ave keatea a Peniamina. Ko oko eiloa toku puapuaga!”
37Muna Leupena ki tena tamana, “Kafai e se fakafoki mai ne au a Peniamina, e mafai ne koe o tamate aku tama tagata kona e tokolua. Tuku mai Peniamina ke tausi ne au, kae ka fakafoki mai eiloa ne au.”
38Kae fai mai Iakopo penei, “E se mafai o talia ne au ke olo koutou mo taku tama; a tena taina ko oti ne mate, kae ko ia fua tenei e toe mai. Kafai e tupu se mea ki a ia mafai e olo mo koutou, kaati la e mate eiloa au i toku fanoanoa, i a au foki la ko matua eiloa.”
Избрани в момента:
KENESE 42: Tusi Tapu
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific
KENESE 42
42
Ko Olo atu a Taina o Iosefa o Togi Saito i Aikupito
1I te logoga a Iakopo me e isi ne saito i Aikupito, ne fai atu a ia ki ana tama tagata penei, “Ai a e se taumafai ei koutou o gasue aka? 2#7.12Au ne logo me e isi ne saito i Aikupito. Olo nei ki Aikupito o togi mai ne saito ma tatou, ke mo a tatou e mate i te fia'kai.” 3Tela ne ma'laga atu ei a taina o Iosefa kola e tinogafulu ki Aikupito, o togi mai ne saito. 4Ka ko Peniamina, te taina tonu o Iosefa, e seki tuku ke fano, i a Iakopo e mataku i te mea ma tupu se mea ki a ia.
5Ne ma'laga fakatasi a tama a Iakopo mo nisi tino, o togi saito, me i te fenua o Kanana ko poko katoa i te oge. 6Ona ko Iosefa ko te kovana o Aikupito, tela la, e togi atu eiloa ne ia a saito ki tino katoa mai fenua valevale. Ne o'mai a taina o Iosefa, ifo atu i ona mua mo olotou mata e patele ki te one. 7I te kiloatuga o Iosefa, matea eiloa ne ia me ko ana taina, kae ne fai eiloa ana mea pela me e seiloa ne ia latou. Ne fesili atu a ia ki a latou mo te leo lasi penei, “Koutou ne o'mai mai fea?”
Muna latou, “Matou ne o'mai mai Kanana o togi mea 'kai.”
8E ui eiloa e matea ne Iosefa ona taina, ka ko latou e se matea eiloa ne latou a Iosefa. 9#Kene 37.5-10Ne masaua ne Iosefa ana miti si fai sale e uiga ki a latou, tela ne fai atu ei penei, “A koutou nei ne sipai; a koutou nei ne o'mai o alamati ki te feitu tela e vaivai ei te malo o matou.”
10Muna latou penei, “Ikai, tou malu. Matou nei ne o'mai e pela me ne tavini a koe, o togi meakai. 11A matou nei ne tautaina katoa. Tou malu, a matou e se ne sipai; a matou ne tino amio 'lei.”
12Muna Iosefa, “Ikai, a koutou nei ne o'mai o alamati te feitu e vaivai ei te motou fenua.”
13Muna latou, “Tou malu eiloa, a matou muamua e tinogafulu mo te tokolua tautaina, tamaliki a te tagata e tokotasi. E tokotasi te taina o matou ko mate, ka ko te toekimuli o matou tela e nofo mo te motou tamana.”
14Muna Iosefa, “E tonu eiloa aku muna ne fai atu; a koutou ne sipai.” 15Tenei te faiga ka tofotofo ei ne au koutou; au e tauto i te igoa o te tupu me e se mafai o tuku atu ne au koutou ke olo, mafai e se oko mai ki konei te otou taina foliki eiloa. 16E tau se tino i a koutou o fano o puke mai te otou toekimuli. Ka ko te toega o koutou ka tausi i te falepuipui ke oko eiloa ki te taimi e fakamaoni ei te otou fakamatalaga tena. Me kafai e iloa ake me seai se otou taina foliki, ko iloa tonu ei ne au i a koutou ne sipai.” 17Tela ne tuku ei ne ia latou i te falepuipui i aso e tolu.
18I te tolu o aso, ne faipati atu ei a Iosefa ki a latou penei, “Au nei se tagata e mataku ki te Atua, tela la, ka fakasao ne au koutou mafai e fai ne koutou te fakatonuga tenei, 19e fakatalitonu foki ei i a koutou ne tino amio 'lei. Ka nofo se tino e tokotasi mai i a koutou i te falepuipui i konei, kae foki atu koutou kona e toe mo saito konei ko oti ne togi ne koutou, ki otou kaiga 'mate fia'kai. 20Ko o'mai ei koutou mo te otou toekimuli ki a au. Ka fakamaonia ei i otou fakamatalaga e tonu, kae ka se tamate ei ne au koutou.”
Ne 'loto latou ki te fuafuaga a Iosefa, 21tela ne faipati aka ei latou i a latou eiloa penei, “Ko puapuagatia tatou ona ko te mea ne fai ne tatou ki te tou taina. Ne matea ne tatou tena fakaalofa i te taimi ne fakamolemole mai ei a ia, kae ne seki faka'logo eiloa tatou ki tena fakamolemole. Tena te mea ko maua ei tatou ne te fakalavelave tenei.”
22 #
Kene 37.21,22 Muna a Leupena, “Ne fai atu eiloa a au ke sa faigina se mea ki a Iosefa, kae seki fakalogo eiloa koutou. Tenei la, ko oko mai ki a tatou te taui o tena mate.” 23A Iosefa e malamalama faeloa i olotou pati kola e fai, kae se iloa eiloa ne latou, me i olotou pati e fai ki a Iosefa, e fakamatala ki te gana Aikupito ne te tagata fakamatala pati. 24Ne tiakina ne Iosefa latou o fano o tagi. I te taimi ko tai noga ei te tagi o Iosefa, ka ko maua foki ne ia o toe faipati, tela ne toe foki atu ei a ia ki ona taina. Ne fili ne ia a Simeona ke nofo, tela ne pikifao ei i olotou mua.
Ko Foki atu a Taina o Iosefa ki Kanana
25Ne fai te fakatonuga a Iosefa, ke fakafonu a taga a ona taina ki saito, fao atu foki mo olotou tupe ki olotou taga, kae fakatoka foki ne meakai mo olotou kai i te olotou auala. Ne fai eiloa te fakatonuga tena. 26Ne fakauta a asini a tautaina kona ki saito ko oti ne togi ne latou, te mea eiloa ko olo. 27I te koga ne manava ei latou o moe i te po tena, ne tala aka te sake a te tino e tokotasi i a latou o fagai tena asini, matea ei ne ia tena taga tupe e tafa eiloa ki luga. 28Ne kalaga atu a ia ki ona taina penei, “A taku tupe tenei ne fakafoki mai, tenei i loto i taku taga!” Ne oko ifo ki a latou te mataku tela ne fakatau fesilisili ei latou penei, “Se a te mea tenei ko fai ne te Atua ki a tatou?”
29I te okoatuga o latou ki te lotou tamana ko Iakopo, i te fenua o Kanana, ne fakamatala atu ei ne latou a mea katoa kola ne tupu, e penei olotou fakamatalaga: 30“A te kovana o Aikupito ne faipati mo te leo lasi ki a matou, kae lou ne ia i a matou ne sipai. 31Ne tali atu matou penei, ‘A matou se ne sipai; a matou ne tino amio 'lei. 32A matou ne tautaina, e tinogafulu mo te tokolua, ko tama a te tagata e tokotasi. E tokotasi te motou taina ko mate ka ko te toekimuli tela e nofo mo te motou tamana i Kanana.’ 33Ne tali mai te kovana tena penei, ‘Tenei te faiga e fakatalitonu ei ne au i a koutou ne tino amio 'lei: ka nofo se tino tokotasi o koutou, ka ko koutou ka foki atu mo saito ki otou kaiga ko mate fiakai. 34Aumai te otou toekimuli ki a au, ka iloa ei ne au i a koutou se ne sipai kae ne tino amio 'lei. Ka toetuku atu ne au te otou taina, kae ka talia foki ne au ke nofo koutou i konei o fai mea togi.’ ”
35Tena, i te ligiga o olotou taga saito ki lalo, maua ei ne latou olotou taga tupe e to mai i loto i olotou taga. I te mateaga ne latou a tupe, tena ne mataku ei latou, e pena foki a te lotou tamana ko Iakopo. 36Muna a te lotou tamana ki a latou penei, “A koutou e manako ke palele katoa aku tamaliki? Iosefa ko galo atu; e pena foki Simeona, kae nei ko manako foki koutou o ave keatea a Peniamina. Ko oko eiloa toku puapuaga!”
37Muna Leupena ki tena tamana, “Kafai e se fakafoki mai ne au a Peniamina, e mafai ne koe o tamate aku tama tagata kona e tokolua. Tuku mai Peniamina ke tausi ne au, kae ka fakafoki mai eiloa ne au.”
38Kae fai mai Iakopo penei, “E se mafai o talia ne au ke olo koutou mo taku tama; a tena taina ko oti ne mate, kae ko ia fua tenei e toe mai. Kafai e tupu se mea ki a ia mafai e olo mo koutou, kaati la e mate eiloa au i toku fanoanoa, i a au foki la ko matua eiloa.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tuvalu Revised Bible © Bible Society in the South Pacific