Yohane BƆ OLI MOA
BƆ OLI MOA
Ahyerɛlɛ Krongron nimdeɛfoɛ biemɔ dedi kyɛ Yesu suaniɛ Yohane yeɛ ɔhyerɛle sɔ nwomaa he ɔ. Yohane te suaniɛ bɔ né Yesu kuro ye dwirɛ paa ɔ. (Yoh 20.24; 21.20-24).
Yohane nzɛmba ne kyire kyɛ Yesu ole Kristo ne, Nyameɛ Awa ne; na ebiala bɔ okole ye koli ne konya daa ngoa (Yoh 20.31).
Yohane le Nyameɛ Dwirɛ bɔ ɔwɔ berɛ afebɔɔ ne yeɛ ɔbɔ ye nzɛmba ne bo ɔ. Ɔkɔ so kyire kyɛ Nyameɛ Dwirɛ ne ole Yesu; na né ɔne Nyameɛ yeɛ bɛwɔ berɛ koraa yeɛ bɛbaabɔ wiase ɔ; na Edwirɛ ne ɔɔyɛle kuro sona ɔne yɛ ɔɔtenane (Yoh 1.44).
Nwomaa he ka nzɛngyerɛnneɛ ahoroɔ nwo dwirɛ bɔ okyire kyɛ Yesu ole Ngoadefoɛ ne ɔ. Ɛhe mane ebiemɔ lele Yesu lili, na ebiemɔ koso de, banne ye banni.
Yohane nzɛmba ne anu ngome yeɛ yɛkenga braa bɔ bɛhyele ye kyɛ wabɔ adwaman ne nwo dwirɛ ɔ (Yoh 8.1-11); ofikyɛ sɔ dwirɛ ne nne tete Ahyerɛlɛ Krongron bɔ bɛfale bɛ sa bɛhyerɛle ne biemɔ nu.
Yohane nzɛmba ne ka daa ngoa bɔ ɔnate Yesu adom so yɛnya ne nwo dwirɛ paa. Ɔte adom bɔ ebiala bɔ ode to nu kyɛ Yesu ole “atee ne, nahorɛ ne ɔne ngoa ne” onya ɔ. Na ebiala ngora ngɔ Baba ne berɛ, sana ɔnate Yesu so (Yoh 14.6).
Nwomaa n’ayieleɛ ne kyire kyɛ Yesu kuro ye asuafoɛ ne dwirɛ paa; otu bɛ foɛ, na ɔhyɛ bɛ nguraen kyɛ bɛyɛ ko, na begyina pindinn; ofikyɛ ɔbaayakyi bɛ berɛ kɔ ye Baba dɔ. Afei osa ka Yesu amaneɛnwunɛ, ye wutingyelɛ, ɔne ye nwo ali bɔ ɔye hyirele mmenia pee nwo dwirɛ.
Nu Dwirɛ
Bɔ oli moa 1.1-18
Asubɔlɛniɛ Yohane ne Yesu asuafoɛ bɔ beli moa ne 1.19-51
Yesu badwa nu nnwumaa 2.1—12.50
Yesu di ye ngyẽa bɔ oli ayieleɛ ne wɔ Yerusalem ne ye mbɔtam 13.1—19.42
Yesu wutingyelɛ ne ye nwo aliyelɛ 20.1-31
Ayieleɛ: ye nwo aliyelɛ bieku wɔ Galilea 21.1-25
Избрани в момента:
Yohane BƆ OLI MOA: EBP
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Esahie Bible © Bible Society of Ghana, 2018.