MATHIUS, NOPUKU AFASAO SORE, 8.
NOPUKU AFASAO SORE, 8.
1NOPOGERA aia nifanifo iraro taora, tagata nalupai su niroro wamuri aia.
2Neicitia, tasi tatane leprose nimai ma nimori iateia, nokoutucua, Teriki sore, pe akoi acitiafakarafia, akoi tomatua penpena avau.
3Iesu nifakatonusia tshana rima, nitofia aia, nokoutucua, Avau acitiafakarafia; penpena akoi. Ma melowa tshana leprose neipenpena erefia.
4Iesu neitucage iateia, Fatshigeia akoi natshicina koutucua takou tasi, kaia fano tshou retu keitucage tatane tapu, ma kavatu takavari hepe Moses nifakairo iateia, keifakairo iacre.
5¶ Nopogera Iesu nifano Kaperneum, iai nimai iateia tasi Senturio, nogia mukei aia.
6Nokoutucua, Teriki sore, tshaku fitshicau nimoy watakoro komace o ta palse, aia komace sore.
7Iesu neitucage iateia, Avau kanatu keipenpena aia.
8Ta Senturio nifaso neitucage, Teriki avau jimra erefia pe akoi komai efare tshaku; kaia pe akoi koutucua tafasao ana, tshaku fiitshicau kapenpena.
9Ma avau tatane fakarogona afasao o aia ta sore, nokomna tagata kotaia tagata keifakarogona tshaku fasao, ma avau koutucua tatane nei Fano, ma aia kofano; ia tasi foci komai ma aia komai.
10Iai Iesu nifakarogona, tira, aia nimasaro, neitucage acre wamuri aia, Tamari avau koutucua iacowa, Avau secitia fakarogrogo sore hepera, jimra, jimra ia tagata o Isreil.
11Avau katucua iacowa, Pe nalupai tagata kamai ia fanua itata tara konace ma kofanifo, ma acre kanofo ia Ebraham, ma Aisak, ma Jekob ia tavaka o taragi;
12Kaia erecriki o ta vaka fakarerece acre watafa ia apouri sore; iai acre katagi ma kamagiugio aniforea.
13Iesu neitucage ia ta senturio, Fano tshou retu; ma hepe akoi nifakarogrogo avau, ane kamai iatakoi. Ma tshana fitshicau neipenpena ia our tira.
14¶ Nopegera Iesu nimai efare o Pitrus, aia neicitia nana o tshana nanahune nimoi ma komace o mukaligi.
15Aia nitofia tshana norima ma tamace mukaligi nagke aia, ma aia nimasike fitshicau mare.
16¶ Iai fiafi nimai, acre niarafia iateia tagata nalupia agelo isa neinofo iacre, aia neisegeake agelo isa ia tshanafasao, ma neipenpena acre iotshi nimace.
17Anira nimai hepe neisereace ia Aisea ta proteta, nokoutucua aia ma niamo tshote ataru, ma fecetshia kace tshote amace.
18¶ Nopogera Iesu neicitia tagata nalupai su kofori aia, aia nifakairo keifeke koutina ia nofokagi.
19Tasi tatane nifakairo nimai, neitucage ia aia, Teriki avau kamurikatu akoi ia none iotshi akoi kafano iai.
20Iesu neitucage iateia, Ta akuli eiro nakamo arua tshare, ma amanu o tagerakou nakamo afare manu tshare; kaia ta Nontariki o tagata seamo none wehe keinagi tshana nouru.
21Tasi foci o niana tagata aia nifakairo neitucage iateia, Teriki sore, erefia avau fano mokagi ma tanumea tshaku tata.
22Kaia Iesu neitucage iateia, Komai muri avau, erefia tagata mate tanumea tshare tagata mate.
23¶ Wamuri aia nisopokace ia tavaka, niana tagata aia nifakairo nisopokace wamuri aia.
24Ma neicitia iai, tumtagi sore su nimai iai ia tatai, pe apiau nifatshikace ia tavaka; kaia aia nimero.
25Niana tagata aia nifakairo nimai iateia, nifagona aia, nokoutucua, Teriki sore kapare acime, acitia kamate.
26Aia neitucage iacre, Tiaha acowa kumtacu sore, acowa fakarogrogo sisi avau? Iai aia nimasike neiseciria atumtagia ma tatai; iai nimarino sore.
27Kaia takou iai nimasaro, nokoutucua, Taha tatane tenei, pe tumtagi ma tatai nifakarogono tshan afasao!
28¶ Nopogera aia nimai iai ia fanua o tagata Cercesia, iai nifapa aia erua tatane agelo isa neinofo iacrawa, acrawa niroce watafa tupunaga tanumea tagata iai, acrawa fakoko isa, tagatotshi seroro ia teretu tira.
29Neicitia, acrawa nitapa fakapalo, nokoutucua, Taha acime neimna iatakoi, Iesu akoi Nontariki o Atua? Akoi komai icunei keitakaro iai acime mokagi taha nopoge iateia, mo jimra?
30Papai iai ia acre apakasi nalupia su nokororo nokokai.
31Agelo isa nifakowia mukei aia, nokoutucua, Pe akoi kasigiake acime, erefia acime keiroro ia apakasi.
32Aia neitucage iacre, Roro, Iai acre niroce watafa tatane, acre niroro ia apakasi, neicitia acreiotshi apakasi iai nifura milowa egosa ia tatai, nikero ia avai.
33Acre niarafia acre apakasi iai nifura, niroro ia aretu tshare ia tumrai sore, neitucua ane iotshira, ma taha aia neimna ia acre agelo isa neinofo iateia.
34Neicitia iai, tagatotshi o tumrai sore niromai watafa keitapa Iesu, iai acre neicitia aia, acre neinogia aia mukei keifeke watafa tshare afanua wateriari.
Избрани в момента:
MATHIUS, NOPUKU AFASAO SORE, 8.: ANT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте